Новости за 29.05.2023

Türkmenistanly bir daşky gurşaw hünärmeni Hazar deňziniň suwunyň derejesiniň soňky ýyllarda 35-40 sm töweregi peselendigini, bu ýagdaýyň hünärmenleriň arasynda alada döredýändigini aýdýar. Hazaryň ýakasynda ýerleşýän Awaza etrabynyň syýahatçylyk desgalarynyň birnäçe işgäri deňziň suwunyň geçen ýyllar bilen deňeşdirilende 25 metrden 50 metre çenli çekilendigini aýdýarlar. Deňiz suwunyň çekilmegi bilen, plýažlaryň tutýan meýdany giňeýär. Ýerli ýaşaýjylar öz gözleriniň öňünde giňäp barýan plýažlary görüp geň galýarlar. Читать дальше...

Aşgabadyň polisiýasy soňky birnäçe günüň dowamynda paýtagtyň gijeki klublarynda reýd geçirdi. Şeýle hem paýtagtda kafeleriň we restoranlaryň iş wagty çäklendirildi, çäklendirmeler azyk eltip berýän hyzmatlar-da täsir etdi. Hepdäniň dowamynda "Hoşal", "Aşgabat", "Paytagt", "Lemon" ýaly birnäçe klubda reýd geçirildi. Azatlygyň Aşgabatdaky habarçysynyň we çeşmeleriniň maglumatlaryna görä, barlaglar 24-nji maýda başlandyr. Polisiýa we gözegçilik edaralary özleriniň "ýokardaky buýruklara" laýyklykda hereket edýändiklerini aýdypdyr. Читать дальше...

Marynyň Baýramaly etrabynyň geňeşliklerinde prokuratura hususy hojalyklaryň ýyladyşhanalarynda gaz ölçeýji abzallaryň oturdylyp-oturdylmandygyny barlaýar, şeýle-de geçen ýyllarda edilen tölegleri içginden seljerýär. Bu sebitiň käbir gaz işgärleriniň ýyladyşhana eýeleri bilen dildüwşüge girip, mümkin bidüzgünçiliklere ýol açandygy bilen bagly geçirilýän derňewleriň çäginde amal edilýär. “Sebitiň hususy hojalyklary, goşmaça töleglerden gaçyp, ýyladyşhanalaryna gaz ölçeýjilerini oturtman gelýärdiler. Читать дальше...

Şu günler Lebap welaýatynda orta mekdepleriň uçurymlary harby gulluga çagyrylyp başlandy. Bu barada Azatlyk Radiosynyň habarçysy 29-njy maýda sebitden maglumat berdi. Harby gulluga çagyryşyň ýazky möwsüminiň dowamynda 18 ýaşyny doldurýan ähli erkek raýatlar gulluk borjuny ýerine ýetirmäge çagyrylýarlar. Türkmenistanda 18 ýaşdan 27 ýaşa çenli bolan erkek raýatlar üçin ýylda iki gezek, 1-nji aprel – 31-njy iýun aralygynda, hem-de 1-nji oktýabr – 31-nji dekabr aralygynda, harby gulluga çagyryş möwsümi yglan edilýär. Читать дальше...

Belarusyň awtoritar hökümdary Aleksandr Lukaşenka eger islendik başga ýurt Russiýa-Belarus bileleşigine goşulmak islese, bu ýerde "her kimiň ýadro ýaragynyň" bolup biljekdigini aýtdy. Russiýa geçen hepde Belarusda taktiki ýadro ýaraglaryny ýerleşdirmek plany boýunça çäre gördi. Bu Kremliň şeýle ýaraglary Russiýanyň daşynda 1991-nji ýyldan bäri ilkinji gezek ýerleşdirmegi bolup, Günbatarda alada döretdi. Russiýanyň goňşularynyň arasynda prezident Wladimir Putiniň iň ýakyn ýarany bolan Lukaşenka... Читать дальше...

Türkmenistanyň Halk maslahatynyň başlygy Gurbanguly Berdimuhamedow ýakyn günlerde Eýrana sapar eder diýip, türkmen mediasy habar berýär. “Watan” habarlarynyň maglumatyna görä, Eýranyň prezidenti Seýed Ebrahim Raisi Berdimuhamedowa Türkmenistanyň Konstitusiýasynyň we Döwlet baýdagynyň güni mynasybetli iberen gutlag hatynda onuň saparyna sabyrsyzlyk bilen garaşýandygyny aýtdy. Tähranda geçiriljek duşuşykda syýasy, ykdysady we medeni ulgamlardaky hyzmatdaşlygyň dürli ugurlarynyň ara alnyp maslahatlaşylmagyna garaşylýar. Читать дальше...

Ak tam we Kongresdäki respublikan wekilleri milli bergileriň çägini ýokarlandyrmak we býujet meseleleri boýunça prinsipde ylalaşyga geldiler. Bu habar altynjy gün agşamy Wekiller öýüniň başlygy, respublikan Kewin Makkarti we prezident Jo Baýden tarapyndan yglan edildi. Kongres gazanylan ylalaşygy indiki hepdä çenli kanuny taýdan resmileşdirmeli bolar. Eger-de ylalaşyk gazanylmadyk bolsa, hünärmenleriň pikiriçe, ABŞ bütin dünýäniň ykdysadyýetine täsir edip biljek defolt bilen ýüzbe-ýüz bolardy.... Читать дальше...

Türkiýäniň prezidenti Rejep Taýyp Erdogan 28-nji maýda geçirilen saýlawlarda ýigrimi ýyllyk dolandyryş möhletini ýene bir gezek uzaltdy. Munuň bilen, ol özüniň Türkiýäni iki bölýän we ýurduň sebitdäki harby güýç hökmündäki pozisiýasyny güýçlendiren barha awtoritarlaşýan syýasatyny dowam etdirmek üçin ygtyýarlyk aldy. Onuň saýlaw bäsdeşi Kemal Kylyçdaroglu bu ses berişligi "soňky ýyllaryň iň adalatsyz saýlawy" diýip atlandyrdy, ýöne onuň netijesini sorag astyna almady. Resmi netijeler Kylyçdaroglunyň sesleriň 47,9%-ini... Читать дальше...