Новости за 04.07.2019

Кыргызстанда парламенттин мурдагы он бир төрагасынан турган Спикерлер кеңеши өлкөдөгү акыркы саясий кырдаал боюнча билдирүү таратты. Анда мурдагы президент Алмазбек Атамбаевге мыйзамды сыйлоого, мыйзам алдында баары бирдей экенин унутпоого чакырык ташталган.

Европа Биримдигинин (ЕБ) тышкы саясат боюнча жогорку өкүлү Федерика Могерини эл аралык кызматташтык жана өнүгүү боюнча Европа комиссары Невен Мимица менен чогуу билдирүү жасашты. Алар Евробиримдиктин Борбор Азия өлкөлөрү менен мамилесинин келечеги тууралуу пикирин айтышты. 4-июлда чыккан билдирүү жылдык «Евробиримдик – Борбор Азия» форматындагы жолугушуунун алдында жарыяланды. Тышкы иштер министрлеринин деңгээлиндеги бул жолугушуу 6-7-июлда Бишкекте өтөт. Биргелешкен билдирүүдө « ЕБ Борбор Азия өлкөлөрүнүн социалдык... Читать дальше...

Тарых музейин оңдоодогу коррупция боюнча сот жараяны жүрүп жатат.

Кыргызстанда мурдагы спикерлердин кеңеши бүгүн, 4-июлда өлкөдөгү акыркы саясий кырдаал боюнча билдирүү таратты. Анда парламенттин мурдагы төрагалары Медеткан Шеримкулов, Алмамбет Матубраимов, Мукар Чолпонбаев, Абдыганы Эркебаев, Алтай Бөрүбаев, Муратбек Мукашев, Марат Султанов, Айтибай Тагаев, Зайнидин Курманов, Исхак Масалиев, Акматбек Келдибековдун ысымдары жазылган.  Билдирүүдө азыркы саясий абал коомчулукта тынчсыздануу жаратып жатканы, анын башкы себептеринин бири коррупцияга каршы күрөш экени айтылат. Читать дальше...

Араван районунда жети киши "кутурган ит тиштеп алган" деген шек менен ооруканага жаткырылды. Он күн мурда аймакта кутурма боюнча дагы бир учур катталган. Буга байланыштуу райондо кутурма оорусун чектөө боюнча штаб түзүлдү.

Ирандын президенти өзөктүк келишимге кол койгон өнөктөш өлкөлөргө эскертүү жасады. Грузиянын баш калаасы Тбилисиде эки жумадан бери өкмөткө каршы нааразылык акциялар токтой элек. Өлкөнүн эгемен тарыхында биринчи жолу элди аттуу-баштуу саясатчылар эмес, жарандык коомдун өкүлдөрү баштап чыгышты. Минскиде эгемендик майрамында салют атылып жатканда бир аял каза болуп, бери дегенде сегиз киши жабыркады.

Кыргыз өкмөтүнүн Чүй облустук өкүлчүлүгүнүн аппарат башчысы Молдакун Абдылдаевдин үй-бүлөсү менен сууга агып, мерт болушу өлкөдөгү жол коопсуздугу маселесин дагы көтөрдү.

Президент Хасан Роухани Иран уранды байытууга киргизилген чектөөлөрдү сактабай турганын билдирди. Бул чектөөлөр тиешелүү эл аралык макулдашуулар менен киргизилген болчу. Ирандын лидери АКШны өзөктүк макулдашууну кайрадан таанууга чакырды. Бул макулдашуунун алкагында Тегеран уранды байытууну токтото турууга убада берген болчу. Роуханинин айтымында, Иран уранды каалаган чекте көбөйтө берет. Бирок Вашингтон менен макулдашууга жетишсе, «бир сааттын ичинде токтото турганын», ошондуктан эл аралык коомчулук тынчсызданбай эле койсо болоорун айтты. Читать дальше...

Конституциялык палата Жогорку Кеңештеги КСДП фракциясынын мүчөлөрү, депутаттар Ирина Карамушкина, Карамат Орозова жана Асел Кодуранованын кайрылуусун өндүрүшкө ала элек. Бул тууралуу “Азаттыкка” палатанын басма сөз кызматы билдирди. Маалыматка караганда, эл өкүлдөрүнүн кайрылуусу Конституциялык палатага келип түшкөн жана каттоого алынган. Соттордун коллегиясына жөнөтүлгөн. Азырынча кайрылууну өндүрүшкө алуу же баш тартуу боюнча Конституциялык палата чечим чыгара элек. Аты аталган депутаттар баштаган... Читать дальше...

Жалал-Абад облусуна караштуу Ала-Бука районунда жашаган программист агай Зиодхан Атаходжаев элеттеги элге үйдө отуруп, каалаган багытта иш алып барууга үндөп келет. Ал дүйнөдө популярдуу болуп бараткан программалоонун питон тилин кыргызчага которуп, китеп кылып чыгарып, мектеп окуучуларына үйрөтүп келет.

