Новости за 03.03.2021

Орус оппозцииячыл саясатчы Алексей Навальный Владимир облусундагы “Кольчугино” тергөө абагындагы экенин билдирди. Бул тууралуу билдирүү саясатчынын социалдык тармактагы баракчасына жарыяланды. Навальныйдын штабынан кабарлашкандай, оппозиционер бул жайда согуш ардагери Игнат Артеменконун арызы боюнча апелляция каралганга чейин кармалат. Бул иш боюнча сот Навальныйды 850 миң рубль айыпка жыккан. Тергөө абагынан Алексей Навальныйдын абалы жакшы экенин, сыртта эмне болуп жатканы жөнүндө көп кабары жоктугун, кат ала электигин билдирген. Читать дальше...

Венгриянын премьер-министри Виктор Орбан жетектеген “Фидес” партиясы Европарламенттеги ончул-центристтик Европа элдик партиясынан чыкты. Буга чейин Европа элдик партиясы өз эрежелерин өзгөрткөн. Ага ылайык, курамынан депутаттарды гана эмес, бүтүндөй партияларды чыгарууга жол ачылган. Мындан соң партиянын курамынан чыкчу алгачкы партия “Фидес” болчу. Анын лидери Орбан жаңы кабыл алынган эрежелерди “адилетсиз, кабыл алынгыс жана демократияга каршы келет” деп атаган. Буга жооп катары евродепутат Эстер... Читать дальше...

Жогорку Кеңеш Конституциянын жаңы долбоорун референдумга коюу жөнүндө мыйзам долбоорун биринчи окууда кабыл алды. Документ парламентте депутаттарды кызыл чеке талашка түшүрүп, аны колдогондор менен каршы чыккандар өз жүйөлөрүн айтышты. Ортодо үч депутат долбоордун демилгечиси болуудан баш тартты. Документке «макул», «каршы» добуш бергендер Документ «Кыргыз Республикасынын Конституциясы жөнүндө» мыйзам долбоору боюнча референдумду дайындоо тууралуу» мыйзамдын долбоору деп аталат. Аны 3-мартта парламенттин сессиясында 87 депутат колдоп... Читать дальше...

Жогорку Кеңеш 3-мартта Конституциянын жаңы долбоорун референдумга коюу жөнүндө мыйзам долбоорун биринчи окууда кабыл алды. Документ парламентте депутаттарды кызыл чеке талашка түшүрүп, аны колдогондор менен каршы чыккандар өз жүйөлөрүн айтышты. Ортодо үч депутат долбоордун демилгечиси болуудан баш тартты.

Ирактагы АКШ баш болгон эл аралык коалиция аскерлери жайгашкан база кеминде он жолу ракетадан аткыланганын билдирди. Окуя 3-мартта эртең менен Анбар провинциясындагы Айн-ал-Асад авиабазасында болгон. Ирак аскерлери чабуул авиабазага көп деле зыян келтирбегенин, ракеталар учурулган жерди аныкташканын билдирди. France-Presse агенттиги Батыштагы атайын кызматтагы булактарга таянып, “Араш” аттуу ирандык өндүрүштөгү ракеталар экенин жазып чыкты. Чабуул маалында жарандык кызматтагы бир адамдын жүрөгү кармап каза болгону. Читать дальше...

«Чек арасыз кабарчылар» эл аралык уюму журналист Жамал Хашогжинин өлүмү боюнча Сауд Аравиянын ханзадаасы Мухаммед бин Салман баштаган бул өлкөнүн бир нече жетекчисине каршы Германиянын бийлигине кайрылды. Арыз 1-мартта Карлсруэ шаарындагы прокуратурага жолдонду. Анда Хашогжинин өлүмү адамзатка каршы кылмыш катары саналып,  саудиялык 20дан ашуун журналисттердин мыйзамсыз кармалганы да айтылат. “Жамал Хашогжинин өлүмү жана Сауд Аравиядагы журналисттерди куугунтуктаганга күнөөлүүлөр өз кылмышы үчүн... Читать дальше...

