Алматыда баласын алдына алып көлік тізгіндеген әйел жазаланды
Алматыда баласын алдына алып көлік тізгіндеген әйел жазаланды, - деп хабарлайды Tengrinews.kz тілшісі.
Жергілікті полиция департаменті өкілдерінің айтуынша, 41 жастағы әйел Toyota көлігінің жүргізген.
"Баласын алдына алып көлік тізгіндеген әйел жауапкершілікке тартылды. Атап айтқанда, Әкімшілік құқықбұзушылық туралы кодекстің 593-бабының 1-бөлігі "Жолаушыларды және жүктердi тасымалдау қағидаларын сақтамау", 593-бабының 2-бөлігі бойынша " Қауiпсiздiк белдіктерiн немесе мотошлемдердi пайдалану қағидаларын сақтамау", - деп хабарлады қалалық ІІД.
Айыппұлдың жалпы сомасы - 10 айлық есептік көрсеткішті немесе 34 500 теңге.
"Жүргізушімен алдағы уақытта мұндай құқықбұзушылықтардың алдын алу бойынша заңдық-түсіндіру әңгімесі жүргізілді", - деп толықтырды ведомстводағылар.
Еске салайық, бұған дейін Алматыда баласын алдына алып көлік тізгіндеген әйелдің әрекеті видеоға түскенін хабарлаған едік.
Сілтемесіз жаңалық оқисыз ба? Онда Telegram желісінде парақшамызға тіркеліңіз!