Новости за 15.10.2021

Өткөн доордун 80-жылдары Муратбек Рыскулов атындагы Нарын облустук академиялык музыкалык драма театры Шекспирдин “Король Лир” трагедиясын койгон. Спектаклдин финалдык бөлүгү. Сахнада Лир падыша кичүү кызы Корделияны көтөрүп алып, көздөн жашын агызып монологун айтып келатат. Бери жакта турган жарык берүү цехинин башчысы Күстөбай аба: - Деги артисттер, бир азап жан болосуңар,-деп калды. - Эмне болду? - Илгери Капар аба (Медетбеков) Отеллону ойноп, Дамираны (Дездемона) аз жерден муунтуп сала жаздаган. Читать дальше...

Ички иштер министринин мурдагы орун басары Курсан Асановдун “мекемени басып алуу” деген иши боюнча сотко кошумча күбөлөр чакыртылат. Бул тууралуу бүгүн 15-октябрда “Азаттык” радиосуна анын адвокаты Таалайгүл Токтакунова билдирди. Жактоочунун айтымында, алар маанилүү күбөлөр, себеби окуя учурунда Асановдун жанында жүрүшкөн, бирок тергөө учурунда алардын бири да суралган эмес: “Жада калса Курсан Асановдун жанында жүргөн, аны министрдин милдетин аткарат деп буйрук жазып берген Өмүрбек Суваналиев да күбө катары чакырылбаптыр. Читать дальше...

Базарга үмүт арткан заман көнүмүш жашоо-турмушту кескин өзгөрттү. Темирбек Жолдубаевдин такси айдап, акча таап келмекчи болгон каарманы кантип чоң кумарчыга айланганы “Шахматчы” аңгемесинде баяндалган. "Кыргыз аңгемесинин классикасынан" мына ушул баянга токтолобуз. Ким билет Разак аялы айтпаса билбей деле жүрө берер беле? Үйдө нан калбай калганын, балдары ачка отурушканын кечээ укту. Эски “Жигулисин” айдап көчөгө чыкты, киши ташып, кечинде үйгө жегенге бирдеме таап келиши керек эле. Бу кезде баш калаанын баарысы дебейин... Читать дальше...

Орусияда COVID-19дан көз жумган бейтаптардын бир күндүк саны кайрадан жаңы жогорку чекке жетти. Акыркы бир суткада өлкөдө 999 бейтап коронавирустан кайтыш болду. Бул сан акыркы төрт күндөн бери улам жогорулап жатат. Соңку бир күн ичинде өлкөдө дагы 32 196 киши вирусту жаңы жугузуп алганы ырасталды. Бул да пандемия башталгандан берки эң жогорку көрсөткүч. Кремл илдеттин күчөшүн Орусияда эмдөө жараянынын солгун жүргөнү менен байланыштырып, жарандарды вакцина алууга чакырууда. Адистер өлкөдө эмдөөнүн... Читать дальше...

Коомдук телерадио корпорациясынын (КТРК) башкы директору Бахтияр Алиев өзү жазган арызынын негизинде кызматтан кетти. Бүгүн, 15-октбярда Байкоочу кеңеш анын арызын карап, кабыл алды. Алиев кызматтан кетүү себебин айткан эмес. Бул тууралуу Байкоочу кеңештин төрагасы Кубат Болотканов "Азаттыкка" билдирди. Анын айтымында, мурдагы маданият министри Кайрат Иманалиев КТРКнын башкы директорунун милдетин аткара баштады. Аны кеңештин 12 мүчөсү колдоду. Октябрь окуяларынан кийин КТРКнын башкы директору... Читать дальше...