Жогорку сот Өмүрбек Текебаевди депутаттык мандаттан ажыратты. Соттун бул чечими акыркы жана даттанууга жатпайт. Ооганстанда үч журналист аялды согушкерлер атып кетти. Жогорку Кеңеш Баш мыйзамдын долбоорун референдумга алып чыгуунунун жол-жобосун талкуулады. Талкуу талаш-тартыш менен коштолуп, 87 депутат колдоду.

Жогорку сотко караштуу Сот департаментинин статс-катчысы К. С. А. коррупциялык схеманы уюштурууга шектелип кармалды. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы кабарлады. УКМКга караштуу Коррупцияга каршы кызмат "сот тармагында автоматтык система иштеп чыгуу үчүн бөлүнгөн мамлекеттик бюджетти мыйзамсыз пайдалануу боюнча Жогорку соттун алдындагы Сот департаментинде коррупциялык схема түзүлгөнүн" билдирген. Мекеменин басма сөз кызматы 3-мартта кабарлагандай... Читать дальше...

Жогорку сот “Ата-Мекен” партиясынын лидери Өмүрбек Текебаевди депутаттык мандаттан ажыраткан төмөнкү инстанциялардын сот чечимдерин күчүндө калтырды.  Жогорку сот мандат талашка чекит койду 2020-жылдагы октябрь окуялардан кийин депутаттык кызматын кайтарып алган саясатчы Өмүрбек Текебаев кайрадан мандатынан ажырады. Жогорку сот 3-мартта “Ата-Мекен” партиясынын лидеринин депутаттык мандаттынын кайра берилишине байланыштуу ишти карап, Бишкектин Административдик сотунун жана Бишкек шаардык сотунун чечимдерин күчүндө калтырды. Читать дальше...

Конституциянын жаңы долбоорун колдобогон, бирок президенттик башкаруунун тарапкери болгон саясий ишмерлердин бири - Жогорку Кеңештин мурдагы депутаты Исмаил Исаков. Саясатчы өз турумун "Азаттыктагы" маегинде айтты.

Улуттук коопсуздук боюнча мамлекеттик комитет (УКМК) мурдагы милиционер Жалил Атамбаев Кылмыш-жаза кодексинин 323-беренесинин 2-бөлүмүнүн 2-пункту (“Мыйзамсыз баюу”) боюнча 3-мартта кармалганын билдирди. Маалыматка ылайык Атамбаев УКМКнын тергөө абагынын убактылуу кармоочу жайына киргизилди. Тергөө жүрүп жатат. Атайын кызматтын маалыматына караганда Жалил Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатканын кабарлады. Читать дальше...

Улуттук коопсуздук боюнча мамлекеттик комитет (УКМК) Кара-Кече көмүр кенинде «Кыргызкөмүр» мамлекеттик ишканасынын, ошондой эле Транспорт жана жол министрлигинин кызматкерлери кармалганын кабарлады. Маалыматка ылайык, алар көмүр ташыган айдоочулардан акча талап кылганы аныкталган. Кызматкерлер талап кылган акчанын көлөмү 37 миллион сомдон ашат. "Кыргызкөмүр" ишканасынын эки кызматкери, Транспорт жана жолдор министрлигине караштуу “Турускул” салмак-габариттик көзөмөл пунктунун эки инспектору көмүр ташыган айдоочулардан кезексиз өткөрүү... Читать дальше...

Гүлжигит Алыкулов беттештин 90-мүнөтүндө командасы 2:3 эсебинде утулуп жатканда атаандашын буйтап өтүп, алыстан дарбазанын так бурчуна таамай тээп гол киргизген.

