د نیمروز ولایت په زرګونو ځایي اوسېدونکې د وروستیو جګړو له امله تیره شپه ایران ته د کډوالۍ او سر خوندي کولو لپاره روان شوې وه خو ایراني پوله ساتو ورسره بد چلند کړی او بېرته یې افغان خاورې ته ستانه کړي دي. دا او د نیمروز ولایت د وروستې امنیتي وضعیت جزییات په دې راپور کې وګورئ
له نیمروز څخه را رسیدلي راپورونه ښيي چې د دې ولایت مرکز زرنج په بشپړ ډول د وسله والو طالبانو لاسته ولوېد. د دې ولایت یوه چارواکي چې د نوم له ښودو یې ډډه کوله، ازادي راډیو ته وویل چې وسله والو طالبانو تېره شپه د کنګ ولسوالۍ چې د مرکز زرنج ښار۴۰ کیلومترۍ کې پروت دی ونیو او ۳۵ امنیتي ځواکونه یې مړه او ټپیان کړل. دې ولایتي چارواکي ویلي، طالبانو په ټولنیزو رسنیو کې عکسونه خپاره کړي چې ګنې د زرنج په پنځه کیلومترۍ کې دي. نوموړي زیاته کړه ، ایران پرون د افغانستان پولې ته نږدې د دې هېواد کډوالو ته یو کمپ هم جوړ کړی دی. Читать дальше...
د جوزجان د والي مرستیال عبدالقادر مالیه وایي چې د ولایت د ودانۍ په شااوخوا کې جګړه روانه ده. ښاغلي مالیه ازادي راډیو ته وویل چې امنیتي وضعیت دومره ښه نه دی او دی، والي او د امنیې قوماندان له کابله ورغلو ځواکونو سره د ولایت د ودانۍ په داخل کې دي او بهر یې هم طالبانو مورچلې نیولي. د راپورونو له مخې طالبانو له تېرې شپې راهیسې د شبرغان ښار د نیولو په هدف حملې زیاتې کړي او د دې ښار یو شمېر سیمې یې نیولي دي. د طالبانو ویاند ذبیح الله مجاهد دغه راز ادعا کړې چې د شبرغان په اندخوې بندر کې یې د دوستم... Читать дальше...
په هلمند کې د ملي اردو یو چارواکی ادعا کوي چې د دې ولایت لپاره د طالبانو د سرې قطعې مشر له ۴۰ ملګرو سره ووژل شو. د ۲۱۵م قول اردو قوماندان سمیع سعادت ازادي راډیو ته وویل چې مولوي مبارک او ملګري یې نن جمعه (د زمري ۱۵مه) په لښکرګاه ښار کې په هوایي بریدونو کې ووژل شول. وسله والو طالبانو تر اوسه د دغې ادعا په اړه څه نه دي ویلي. د جګړې دواړه لوري یو بل ته د تلفاتو اړولو دا ډول ادعاوې تل کوي چې تاییدل یې ګران کار دی. د هلمند په مرکز لښکرګاه کې جګړه له دوو اونیو راهیسې روانه ده چې له امله یې په سلګونو کورنۍ له خپلو اصلي مېنو بې ځایه شوي دي.
د اوکراین ولسمشر ولادمیر زلنسکي وایي، تر خپلې وسې ټوله هڅه کوي چې د روسیې له ملاتړو بیلتون غوښتونکو سره روانه جګړه پای ته ورسوي، خو دغه سوله او د دونباس پر سیمې کنټرول په سلو کې نوي د روسیې په ولسمشر ولادمیر پوتین پورې تړلی. زلنسکي د اوکراین له ټلوېزیوني کانال سره په مرکه کې چې پرون پنجشنبې خپره شوې دغه راز ویلي چې له پوتین سره د کتنې لپاره تیاری نیول شوی. تراوسه کیف او مسکو د دغې کتنې د ځای په اړه نه دي سلا شوي. د کرملین ویاند دیمتري پېسکوف ویلي چې پوتین غوره بولي چې له خپل اوکرایني سیال... Читать дальше...
