Киберқауіпсіздік балалар үшін өте маңызды – қызылордалық маман
ҚЫЗЫЛОРДА. ҚазАқпарат - Жақында Қызылордада өткен ІТ бағытындағы «Innofest-2022» конкурсының жеңімпазы София Темірболат тұңғыш рет комикс форматында кітап шығарды. Ол конкурстан ұтып алған 500 мың теңгеге өз идеясын іске асырып, виртуалды ортамен қауіпсіз байланыс дағдысын дамытатын «Cyber City хикаялары» кітабын жазып шықты. Жаңа кітап оқушыларға цифрлық қауіпсіздікті түсіндіреді. Оны қызықты қысқа комикс əңгімелер арқылы жеткізеді. Олардың технологиялық жəне дүниетанымдық салалар бойынша білімін қалыптастырады. ҚазАқпарат тілшісі кітапты дайындап шығарған Қызылорда университетінің информатика мамандығының магистранты София Темірболатпен аталған тақырыпқа байланысты ой бөліскен еді.