Оппозицияны активдүү өкүлү Роман Бондаренконун өлүмү тууралуу маалымат таратканы үчүн Беларус соту дарыгер Артем Сорокин менен журналист Катерина Борисевичти кести. "Тез жардам" кызматынын дарыгери Сорокин 2 жылга, ал эми  www.tut.by маалымат сайтынын кызматкери Борисевич 6 айлык абакка соттолду. 31 жаштагы Роман Бондаренко Минскиде былтыр 11-ноябрда табышмактуу жагдайда каза болгон. Ал күнү шаардын короолорунун биринде оппозициянын символу болгон ак-кызыл ленталарды чечип салып жаткан адамдардын жанына  Бондаренко барып... Читать дальше...

Ооганстандын Нангархар провинциясында 2-мартта телеканалдын үч аял кызматкери өлтүрүлдү. Ал үчүн жоопкерчиликти өзүнө «Ислам мамлекети» террордук тобу алды. Бир күндөн кийин Кабул университетинин профессорун белгисиз жоочулар атып кетишти. Enikass TV каналынын директору Залмай Латифинин айтымында, телеканалдын кызматкерлерин алар 2-мартта кечинде жумуштан чыгып үйлөрүнө баратышканда атып кетишкен. Набыт болгондор 20 жашка чыга элек, мектепти жакында эле бүткөн кыздар эле. -Enikass TV каналы үчүн дагы бир кайгылуу күн. Читать дальше...

Жогорку Кеңештин депутаты, коррупцияга шек саналып камакка алынган Дүйшөн Төрөкулов парламент жыйынына катышпай туруп, референдум өткөрүүнү колдоп "добуш берди". Депутат Жанарбек Акаев добуш бергендер тууралуу тизменин сүрөтүн "Фейсбукка" чыгарды. Анда Төрөкулов мыйзам долбоорду колдогону көрүнүп турат. Сессияда депутат Дастан Бекешев жыйынга катышпаган депутаттардын атынан добуш бербөөгө чакырган. Бирок башкалар үчүн добуш берген учурлар катталганын "Азаттыкка" билдирди:  "Менин сунушумду укпай эле башкалар үчүн добуш беришти". Читать дальше...

Кримтөбөл Камчыбек Көлбаевдин (Камчыбек Асанбектин) тилкат менен абактан бошотулушу коомчулукта чоң талкуу жаратты. Буга байланыштуу Улуттук коопсуздук комитети маалымат таратып, Көлбаевдин иши жана анын тилкат менен бошотулушу тууралуу түшүндүрмө берди. Ал арада АКШнын Кыргызстандагы элчилиги Көлбаевдин абактан чыгышына байланыштуу камтамачылык билдирди. УКМКнын түшүндүрмөсү УКМКнын түшүндүрмөсүндө кримтөбөл Камчыбек Көлбаевдин бөгөт чарасы анын адвокаттарынын арызынын негизинде 2-мартта Бишкек шаардык сотунун коллегиясында каралган. Читать дальше...

Май айынын аягына чейин Кошмо Штаттарындагы жашы жеткен ар бир америкалык коронавируска каршы эмделиши керек. Бул тууралуу президент Жо Байден 2-мартта билдирди. Буга чейин Байден июлдун аягына чейин америкалыктарды толук эмдеп бүтүү планын мелжеген болчу. Коронавирустун жаңы штаммы тарап жатат деген тынчсыздануудан улам АКШ бийлиги эмдөөнү тездетип жатат. АКШда учурда коронавируска каршы үч вакцина каттоодон өткөн. Бир гана жолу эмдөөгө ылайыкташкан Johnson & Johnson препараты өткөн аптада катталды. Читать дальше...

«Кыргыз Туусу» басма үйүнүн директору - башкы редактору болуп Мырзакат Тыналиев дайындалды. Тийиштүү буйрукка премьер-министр Улукбек Марипов 3-мартта кол койду. Мурдагы жетекчи Эрнис Балбаков 16-февралда өз арызы менен кызматтан кеткен. Мырзакат Тыналиев буга чейин басылманын жетекчисинин биринчи орунбасары болгон. «Кыргыз туусу» — улуттук башкы гезит. Мурда Кыргыз ССР Жогорку Советинин президиуму менен Министрлер Советинин органы болгон. 1924-жылдын 7-ноябрында «Эркин тоо» деген ат менен биринчи саны араб арибинде жарыкка чыккан. Читать дальше...