د جاپان د هیروشیما ښار نن پر دې ښار د نړۍ د لومړۍ اټمي حملې کلیزه ونمانځله او ښاروال یې د نړۍ له مشرانو وغوښتل چې اټمي وسلې له منځه یوسي. د هیروشیما ښاروال کازومي ماتسوی وویل، اټمي وسلې چې د جګړو د ګټلو لپاره تولید شوي، د بشپړې نابودۍ یو ګواښ دی او که هېوادونه په ګډه کار وکړي کولای شو چې هغه له منځه یوسو. پر هیروشیما د امریکا متحدو ایالاتونو د ۱۹۴۵ کال د اګسټ په ۶مه لومړنۍ اټم بم وغورځاوه چې په نتیجه کې یې شااوخوا ۱۴۰ زره کسان ووژل شول. درې ورځې وروسته یې دوهم اټم بم پرناګاساکي واچاوه چې په نتیجه کې یې شااوخوا ۷۰ زره کسان ووژل شول. Читать дальше...
د امریکا د استازیو جرګې په لسګونو ډموکراټ غړیو پرون پنجشنبه(د زمري ۱۴مه) د امریکا له ولسمشر جو بایډن څخه وغوښتل چې د کیوبا په ګوانتامو ټاپو کې پوځي زندان وتړي. دغه غوښتنه داسې مهال کیږي چې څو اوونۍ وروسته پر امریکا د سېپټمبر د یوولسمې د حملو شل کاله پوره کېږي. هغه حملې چې په نتیجه کې یې دغه زندان پرانیستل شوی دی. ۷۵ وکیلانو بایډن ته په یوه استولي لیک کې ویلي چې د دغه زندان دوام د دغه هېواد پر شهرت یو داغ دی او هغه بشري حقونو او د قانون واکمني ته د پراختیا ورکولو په برخه کې د دې هېواد وړتیاوې زیانمنوي. Читать дальше...
د افغانستان د حکومت د اطلاعاتو او رسنیو د مرکز مشر دواخان مینه پال په کابل کې ووژل شو. د افغانستان د کورنیو چارو وزارت د مینه پال وژل تایید کړي او پخواني ویاند یې طارق ارین په خپله فیسبوک پاڼه کې دواخان مینه پال د طالبانو او پاکستان ضد څېره او مړینه یې لوی غم بللی دی. د راپورونو له مخې مینه پال نږدې دوه بجې د کابل په دارالامان سړک د روسیې سفارت ته نږدې د نا معلومه وسله والو په برید کې وژل شوی دی. مینه پال له دې وړاندې د جمهوري ریاست د ویاند مرستیال و.هغه څو کاله له ازادي راډیو سره د خبریال په توګه هم کارکړی و. Читать дальше...
د کندهار ميرويس روغتون ته په تېرو درېيو اونيو کې د جګړو له امله د ښځو او کوچنیانو په ګډون ۵۳۳ ملکیان په ټپي حالت کې ور وړل شوي چې له دې ډلې ۱۴۵کسانو په روغتون کې ساه ورکړې او پاتې نور په روغتون کې بستر او ځینې یې تر لومړنې درملنې وروسته رخصت شوي. د کندهار د ميرویس روغتون امر ډاکټر داوود فرهاد وایي، د وژل شوېو او ټپیانو له ډلې ۶۵ يې ښځې او ۱۰۵ يې کوچنيان دي: "په تېرو درېيو هفتو کې ميرویس روغتون ۵۳۳ ناروغانو مراجعه کړې ده چې د هغو له جملې څخه ۱۴۵يې وفات شوي دي، ۲۵۲ په مرمۍ ویشتل شوي دي، ۷۰ تنه یې... Читать дальше...
د افغانستان د حکومت د اطلاعاتو او رسنیو د مرکز مشر دواخان مینه پال په کابل کې ووژل شو. د افغانستان د کورنیو چارو وزارت د مینه پال وژل تایید کړي او ویاند یې طارق ارین په خپله فیسبوک پاڼه کې دواخان مینه پال د طالبانو او پاکستان ضد څېره او مړینه یې لوی غم بللی دی. د راپورونو له مخې مینه پال نږدې دوه بجې د کابل په دارالامان سړک د روسیې سفارت ته نږدې د نا معلومه وسله والو په برید کې وژل شوی دی. مینه پال له دې وړاندې د جمهوري ریاست د ویاند مرستیال و. هغه څو کاله له ازادي راډیو سره د خبریال په توګه هم کارکړی و. Читать дальше...
