Новости за 31.10.2018

«Центерра» компаниясы “Кумтөр” боюнча башка тараптар менен кандайдыр бир сүйлөшүү жүрө турган болсо ал тууралуу Кыргызстанды сөзсүз кабардар кылмак. “Центеррадан” келген жооп ушундай болгонун бүгүн “Азаттык” радиосуна “Кыргызалтын” ишканасы билдирди. «Центерра» коомчулук үчүн ачык компания болгондуктан үчүнчү жактардан, анын ичинде кытайлык компаниядан ар кандай мүнөздөгү келишимдерди түзүү жөнүндө түрдүү сунуштарды алышы мүмкүн экенин, бул  дүйнөдөгү ачык ишканалардын арасындагы кадимки көрүнүш болуп эсептелерин айтууда. Читать дальше...

Бишкек, 31-октябрь, 2018-жыл. /ca-irnews.com/. Түркия Республикасынын негизделишинин 95 жылдыгына арналган иш-чараларга катышуу үчүн Стамбул шаарына келген  Кыргыз Республикасынын Президенти Сооронбай  Жээнбеков  29-октябрда Пакистан Ислам Республикасынын Президенти Ариф Алви менен жолугушту.

Кыш босогодо турганда Нарын шаарындагы беш мектепке, эки бала бакчага жана беш кабаттуу алты үйгө жылуулук бериле элек.

БУУнун Коопсуздук кеңеши Украинанын чыгышындагы жаңжал боюнча кезексиз жыйын өткөрдү. Батыш өлкөлөрүнүн демилгеси менен уюштурулган жыйында өздөрүн «Донецк жана Луганск элдик жумурияттары" деп атаган жикчилердин аймактарында шайлоо өткөрүү планынын айланасында сөз болду.  Орусия «Луганск элдик жумуриятынын» Борбордук шайлоо комиссиясынын жетекчиси Елена Кравченкону чакырууну сунуш кылган. Бирок кеңештин калган мүчөлөрү бул демилгени четке кагышты. Батыш өлкөлөрү шайлоо Минск келишимдерине каршы келет деп эсептешет. Читать дальше...

Жогорку Кеңештин “Кыргызстан” фракциясынын өкүлдөрү Казакстанга барып, мурдагы депутат Дамирбек Асылбек уулунун сотуна катышып, мониторинг жүргүзүшөт. Бул тууралуу бүгүн “Азаттык” радиосуна депутат Нурбек Алимбеков билдирди. Анын айтымында, сот 2-ноябрда уланат. - Бизден да өкүлдү катыштырганга аракет кылып жатабыз, - деди ал. - Казак тараптын “ал биздин жаран” деген версиясы бар да. Ошондуктан азырынча ашыкча сөз айта албайбыз. Сотко бизден өкүлдөр катышат. Ошондон кийин маалымат бере алабыз.... Читать дальше...

Орусиянын Архангелск шаарында Федералдык коопсуздук кызматынын (ФСБ) имаратынын кире беришинде болгон жардыруу учурунда бир киши өлдү. Улуттук антитеррордук комитеттин маалыматына караганда, жардыруучу затты алып кирип бараткан киши өзү мерт болду. Анын тек-жайы аныкталууда. ФСБнын үч кызматкери жараланганы кабарланды. Көп өтпөй ТАСС чукул кырдаал кызматтарына таянып, каза тапкан киши "Тез жардам" кызматынын дарыгерлери жардам берип жатканда үзүлгөнүн маалымдады. Маркум ФСБнин кызматкери эмес экени айтылды. Читать дальше...

Ооган армиясынын жогорку адамдарын ташып бараткан тик учак кырсыкка учурап, 25 киши каза тапты. Фарах провинциясынын губернаторунун басма сөз катчысы Насер Мехдинин айтымында, тик учак 31-октябрда эртең менен тоолуу Анар Дара чөлкөмүнөн Гератка жол тарткандан көп узабай кулап түшкөн. Бийлик өкүлү кырсыкка начар аба ырайы себеп болгонун айтса, "Талибан" кыймылынын басма сөз катчысы тик учакты кыймылдын согушкерлери атып түшүрүшкөнүн билдирди. Мехди жүргүнчүлөрдүн арасында Ооганстандын батыш аймактарынын... Читать дальше...

