Новости за 27.03.2021

Украинанын президенти Владимир Зеленский өлкөнүн Конституциялык сотунун эки мүчөсүн кызматтан бошотту. Бул кадам “паракорлукка каршы реформага” байланыштуу анын Конституциялык сот менен араздашуусун тереңдетти. 27-марттагы жарлыгы менен Зеленский Конституциялык соттун төрагасы Александр Тупицкийди жана дагы бир сот мүчөсү Александр Касмининди "Украинанын көз карандысыздыгына жана улуттук коопсуздугуна коркунуч келтирип жатат" деген жүйө менен кызматтан алды. Эки сотту тең Орусияны жактаган мурдагы президент Виктор Янукович дайындаган. Читать дальше...

Беларус коопсуздук күчтөрү 27-мартта жаңы оппозициячыл нааразылык чараларын болтурбоо үчүн Минск шаарында 200гө жакын кишини кармап кетти жана көчөлөрдү курчоого алды. Өлкөнүн оппозициялык күчтөрү бир нече айлык жазалоолорго моюн сунбастан, демократиячыл кыймылга жаңы дем киргизүүгө умтулууда. 2020-жылы август айында өткөн шайлоодон кийин анын жыйынтыктарынын одоно бурмалангандыгына нааразы болгон калайык Беларуста жапырт нааразылык чараларын ырааттуу уюштуруп келет. Өзүнүн темирдей башкаруусун... Читать дальше...

Бирманын учурда өкүм жүргүзүп жаткан аскердик хунтасынын жолбашчысы өлкөдөгү Куралдуу Күчтөр күнүн майрамдоо маалындагы саланаттуу сөзүндө Орусияны "чыныгы дос" деп атады. 27-мартта, Орусиянын Коргоо министринин орун басары Бирма менен Орусиянын өз ара аскердик мамилелерин жакшыртуу үчүн өлкөгө барган дал ушул күндөрдүн биринде, хунтанын куралдуу күчтөрү демократиялык түзүлүштү калыбына келтирүү талабы менен чыккан демонстранттарды аёосуз жазалады жана бул жазалоо эл аралык коомчулуктун кескин айыптоосуна кабылды. Читать дальше...

Заказ аркылуу чыгат (Оптом) 300 нускадан кем эмес! Байланыш; 0700949180

Бул китептен төмөнкүлөрдү билесиң: • Жаңылыш ынанымдардын кекиртегинен кармап, алардын жашоого тоскоол болушуна кантип жол бербөө керек – 1-бөлүм. • Эмне үчүн үмүт ийгиликти тартууга эң жакшы жардам берет –

Continue reading...НИ СЫ Чыгыш даанышмандыгы: өз күчүңө ишен жана алдыга умтулуу үчүн тоскоол болгон күмөн саноолорго жол бербе

Кыргызстанда “Коопсуздук-2021” жана “Калыптандыруу Түштүк-2021” деген аталыштагы аскердик машыгууларга даярдык жүрүп жатат. Коргоо министрлигинин маалыматына караганда, биргелешкен командалык-штабдык жана мобилизациялык машыгуулар 1-3-апрель күндөрү Баткен, Ош жана Жалал-Абад облустарында өтөт.

27-мартта Казакстандын Алматы сыяктуу бир нече шаарларында  бир катар оппозиция өкүлдөрү бийликтин ички-тышкы саясатына  жана КЭРдин ШУАР аймагындагы адам укуктарынын одоно бузулушуна каршы нааразылык жыйындарын өткөрөөрдө кармалып кетишти. Ишембиде Алматыда оппозициялык топтор алдын ала жарыялаган нааразылык жыйынына 300дөй адам чогулду. Митингчилер расмий бийликтерден Кытайдын Казакстандагы таасиринин чыңдалышына жол бербөөнү талап кылышты. Тасма. Алматыдагы кармоолор жана нааразылык жыйын. Читать дальше...