په افغانستان کې د تاوتریخوالي له زیاتوالی سره هممهال په عامه تاسیساتو، د اوبو او برښنا په بندونو او سترو ملي پروژو هم حملې شوې چې مالي زیانونه هم له ځان سره لري. تازه د افغانستان د اوبو د چارو د تنظیم اداره وايي، طالبانو د سلما او شاه عروس د اوبو بندونو پر امنیتي پوستو بریدونه کړي. د دغې ادارې ویاند نظام الدین خپلواک د جمعې په ورځ ازادي راډيو ته وویل، د شاه عروس بند په دېوال مرمۍ لګېدلې چې د بند دېوال ته یې زیان اړولی: "وسله والو طالبانو په سلما او شاه عروس بندونو بریدونه کړي چې په نتیجه کې... Читать дальше...
په افغانستان کې د جګړو له اوج سره په کابل کې د امریکا سفارت ویلي، طالبان له سولې ډارېږي او یوازې د جګړې او تاوتریخوالي لاره پېژني. په کابل کې د امریکا سفارت شارژدافیر راس وېلسن، د جمعې (د زمري ۱۵مه) په ورځ پر خپل ټویټر لیکلي: "د طالبانو خشونت او نفرت هېڅکله هم د تل پاتې حکومتوالي بڼه نه وه، د دې ډلې له لوري مخکې د سرونو پرې کول، یرغلیز مرګ او اوسنی هدفي وژنې ښکاره کوي چې دوی یوازې تاوتریخوالی پېژني او له سولې ډارېږي، زه له دې ډلې غواړم، چې د سولې لاره خپله کړي." په ورته و خت کې د ملګرو... Читать дальше...
د بریتانیا د بهرنیو چارو وزیر ډومینیک راب وایي، هېواد به یې د ټولو هغو افغانانو چې د بریتانیا له حکومت سره د کار کولو په ترڅ کې یې لوی خطرونه په ځان منلي، حق ادا کړي. ښاغلي راب دغه څرګندونې پرون پنجشنبه (د زمري ۱۴مه)په لندن کې په یوه خبري کنفرانس کې د یوې پوښتنې په ځواب کې وکړې. راب زیاته کړه: "یقیناً هرچا چې د بریتانیا له حکومت سره مرسته کړې وي – موږ تراوسه ۲۳۰۰ وفاداره افغانانو ته چې د بریتانیا له حکومت سره یې کار کړی او د هغوی کورنیو ته اجازه ورکړې چې دې هېواد ته ورشي. موږ به دغې پروسې ته... Читать дальше...
په کابل کې د امریکا د سفارت سرپرست او شارزدافیر راس وېلسن یو ځل بیا پر طالبانوغږ وکړ چې د سولې لاره خپله کړي. ښاغلي وېلسن دغه غوښتنه نن جمعه (د زمري ۱۵مه) په یوه ټویټ کې کړې او ویلي یې دي چې د طالبانو تاوتریخوالی او کرکه هېڅکله هم د حکومتوالۍ د دوام یوه بڼه نه وه. وېلسن زیاته کړې چې د دې ډلې له خوا مخکیني سرپرې کول او اوسني بریدونه او هدفي وژنې د دې ښکارندویي کوي چې طالبان یوازې تاوتریخوالي پېژني او له سولې وېره لري. ښاغلي وېلسن وایي، موږ له طالبانو غواړو چې سوله غوره کړي.
د کاپیسا او بلخ ولایتونو امنیتي چارواکي وایي، په دې ولایتونو کې ۳۲ وسله وال طالبان وژل شوي دي. د کاپیسا د امنیې قوماندانۍ ویاند شایق شورش ازادي راډیو ته وویل، دغه عملیات تېره شپه د نجراب ولسوالۍ په دره افغانیه کې ترسره شول چې په نتیجه کې یې د طالبانو د یوه مهم قوماندان په ګډون د دې ډلې پنځه غړي ووژل شول. نوموړي زیاته کړه چې په سیمه کې د افغان ځواکونو او وسله والو طالبانو ترمنځ نښته کې د دوی له لوري چاته زیان نه دی رسیدلی. هاخوا په بلخ کی د شاهین قول اردو چارواکي وايي، یوه هوايي حملې ٢٧ طالب وسله وال وژلي. Читать дальше...