Пакистандын Жогорку соту "Мухамед пайгамбарга акарат келтирген" деген айып менен өлүм жазасын күтүп жаткан христиан аялдын өкүмүн жокко чыгарды. Лахордун Жогорку сотунун чечими менен 2010-жылы өлүм жазасына өкүм кылынган төрт баланын энеси Асия Биби эми бошотулушу керек. Коопсуздук маселелеринен улам аял белгисиз жерде кармалып келаткан. Асия Бибини айыптоо жана жогорку жазага тартуу өкүмү христиандар арасында катуу нааразылыкка алып келсе, соңку чечим эми Пакистандагы ашынган исламчылардын каршылыгын жаратышы мүмкүн. Читать дальше...

Кыргызстанда кызылчадан адам каза болгон алгачкы учур катталды. Бул тууралуу бүгүн “Азаттык” радиосуна Республикалык иммунопрофилактика борборунун директору Гүлбара Ишенапысова билдирди. Анын айтымында, октябрь айында Бишкектеги жугуштуу илдеттер ооруканасына алты айлык ымыркай кыз келип түшкөн. Ал реанимациядан өзүнө келе албай чарчап калды.  - Беш күндөн ашык үйдө кармап коюшуптур, - деди ал. - "Сасык тумоо" деп дарылай беришкен экен. Кызылчанын ушунусу жаман, ал өтүшүп, башка илдеттерди козгойт. Читать дальше...

2018-жылдын 14-октябрында Кыргыз Республикасынын УКМК тарабынан өткөрүлгөн террорчулукка каршы күрөшүү алкагындагы иш-чаралардын жыйынтыгында, Бишкек шаарынан Кыргыз Республикасынын жараны, 1990-ж.т. эл аралык террористтик уюмдун (ЭТУ) мүчөсү О.У. кармалды.

Кыргыз өкмөтүнүн демилгеси менен Ооганстандан келген кыркка жакын адамдын жарымы “жайкы эс алууга барып келебиз” деп үйлөрүнө кеткен боюнча Кыргызстанга кайтып келишкен эмес.

Радикалдуу буддистерден запкы көргөн рохинжалык жүздөгөн аял-эркектер көптөн бери Арабстандын түрмөлөрүндө мөөнөтсүз камакка алынышкан.

Психикалык оорулуу адамдарга айдоочулук күбөлүк берилген учурлар көп катталууда. Бул тууралуу бүгүн Бишкекте өткөн пресс-конференцияда Башкы прокуратуранын өкүлү Чыңгыз Айдаров билдирди. Айдаровдун айтымында, машина айдоо укугунан сот аркылуу ажыратылган, психикасы жабыркаган адамдарга айдоочулук күбөлүк берүү фактыларына байланыштуу атайын текшерүүнүн натыйжасында 20 кылмыш иши козголуп, иликтенип жатат. Жол коопсуздугун камсыздоо органындагы мыйзам бузуу боюнча жыл башынан бери 108 кызматкер тартип жазасына тартылды. Читать дальше...

Мен мунун канчалык деңгээлде чындыкка ылайык келер келбесин билбеймин, ар кимдерден уккам, анан Малик Осмоновдун эссесинен да окугам.

Бүгүн 31-октябрда Балыкчы—Тамчы—Корумду унаа жолунун куруучулары кайрадан иш таштап, нааразылык акциясына чыгышты. "Азаттык" радиосунун кабарчысы жеринен билдиргенине караганда, Балыкчы шаарына чогулган 50дөн ашык жумушчу акыркы үч айдан бери айлык ала электигин айтып, маяна төлөнүп берилгенден кийин гана ишке киришерин айтып турушат. Нааразы болгон жумушчулар менен Балыкчы шаарынын вице-мэри Алишер Табалдиев жолукту. Ал Транспорт жана жол министрлиги менен байланышып, жумушчулардын айлык маянасы боюнча маселе бир жумада чечилерин айтты. Читать дальше...

Ирандын тышкы иштер министри "Санкциялар Ирандын саясатын өзгөртө албайт, муну Вашингтон билип койсун" , - деп CBS каналына берген маегинде билдирди.