Эркиндикти баалаган Гонконг эли. Кылмышка шектүүлөрдү Кытайга өткөрүп берүүгө жол ачкан мыйзам долбооруна каршы жүрүшкө чыккандар эки миллионго жетти. Кытайдагы кайра тарбиялоо лагерлери. Укук коргоо уюмдары Шиңжаңдагы мусулмандар, анын ичинде кыргыздар дале азаптан арыла электигин билдирип келишет.

Дүйнөгө спорт кийимдери менен таанымал "Найк" фирмасы АКШнын желегинин алгачкы үлгүсүнүн сүрөтү түшүрүлгөн бут кийимдерди сатыкка чыгарбай калды.

Өзбекстанда президент Шавкат Мирзиёевдин буйругу менен кызматтан бошотулуп, кылмыш иши боюнча камакка алынган мурунку башкы прокурор Отабек Муродов үй камагына чыгарылды.

Камила Дүйшөбаеванын өлүмүнө байланыштуу козголгон кылмыш иште аты аталып келген Калыйбек Элтуйбасов (Салянов) жана анын үй-бүлөсү АКШдан баш калка алды. Муну анын Кыргызстандагы туугандары «Азаттыкка» ырасташты. Биздин колубузга тийген документтерге караганда, АКШнын Иммиграциялык соту аны «куугунтук курмандыгы» деп тапкан. АКШнын ачык булактарынан алынган маалыматка караганда, Элтуйбасовдун өтүнүчүн Миссури штатынын соту караган. «Сот кайрылган адамдын саясий көз карашына байланыштуу ал келечекте... Читать дальше...

Казакстандын экс-президентинин улуу кызы Дарига Назарбаева 2000-жылдан бери австриялык банктарда ачылган эсептерди колдонуп келатат. Бул тууралуу «Евразия демократиялык демилгеси» эл аралык уюму (Eurasia Democracy Initiative, EDI) билдирди. Аталган уюм мурдагы СССРге кирген өлкөлөрдөгү өткөөл процесстерди изилдейт. Бул эсептердин бир бөлүгү Назарбаевага таандык, калганын Дарига мурдагы күйөөсү Рахат Алиев менен чогуу колдонгон. Австриялык тергөөчүлөрдүн маалыматы боюнча, бул эсептер аркылуу миллиондогон доллар өткөн. Читать дальше...

Президент Сооронбай Жээнбеков Баткен районунун жана Баткен шаарынын тургундары менен 4-июлда жолуккан учурда аларды ар кандай чагымчылдыкка алдырбоого чакырды. Бул тууралуу мамлекет башчы чек ара маселеси боюнча сүйлөп жатып билдирди. - Чек аранын бекем болушу ушул жерде жашаган элдин кайраты, майтарылбас эрки менен шартталат. Баткен районундагы негизги көйгөй - бул чек ара маселеси. Ошондуктан чек араны бекемдөөгө өзгөчө көӊүл буруп жатабыз, - деди Жээнбеков. Ал чек ара маселесин чечүү жеңил эмес экенин... Читать дальше...

4-июлда Путин Италиянын президенти Сержо Маттарелла жана премьер-министри Жузеппе Конте менен сүйлөшүүлөрдү жүргүзөт. Орусиянын лидери НАТОго жана Евробиримдикке мүчө болгон Италия менен экономикалык байланышты бекемдөөгө умтулуп жатат. Ошондой эле Путин Ватиканда Рим папасы менен жолугушат. ТАСС агенттигиндеги маегинде Жузеппе Конте буларды айтты: - Мени былтыр октябрда Москвада абдан жылуу тосуп алышкан. Ошол меймандостук үчүн жооп кайтаруу мүмкүнчүлүгү пайда болду. Эки тараптуу мамилелерди жана аларды жакшыртуунун жолдорун талкуулайбыз. Читать дальше...

Жалал-Абад шаарынын мэри Мураталы Тагаев калаанын бир тургунун «сабап койгону» тууралуу маалыматты милиция иликтей баштады.    Облустук ички иштер башкармалыгынын басма сөз кызматы билдиргендей, жабыркаган адам окуя тууралуу оозеки айткан, арыз жазган жок.  Окуя Кылмыштар менен жоруктардын бирдиктүү реестрине 3-июлда факт катары катталып, Жазык кодексинин «Ээнбаштык» беренеси менен териштирүү жүргүзүлүүдө. Жалал-Абад мэриясынын басма сөз кызматы буга кийинчерээк комментарий берилерин билдирди. Читать дальше...