په ارزګان ولایت کې په وروستیو کې د غوایانو د فارمونو جوړول زیات شوي دي. د کرنې او مالدارۍ د ریاست د معلوماتو پر اساس دغه ولایت کې اوسمهال تر ۲۰ زیات د غوایانو فارمونو په نوي بڼه جوړ شوي چې تر څنګ يې لسګونو کسانو ته د کار زمنیه هم برابره شوې. د یادې ادارې مشر احمد شاه خیري ازادي راډيو ته دا ښه اقدام وباله او ویې ویل: "په دې سره د غوايي د غوښي کیفت ښه کېږي. فارم لرونکو سره به د اړتیا تر کچې مرسته وکړو څو فارمونه یې وده وکړي." نوموړی وايي، په دغه ولایت کې سږکال ۷۵ سلنه مالداري او زراعت وچکالۍ ځپلی دی. Читать дальше...
په خوست کې د کابل او ګردېز اډې موټر چلونکي وایي، په هېواد کې د وروستیو جنګ جګړو د زیاتېدو له امله د دوی د موټرو سورلۍ هم کمې شوي او کاروبار یې اغېزمن شوی. دوی وایي، په لویو لارو کې د جنګونو له امله یې وسایط په مرمیو لګېږي او ځینې وخت د موټرو چلوونکو او مسافرو ته هم زیان اوړي. د کابل-ګردېز اډې ترڅنګ د موټرو د پرزو پلورولو یو تن هټیوال ۳۸ کلن جمشېد وایي، مشر ورور یې د خوست ـ کابل په لویه لاره موټر چلاوه او له دې لارې یې د خپلې کورنۍ لپاره حلاله روزي پیدا کوله. جمشېد د خپل ورور په اړه وایي: "ورور... Читать дальше...
د تخار ولایت په مرکز تالقان ښار کې نامعلومو کسانو د یوې کورنۍ څلور غړي ووژل. د امنیې قوماندانې ویاند خلیل اسیر ازادي راډیو ته وویل، دغه کسان چې درې تنه ښځې او یو نارینه دي، تېره شپه اته بجې په یوه کور کې دننه وژل شوي دي. پولیس وايي، حمله کوونکي په تېښته بریالي شوي او د موندنې لپاره یې پلټنې روانې دي. د امنیې قوماندانۍ ویاند د دې پېښې علت کورنۍ ستونزه بللې ده.
چین نن جمعه (د زمري ۱۵مه) په محلي سطحه د کرونا ویروس ۸۰ مثبتې پېښې ثبت کړي دي. دا تازه پېښې داسې مهال ثبتېږي چې دغه هېواد هڅه کوي، په پراخه کچه د کرونا ویروس د خپرې شوې څپې مخه ونیسي. دغه مثبتې پېښې د ۲۰۱۹میلادي کال په وروستیو کې په دغه هېواد کې د کرونا ویروس د خپرېدو له پیل راهیسې بې سارې بلل شوې دي. چین له څو نورو هېوادونو سره هڅه کوي چې د کرونا ویروس یا کووېډـ۱۹ ناروغۍ د ډېلټا بڼې په وړاندې مبارزه وکړي چې په چټکۍ په خلکو کې خپرېږي. په چین کې ۵۸ تازه پېښې په ختیځ ښار یانګژو او نورې په شپږو نورو ولایتونو کې ثبت شوي دي.
د نړۍ په بېلابېلو برخو کې د ځنګلونو اورلګېدنې، د سیمو د جبري تخلیې، د ملکیتونو د تخریب او په ځینو مواردو کې د خلکو د مړینو سبب شوې دي. تر ډېره چارواکو د دغو اورلګېدنو علت اقلیمي بدلون بللی دی. له درېیو اوونیو د کلفورنیا په شمال کې د ځنګله اور یو تاریخي ښارګوټی تخریب کړی، ګڼ کورونه او تجارتي مرکزونه یې په ایرو کې ډوب کړي دي. بل خوا په ترکیه کې هم پرون په یوه برښناکوټ کې د اورلګېدو له کبله په سلګونو کلي له خلکو تخلیه شوي دي. په همدې حال کې د یونان د اور وژنې مامورین د المپیک یوې لرغونې... Читать дальше...
