Новости за 29.10.2023

د کرکټ نړیوال جام په ۲۹مه سیالۍ کې کوربه هندوستان وکړای شول چې انګلستان ته د ۱۰۰ منډو په توپیر ماتې ورکړي او یو وار بیا د نومرو په جدول کې اول مقام ونیسي. دا په روان نړیوال جام کې د هندوستان پرله پسې ۶مه بریا وه. په دې سیالۍ کې انګلستان پچه ګټلې وه او توپ اچونه یې غوره کړه. هند د لوبډلمشر روحیت شرما د نیمه سلیزې پر مټ د ۲۳۰ منډو هدف وټاکه. روحیت شرما ۸۹ او سوریا کومار یادو ۴۹ منډې کړې وې. انګلستان ته په توپ اچونه کې ډیویډ ویلي ۳، کریس ووکس او عادل رشیده دوه دوه لوبغاړي سوځولي وو. انګلستان... Читать дальше...

په داسې حال کې چې په تېرو څو ورځو کې د ډالرو پر وړاندې د افغانیو بیه رالوېدلې، د کابل یو شمېر اوسېدونکي وايي، له دې سره سره د خوراکي توکو، تېلو او ګازو بیې نه دي راټيټې شوې. یو له دوی څخه احمد ازادي راډیو ته وویل: " په ورځنیو بازارونو کې داسې ځای نشته، چې بيې ټيټې شوي وي، د مثال په ډول: یو لیتر تېل ٧٤ یا ٨٧ افغانۍ دی، یو کیلو ګاز په ٧٠ افغانۍ دی، او همداسې نور شيان لکه: بوره، غوړي، اوړه. کله چې د ډالرو بيه لوړه شي، نو دوکانداران هم د هر شي بيه لوړوي ، خو که بيه يې ټيټه شي بیې نه تیټوي." د کابل... Читать дальше...

د طالبانو د حکومت د رئيس الوزرا د اقتصادي مرستیال، ملا عبدالغني برادر، یو ځل بیا له ښارونو څخه د ټولو سوالګرو پر راټولولو ټینګار کړی دی. د نوموړي د دفتر مطبوعاتي برخې په خپله اېکس پاڼه کې لیکلي، چې ملا عبدالغني برادر، د شنبې په ورځ، د ده په مشرۍ د سوالګرو د را ټولولو کمېټې په غونډه کې وویل، چې د سوالګرو له راټولولو او ارزونې وروسته به مستحقو کسانو سره نغدي او د خوراکي توکو مرسته وشي. د سرچینې د معلوماتو له مخې، یادې کمېټې پرېکړه کړې چې  د حج او اوقافو وزارت دې د جمعې د ملا امامانو په همکارۍ د... Читать дальше...

کییف وايي، چې د اوکراین څلور پولیس نن هغه وخت ټپیان شول، چې د سویرسک ښار د جګړې په لومړۍ کرښه کې د روسي ځواکونو له خوا یو توغول شوی توغندی، د دوی پر موټر ولګېد. دغه ښار د اوکراین د ختیځ په دونیڅک سیمه کې پروت دی. د اوکراین د کورنیو چارو وزارت د ټلګرام په یوه پیغام کې ویلي، چې د قانون د تفیذ د ځواکونو روغتیايي وضعیت د ډاډ وړ دی. تر دې مخکې د اوکراین هوايي ځواکونو نن ویلي وو، چې تېره شپه یې په ایران کې جوړې شوې پنځه بې پېلوټه الوتکې چې د روسیې له خوا توغول شوې وې نسکورې کړې دي.

د ملګرو ملتونو د خوړو نړیوال پروګرام وايي، په هرات کې په زرګونو زلزله ځپلي کسان بهر، په سړه هوا کې ویده کېږي. دغې ادارې په خپله اېکس شبکه کې نن لیکلي، چې دغه کسان د خپل ژوند د بیا احیا لپاره اضطراري مرستو ته اړتیا لري. هرات ولایت له درېیو اوونیو راهیسې د زلزلو او د زلزلې د ټکانونو شاهد دی، چې د ملګرو ملتونو د شمېرو له مخې نږدې ۱۵۰۰ کسان یې په نتیجه کې مړه شوي او شا و خوا ۲۰۰۰ نور ټپیان شوي دي. د ملګرو ملتونو د بشري چارو د همږغۍ ادارې یا اوچا وروستی راپور ښيي، چې په هرات کې د تېرو درېیو اوونیو... Читать дальше...