Ош, Нарын жана Ысык-Көл облустарында акимдер, алардын орун басарлары мамлекеттик аттестациядан өттү. Аттестация комиссиясынын өкүлдөрү акимдерди тесттен өткөрүүнүн жыйынтыгы кадр тартыштыгын, кадрлардын сабатсыздыгын көргөзүп жатканын айтышууда. Ошол эле кезде тесттен өтпөй калган айрым жетекчилердин арасында нааразылыктар да жок эмес. Ысык-Көл облусунун Каракол шаарында 26-мартта аймактагы төрт райондун акимдери жана алардын орун басарлары тестирлөөдөн өттү. Биринчи акимдер тесттен өтүп... Читать дальше...

Өзбекстанда латын алфавитинин өзбек тилине ылайыкташкан вариантынын жаңы долбоорун коомчулук кызуу талкууга алууда. Өлкөнүн Илимдер академиясы иштеп чыккан тиешелүү мыйзам долбоору өкмөттүк мекеменин расмий интернет барагына (regulation.gov.uz) быйыл 16-мартта жарыялангандан бери  интернетте ар кыл пикирлер билдирилип жатат.  Жаңы өзбек латын алфавити 26 тамга, бир тамга айкашы (ng) жана бир апострофтон турат жана буга чейин түрк тилдүү өлкөлөр колдонгон алфавитке кыйла ылайыкташтырылган. Мисалы... Читать дальше...

Орусиялык саясий эксперт Аркадий Дубнов Кыргызстан менен Өзбекстандын ортосунда түптөлө баштаган чек ара келишимин үзгүлтүккө учуратуу аракети болушу мүмкүн деп эсептейт. Мындай пикирин ал 26-мартта “Азаттык” радиосуна курган маегинде билдирди: "Бул келишимдин толук жетилишин үзгүлтүккө учуратууга кызыкдар күчтөр чыгат. Себеби ал өкмөттөн өтүп, парламентте ратификацияланып, президенттер кол коюшу керек. Мындай аракеттер Кыргызстан тараптан болот деп ойлойм. Тилекке каршы, кыргыз саясатчылары өзүн... Читать дальше...

Бишкекте тигүү цехинин жанында болгон окуяга байланыштуу алты адам милицияда сурак берди, Жазык кодексинин “Ээнбаштык” деген беренеси менен сотко чейинки териштирүү башталды. Бул тууралуу 27-мартта “Азаттык” радиосуна Биринчи май райондук ички иштер башкармалыгынын басма соз кызматы кабарлады. Мекеменин маалыматына караганда, окуя ишембиге караган түнү Ош базарынын жанындагы Бейшеналиева атындагы көчөсүндө болду. Милицияга арыз жазган аял белгисиз адамдар тобу тигүү цехине барып, ал жерде тигилүүчү... Читать дальше...

2020-жылдын августундагы жыйынтыгы одоно бурмаланган президенттик шайлоодо Александр Лукашенконун жеңиши жөнүндө жарыялангандан кийин Беларуста нааразылык иш-чаралары улантылууда. Ишембиде, 27-мартта да нааразылык жыйынга чыгуу аракеттери жасалды, расмий бийликтер четке каккан ак-кызыл-ак түстөгү желектер айрым жерлерде желим шарларга байлап көккө учурулду жана көчө четинде да көтөрүп чыгышты.   Тасма. Минск шаарынын жанындагы канжолдун боюнда көккө оппозиция колдогон желектер учурулгандыгын... Читать дальше...

Кыргызстанда коронавируска каршы чектөө азырынча киргизилбейт, бирок эл көп чогулуучу жерлерде санитардык коопсуздук чаралары күчөтүлөт. Бул тууралуу биринчи вице-премьер-министр Артем Новиков COVID-19га каршы республикалык ыкчам штабдын отурумунда айтканын 27-мартта өкмөттүн басма сөз кызматы билдирди. Ар бир аймактын жергиликтүү бийлиги эпидемиологиялык кырдаалга жараша чара көрүп турары айтылды. Новиков дүйнөдө коронавируска чалдыккандар көбөйүп, коңшу өлкөлөрдө чектөө киргизилип жатканын... Читать дальше...

