Новости за 22.06.2018

Орусиянын Сибирдеги бул шаарында бүгүн өкмөттүн пенсияга чыгуу курагын көтөрүү планына каршы жергиликтүү бийликтен уруксат берилген демонстрацияга миңдей адам чогулду. Нааразылык акциясы шаардын чет жакасында өттү.  Демонстранттар федералдык өкмөттөн пенсиялык реформадан мурда кеминде эки миллион жумушчу орун түзүүнү талап кылып, Москвага жөнөтүлүүчү кат үчүн кол чогултула баштаганын жарыялашты. Орус өкмөтүнүн пенсия куракты көтөрүү сунушун көптөгөн орусиялыктар буга чейин нааразылык менен кабыл алып... Читать дальше...

Жогорку Кеңештин депутаттары Наталья Никитенко жана Исхак Масалиев коопсуздук боюнча мамлекеттик органдардын ишин көзөмөлгө алуу үчүн парламенттик комитет түзүүнү сунуштап жатышат. Бүгүн күч органдары, өкмөт, эксперттердин катышуусунда сунушталып жаткан мыйзамга өзгөртүү киргизүү долбоору боюнча талкуу өттү. Демилгечилердин бири, депутат Исхак Масалиев "Азаттыкка" мындай деди.  - Парламентте эл аралык жана коопсуздук комитети бар. Бирок мен ар бир фракциядан депутаттар кирген атайын комитет түзүүнү сунуштап жатам. Читать дальше...

Расмий маалыматка караганда, АКШнын акчалай баасы 2,8 млрд. доллар турган бир жылдык товарына карата кошумча бажы салыгы 22-июнда күчүнө кирди. Евробиримдиктин соода маселелери боюнча комиссары Сесилия Мальмстрем бул чечим жооп иретинде кабыл алынганын, эгер АКШ кошумча тарифти жойсо, Брюссел да ушундай кадамга барарын белгиледи. АКШ быйыл 1-июндан тартып Европанын алюминийине 10%, болотуна 25% тариф киргизген. Вашингтон кошумча тариф койгон европалык товарлардын АКШга кирген бир жылдык импортунун көлөмү 6,4 миллиард еврого барабар. Читать дальше...

“Республика - Ата Журт” фракциясынын Нарын шаарында өтүп жаткан көчмө жыйынында нарындыктар эл өкүлдөрү алыскы аймактардан кабар албаганын айтышты. Алардын бири Мустафа Жуманаков депутаттар менен элдин ортосундагы ажырым кеңейип баратканын, алыскы аймактарды кыдырган депутаттар аз экенин белгиледи. Жыйында Нарын облусундагы беш райондун акими жана Нарын шаарынын мэри аткарылып жаткан иштер жана чечилбей жаткан маселелер тууралуу эл өкүлдөрүнө отчет беришти. Мындан тышкары жыйынга жүздөн ашык жергиликтүү тургундар катышты. Читать дальше...

Дүйнөнүн башкы мунай өндүрүүчүлөрүнүн Венадагы сүйлөшүүлөрүндө Мунай экспорттоочу өлкөлөрдүн уюмундагы (ОРЕС) Сауд Арабиясы менен ага кирбеген Орусия өндүрүштүн күндөлүк көлөмүн 1 миллион баррелге көбөйтүүнү сунуш кылган. Бирок Ирандын мунай министри Бижан Зангане 21-июнда жыйындан чыгып кетип жатып “ биз бул сунуш боюнча макулдашууга жете алабыз деп ойлобойм” деп билдирди. Ал эми Сауд Арабиясынын энергия министри Халид ал-Фалих мунай өндүрүүчүлөрдүн басымдуу бөлүгү алар менен Орусиянын өндүрүш... Читать дальше...

Белгилүү теолог, Кыргызстандын Аалымдар кеңешинин мүчөсү Кадыр Маликов менен маек.

АКШнын президенти Дональд Трамп анын Орусиянын президенти Владимир Путин менен быйыл июлда “жолугушуу мүмкүнчүлүгү” каралып жатканын 21-июнда Ак үйдө губернаторлор менен өткөн жыйында билдирген. СНН телеканалынын дипломатия чөйрөсүндөгү адамдарга таянып кабарлаганына караганда, Трамп менен Путиндин кездешүүсү июль айынын орто ченинде, АКШнын президенти Британияга жана НАТОнун Брюсселдеги саммитине барганга чейин же андан кийин болушу мүмкүн. Телеканалдын булагы Трамп эки тараптуу сүйлөшүү Вашингтондо өтүшүн каалаганын... Читать дальше...