د قزاقستان د ډبرو سکرو په یوه کان کې د اورلګېدنې له کبله د لسګونو کسانو د مړینې په خاطر کې نن ملي ماتم دی. چارواکي وايي په قراغندي سیمه کې د پرونۍ دغې اورلګېدنې په نتیجه کې د مړو شمېر ۴۳ ته زیات شوی دی. د قزاقستان د اضطراري حالاتو وزارت وايي، د درېیو تري تم شویو کان کیندونکو د موندنې هڅې روانې دي. د پېښې پر مهال په کان کې ۲۵۲ کسان حاضر وو. د اورلګېدنې علت معلوم نه دی.

د افغانستان کرکټ بورډ ادارې نن د اکتوبر په ۲۹مه نېټه د غازي امان الله خان د یو ورځنیو(لیسټ ای) سیالیو ټورنمنټ پیل کړی دی. کرکټ بورډ ویلي، یادې سیالۍ د ننګرهار په غازي امان الله خان لوبغالي کې د پنځو لوبډلو ترمنځ پيل شوې دي. په دې سیالیو کې د سپین غر، مس عینک، آمو، بندامیر او بوست زونونو لوبډلې برخه لري چې د افغانستان د بیلابیلو ملي لوبډلو پر لوبغاړو سربېره د کورني کرکټ مخکښ لوبغاړي هم برخه لري. دا د لیسټ ای سیالیو شپږم پړاو دی او په لومړي ځل به هره لوبډله په کې ۸ سیالۍ ترسره کړي. د دې سیالیو... Читать дальше...

د هرات ولایت یو شمېر اوسېدونکي وايي، د تېرې شپې زلزلې یو شمېر هغه کورونه چې په پخوانیو زلزلو کې نیمه تخریب شوي وو، بشپړ ویجاړ کړي. د امریکا متحده‌ایالاتو د امریکا متحده‌ایالاتو جیولوجیکي سروې ادارې پر خپله وېب‌پاڼه لیکلي، تېره شپه نږدې ۱۱ بجې او ۲۷ دقیقې د ریښتر په کچه ۵ درجې زلزلې د افغانستان لویدیځ لړزولی دی. طالب چارواکو په هرات کې د تېرې شپې د زلزلې له امله د ځاني او مالي زیانونو په اړه د ازادي راډیو پوښتنه ځواب نه‌کړه، خو په سیمه کې زلزله ځپلو ازادي راډیو سره خبرو کې وویل، د تېرې شپې زلزلې... Читать дальше...

له پاکستان څخه هره ورځ د افغان کډوالو په زوره ايستلو د دوام ترڅنګ، د افغانستان او پاکستان د سوداګرۍ د ګډې خونې يو مسوول خان جان الکوزی وايي، له افغان کډولو سره به هغه افغان سوداګر هم و ايستل شي چې پاکستان کې فابريکې او کاروبار لري. نوموړي ازادي راډيو ته وويل، پاکستان کې افغان سوداګر په بېلابېلو سوداګريزو برخو کې فعاله او اغېزناکه ونډه لري. الکوزی وایي: " افغان سوداګرو د پاکستان په څلورو صوبو کې شاوخوا ۴۰۰ لویې او وړې فابريکې جوړې کړې دي. موږ د دوی لېست لرو، په‌دې کې لاهور کې لوی فابريکې هم... Читать дальше...

د اسراییل جنګي الوتکو نن سهار د غزې یوه لوی روغتون ته څېرمه هوايي حملې وکړې. د اسوشېټېډ پریس خبري اژانس د راپور له مخې، دغه روغتون له هغو ناروغانو او هغو لسګونو زره فلسطینیانو ډک و، چې هلته یې پناه اخیستې وه. اسراییل ویلي، چې تر روغتون لاندې د حماس ډلې د قوماندې مرکز و، خو په دې باب یې نور جزییات نه دي ورکړي. دا حملې یوه ورځ وروسته له هغې کېږي، چې د اسراییل صدراعظم بنیامین نتنیاهو د حماس ډلې پر خلاف د جګړې دویم پړاو اعلان کړ. اسراییل نن یکشنبه هم په غزه کې خپلې حملې سختې کړي او له ملکیانو یې غوښتنه کړې، چې جنوبي ساحو ته ځانونه ورسوي. Читать дальше...