14-октябрдын кечинде Тоолуу Карабактагы атышуудан Азербайжандын бир аскери окко учуп, алты армян жоокери жараат алды. Азербайжандын Коргоо министрлиги жоокер армян снайперинин огунан мерт болгонун билдирди. Армян күчтөрү анын өлүмүнө жоопкерчилик алуудан баш тартып, бейшемби күнү кечинде болгон окуядан Карабактын чыгышындагы тозотто иштеген алты аскери жараат алганын маалымдады. Алардын билдирүүсүндө азери тарап орусиялык бейпилдик күчтөрүнүн ок атышпоо келишими бузулганы тууралуу эскертүүсүн көз жаздымда калтырганы айтылган. Читать дальше...

"Сапат" билим берүү мекемесинин башчысы Орхан Инанды тергөө маалында кыйноого кабылганын Түркияда террорчулукка айыпталган түрк жаранынын сотунда көрсөтмө берип жатып айтты. Бул тууралуу бүгүн 15-октябрда “Азаттык” радиосуна Инандынын адвокаты Таалайгүл Токтакунова билдирди. Анын айтымында, сот учурунда Инандыга тергөөдө ошол адамды айыптаган көрсөтмө жазып бергени боюнча суроо узатылган: “Кечээ Түркияда ушул эле системада иштеген кишинин соту болуптур. Ага Инанды Zoom аркылуу катышып, күбө катары көрсөтмө бериптир. Читать дальше...

14-октябрда Кара-Кечеде көмүр казган эки экскаватордун май куюучу багына белгисиз адамдар шекер салып жиберишкен. Учурда ал техникалар бузулуп, иштебей турат. Мындай маалыматты Нарын облустук ички иштер башкармалыгынын маалымат катчысы Кундуз Эсенгулова билдирди. “Бул факт каттоого алынып, учурда териштирүү иштери жүрүп жатат”, - деди ал. "Кыргызкөмүр" мамлекеттик ишканасы бул окуя көмүр казуу иштерин үзгүлтүккө учураткан жок деп билдирди. Маалыматка ылайык, кенде ондогон техника күнү-түнү иштеп жатат. Читать дальше...

Түркияда киши колдуу болгон келиндин сөөгү бүгүн, 15-октябрда Кыргызстанга жөнөтүлөт. Бул тууралуу Кыргызстандын Стамбулдагы консулдугунан "Азаттыкка" билдиришти. Маалыматка караганда, келиндин сөөгүн алып келүүгө Москвадан апасы барган. Сөөктү алып келүүгө байланышкан бардык чыгымдарды кыргыз өкмөтү көтөрүүдө. 12-октябрда Түркиянын Текирдаг аймагында жашаган 30 жаштагы кыргызстандык келинди кайнатасы мыкаачылык менен өлтүргөнү кабарланган. Бул окуя Түркияда резонанс жаратып, Башкы консулдук окуянын иликтенишине тыкыр көз салууда. Читать дальше...

"Эркин Европа / Азаттык" радиосунун түркмөн кызматы пандемия башталгандан бери Түркмөнстанда COVID-19га байланыштуу 25 миң өлүм катталганын жазып чыкты. Мындай маалыматты "Азатлык" радиосуна түркмөн саламаттык сактоо тармагында иштеген булак берген. Анын айтымында, Түркмөнстанда бийлик коронавируска чалдыккандар бар экенин расмий ырастабаганы менен илдеттен каза болгондорду жашыруун каттап келет. "Курмандыктардын саны коомчулукка ачык жарыяланбаса да күн сайын аймактардан Саламаттык сактоо министрлигине маалымат жөнөтүлүп турат"... Читать дальше...

Спортчу кыз социалдык тармакка кыргыздын улуттук кийими — калпак, туу жана жүрөкчө койгон видео жарыялады. Кыска убакыт ичинде ага 120 миң киши "жакты" деген белги коюп, 9 миңден ашуун комментарий жазылган.

