Новости за 11.03.2021

Кыргызстандын президенти Садыр Жапаровдун Өзбекстандын мамлекет башчысы Шавкат Мирзиёев менен жолугушуусунда эки өлкөнүн экономикалык кызматташтыгы тууралуу да маселе каралды. Мамлекет башчылары соода-экономикалык, банктык-финансылык, илимий-техникалык, транспорттук-коммуникациялык кызматташтык, айлана-чөйрөнү коргоо, жаратылышты пайдалануу, туризм жаатында жана башка багыттардагы мамилени чогуу өнүктүрүүнү сүйлөштү. Президенттер анын ичинде соода-экономикалык алаканы кеңейтүү зарылчылыгын белгилеп... Читать дальше...

Кыргызстандын президенти Садыр Жапаров жана Өзбекстандын мамлекет башчысы Шавкат Мирзиёев биргелешкен билдирүү кабыл алышты. Бүгүн, 11-мартта, Ташкент шаарындагы сүйлөшүүлөр учурунда коңшу өлкөлөрдүн президенттери эки тараптын саясий, соода-экономикалык, инвестициялык, транспорттук-коммуникациялык, маданий-гуманитардык жана башка тармактагы мамилесин жогору баалашты. Сүйлөшүүдө кыргыз-өзбек кызматташтыгын өнүктүрүү, регионалдык жана эл аралык көйгөйлөрдү талкуулашты. Мындан тышкары эки элдин... Читать дальше...

Жогорку Кеңеш конституциялык референдум өткөрүүнү колдоду. Парламментте добуш берүүгө камактан жаңы чыккан депутат да келди. Баткенден жаратылыш газы сыртка мыйзамсыз ташылып жатканын бийлик төгүндөдү. Буга чейин парламентте көгүлтүр отун коңшу мамлекеттерге чыгарылып жатканы айтылган. Бир жыл мурун дүйнөдө коронавирус пандемиясы башталганы жарыяланган. Андан бери вирус 2,5 миллиондон ашуун адамдын өмүрүн алды.

Улуттук коопсуздук боюнча мамлекеттик комитеттин (УКМК) мурдагы төрагасы, учурда ушул эле макеменин тергөө абагында отурган Абдил Сегизбаев жакыны Айнура Сегизбаеванын “Фейсбуктагы” баракчасы аркылуу кайрылуу жасады. Ал катында Сегизбаев абакта отурганына 40 күн толгонун белгилеп, бул аралыкта бир да жолу суралбаганын, өзүнүн катышуусу менен эч кандай тергөө иши жүрбөгөнүн билдирген: “Жубайым, балдарым менен жолугууга уруксат жок. Маалымат каражаттарында Башкы прокуратура мага карата 6 кылмыш иши даярдалып жатканын маалымдоодо”. Читать дальше...

Ооганстандын Билим берүү министрлиги 12 жаштагы жана андан жогору курактагы кыздарга коомдук жайларда ырдоого тыюу салды. Кабул шаарынын билим берүү департаменти кыздар эркектер катышкан иш-чараларда ырдай албайт деп түшүндүрдү. Тиешелүү кат 10-мартта маалымат каражаттарына чыгып кеткен. Министрлик документ чындыкка туура келет деп бышыктады. Чечим социалдык тармактарда катуу сынга туш болуп, укук коргоочулар министрлик “гендердик дискриминацияны” жайылтып жатат деп айыпташууда. Соңку мезгилде... Читать дальше...

Беларустун Тергөө комитети оппозициялык блогер жана саясий туткун Сергей Тихановскийге айып такты. Былтыркы жаздан бери камакта отурган Тихановский массалык баш аламандык уюштуруу, социалдык жек көрүүнү козутуу, БШКнын ишине тоскоолдук түзүү жана коомдук тартипти одоно бузган аракеттерди уюштуруу үчүн айыпталды. Ал 15 жылга чейин кесилиши ыктымал. Тергөө комитети Тихановский жана айланасындагылар мамлекетке чоң материалдык зыян алып келишкенин, алардын мүлкү жана каражаттары камакка алынганын билдирди. Читать дальше...