24-25-июнь күндөрү көпчүлүк аймактарда мезгил-мезгили менен жаан жаап, күн күркүрөйт. Бийик тоолуу райондордо жайгашкан жайлоолордо жаан карга айланышы мүмкүн. Тоо этектеринде жана тоолуу райондордо, ошондой эле Ысык-Көл ойдуңунун чыгышында жаан-чачын катуу жаайт. Батыштан соккон шамалдын ылдамдыгы секундасына 4-9 метрден 17-22 метрге жетет. Мындай туруксуз аба ырайы автоунаалардын каттамын, энергетикалык жана коммуналдык кызматтардын ишин жана жайлоолордо мал багууну кыйынчылыкка учуратат. Ошондой эле айрым райондордо сел жүрүшү ыктымал. Читать дальше...

Жалпы республикалык тест Ош облусундагы билим берүүнүн абалын көрсөттү.

Москва өлкөнүн чыгышындагы жикчилерди колдоп, Крымды аннексиялап алгандыктан расмий Киев санкция салынгандардын "кара тизмесине" бул жолу 30 юридикалык тарапты жана 14 адамды киргизди. Украинанын Улуттук коопсуздук жана коргонуу кеңеши 22-июнда жарыялаган тизмеге караганда, андагылардын саны азыр 1759 жеке адамга жана 786 юридикалык тарапка жетти. Санкциялык тизмеге жаңы кошулгандардын арасында Орусиянын Борбордук шайлоо комиссиясы, “Бирдиктүү Орусия” партиясы, ЛДПР жана Коммунисттик партия да бар. Читать дальше...

Жалпы республикалык тест Ош облусундагы билим берүүнүн абалын көрсөттү.

Түркиядагы Сакарья университетинин магистранты Арсланбек Кенжешовдун "Мен билген Айтматов" сынагына жиберген макаласын сунуш кылабыз.

Оштогу “Боорукердик” үйүнүн башчысы Бермет Токтосунова менен анын кол астында иштеген социалдык кызматкер абысынынын чатагы боюнча кылмыш иши козголду. Бул тууралуу жабырлануучу Райля Шакирова “Азаттыкка” билдирди. Жабырлануучу Райля Шакирова 2018-жылдын 28-февраль күнү “Боорукердик” үйүнүн башчысы Бермет Токтосунова аны иш бөлмөсүндө сабаганын, натыйжада өзүнүн колу сынганын, чатак бир жамаатка чогулуп калган туугандардын айынан чыкканын маалымдады. "Боорукердик" үйүнүн башчысы Бермет Токтосунова... Читать дальше...

Акыйкатчы Кубат Оторбаев, Кыйноонун алдын алуу боюнча улуттук борбордун жетекчиси Нурдин Сулайманов жана парламенттин бир нече депутаты Улуттук коопсуздук боюнча мамлекеттик комитеттин (УКМК) тергөө абагында отурган депутаттар Канатбек Исаев, Осмонбек Артыкбаев, мурунку премьер-министрлер Жантөрө Сатыбалдиев, Сапар Исаков жана Жалал-Абад шаарынын мурунку мэри Салайдин Авазов менен жолугуп чыгышты. Бул тууралуу Акыйкатчынын аппаратынын басма сөз кызматы кабарлады.  Анда Артыкбаев ден соолугуна байланыштуу бөгөт чарасын өзгөртүп... Читать дальше...

Британ баш калаасынын борбордук “Чаринг-кросс” темир жол вокзалы жана ал жердеги метро станциясы рельстерде жүргөн белгисиз адам жанында бомба бар экенин айтканынан улам жабылган. Британ транспорт полициясынын 22-июндагы маалыматына караганда, ошондон улам станция менен метродогу адамдардын баары эвакуацияланып, ал жерге бара турган поезддер менен метролордун баары токтотулган. Расмий өкүлдөр жанында бомба бар экенин айткан адам кармалганын да кабарлашты. Бирок анда жардыруучу зат чын эле болгон-болбогону азырынча белгисиз. Читать дальше...

Учурда Россиянын 11 шаарында өтүп жаткан футбол боюнча дүйнө чемпионатында чейрек, жарым финалга кимдер чыгат, баш байгени кайсы команда утат деген "баш оору" футбол күйөрмандарын ойго салып турган учур. Дүйнө чемпионатындагы кызыктар, беттешүүдөгү күтүлбөгөн окуялар тууралуу спорттук баяндамачы, колумнист Кабыл Макешов кеп салып бермекчи.

"24-июндагы мөөнөтсүз президенттик жана парламенттик шайлоо учурунда террордук кол салуу даярдаган" деген шек менен кармалган 14 киши, расмий адамдардын айтымында, “Ислам мамлекети” тобунун согушкерлери да болушу мүмкүн деген маалымат бар.  Ошондой эле алардын баары чет элдик жарандар экени, 22-июндун таңында полициянын координацияланган операциясы учурунда кармалганы да кабарланды. "Пландалган" деп айтылып жаткан террордук чабуулдун чоо-жайы тууралуу эч кандай маалымат берилген жок, бирок полиция... Читать дальше...