Бишкекте шаардык транспорт тейлөөсүнүн абалы көлөмү жагынан да, сапаты жагынан да тийиштүү деңгээлде болбой жатат. Бул тууралуу бүгүн 15-октябрда мэриянын расмий сайтына жарыяланган маалыматта айтылды. Шаар башкармалыгы белгилегендей, жүргүнчү ташыган коомдук транспорттун 85% жеке компанияларга таандык. Муниципалдык транспорттун эскилиги жетип, каржылануусу начар болууда, маянасы аздыгынан айдоочулар жетишсиз. Мэрия 150 электробус жана газ менен жүрүүчү 250 автобус сатып алуу тууралуу сүйлөшүүлөр дээрлик аяктап калганын... Читать дальше...

Ливан бүгүн бир күн мурдагы атышуунун курмандыктарына аза күтүп жатат. 14-октябрда баш калаа Бейрутта нааразылык акциясы маалында башталган атышууда алты киши мерт болуп, ондогон адам жараат алды. Бул митингди Иран колдогон "Хезболла" тобу жана көбүнесе шииттерден турган "Амал кыймылы" уюштурган. Алар өткөн жылы Ливан баш калаасындагы портто болгон жарылууну териштирген башкы судья Тарек Битарга каршы чыгышкан. Бир нече саатка созулган атышууда тапанчалар, автоматтар, гранаталар колдонулду. Читать дальше...

Кыргыз Эл жазуучусу, адабий сынчы, профессор Кадыркул Даутовдун күмбөзүнө 14-октябрда эстелик коюлду. Анын ачылышына Улуттук жазуучулар союзунун төрагасы Нурлан Калыбеков баштаган акын-жазуучулар, адабиятчылар, Жусуп Баласагын атындагы Кыргыз улуттук университетинин эмгек жамааты жана студенттер катышты. Даутовдун замандаштары анын жасап кеткен эмгегин белгилешти. Маркумдун китептерин басып чыгарууну убада кылып, ага багышталып куран окулду. Кадыркул Даутов 1940-жылы 10-сентябрда Алай районундагы Үч-Төбө айылында жарык дүйнөгө келген. Читать дальше...

Кошмо Штаттардын мурдагы президенти Билл Клинтон Калифорниядагы оорукана түштү. Бул тууралуу анын басма сөз катчысы Энжел Урена 14-октябрда Твиттерге жазды. Ал 75 жаштагы Клинтон 12-октябрда бейтапканага жеткирилгенин билдирип, мурдагы президенттин оорусунун чоо-жайын айткан жок. "Анын абалы оңолуп келатат, маанайы жакшы", - деди Урена. Ал Твиттерге Клинтондун дарыгеринин билдирүүсүн кошо жарыялады. Анда эки күндүк дарылоо курсунан кийин мурдагы президенттин организми антибиотиктерге оң реакция көрсөтүп жатканы белгиленген. Читать дальше...

Парламенттик шайлоого катышуу ниетин билдирген аял талапкерлер үчүн окуу уюштурулат. Бул тууралуу 15-октябрда Борбордук шайлоо комиссиясы (БШК) билдирди. Мекеменин маалыматына караганда, өз алдынча же партия менен катыша турган аялдар үчүн «Аялдардын саясий лидерлиги: шайлоо өнөктүгүнө даярдык» тренинги  Бириккен Улуттар Уюмунун Аялдар жана Өнүктүрүү программаларынын жардамы менен уюштурулууда. Талапкер аялдар шайлоо мыйзамдарынын жаңы эрежелери жана талаптары тууралуу маалымат алышат, шайлоочулар... Читать дальше...

Улуттук банк 14-октябрда финансылык рынокко интервенция жасап, 30,2 млн. долларды сатыкка чыгарды. Бул тууралуу Улуттук банктын расмий сайтында айтылат. Бул өлкөнүн башкы банкынын 2021-жылдагы тогузунчу интервенциясы болуп калды. Расмий маалыматка караганда, Улуттук банк жыл башынан бери 341 млн. 350 миң долларды валюта базарына саткан. Интервенция доллардын курсун кармап туруу үчүн жасалат. Учурда акча алмаштыруучу жайларда доллар 84,9 сомдун тегерегинде болуп жатат. Улуттук банктын расмий сайтында... Читать дальше...