د افغانستان د کرکټ ملي لوبډلې لوبډلمشر حشمت الله شهیدي نن د اکټوبر په ۲۹مه نېټه په یوه رسنیز کنفرانس کې ویلي دي، ورستیو بریاوو یې مورال لوړ کړی دی چې د سرېلانکا پر وړاندې سیالۍ کې به ورسره ډېره مرسته وکړي. ټاکل شوې چې افغانستان او سریلانکا د اکټوبر په ۳۰مه نېټه د دوشنبې په ورځ د کابل پر وخت تر غرمې وروسته ۱:۰۰ بجه د هندوستان په پونې ښار کې سره سیالي وکړي. ښاغلي شهیدي ویلي، له تېرې یوې اوونۍ راهیسې یې لوبغاړو دمه او تمرینات کړي دي، چې په خبره یې د سریلانکا لپاره یې په هر اړخیزه توګه ښه پلان جوړ کړی دی. Читать дальше...

د روسیې دفاع وزارت وايي روسي ځواکونو تېره شپه د تورسمندرګي په کریمیا ټاپووزمه کې د اوکراین ۳۶ بې پېلوټه الوتکې نسکورې کړې دي. دغه وزارت نن په ټلګرام کې لیکلي، چې تېره شپه د کییف د رژیم د یوې هڅې، چې غوښتل یې له بې پېلوټه الوتکو په استفاده زموږ په قلمرو کې د روسيې فډراسیون خلاف حمله وکړي، مخه نیول شوې ده. د دغه وزارت په وینا، د دوی د هوايي مدافع دستګاوو د اوکراین ۳۶ بې پېلوټه الوتکې ویجاړې کړي دي. تر اوسه د اوکراین چارواکو د دې موضوع په باب کومه تبصره نه ده کړې. وروسته له هغې چې کییف په جون... Читать дальше...

د اوکراین ولسمشر ولودمیر زلینسکي د څه باندې هغو ۶۰ هېوادونو د استازو مننه وکړه، چې پرون په مالتا کې د اوکراین په باب د بحث لپاره راغونډ شوي وو. د جرمني خبري اژانس له مخې، دا په اوکراین کې د روسیې د جګړې ختمولو لپاره د اتحاد یوه نښه ګڼل کېدای شي. زلینسکي په خپله اېکس شبکه کې لیکلي: د نړیوال قانون د اعادې او د ملګرو ملتونو د نورمونو د رعایت په تړاو به د دغو هېوادونو پیوستون اغېزناک وي. کییف تمه لري، چې په دې دوه ورځنۍ غونډه کې یې د سولې د طرحې ملاتړ وشي. تر دې مخکې په جده او کوپنهاګن کې دغې ورته غونډې شوې دي.

اسراییل نن یکشنبه هم په غزه کې خپلې حملې سختې کړي او له ملکیانو یې غوښتنه کړې، چې جنوبي ساحو ته ځانونه ورسوي. په همدې حال کې د سره صلیب نړیوالې کمېټې په غزه کې د نه زغمل کېدونکي کړاو په باب خبرداری ورکړی دی. په داسې حال کې اسراییل ویلي چې جګړه دویم پړاو ته داخله شوې ملګرو ملتونو ویلي، ممکن په زرګونو نور ملکیان هم ووژل شي. اسراییل د حماس تر ولکې لاندې سیمو کې خپل ځمکني عملیات شدید کړي دي. وروسته له هغې چې حماس ډلې د اکتوبر پر اوومه پر اسراییل حمله وکړه او ۱۴۰۰ کسان چې ډېری یې ملکیان وو، ووژل... Читать дальше...

د اسراییل جنګي الوتکو نن سهار د غزې یوه لوی روغتون ته څېرمه هوايي حملې وکړې. د اسوشېټېډ پریس خبري اژانس د راپور له مخې، دغه روغتون له هغو ناروغانو او هغو لسګونو زره فلسطینیانو ډک و، چې هلته یې پناه اخیستې وه. اسراییل ویلي، چې تر روغتون لاندې د حماس ډلې د قوماندې مرکز و، خو په دې باب یې نور توضیحات نه دي ورکړي. دا حملې یوه ورځ وروسته له هغې کېږي، چې د اسراییل صدراعظم بنیامین نتنیاهو د حماس ډلې پر خلاف د جګړې دویم پړاو اعلان کړ.