Улуттук коопсуздук боюнча мамлекеттик комитети (УКМК) Ош шаарындагы № 1 шаардык милиция бөлүмүнүн кызматкерлери түзгөн коррупциялык схеманы аныктады. Мекеменин басма сөз кызматы кабарлагандай, схема мыйзамсыз акча чогултуу максатында түзүлгөн. Иш атайын кызмат тарабынан Кылмыш-жаза кодексинин 326-беренесинин (“Пара талап кылуу”) фактысы боюнча сотко чейинки ачылган өндүрүштүн алкагында ачылган. Ага ылайык 10-март күнү Ош шаарынын № 1 шаардык милиция бөлүмүнүн башчысы Т. Т. М. кармалган. Маалыматта... Читать дальше...

Орусия өз аймагында “Твиттер” социалдык тармагынын ылдамдыгын жайлата баштады. “Твиттер” компаниясы мыйзам бузганын четке кагып, Орусиядагы соңку чечимдерге тынчсыздануусун билдирди. Орусиянын байланыш, маалымат технологиялар тармагын тескеген Роскомнадзор кызматы "Твиттердин” ылдамдыгын азайтуу 10-мартта башталганын жарыялады. Мекеменин жетекчисинин орун басары Вадим Субботин өлкөнүн аймагында бул операцияны ишке ашырууга техникалык мүмкүнчүлүк бар экенин жана ал колдонула баштаганын билдирди. Читать дальше...

Кыргызстандын президенти Садыр Жапаров Ташкентте Өзбекстандын президенти Шавкат Мирзиёев менен жолугуп, карым-катнаштын жаңы өңүттөрүн талкуулады. Жапаровдун мамлекеттик сапарынын алкагында бир катар макулдашуулар кабыл алынды. Коңшу өлкөлөр экономика, суу-энергетика, чек ара, темир жол жана транспорт багыттарында кызматташат. Ушул эле тармактарда көйгөйлөр да бар. Эки-күндүк иш-сапар Кыргыз Республикасынын президенти Садыр Жапаров 11-мартта Өзбекстанга министрлердин, депутаттардын жана өкмөттүн... Читать дальше...

Ош шаарынын кызматтан кеткен биринчи вице-мэри шаар башчысы Таалайбек Сарыбашевди жана ал жетектеген мэриянын иш жүргүзүүсүн сындап чыкты. 2 ай мурун кызматка келген Ош шаарынын биринчи вице-мэри Жылдызбек Турганбаев кызматтан кетип, анын ордуна мурунку губернатор Байыш Юсуповдун баласы Замир Юсупов келген. Жергиликтүү кеңештерге шайлоонун алдында кызматкерлердин алмашуусу коомчулукта талкууга алынып, Турганбаев болсо иштен негизсиз эле алынып калганын айтып чыкты. «Саясий көз карашыбыз келишпейт... Читать дальше...

Президент Садыр Жапаров бүгүн, 11-мартта Өзбекстанга мамлекеттик сапарынын алкагында Ташкент шаарында Өзбекстандын президенти Шавкат Мирзиёев менен жолугушту. «Куксарой» резиденциясындагы жолугушуунун расмий бөлүгү Ардак кароол ротасынын тизилген жоокерлеринин катышуусу менен өттү. Ушу тапта эки президенттин сүйлөшүүсү жүрүп жатат. Жапаров Ташкентте парламент жана өкмөт жетекчилери менен да жолугушуу өткөрүп, кыргыз-өзбек бизнес форумунун ишине катышат. Кыргыз мамлекетинин башчысы катары Жапаров алгач иш сапар менен Орусияга... Читать дальше...