Коронавирустан сакайгандар арасында инсультка кабылгандар көп болууда. Дарыгерлердин айтымында, инсульт болгондордун жарымынан көбү мурда коронавируска чалдыккандар.

Ооганстандын чыгышындагы телеканалдын үч кызматкеринин өлүмү үчүн жоопкерчиликти «Ислам мамлекети» террордук тобу алды. Уюмдун ооган бөлүмү согушкерлер 2-мартта Нангархар провинциясындагы чабуулду уюштурушканын билдирди. Enikass TV каналында иштеген 18-20 жаштагы кыздар жакында эле мектепти аяктаган болчу. Аларды жумушунан үйүнө баратканда атып кетишкен. Декабрда ушул эле террордук топ Enikass TVда иштеген алып баруучу айымды жана анын айдоочусун өлтүрүшкөн эле. Соңку айларда Ооганстанда журналисттерге... Читать дальше...

Кыргызстан Беларус менен катар 2020-жылы саясий укук жана жарандык эркиндик начарлаган мамлекеттердин катарынан орун алды. Бул тууралуу "Freedom House" уюму глобалдык эркиндик боюнча 3-мартта жарыялаган баяндамада айтылат. Анда 2020-жылдагы коронавирус пандемиясы, экономикалык кризис жана ар кыл чатактар дүйнөдөгү эркиндиктин начарлашын шарттаганы белгиленген. Баяндамада эркиндик рейтингинде 73 мамлекеттин позициясы төмөндөгөн. Алардын катарында Кытай, Беларус, Венесуэла сыяктуу авторитардык мамлекеттер гана эмес... Читать дальше...

Улуттук коопсуздук комитети 3-мартта Жогорку соттун төрайымы Гүлбара Калиева Тартип комиссиясынын ишине тоскоол болуп жатканын билдирди.  Атайын кызматтын маалыматында "Жергиликтүү сот" долбооруна байланыштуу коррупциялык ишти иликтөөнүн алкагында былтыр декабрда Башкы прокуратура Жогорку соттун төрайымы Гүлбара Калиеваны жоопко тартууга уруксат берүү тууралуу  өтүнүч менен кайрылганы айтылат. Бирок Калиева ар кандай шылтоо менен иштин Тартип комиссиясында каралышын создуктуруп жатканы белгиленген. Читать дальше...

“Кыргыз Республикасынын Конституциясы жөнүндө” мыйзам долбоору боюнча референдумду дайындоо тууралуу” мыйзамдын долбоору Жогорку Кеңеште биринчи окууда кабыл алынды. Сессияга катышкан 96 депутаттын 87си документти колдоп, тогузу каршы добуш беришти. Долбоор парламенттин 3-марттагы сессиясында талаш-талкуу менен коштолду. Эки депутат - Чынара Урумкалиева менен Айгерим Бешимбаева мыйзам долбооруна автор эмес экенин айтып, документтеги колтамгасын чакыртып алышты. Каныбек Иманалиев, Дастан Бекешев... Читать дальше...

Орусия бийлиги АКШ жана Европа Биримдигинин оппозициячыл саясатчы Алексей Навальныйдын ууландырылышына жана абакка кесилишине байланыштуу бир катар жетекчилерге санкция салышына жооп кайтарып, “от менен ойнобоого” чакырды. 2-мартта кечинде жарыяланган билдирүүдө Тышкы иштер министрлигинин расмий өкүлү Мария Захарова акыркы санкцияларды “Орусияга карата душмандык аракет” катары баалады. “Алексей Навальныйды “аскердик химикат” менен “ууландырды” деген айдан-ачык атайын чагымды санкция киргизүүгө шылтоо катары колдонуу толугу менен абсурд. Читать дальше...