ټاکل شوې چې د افغانستان د کرکټ ملي لوبډله د کرکټ د نړیوال جام د لوبو په لړۍ کې سبا دوشنبې له سرلانکا سره د سیالۍ ډګر ته ووځي. د کرکټ بورډ ویاند سید نسیم سادات ازادي راډیو ته وویل:  " افغان لوبډله، څو ورځې وړاندې د هند پونې ته رسېدلې، هلته یې خپل اړوند تمرینات ترسره کړي او د دغې سیالۍ لپاره بشپړه چمتو ده. همدا راز افغان لوبډلې په دغه نړیوال جام کې دوه سترې لوبډلې ماتې کړي چې یو دفاعي اتل انګلستان او بله هم د ۱۹۹۲م کال د نړیوال جام اتله د پاکستان لوبډله ده." سبانۍ لوبه د کابل پر وخت د ماسپښین یوې بجې پلان شوې ده. Читать дальше...

د کابل- کندهار پر لویه لار په یوه ترافیکي پېښه کې د دوو کسانو د مړینې او د ۱۷ نورو د ټپي کېدو خبر ورکړل شوی دی. باختر دولتي اژانس چې د طالبانو په کنټرول کې دی، خبر ورکړی، چې دغه پېښه نن سهار د زابل په شهرصفا ولسوالۍ کې د یوه ۳۰۴ ډوله مسافروړونکي موټر د چپه کېدو په نتیجه کې شوې ده. د خبر له مخې، ډاکټرانو د دوو ټپیانو وضعیت ناوړه بللی دی. که څه هم د دې تازه پېښې اصلي علت نه دی معلوم، خو د سړکونو خرابوالی، د چلوونکو بې احتیاطي او د ټرافیکي اصولو نه رعایت په افغانستان کې د زیاتو ټرافیکي پېښو اصلي علت ګڼل کېږي.

د ازبکستان د صدراعظم د مرستیال جمېشد خواجه­یف په مشرۍ د هغه هېواد یو هیئت د طالبانو له چارواکو سره د خبرو لپاره نن کابل ته ورسېد. د طالبانو د صنعت او سوداګرۍ وزارت په ټولنیزه شبکه اېکس یا پخواني ټویټر کې لیکلي، چې د ۴۵ کسانو په دغه هیئت کې د ازبکستان د کانونو، ټرانسپورت او سوداګرۍ وزیران او ځینې نور چارواکي یا هم د هغه هېواد سوداګر شامل دي. په دوام کې ویل شوي، چې کابل ته د ازبکستان د حکومت د دغه هیئت د سفر هدف، د دوه اړخیزې سوداګرۍ وده، د دواړو هېوادونو ترمنځ پر ټرانزیتي مسایلو بحث او په کابل... Читать дальше...

پرون په داسې حال کې چې اسراییلي جټ الوتکو د غزې پر تړانګه نوره بمباري وکړه او د حماس د افراطي ډلې د وسله والو پرضد یې پراخ ځمکني عملیات پیل کړل، د دې کلابندې سیمې خلکو په ډېرې سختۍ له بهر سره تماس لاره. اسراییل چې د اکتوبر په اوومه پر خپل قلمرو د حماس د وسله والو د حملې او د اسراییلي چارواکو په وینا د ۱۴۰۰ کسانو د وژل کېدو په ځواب کې له دریو اونیو راهیسې د حماس د له منځه وړلو په هدف هوايي حملې پیل کړي، وايي چې د جمعې په شپه غزې ته استول شوي پلي سرتېري لاهم په ساحه کې دي. د اسراییلو دفاع وزیر... Читать дальше...