Иран менен Кытайдын 25 жылдык мөөнөткө эсептелген талаш-тартыштуу эки тараптуу келишимине 27-мартта кол коюлаары күтүлүүдө. Келишимдин биротоло чоо-жайы ачыктала элек, бирок ага Ирандын отун-кубат жана инфратүзүм тармактарына Кытайдын капиталдык салымдары камтылаары күтүлүүдө. Кытай – Ирандын башкы соода өнөктөшү. АКШнын чектөөлөрүнөн улам кескин кыскарган Ирандын чийки заттарын тышка чыгаруу жүрүмүндө Кытай эми негизги базарга айланган. Ирандын Тышкы иштер министрлигинин басма сөз өкүлү Сайид Хатибзаде 27-мартта билдиргендей... Читать дальше...

Бишкекте бүгүн, 27-мартта аялдардын жергиликтүү шайлоолорго катышуусун активдештирүүгө арналган акция өттү. “Кыргызстанды чогуу өнүктүрөбүз!” акциясын Бириккен Улуттар Уюмунун өкүлчүлүгү уюштуруп, ага президент Садыр Жапаров, БУУнун Башкы катчысынын атайын өкүлү Наталья Герман, Борбордук шайлоо комиссиясынын жетекчилиги жана чет өлкөлөрдүн элчилери катышты. Алар “Ынтымак” паркына 30 бактын көчөтүн отургузуп, аялдардын шайлоодогу 30 пайыздык квотасына колдоосун билдиришти. Президент Жапаров... Читать дальше...

Кыргызстанда эгемендик жылдары бийликтин алмашуусуна алып келген толкундоолордун үчөөнө тең элдин адилетсиз шайлоого карата нааразылыгы себеп болгонун бүгүн, 27-мартта мамлекет башчысы Садыр Жапаров президенттик аппараттын кызматкерлери менен өткөргөн ишембилик учурунда айтты. Ал аппарат кызматкерлери менен өлкөдөгү абал жана келерки шайлоолор тууралуу баарлашып, бул өнөктүктөрдү таза жана ачык өткөрүүнүн маанисин белгилегенин президенттин басма сөз кызматы кабарлады. Жапаров шайлоону калыс жана таза өткөрүү тынчтыктын... Читать дальше...

Казакстандын Алматы шаарында коронавирустун британиялык жана түштүкафрикалык штаммдарына окшогон түрү катталды. Бул тууралуу өлкөнүн башкы санитардык дарыгери Жандарбек Бекшин билдиргенин 27-мартта “Азаттыктын” казак кызматы кабарлады. Бекшиндин айтымында, жаңы штаммдар коронавирустун буга чейинки штаммдарына караганда жугуштуур экени, 70% тезирээк жайылары аныкталды. Калкынын жалпы саны 19 миллионго чамалаган Казакстанда COVID-19 вирусу 289 миң адамга жукту, алардын 3217си каза болду. Оору жуккандардын 13 миңге жакыны Алматы шаарында. Читать дальше...

Ошто маңзат ташып саткан адамдарды калкалап жүргөн деген шек менен милиция жетекчиси кармалганын 27-мартта Улуттук коопсуздук боюнча мамлекеттик комитет (УКМК) кабарлады. Мекеменин маалыматына караганда, 25-мартта Ош облусунун Кара-Суу районунда Ички иштер министрлигинин маңзаттын мыйзамсыз жүгүртүлүшүнө каршы күрөшүү кызматынын Ош боюнча бөлүм башчысы жана маңзат саткан дагы эки адам кармалды. Алар көптөн бери Ош шаарынын жана облусунун аймагында ири өлчөмдөгү баңги заттарын сатуу менен алектенип жүргөн деп шектелип жатышат. Читать дальше...

Кыргызстан менен Өзбекстандын өкмөттүк делегацияларынын кезектеги жыйыны жакынкы арада Кыргызстандын аймагында өткөрүлөт. Бул тууралуу Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 26-мартта президент Садыр Жапаров менен жолугушууда айтты. Атайын кызматтын башчысы 24-25-мартта Ташкентте чек араны делимитациялоо жана демаркациялоо боюнча өкмөт аралык комиссиянын жыйынына катышып келген. Анын жыйынтыгында протокол кабыл алынган. 26-мартта журналисттердин сурооcуна... Читать дальше...