Израилдин премьер-министри Беньямин Нетаньяхунун Бириккен Араб Эмиратына 11-мартка пландалган визити болбой калды. Бул тууралуу Израилдин "Кан" коомдук радиосу сапарды даярдоого катышкан булакка шилтеме менен маалымдады. Маалыматка караганда, Перс булуңундагы аба каттамга байланыштуу маселе чыккандыктан жана премьердин жубайы ооруп калгандыктан сапар үзгүлтүккө учурады. Бирок эки өлкөнүн расмий адамдары визит тууралуу маалыматты бышыктаган эмес. Сентябрда АКШнын арачылыгы менен Израиль Бириккен... Читать дальше...

Жогорку Кеңештин мурдагы депутаты Исхак Масалиев Конституцияны азыркыдай жол менен өзгөртүп жаткандар келечекте жоопко тартылып калышы ыктымал деп эсептейт. Мындай пикирин ал бүгүн, 11-мартта “Азаттыктын” суроолоруна жооп берип жатып билдирди. Масалиев билдиргендей, азыркы бийлик мыйзамды кабыл алууда анын жол-жоболорун сактабай, одоно мыйзам бузууларга барды жана "Убактылуу өкмөт кылбадыбы, бизге деле боло берет" деген принцип менен кетип баратат: “Келечекте акыбал өзгөрүп кетсе кайра кайтарууга... Читать дальше...

Бишкектин чет жакасындагы “Супара” этнокомплексинде интерактивдүү этномузей ачылды.

Жогорку Кеңеш Конституциянын жаңы долбоорун референдумга коюу жөнүндө мыйзам долбоорун колдоду. Документке эми президент кол койсо, 11-апрелде жергиликтүү кеңештерге шайлоо менен чогуу референдум да өтөт. Айрым депутаттар парламентте долбоорго добуш берүүдө депутаттарга басым-кысым болгонун, айрымдары сессияга катышуу үчүн атайын чет өлкөдөн учуп келгенин айтышты. Кээ бири тергөө абагынан да чыгып келди. Ошентип, Жогорку Кеңеш Конституция жөнүндөгү мыйзам долбоору боюнча референдум дайындоо тууралуу... Читать дальше...

Коронавирус инфекциясынын кесепеттерин пандемия деп жарыялангандан бери туура бир жыл өттү. Дүйнө өлкөлөрү жүз миңдеген адамдын өмүрүн алган илдетке каршы алигиче күрөшүп келе жатат. Илдет акыркы бир жылда 118 млн. адамга жугуп, андан 2 млн. 600 миң адам каза тапты. 2020-жылдын 11-марты. Дал ушул күнү Дүйнөлүк саламаттыкты сактоо уюму 3 ай мурдараак Кытайда аныкталган коронавирустун жаңы түрүн глобалдык пандемия деп жарыялаган. Ал күнү уюмдун жетекчиси Тедрос Аданом Гебреисус жаңы вирус Кытайдан... Читать дальше...

Александр Лукашенко Беларустун Тергөө комитетинин башчысын жана бир катар жетекчилерди алмаштырды. Лукашенконун басма сөз кызматы 11-мартта билдиргендей, Иван Наскечивтин ордуна буга чейин башкы прокурордун орун басары болуп иштеген Дмитрий Хара дайындалды. Ал 9-августтагы президенттик шайлоодон кийин тутанган демонстрацияларда күч түзүмдөрүнүн зомбулугунан жабыркаган карапайым адамдардын арыздарын текшерген мекеме аралык комиссияны жетектеген. Шайлоону өлкөнү 1994-жылдан бери бийлеп келаткан... Читать дальше...

Баткенде 11-мартта аткезчиликке каршы операция учурунда Улуттук коопсуздук боюнча мамлекеттик комитеттин (УКМК) эки кызматкери жеңил жараат алды. Бул тууралуу мекеменин басма сөз кызматы кабарлады. Маалыматта айтылгандай, атайын кызматтын өкүлдөрү Жазык кодексинин “Мамлекеттик чек арадан мыйзамсыз өтүү” беренесинин негизинде жүрүп жаткан сотко чейинки териштирүү алкагында Баткен районунун Самаркандек айылында ыкчам тергөө иш-чараларын аткарып жатышкан. Ошол учурда Маширап Абдусаламов аттуу тургун... Читать дальше...