Орусиянын президенти Владимир Путин италиялык «Corriere della Sera» гезитиндеги маегинде «2024-жылы саясаттан кетесизби?» деген суроого жооп берген жок. Беш жылдан кийин Путиндин президенттик мөөнөтү бүтөт. «Азырынча бул тууралуу сөз кылуу эрте. Ушул тапта президенттик кызматта жасачу иштер көп», - деп айтты Путин. Буга чейин Путин мураскору тууралуу 2000-жылдан бери ойлонуп келатканын мойнуна алган. Бирок, президенттин айтымында, Орусия – демократиялык өлкө. «Ошондуктан мураскорумду шайлоонун жыйынтыктары гана аныктайт», - деген Путин. Читать дальше...

Гибралтардын бийлиги Евробиримдиктин санкцияларын бузуп, Сирияга чийки мунай ташып баратат деген шек менен «Grace 1» аттуу танкер кармалганын билдирди. Танкер Панаманын желеги алдында бараткан. Кеме мунайды Сириядагы «Баниас» аттуу мунай иштетүүчү заводго жеткирип бараткан деп шек саналып жатат. Бул заводго Европа Биримдиги жана АКШ санкция киргизген. «Reuters» өз булактарына таянып кабарлагандай, мунай Ирандан жиберилген болушу мүмкүн. «Grace 1» - бул сингапурдук компания башкарган, салмагы 300 миң тоннага жеткен... Читать дальше...

Орусиянын коргоо министри Сергей Шойгу 4-июлда президент Владимир Путинге суу алдындагы кемедеги 14 деңизчинин өмүрүн алган өрт аккумулятордук жерпайда чыкканын айтты: - Кырсыктын негизги себеби аныкталды – өрт аккумулятордук жерпайда чыгып, андан ары жайылып кеткен.  Шойгу өрт чыккан кеме калыбына келтириле турганын кошумчалады: - Суу алдындагы кемени калыбына келтирүү мөөнөтүн, бул жумуштардын көлөмүн баалаш үчүн конструкторлор тартылды. Баштапкы баалоо боюнча ремонт жасаса болот. Биздин учурда ... Читать дальше...

Грузиянын баш калаасы Тбилисиде демонстранттар ички иштер министри Георгий Гахариянын кызматтан кетишин талап кылышууда. Демонстранттар 20-июндагы митингде күч колдонулганын катуу айыптап жатышат. Ошол күнү Орусиянын саясий таасирине нааразы болуп чыккандарды полиция желим ок менен аткан. Митингге чыккандар парламенттин имаратына чабуул койгондо полиция күч колдонуп, 240 адам жабыркаган. Митингдер эки жумадан бери күндө уланып жатат. Уюштуруучулар митингдин тактикасын өзгөртөрүн билдиришти. Оппозициянын... Читать дальше...

5-июлда түнкүсүн жаан-чачын болбойт. Күндүз Нарын облусунун айрым жерлеринде, Ош, Баткен облусунун тоолуу райондорунда жамгыр жаап, күн күркүрөйт. Батыштан соккон шамалдын ылдамдыгы секундасына 4-9, күндүз кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 13...18, күндүз 28...33, Талас жергесинде түнкүсүн 11...16, күндүз 27...32, Баткен, Жалал-Абад, Ош облустарында түнкүсүн 14...19, күндүз 30...35, Нарын аймагында түнкүсүн 7...12, күндүз 22...27, Ысык-Көл дубанында түнкүсүн 9..14... Читать дальше...

Швейцария бийлиги Гүлнара Каримованын эсебиндеги миллиондогон долларды Өзбекстанга кайтарууну токтотту. Маркум президент Ислам Каримовдун кызынын банк эсептери 2015-жылы АКШ жана Европада ага каршы коррупция боюнча кылмыш иштери козголгондон кийин камакка алынган. Тергөөчүлөр Каримова Өзбекстанда иштегиси келген телекоммуникациялык компаниялардан 1 миллиард доллар пара алган дешет. Ал акча офшордук фирмалар аркылуу чет өлкөлөргө чыгарылган. 555 миллион долларга жакын акча Швейцарияда табылган.... Читать дальше...

Мурдагы президент Алмазбек Атамбаевди колдогон КСДПнын мүчөсү Алга Кылычов Экономикалык кылмыштарга каршы күрөш боюнча мамлекеттик кызматына (Финансы полициясы) суракка чакырылды. Партиянын расмий өкүлү, Атамбаевдин кеңешчиси Кундуз Жолдубаеванын билдиришинче, чакыруу бүгүн саат 15:00гө берилген. Финполиция партиянын мүчөсүн быйыл апрелде да суракка чакырган. Анда бул иш боюнча Кылычовдун юристи, орун басары болуп төрт киши сурак берип чыгышкан. Өзү муну “саясий буюртма” деп атап, “Дан” мамлекеттик... Читать дальше...