په داسې حال کې چې له پاکستانه د افغان کډوالو د وتلو مهلت په چټکۍ سره رانژدې کېږي، د تورخم او چمن له دروازو څخه هېواد ته د کډوالو د راستنېدو راپورونه ورکول کېږي. باختر اژانس چې طالبان یې اداره کوي، پرون د کډوالو او راستنېدونکو چارو د وزارت په حواله راپور ورکړ چې په تېره یوه اوونۍ کې شاوخوا اته زره افغان کډوال د سپین بولدک له لارې هېواد ته راستانه شوي دي. د ملګروملتونو اړوندو ادارو د جمعې په ورځ وویل چې له دوه میلیون زیات افغان کډوال په پاکستان کې اوسي چې له دې ډلې لږترلږه شپږ لکه کسان د طالبانو له واکمنېدو وروسته له افغانستانه وتلي دي. Читать дальше...

د امریکا پخواني مرستیال ولسمشر مایک پنس د ولسمشرۍ د انتخاباتو لپاره له سیالۍ څخه خپل وتل اعلان کړل. ښاغلي پنس پرون په لاس ویګاس کې د جمهوریپالو یهودانو د اېتلاف د کمپاین غونډې ته د وینا پرمهال وویل چې دا د ده وخت نه دی. پنس زیاته کړه چې دی د انتخاباتو د بهیر په لوړو ژورو تل پوهېده او په خپل دې کار پښېمانه هم نه دی. پنس د جمهوریپال ګوند د هغو کاندیدانو له ډلې و، چې د ۲۰۲۴ کال د جمهوري ریاست په انتخاباتو کې د اوسني ولسمشر جوبایډن پر وړاندې ولاړ دي. په دوی کې د نظرپوښتنو په اساس تر ټولو مخکښ پخوانی ولسمشر ډونالډټرمپ دی.

اسراییلو اعلان کړی چې له ترکیې څخه د خپل ډیپلوماتیک ماموریت غړي باسي. دا اعلان وروسته له هغه کېږي چې د ترکیې ولسمشر رجب طیب اردوغان په غزه کې د اسراییلو پر پوځي عملیاتو انتقاد وکړ او اسراییل یې جنګي جنایتکار وباله. ښاغلي اردوغان پرون په استانبول کې د فلسطینیانو د پلویانو غونډې ته د وینا پرمهال وویل، ترکیه دې ته تیاري نیسي چې اسراییل د غزې په تړانګه کې د پوځي اقداماتو په خاطر جنګي جنایتکار اعلان کړي. د اسراییل د بهرنیوچارو وزیر الي کوهن پرون شنبې پر ټولنیزو شبکو په یوه بیان کې ولیکل چې د اردوغان... Читать дальше...

اسراییل وايي چې د جمعې په شپه غزې ته استول شوي پلی سرتېري یې لاهم په ساحه کې دي. د اسراییلو دفاع وزیر یوواف ګالانت Yoav Gallant پرون وویل سرتېري د ځمکې پرسر او تر ځمکې لاندې حملې کوي او د ده په وینا، تروریست فعالان چې په هره کچه وي، په هرځای کې په نښه کوي. اسراییل د اکتوبر په اوومه پر خپل قلمرو د حماس د وسله والو د حملې او د اسراییلي چارواکو په وینا د ۱۴۰۰ کسانو د وژل کېدو په ځواب کې له درېیو اونیو راهیسې د حماس د له منځه وړلو په هدف هوايي حملې پیل کړي. که څه هم د اسراییلو د پراخو ځمکنیو عملیاتو... Читать дальше...

ټاکل شوې چې د افغانستان د کرکټ ملي لوبډله د کرکټ د نړیوال جام د لوبو په لړۍ کې سبا دوشنبې له سرېلانکا سره د سیالۍ ډګر ته ننوځي. لوبه د کابل په وخت د ماسپښین په دولس بجو پلان شوې ده. د سبا لوبه به په نړیوال جام کې د افغانستان شپږمه لوبه وي. افغانستان تردې دمه ۵ لوبې کړي چې ۳ یې بایللي خو په دوو کې یې د انګلستان او پاکستان ځواکمنو لوبډلو ته ماتې ورکړې ده. د نړیوال جام د لوبو په لړۍ کې پرون دوه لوبې وشوې. لومړۍ لوبه اسټرالیا له نیوزیلنډ څخه د پنځو منډو په توپیر وګټله او په دوهمه لوبه کې بنګله دېش د ۶۷ منډو په توپیر هالنډ ته وبایلله.