Мелдеш Бахрейнде өтөт. Анда үч кыргызстандык мушкер күч сынашат. Алардын бири мелдештин башкы беттешинде кармашка чыгат.

Жогорку Кеңештин депутаты Дүйшөн Төрөкулов мамлекетке келтирген зыянды төлөп берүүгө даярдыгын билдиргендиктен, туруктуу жашаган жери бар жана үй-бүлөсүн баккан жалгыз адам болгондуктан үй камагына чыгарылды. Бул тууралуу 11-мартта Бишкектин Биринчи май райондук соту билдирди. Мекеменин маалыматына караганда, Төрөкуловдун үй камагы түрүндөгү бөгөт чарасынын мөөнөтү 15-майга чейин узартылды. Депутат Дүйшөн Төрөкулов коррупцияга шек саналып, 15-январда эки айга камакка алынган. Улуттук коопсуздук... Читать дальше...

Түркиядагы вандык кыргыздар окуучуларга жана студенттерге колдоо көрсөтүү максатында "Жаштар кеңешин" түзүштү.

АКШ Конгрессинин Өкүлдөр палатасы пандемиядан жабыркагандарга экономикалык жардам көргөзүү пакетин кабыл алды. Дээрлик 2 триллион долларга бааланган планды президент Жо Байден сунуш кылган. Документти демократтар гана жактырышты, бир да республикачыл мыйзам чыгаруучу аны колдогон жок. Бөлүнгөн каражат эмдөө, чакан бизнести колдоо, жумушсуздарга, балдарга жөлөк пул төлөөгө сарпталмакчы. Америкалык маалымат каражаттары санап чыгышкандай, жардамды тигил же бул көлөмдө үй-бүлөлөрдүн дээрлик 90 проценти алат. Читать дальше...

Баткенден Өзбекстанга жана Тажикстанга жаратылыш газы мыйзамсыз ташылып кетип жатканы тууралуу маалыматты текшерген жумуш тобу мындай кооптонууга негиз жок деген тыянакка келди. Бул тууралуу 11-мартта “Азаттык” радиосуна Баткен облустук акимчилигинен кабарлашты. Маалыматта айтылгандай, облустук бийлик өкүлдөрү “ОшГаз” мекемесинин атайын адистери менен бирге Кадамжай районунун Ак-Турпак айылына барып, Өзбекстандын аймагындагы газ сактоочу жайларда болушту жана кампаларды кыдырып, газ же башка мунай заттары жок экенин көрүштү. Читать дальше...

АКШ менен Кытайдын ортосундагы жогорку деңгээлдеги жолугушуу кийинки аптага - 18-мартка белгиленди.  Аляскада өтө турган ал жыйынга Кошмо Штаттар тараптан Мамлекеттик катчы Энтони Блинкен, президент Жо Байдендин Коопсуздук боюнча кеңешчиси Жейк Салливан, ал эми Кытай тараптан Тышкы иштер министри Ван И, ушул эле мекеменин жогорку өкүлү Янг Жичи катышат. Бул тууралуу 10-мартта АКШнын Ак үйү билдирди. Сүйлөшүүлөрдө бир топ олуттуу маселелер талкууланмакчы. Ошол эле маалда Жо Байдендин администрациясы... Читать дальше...

Алматыда Кытай консулдугунун жанында өтүп келген нааразылык акциясы бейшембиде да уланды. Шинжаңдагы жакындарын бошотууну талап кылгандар 8-февралдан бери иш күндөрдө ушул жерге чогулуп келет. Алар Казакстан бийлигин да абалга кийлигишүүнү үндөшүүдө. Бейшембиде консулдук жанына келген бир нече аял өзүн жаман сезип, «Тез жардам» чакырууга туура келди. Акимчиликтин жана прокуратуранын өкүлдөрү жерине барып акция «мыйзамсыз» өтүп жатканын айтышты. Өткөн айда пикетке чыккандардын бири, Кытайда калган... Читать дальше...