سخت محافظه کاره ابراهیم رییسي د قضا پخوانی مشر دی او امریکا ورباندې په زرګونو اعدامونو کې د لاس درلودو په تور بندیزونه لګولي او ویلي يې دي چې رییسي د قضا د مشر په توګه د خپل کار پر مهال له بشري حقونو سرغړونه کړې ده. رییسي د لوړې د مراسمو پر مهال په خپلو خبرو کې وویل: "زه به ځان د خلکو خدمت، د هېواد عزت، د مذهب او اخلاقو ترغیب ته وقف کړم او د حقیقت او عدالت ملاتړ به کوم." د اګسټ په درېیمه نېټه د ایران ستر مذهبي مشر ایت الله علي خامنه اي د قضا دغه پخوانی ناندریز مشر د ولسمشر په توګه تایید کړ. Читать дальше...
د بلخ د پولیسو ځايي چارواکي وايي چې د دې ولایت په مرکز مزارشریف ښار کې د ماین په چاودنه کې لږ تر لږه ۱۲ کسان ټپيان شول. د بلخ د امنیې قوماندانۍ ویاند عادل شاه عادل د پنجشنبې(د زمري ۱۴مه) په ورځ ازادي راډيو ته وویل چې دا پېښه پرون تر مازېګر مخکې د روضې شریف په لویديځه برخه کې د نظرګاه سیمه کې وشوه. د ده په وینا، ماین په یوه بایسکل کې ځای پرځای شوی وو. له بلې خوا د بلخ حوزوي روغتون مشر غوث الدین انوري وویل چې په ټپيانو کې کوچنیان او دوه نظاميان شامل دي. د دې چاودنې مسوولیت تراوسه هېڅ چا نه دی منلی.
ټاکل شوې ده د ملګرو ملتونو امنیت شورا نن جمعه (د زمري ۱۵مه) په افغانستان کې د طالبانو د مخ پر زیاتېدونکو حملو او پراخ تاوتریخوالي په اړه غونډه جوړه کړي. دا غونډه د هند په مشرتابه جوړیږي. په ملګرو ملتونو کې د هند استازي ټي اېس تریمورتي د پنجشنبې په ورځ پر خپله ټويټر پاڼه د دې غونډې اعلان وکړ. دا دوې ورځې وروسته له هغه چې د افغانستان د بهرنیو چارو وزیر محمد حنیف اتمر د سې شنبې په ورځ له خپل هندي سیال اېس جې شنکر سره ټیلیفوني خبرې وکړې او په افغانستان کې یې د طالبانو د تاوتریخوالي د مخنیوي پر... Читать дальше...
د اروپايي ټولنې لوړپوړي چارواکي وايي، له بشري حقونو سرغړوونکو طالبانو سره باید حساب وشي. یادې ټولنې د پنجشنبې (د زمري ۱۴مه) په ورځ په افغانستان کې د یوه بېړني، پراخ او دایمي اوربند غوښتنه وکړه او ويې ویل چې سولې ته باید یو فرصت ورکړل شي. د اروپايي ټولنې د بهرنۍ پالیسۍ مشر جوزېپ بورېل او د بحران د اداره کولو په چارو کې د اروپايي ټولنې کمېشنر یانیز لینارچیچ Janez Lenarcic په یوه ګډه اعلامیه کې په ټول افغانستان کې د طالبانو د تاوتریخوالي زیاتوالی وغانده. دوی په اعلامیه کې زیاته کړې چې په... Читать дальше...
د کاناډا د کډوالو چارو وزیر خبر ورکوي چې د افغان ترجمانانو، په کابل کې د کاناډا سفارت د کار کوونکو او هغوی د کورنیو لومړۍ ډله کاناډا ته رسېدلې ده. مارکو مینډیسینو د پنجشنبې(د زمري ۱۴مه) په ورځ په دې اړه یوه خبري کنفرانس ته وویل: "زه ټينګار کوم چې د دې پروګرام له لارې به کاناډا ته د زرګونو افغانانو هرکلی وشي. او د کورنۍ د غړیو د تعریف برخه کې مو پراخه تګلاره غوره کړې ده. د بېلګې په توګه ټول شموله تګلاره د کډوالۍ د دې ځانګړي پروګرام یوه مهمه برخه ده." ډېری افغانانو چې په افغانستان کې يې د... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости