Новости за 04.12.2018

Андрей 19 жашта. Ал төрт жашынан тарта ат минип, мал менен чоңойгон. Кыргыз тилинде эркин сүйлөйт. Айылдаштары менен жумасына бир жолу улак тартканды өнөкөткө айландырып алган. Кыялы Кыргызстандын көкбөрү бонча улуттук курамасына кирип, Манас Саматовдой күчтүү улакчы болуу.

Ирандын соңку ракеталык сыноосун Коопсуздук кеңеши бүгүн жабык эшик артында талкуулаганы жатат. Батыш өлкөлөрү ушул дем алыш күндөрдөгү ракеталык сыноону Коопсуздук кеңешинин үч жыл мурдагы резолюциясын бузгандык катары баалады. Маселен, Франция менен Британия Ирандын кадамын “чагымчыл, дестабилдештирүүчү жана кооптуу” деп аташты. АКШнын мамлекеттик катчысы Майк Помпео Иран сынаган баллистикалык ракета бир нече дүрмөт алып жүрүүгө жөндөмдүү экенин, Жакынкы Чыгыштын бүткүл аймагы менен Европанын бөлүктөрүнө жете аларын билдирген. Читать дальше...

Мурдагы транспорт министри Аргынбек Малабаев өзү тууралуу Интернетте жазылып жаткан маалыматтарга түшүндүрмө берип, “Манас” эл аралык аэропортунун жетекчилик кызматына дайындалып жатканын төгүндөдү. Ал ошондой эле президент Сооронбай Жээнбековдун иниси Жусупбек Шариповдун бир тууган кайниси экенин да четке какты. - Андай сунуш болгонун мен сизден биринчи угуп жатам. Мага азырынча андай сунуш түшкөн жок. Бирок сунуш болсо иштеп бермекмин. Эки жылдан бери үйдө жумушсуз отурам, киреше жок. Бала-бакыраны... Читать дальше...

Бишкекте 10-декабрда Адам укуктарынын жалпы декларациясынын 70 жылдыгына байланыштуу конференция өтөт. Бул тууралуу бүгүн, 4-декабрда акыйкатчы Токон Мамытов президент Сооронбай Жээнбеков менен жолуккан учурда билдирди. Мамытов акыйкатчынын кызматында аткарып жаткан ишмердиги жөнүндө кыскача айтып берип, жарандардан келип түшкөн арыздардын 70 пайызы сот, тергөө жана прокуратура органдарынын канааттандырарлык эмес жумушуна байланыштуу экенин маалымдады. Ал “115 тез линиясынын” ишин жанданып, жарандар... Читать дальше...

АКШнын аскер күчтөрү өлкөнүн аскер-деңиз флотун Иранга каршы күчүн көрсөтүү үчүн Перс булуңуна жиберүүгө чечим кабыл алды.

Бишкек шаардык медициналык тез жардам балдар клиникалык ооруканасына кайрылгандардын саны эки эсе көбөйдү. Дарыгерлердин жетишсиздигинен балдарын алып келген ата-энелер бир сааттан ашык кезек күтүп жатышканын айтып, нааразы болушууда. Оорукананын жетекчилиги адатта бир күндө 200дөн ашык бейтап кайрылса, акыркы күндөрү алардын саны 500дөн ашып жатканын айтышты.

Йемендеги “Ансарулла” кыймылы менен Сауд Аравия жетектеген коалиция күчтөрүнүн расмий өкүлдөрү Бириккен Улуттар Уюмунун калкасында туткундарды алмашуу боюнча макулдашууга кол коюшту.

Армиянын жарыясына караганда, анын операциясынын алкагында “Хезболла” согушчан тобу Израилдин Ливан менен чек арасында, жер алдында колдонгон туннелдер бутага алынат. Бул үчүн Израилдин түндүк чек арасындагы куралдуу күчтөрү күжүрмөн даярдыкка келтирилди. Бирок армия Ливандын чек арасына өтпөстөн, Израилдин аймагында гана аракеттенет. Израил армиясынын өкүлү Жонатан Конрикус өз өлкөсүнүн операциясын “Хезболла” “одоно жана чектен чыккан” аракеттерге барып жатканы менен түшүндүрдү. Израил армиясы... Читать дальше...

5-декабрда жаан-чачын күтүлбөйт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн -5...-10, күндүз 3...8, Талас жергесинде түнкүсүн -5...-10 күндүз 3...8, Баткен, Ош жана Жалал-Абад аймактарында түнкүсүн -3...+2, күндүз 6...11, Ысык-Көл дубанында түнкүсүн -2...-7, күндүз 3...8, Нарын облусунда түнкүсүн -16...-22, күндүз -3...-8 градус болот. Бишкек шаарында 5-декабрда жаан-чачын күтүлбөйт. Жолдор тоңголок, тайгак болот. Читать дальше...

Жашыл климаттык фонд Кыргызстанга грант катары 10 млн. доллар бөлөт. Бул тууралуу “Азаттыкка” Айлана-чөйрөнү коргоо жана токой чарбасы боюнча мамлекеттик агенттиктин жетекчиси Абдыкалык Рустамов билдирди. Алынган каражат гидрометорологиялык кызматтын ишин жана элдин азык-түлүгү менен тамактануусун жакшыртууга жумшалат. Бул долбоорду ишке ашырыш үчүн Баткен, Ош жана Нарын облустары тандалып алынган. Рустамовдун айтымында сугат инфраструктурасын өнүктүрүү, айыл жергесинде суу жээктерин бекемдөө жана... Читать дальше...

Бишкекте акыркы күндөрү балдар ооруканасына жана клиникалык жугуштуу оорулардын бейтапканасына сасык тумоо менен кайрылгандар эки эсе көбөйдү. Балдарын көрсөткөнү келген ата-энелер дарыгерлердин жетишсиздигинен кезек күтүп жатышканын айтып, нааразы болууда.

Бишкек шаардык медициналык тез жардам балдар клиникалык ооруканасына кайрылгандардын саны эки эсе көбөйдү. Дарыгерлердин жетишсиздигинен балдарын алып келген ата-энелер бир сааттан ашык кезек күтүп жатышканын айтып, нааразы болушууда. Оорукананын жетекчилиги адатта бир күндө 200дөн ашык бейтап кайрылса, акыркы күндөрү алардын саны 500дөн ашып жатканын айтышты.

АКШ Пакистандан Ооганстан боюнча тынчтык сүйлөшүүлөрүндө жардам берүүнү өтүндү. Бул тууралуу дүйшөмбү күнү расмий Исламабад айтып чыкты. Ак үй бул билдирүүнү азырынча ырастай элек.

Мамлекеттик бажы кызматынын “Түндүк” бажы бекетинин жетекчисинин орун басары Элнура Мамбетжунушева кармалды. Ал учурда Бишкек шаардык ички иштер башкармалыгынын убактылуу кармоочу жайына камалганын “Азаттыкка” милиция өкүлдөрү билдиришти. Мамбетжунушеваны Экономикалык кылмыштарга каршы күрөш боюнча мамлекеттик кызмат (Финансы полициясы) кармаганы кабарланууда. Аны менен кошо Мамлекеттик бажы кызматынын статистика бөлүмүнүн башчысы кармалганы айтылып жатат. Аталган кызмат алардын кармалышы тууралуу маалымат жок экенин билдирүүдө. Читать дальше...

Франциянын прокуратурасы өлкөдө бензинге болгон салыктын жана баанын көтөрүлүшүнө каршы чыккан нааразычылык акциясы учурунда камакка алынган 139 «сары жилетчен» сот алдында жооп берет деп билдирди.

НАТО Орусиядан Керч жаңжалында кармалган украиналык деңиз аскерлерин бошотууну талап кылды. Адвокаттар Орусияны украин аскерлеринин укугун коргоодо тоскоолдук жаратты деп айыптаса, орус тарап мындай дооматтарды четке кагып жатат.

Өнүккөн өлкөлөр адамды ашыкча салмактан арылтуучу программаларды иштеп чыгып, өкмөттүк деңгээлде ишке ашыра баштаса, тажик өкмөтү тоё тамактануу үчүн зарыл азык-түлүктүн күнүмдүк рационун бекитип, элин аны аткарууга милдеттендирди. Ал эми күн сайын аш-тойго баруу адатка айланган Кыргызстанда тамактануу маданиятын калыптандыруу зарылбы? Бул суроого техника илимдеринин кандидаты Руслан Адил Акайтегин жооп берди.

Чаткалдагы Терек-Сай айылында нааразылык акциясына чыккан Юлдаш Даминовду милиция кармап кетти. Бул тууралуу анын жубайы Чынар Чоткараева “Азаттыкка” кабарлады. Анын айтымында, Даминовду 3-декабрь күнү кечинде кармап, облустук милиция башкармалыгына алып кетишкен.  “Жолдошум элдин талабын бийликке жеткирип, Бишкекке чейин барып алтын кенине байланыштуу маселелерди көтөрүп келген. Азыр аны облустук ички иштер башкармалыгына алып кетишкенин айтып жатышат. Эмне себептен кармалганы бизге белгисиз», - деди Чоткараева. Читать дальше...

Өзбекстан Кыргызстанда автоунаа өндүрүшүн ачууга кызыкчылыгы бар. Бул тууралуу Кыргызстандын экономика министри Олег Панкратов баштаган делегациянын Ташкенттеги жумушчу сапарында айтылды. 28-ноябрдан 1-декабрга чейин болгон сапардын алкагында 2017-жылы эки өлкөнүн президенттеринин жолугушуусунда жетишилген өкмөт аралык макулдашууларды ишке ашыруу маселеси талкууланды. Мындан сырткары, ишкерлик байланыштарды түзүү, соода, транспорт, өнөр-жай тармагында кызматташуунун келечеги тууралуу сөз болду.  Жолугушууда айыл чарба жабдууларын... Читать дальше...

Бул тууралуу “Азаттыкка” Жаза аткаруу мамлекеттик кызматынын (ЖАМК) басма сөз катчысы Элеонора Сабатарова кабарлады. Анын айтымында, Мурат Суталинов учурда №47 абакта кармалууда. Анын өсмө (рак) оорусуна чалдыгып, анысы өтүшүп кеткени аныкталган. Буга байланыштуу Мурат Суталиновдун абалы парламент карап жаткан мунапыска туура келет. Бул боюнча Суталиновдун туугандары документтерди чогултуп, аракет кылып жатышат.  “Учурда парламентте каралып жаткан мунапыска ылайык "биринчи жана экинчи топтогу майыптар эркиндикке чыгарылсын" деп каралууда. Читать дальше...

Сириянын Эл-Хасака провинциясындагы өзүн “Ислам мамлекети” деп атап алган топтун жоочуларынын аялдары жана балдары жайгаштырылган лагерде кыргыз кыз-келиндери көп. Бул тууралуу ал жактан WhatsАpp аркылуу байланышка чыгып, өзүн Амина деп тааныштырган келин “Азаттыктын” кабарчысына жазган.

Жогорку Кеңеште «Манас» эпосунун күнүнө карата «Манас» – кыргыз рухунун туу чокусу» деген темада илимий-практикалык конференция өтүп жатат. Ага парламент депутаттары, мамлекеттик жана коомдук ишмерлер, окумуштуулар жана "Манас" таануу жаатындагы адистер катышууда. Бул иш-чара залкар манасчылар Сагымбай Орозбаковдун 150 жылдыгына, Жусуп Мамайдын 100 жылдыгына, Шаабай Азизовдун 90 жылдыгына да арналууда. Конференция жүрүшүндө окумуштуулар эпосту сактоо, жайылтуу жана мурастарын изилдөө боюнча баяндамаларды окуп жатышат. Читать дальше...

Бишкек Жылуулук электр борборун (ЖЭБ) модернизациялоодогу коррупцияга байланыштуу айыпталып, УКМКнын тергөө абагында отурган Жогорку Кеңештин депутаты, мурдагы энергетика министри Осмонбек Артыкбаев ооруканага которулду. Бул маалыматты анын адвокаты Айжан Орозакунова “Азаттыкка” ырастады. Жактоочу анын 30-ноябрда соттун чечими менен дарыланууга жатканын белгилеп, кайсы ооруканада экенин айткан жок. Ал Артыкбаев абакта отурган кезде эки-үч жолу дарыгер чакыртылганын кошумчалады. Артыкбаевдин абактан... Читать дальше...

Бул 33 жаштагы футболчунун карьерасындагы алгачкы "Алтын топ".

Ош базарында 3-декабрга караган түнү чыккан өрттүн чыгымы эсептелүүдө. Бул тууралуу Өзгөчө кырдаалдар министрлиги кабарлады. Маалыматка ылайык, өрт түнкү саат 11лерде тутанган. Тилсиз жоону өчүрүүгө алты бөлүм өрт өчүргүчтөр, милиция кызматкерлери тартылып түнкү саат 03:31де толугу менен өчүрүлдү. Баштапкы маалымат боюнча, өрт Бейшеналиев-Сыдыков көчөлөрүнүн кесилишинде жайгашкан кийим-кече сатылуучу контейнерде тутанып, болжол менен 500 чарчы метр күйгөн. Өрттүн себеби такталып жатат. Бишкек... Читать дальше...