Новости за 26.10.2018

Латвиядагы орус тилдүү Meduza.org сайтынын башкы редактору Иван Колпаков өзүнүн өтүнүчү менен кызматтан бошотулду. Анын милдетин долбоордун негиздөөчүсү Галина Тимченко убактылуу аткарып турат. Бул тууралуу Тимченко өзүнүн "Фейсбуктагы" баракчасына жазды. Дем алыш күнү Колпаковду жүрүм-турумуна байланыштуу айыпташкан. Анын маңызы ачык айтылган жок. Редакциянын ичиндеги айыптоолордон кийин ал кызматын тапшырган. ВВСнин орус кызматы Колпаков жыныстык ыдык көрсөтүүгө байланыштуу күнөөлөнүп жатканын эки булакка таянып жазды. Читать дальше...

Британияда аялдарга Өзгөчө аба кызматында (SAS) - армиянын атайын бөлүгүндө кызмат өтөөгө уруксат берилди. Өлкөнүн коргоо министри Гэвин Уильямсондун айтымында, эми аялдар британ армиясындагы бардык кызматтарда иштей алат. Бул тууралуу ВВС жазды. “Биринчи жолу Куралдуу күчтөргө адамдар гендер жактан эмес, жөндөмүнө жараша кабыл алынат”, – деди министр. Лондон армияда кызмат өтөгөн аялдардын аскердик аракеттерге катышуусуна 2016-жылы уруксат берген. Ошондон бери падышалыктын бронетанк корпусунда 35 аял кызмат өтөп жатат. Читать дальше...

Бишкекте жаныбарлардын айрым түрлөрүнө аңчылык кылууга тыюу салган мыйзам долбоору боюнча парламенттик угуу өтөт. Аңчылыкка чек коюп, жапайы жаныбарларды атууга 10 жылдык мораторий киргизүү сунушталууда. Жогорку Кеңештин басма сөз кызматы билдиргендей, талкууну Агрардык саясат, суу ресурстары, экология жана регионалдык өнүктүрүү комитети уюштурууда. Биологиялык ар түрдүүлүк боюнча департаменттин директору Алмаз Мусаевдин буга чейин айтканына караганда, тоо текени атууга уруксат 450 миң сомдон 700 миң сомго көтүрүлүп жатат. Читать дальше...

Жаңы жылга чейин өкмөттүн түзүмү өзгөрбөйт. Бул тууралуу депутат Максат Сабировдун суроосуна жооп берип жатып биринчи-премьер-министр Кубатбек Боронов билдирди:  - “Улуттук энергохолдингдин” түзүмү жаңы жылга чейин туруп турсун деп чечтик. "Эгер өкмөттүн жаңы түзүмүн түзсөк, сентябрдын аягында алып келебиз" деп айтканбыз. Жаңы курам түзгөн жокпуз, ошондуктан алып келбедик. Азыр ушул түзүм менен чыга турган болуп жатабыз. Анткени дагы эле аягына чыга элекпиз, талаш-тартыштар бар. Энергохолдингдин жакшы-жаман жактарын таразалап... Читать дальше...

АКШнын президенти Дональд Трамп орус жана кытай чалгынчылары тыңшап жаткан айфонду колдонуусун улантууда. Бул тууралуу "New York Times" гезити жазды. Басылманын маалыматына караганда, АКШнын атайын кызматынын өкүлдөрү орусиялыктар менен кытайлыктар президенттин жеке сүйлөшүүлөрүн тыңшап жатканын эскертишкен. Анда Кытай пайдалуу маалыматтарды алып, аларды өз максаттары үчүн колдонуп жатканы белгиленген. Былтыр июлда генерал Жон Келли администрация жетекчилигине баргандан кийин Трамп Ак үйдүн телефон түйүнү аркылуу көбүрөөк сүйлөшө баштаган. Читать дальше...

Мамлекеттик миграция кызматынын маалыматына караганда, Кыргызстанда иштеш үчүн 91 өлкөнүн жараны уруксат кагазын алган. 2018-жылы кыргыз өкмөтү 16 миң 490 чет элдик адиске квота бөлгөн. Азыркы күнгө 74% гана квота берилди. Анын 77% Кытай жарандарына берилген, бул 9241 адис. Андан кийин Түркия, Корея, АКШ, Вьетнам, Пакистан, Өзбекстан жана башка өлкөлөрдүн жарандары турат. 722 чет өлкөлүк жеке ишкерге Кыргызстандын базарларында иштегенге уруксат берилген. 2018-жылдын тогуз айында уруксат документтерин... Читать дальше...

Быйылкы кыш мезгилинде электр энергиясынын тарифи көтөрүлбөйт. Бул тууралуу 25-октябрда өлкөнүн кышка даярдыгы талкуулаган учурда Отун-энергетикалык комплексин жөнгө салуу агенттигинин башчысы Таалайбек Нурбашев билдирди. Анын айтымында, учурда 2019-2023-жылдар аралыгындагы орто мөөнөттүү тариф саясаты иштелип чыгууда.  Бүгүнкү күндө электр кубаты жеке жактар үчүн 700 кВт/саатка чейин 77 тыйындан, андан ашканы 2 сом 16 тыйындан, ал эми бийик тоолуу аймактар үчүн 1000 кВт/саатка чейин 77 тыйындан, андан ашканы 2 сом 16 тыйындан берилет. Читать дальше...

АКШ президентинин улуттук коопсуздук боюнча кеңешчиси Жон Болтон жума күнү Грузияга барат. Бул тууралуу грузин премьер-министри Мамука Бахтадзе билдирди. - Болтон менен сентябрь айында Вашингтондо жолугуп, эки тараптуу кызматташтыкты, аны өнүктүрүү, аймакта орун алган коркунучтар тууралуу сүйлөшкөнбүз. Болтон Грузиянын ишенимдүү досу, - деди ал. Өкмөт башчы АКШ-Грузин байланышын жогору баалады.