"Қазақтелеком" Алматыда Nomad city кешенін GPON технологиясымен интернетке қосты
"Қазақтелеком" жетекші телекоммуникация операторы Алматы қаласындағы жаңа Nomad city шағын қабатты тұрғын үй кешенін GPON технологиясы арқылы телекоммуникация қызметтеріне қосты, - деп хабарлайды Tengrinews.kz тілшісі "Қазақтелеком" АҚ Коммуникациялар департаментіне сілтеме жасап.
Жаңа кешен Түрксіб ауданында орналасқан. 400-ден аса пәтердің тұрғыны бір кәбіл желісімен ұсынылатын қызметтер кешеніне қолжеткізді. Жыл аяғына дейін компания 22 мың жаңа абонентті жүйрік интернет қызметіне қосуды жоспарлап отыр.
"Ірі провайдердің қызметтер кешеніне 500 Мбит/с дейінгі жылдамдықпен сапалы жоғары жылдамдықты интернет, 170-тен аса танымал телеарналары, фильмдері мен телехикаялары бар "TV+ Kazakhtelecom" телеком-операторының бейне сервисі, IР-телефония және мобильді байланыс кіреді", - делінген хабарламада.
Nomad city ТК тұрғындарының бірі Зәуре Тілеубаева бортсерік болып жұмыс істейді, ал жұмыстан бос уақытында әлеуметтік желілерде парақшаларын жетілдіріп, тапсырыс бойынша аспаздық өнімдер әзірлейді. Зәуре бұл ретте жылдам және сапалы интернет қосымша көмекші құрал екенін айтады.
"Бортсерік жұмысы қызықты қызметтік сапарларға толы. Сапарлардың бірінде мен кептірілген қызанаққа бал қосылып жасалған итальялық тағам түрімен таныстым. Рецепт желіде тез таралып, тағамның дәмін алғаш татып көргендер арасында күтпеген танымалдылыққа ие болды, яғни тапсырыстан көз ашпадым десем де болады. Дәл осы ретте жылдам және сапалы интернет мен үшін қосымша көмекші құрал" – дейді Зәуре Тілеубаева.
"Қазақтелеком" АҚ Бөлшек бизнес дивизионы Алматы өңірінің коммерциялық директоры Динара Токқожинаның айтуынша, тұрғын үй кешендерінде жаңа технология бойынша оптикалық тарату желілерін салу компания үшін басым бағыттардың бірі. GPON технологиясы тұрақтылықты, жоғары байланыс сапасын және өткізу қабілеттілігін 500 Мбит/с дейін қамтамасыз етеді.
"Мейілінше жоғары жылдамдық пен өткізу мүмкіндігі клиентке бір уақытта бірнеше құрылғыны қосуға, контентті әлеуметтік желілерге жылдам жүктеуге, кәсіби деңгейдегі ойындарға кідіріссіз қосылуға жол ашады. Сонымен қатар, "Қазақтелеком" АҚ еліміздің телекоммуникация қызметтерінің нарығында ең үздік бағалар мен қосылу шарттарын қамтамасыз ете алады" - дейді Динара Токқожина.
Осылайша, былтыр "Қазақтелеком" төрт мыңнан аса алматылық пәтерді GPON технологиясы бойынша жоғары жылдамдықты интернетке қосқан. Биыл компания оңтүстік астанада 5,5 мыңнан аса жаңа үйді немесе 22 000-ға жуық отбасын қосуға ниетті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!