26-мартта Бразилия жергиликтүү дары-дармек өндүрүүчүлөрдүн “COVID-19” илдетине каршы эки вакцинасынын долбоору калайыкка тааныштырды. Бразилия вакцинага талапкерлерди жарыялаган ошол эле күнү өлкөдө бир күндө 3650 киши “COVID-19” илдетинин айынан кайтыш болуп, өлүм көрсөткүчүнүн рекорду жаңыртылды. Бул – ушул аптадагы экинчи рекорддук көрсөткүч болду. Латын Америкасынын өлкөсү болгон Бразилияда бейшембиде бир күндө коронавируска чалдыгуу боюнча жаңы 100,158 учур катталган. Бул дүрбөлөңдүү... Читать дальше...

Борбордук шайлоо комиссиясы (БШК) жергиликтүү кеңештерге шайлоого катышып жаткан саясий партиялардын шайлоо фондундагы акчасы боюнча маалымат берди. 26-мартта мекеменин басма сөз кызматы кабарлагандай, партиялардын банктагы эсептеринин 19-марттагы маалыматы алынды. Ага ылайык, Бишкек шаарында 24 партиянын арасынан көп сумма “Социал-демократтардын” (7,6 миллион сом), азы “Улутмандын” (50 миң сом) эсебинде. Ош шаарында шайлоого катышып жаткан он партиянын ичинен “Улуттар биримдигинде” көп сумма ... Читать дальше...

Исакбай Мурзабеков Кыргыз Республикасынын Дин иштери боюнча мамлекеттик комиссиянын түштүк аймактык бөлүмүнүн башчысы. «Биз жана дин» түрмөгүнө интервью маалында ал Ош, Баткен, Жалал-Абад облустарында абал туруктуу болгону менен айрым аймактарда, адамдар арасында радикалдашуу бардыгын, анын айынан айрым кыздар турмушка эртелеп чыгууга аргасыз болуп жатканын, ошол эле маалда түшүндүрүү иштери күчөп, анын аркасында, алсак, Сирияга кеткендер азайганын айтып берди. - Кыргызстандын түштүк аймагындагы азыркы диний кырдаалды кандайча мүнөздөйсүз?

Кыргызстанда “Коопсуздук-2021” жана “Калыптандыруу Түштүк-2021” деген аталыштагы аскердик машыгууларга даярдык жүрүп жатат.  Коргоо министрлигинин маалыматына караганда, биргелешкен командалык-штабдык жана мобилизациялык машыгуулар 1-3-апрель күндөрү Баткен, Ош жана Жалал-Абад облустарында өтөт. Жоокерлер аскердик кошуундардын жана техниканын күжүрмөн абалдагы шартта макулдашылган аракеттерин ишке ашырууну үйрөнүшөт. Жалпысынан машыгууга 2 миңдей адам, 100гө жакын автомобиль, брондолгон жана атайын техника... Читать дальше...

Беларус европалык обондуу ыр сынагынын саясаттан тышкаркы мүнөзүнө дал келбеген чыгармалык сунуш жөнөтө албагандыктан, бул өлкө быйылкы “Еврокөрсөтүү” сынагынан четтетилди. Бул тууралуу эл аралык сынактын уюштуруучусу 26-мартта маалымдады. Европа Берүүлөр Биримдиги (EBU) өз билдирүүсүндө Беларус мамлекеттик телерадиоберүү мекемеси тарабынан берилген экинчи сунуш да эл аралык сынактын саясий куралга айландырылбашы же кадыр-баркы түшүрүлбөстүгү камсыз кылынчу эрежелерге шайкеш болбой калгандыгын белгилеген. Читать дальше...

Президент Садыр Жапаров кыргыз-өзбек чек арасы боюнча соңку кадамдар тарыхый мааниге ээ деп эсептейт. Бул тууралуу ал 26-мартта Улуттук коопсуздук боюнча мамлекеттик комитеттин (УКМК) жетекчиси Камчыбек Ташиев менен жолугушууда айтып, буга чейинки чек ара чыр-чатактарына чекит коюла турганын билдирди. Жапаров эки элдин көптөн берки тилеги бүгүнкү күндө реалдуулукка айланып баратканын жана бул багытта башка коңшу мамлекеттер менен да сүйлөшүүнү активдештирүү зарылдыгын айтканын президенттин басма сөз кызматы кабарлады. Читать дальше...