Новости за 26.04.2024

Татарстан Рәисе Рөстәм Миңнеханов Telegram-каналына язылучыларны Туган тел көне һәм татар әдәбияты классигы Габдулла Тукайның туган көне белән тәбрик итте.

Ульяновск өлкәсенең «Өмет» газетасында «Ярдәм кулы сузыйк!» дигән язма чыкты.

Бүген Татарстанда алмашынучан болытлы һава торышы көтелә. Урыны белән бераз яңгыр булачак. Бу турыда Татарстан Гидрометеорология үзәге хәбәр итә.

Татарстан Рәисе Рөстәм Миңнеханов республика халкын Туган тел көне һәм татар халкының бөек шагыйре Габдулла Тукайның тууына 138 ел тулу белән тәбрик итте.

28 апрельдә 14 сәгатьтә Татар мәдәният үзәгендә (Ульяновск шәһәре, Нариманов проспекты, 25) быелгы язның иң гүзәл, иң көтелгән бәйгесе – «Татар кызы-2024» өлкә матурлык һәм сәләт конкурсының финалы була, дип хәбәр итте «Өмет» газетасы.

Удмуртиянең «Яңарыш» газетасында Эльвира Хуҗинаның «Зур тарихлы кечкенә авыл» дигән язмасы чыкты.

Алабугада яшәүче гүзәл затларны «Сабантуй сылуы-2024» муниципаль конкурсында катнашырга чакыралар. Конкурста татар телен белүче 14-30 яшьлек гүзәл затлар катнаша ала. Сайлап алу туры 2 майда 16.00 сәгатьтә «Йолдызлык» мәдәни үсеш үзәгендә узачак. Бу хакта «Алабуга нуры» сайтында Фәридә Әскарова яза.

Кукмара 4нче урта мәктәбендә «Аҗаган» хәрби-патриотик уеннары үтте. Ул Бөек Җиңүнең 79 еллыгына багышланган иде. «Аҗаган»да район мәктәпләреннән һәм аларда эшләп килүче хәрби-патриотик берләшмәләрдән барлыгы 238 бала — 17 команда катнашты. Бу хакта «Хезмәт даны» сайтында Ризилә Корбанова яза.

Тәтеш районы Алабирде урта гомуми белем бирү мәктәбендә «Туган телне өйрәнү һәм үстерү - милли мәдәниятне саклау гарантиясе» темасына татар теле һәм әдәбияты укытучыларының район семинары узды. Бу хакта «Тәтеш таңнары» хәбәр итә.

Узган гасырның иң коточкыч һәлакәтеннән исәпләнгән Чернобыль атом-электр станциясендәге шартлауга быел 26 апрельдә 38 ел була. Шул уңайдан Зәй музеенда чернобыльчеләр белән очрашу булды. Чара барышында документаль фильмнар күрсәтелде. Бу турыда «Зәй яңалыклары» хәбәр ителә.

Түбән Каманың 8нче мәктәбе укучылары Россия хәрбиләренә рәхмәт белдерү өчен «Солдатка хат» акциясенә кушылды. Җиңү көне алдыннан алар җылы сүзләр һәм теләкләр белән хатлар язды. Хатларны алгы сызыкка җибәрделәр инде, дип яза https://nkamsk-rt.ru/ Түбән Кама районы матбугат хезмәтенә сылтама белән..