Европа реконструкция жана өнүктүрүү банкы Экономикалык кызматташуу жана өнүктүрүү уюму менен биргеликте Бишкекте Казакстан, Кыргызстан, Монголия, Тажикстан, Түркмөнстан жана Өзбекстандын ишкер чөйрөсүнүн жетекчилери менен бизнестеги этика маселесин талкуулап жатат. Чөлкөмдөгү бизнес уюмдардын өз ара кызматташуусу, айрыкча мамлекеттик ири ишканалардын бири-бири менен байланыш кура билүү жолдору каралууда. Жыйынга аймактагы өлкөлөрдүн өкүлдөрүнөн тышкары Украинанын бизнес-омбудсмени Татьяна Коротка... Читать дальше...

Кыргыз элинин улуу жазуучусу Чыңгыз Төрөкулович Айтматов менен жолугушууга мага насип болгон эмес экен. Мен азыр Чыңгыз агабыздын өмүр баянына, жашоо турмушуна токтолгум келди.

Ымыркай сатууга байланышы бар деген беш медицина кызматкери азыр тергөө абагында отурат. Бул тууралуу бүгүн парламентте маалымат берип жатып саламаттыкты сактоо министринин орун басары Мадамин Каратаев билдирди. Буга чейин Ички иштер министрлиги Бишкекте жаңы төрөлгөн ымыркайларды сатуу фактысы боюнча төрт кылмыш иши козголгонун кабарлаган. Милиция Бишкектеги үй-бүлөлүк дарыгерлер борборлорунун биринде иштеген гинекологдор бала сатуу боюнча шек саналып кармалганын 7-сентябрда жарыялаган. (RK)

Израилдин The Jerusalem Post гезити Сауд Аравия сионисттик режимден 250 млн.доллардык чалгындоо жабдыктарын сатып алганын жарыялады.

Бүгүнкү күндө Кыргызстанда төрт коммерциялык банк жоюлуу процессинде турат. Бул тууралуу парламентте маалымат берип жатып Улуттук банктын төрагасынын орун басары Нурбек Жеӊиш билдирди. Бирок ал кайсы банктар экенин тактап айткан жок. Башкы банктын өкүлүнүн айтымында, Кыргызстанда 25 коммерциялык банк бар. Учурда төртөө жоюлуу процессинде, дагы экөө убактылуу администрлөө режиминде турат. Бүгүн Жогорку Кеӊеште банк иштери боюнча ченемдик укук актыларын өз ара шайкеш келтирүү максатында иштелип чыккан мыйзам долбоору каралып... Читать дальше...

Сириядагы согушкерлерге каржылык колдоо көрсөтүп жүргөн кыргызстандык кармалды. Бул тууралуу бүгүн Улуттук коопсуздук боюнча мамлекеттик комитет (УКМК) кабарлады. Мекеменин маалыматына караганда, быйыл 14-октябрда контртеррористтик иш-чаралардын алкагында 28 жаштагы жергиликтүү тургун колго түшүрүлгөн. Ал башка бирөөнүн паспорту менен жүргөнү, Сириядагы согушкерлерге жардам иретинде 100 миң доллар жөнөткөнү аныкталды. Ага террордук уюмдарды каржылоо, кастыкты козутуу, жасалма документ колдонуу... Читать дальше...

Саламаттык сактоо министрлиги Германиянын Өнүктүрүү банкы менен Бишкекте Төрөт борборун куруу тууралуу келишимдин аткарылышын кечеңдетип жатат. Бул тууралуу бүгүн парламенттин жыйынында депутат Жанарбек Акаев билдирди: - Жаңы министр Космосбек Чолпонбаев аябай кечиктирип жатат. Ратификация жок. Немис банкы даяр акча бергени жатат, бирок биздин министрлик алардын катына жооп берип койбогону үчүн миллиондогон гранттардан кол жууганы турабыз. Бул сыяктуу менде бир нече документ бар. Министрге айтыш керек... Читать дальше...

Ирандын Бажы министри өлкөнүн мунайдан тышкары экспорту акыркы жети айда 27 млрд. 229 млн. долларга жеткенин билдирди. 

Парламенттин отун-энергетика комитети Бишкек жылуулук электр берүү борборундагы былтыр кыштагы авариянын кесепеттерин жоюу жана анын себептерин аныктоо иштеринин жыйынтыгы менен таанышты.