Кыргызстандын Коопсуздук Кеңешинин катчысы Дамир Сагынбаев Борбор Азия регионуна кооптонуу жаратып жаткан "ИМ" тобу “Сирия-Ирак чатагынын аймагын коркунучтуу деңгээлде өтө тездик менен Ооган-Пакистан аймагына алмаштырып жатат” деп ЕАЭБге мүчө мамлекеттердин Бишкекте өткөн II антитеррордук форумунда билдирди. Мындай кырдаалда ЕАЭБге мүчө Кыргызстан үчүн кандай коркунучтар бар жана алардын алдын алуу үчүн кандай аракеттерди көрүү зарыл деген маселе боюнча форумга катышкан эксперт Таалатбек Масадыков маек курду. Читать дальше...

22-июнда Бишкектеги эркин экономикалык аймакта текстил товарларын өндүргөн “Салкын” ишканасынын жаңы фабрикасы ачылды. АКШнын Эл аралык кызматташтык боюнча агенттигинин (USAID) көмөгү менен жалпы суммасы 300 миң долларлык 98 заманбап тигүүчү техника алынган. Азыр ишкананын товарлары Европага, жакынкы чет өлкөлөргө экспорттолуп жатат. 200дөн ашуун адам иш менен камсыз болууда. Жаңы фабриканын ачылышына АКШ элчилигинин Кыргызстандагы ыйгарымдуу өкүлү Алан Мельтцер катышып, өлкөдөгү текстил тармагын... Читать дальше...

Ош мамлекеттик университетинин теология факультетинде “Хадистердин негизинде ислам” аттуу жети томдон турган китеп басылып чыкты. Бул тууралуу ушул факультеттин деканы Самаган Мырзаибраимов “Азаттыкка” билдирди. Анын айтымында, бул китеп Курандан кийинки ислам дининин негизи болгон хадистерди камтыган кыргыз тилиндеги биринчи көлөмдүү жыйнак. Басылмада жашоонун бардык чөйрөсүн камтыган хадистер жөнүндө 400дөн ашуун теманын ар бири кеңири баяндалган. 5000 нускадагы китептин жарымынан көбү Кыргызстандагы... Читать дальше...

Бул тууралуу Өзгөчө кырдаалдар министрлиги кабарлады. Маалыматка ылайык, Ат-Башы, Ак-Талаа, Жумгал жана Нарын райондорундагы 42 266 гектар айдоо аянттары менен жайыт жерлеринде чегирткеден, зыяндуу курт-кумурскалардан тазалоо иштери улантылып жатат. Ал жерде учурда дары себүүчү жети техника иштеп жатат. Май айында жарандык коргонуу кызматы ал аймактардын айдоо талааларында чегиртке каптап кеткени аныкталган. Андыктан ар кандай кырдаалдын алдын алыш үчүн өзгөчө кырдаал режими киргизилди. (TSh)

Парламенттеги “Кыргызстан” фракциясынын лидери Алмазбек Батырбеков кыргыз желегине "Манас" эн белгисин кошууну сунуш кылды. Ал өз демилгесинин себебин “Азаттыкка” мындайча түшүндүрдү: - Желекти тетири илип койгон фактылар көп болуп жатат. Өткөндө бир мелдешти көрүп жатсам биздин спортчу байгеге ээ болду. Бирок, желек тетири илинип калыптыр. Ошондон улам өкмөт башчыга да айттым. "Желекти оң илгидей элемент кошосуңарбы?" деп. Балким, жалпы кыргызга таандык "Манас" эн белгиси коюлабы, аны эл чечиши керек. Читать дальше...

Башкы прокуратура 25-июндан тартып бир ай сыноо режиминде "WhatsApp" мессенжерин ишке киргизет. Мекеменин басма сөз кызматы тараткан маалыматта “Укуктук колдоо” түз байланышы жарандардын кайрылууларына, кеңеш сураганына ыкчам жооп берүүгө багытталганы айтылат. Түшкөн суроолорго Башкы прокуратуранын борбордук аппаратынын кызматкерлери жана аймактагы прокурорлор да жооп беришет. Башкы прокуратуранын "WhatsApp" номуру +996 550 75 39 77. (TSh)

Транспорт жана жолдор министри Жамшитбек Калилов Түндүк-Түштүк автоунаа жолу боюнча Интернетте тарап жаткан документтер туура эмес жана жалган маалыматтар экенин “Азаттыкка” билдирди: -  Жакшы долбоор болуп жатат. Азыр жолду куруу бүтө элек, дагы эле жүрүп жатат. Азыр 300 миллиондой доллар эле жумшалды. Анан кайдагы 600 млн. долларды айтып жатат? Эч кандай далили жок эле бирөө таратып атат.   Жергиликтүү интернет-сайттар Түндүк-Түштүк альтернативалуу автоунаа жолунан 600 млн. доллар уурдалганы тууралуу жазып чыгышкан. Читать дальше...

Саясий чөйрөдө жаңы өкмөт өзүнүн иштелип чыккан өнүктүрүү программасы жок, бир багыт менен ырааттуу иш алып барбай жатканы айтыла баштады.