16-октябрда Кыргызстандын аймагында жаан-чачын жаабайт. Батыш тараптан келген шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 0...5, күндүз 13…18; Талас жергесинде түнкүсүн -3...+2, күндүз 14…19; Баткен, Ош, Жалал-Абад дубандарында ​түнкүсүн 2…7, күндүз 19…24; Ысык-Көл облусунда түнкүсүн -2…+3, күндүз 12…17; Нарын облусунда түнкүсүн 0…-5, күндүз 14…19; Бийик тоолордо түнкүсүн -12…-17, күндүз -3…+2; Бишкекте жаан-чачын жаабайт. Абанын температурасы түнкүсүн 1…3... Читать дальше...

Мурдагы саламаттык сактоо министринин тууганы дары-дармек соодасындагы коррупцияга шектүү катары кармалды. Бул тууралуу 15-октябрда Улуттук коопсуздук боюнча мамлекеттик комитеттин (УКМК) басма сөз борборунун кызматкери Күмүшбек Шабданов билдирди: “Сотко чейинки териштирүү алкагында мурунку саламаттыкты сактоо жана социалдык өнүктүрүү министринин туугандарынын бири С.Ж.К. дары-дармек менен камсыздоо департаментинде каттоону жана кайра каттоону мыйзамсыз тездетүү максатында министрликтин кызмат... Читать дальше...

Талибдерге Каршылык көрсөтүү кыймылынын лидери Ахмад Масуд Дүйшөмбүгө келип кеткенин "Эркин Европа/Азаттык" радиосуна тажик өкмөтүнө жакын ишенимдүү булактар кабарлады. Алардын айтымында, Масуд "Талибан" кыймылы (Кыргызстанда ишмердигине тыюу салынган) менен боло турган тынчтык сүйлөшүүлөргө келген. Бирок Тажикстан жана Пакистандын ортомчулугу менен өтчү жолугушууда талибдер көрүнгөн эмес. Сентябрь айынын орто ченинде Дүйшөмбүдө Тажикстан менен Пакистандын лидерлеринин жолугушуусу өтүп, анда Ооганстандагы кырдаал талкууланган. Читать дальше...

Кыргызстандын президенти Садыр Жапаров бүгүн, 15-октябрда Көз карандысыз мамлекеттер шериктештигинин (КМШ) мамлекет башчылар Кеңешинин мааракелик жыйынына видеоконференция форматында катышат. Бул тууралуу президенттин басма сөз кызматы кабарлады. Жыйын Беларустун төрагалыгында өтөт. КМШ өлкөлөрүнүн лидерлери шериктештик алкагында өз ара аракеттенүүнүн актуалдуу маселелерин талкуулашат. Жыйынтыгында КМШ мамлекет башчыларынын бир катар билдирүүлөрү кабыл алынары пландалууда. Негизинен шериктештиктин 30 жылдыгы... Читать дальше...

Кыргызстанда бүгүнкү күндө майыптыгы бар адамдардын саны 200 миңдин тегерегинде. Бул тууралуу 15-октябрда Бишкекте кайрымдуулук марафонунда сүйлөп жатып Министрлер кабинетинин төрагасы Акылбек Жапаров билдирди. Анын айтымында, майыптыгы барларга мамлекеттен берилүүчү жөлөкпул өлчөмү быйыл жарымына көбөйтүлдү, кийинки жылы дагы ошончого көбөйтүү пландалууда: “193 700 майып киши бар экен, анын 32 миңи 18 жашка чыга элек балдар. Арасында атасы же апасы жоктор, томолой жетимдер да бар. Президенттин жарлыгына ылайык... Читать дальше...

13-октябрда Кант шаарындагы Чүй облустук китепканасында "Мен - Малала" аттуу китептин кыргызча котормосунун бет ачары өттү. Иш-чарага АКШнын Кыргызстандагы элчилигинин өкүлдөрү, китепти кыргыз тилине которгон Бактынур Абдиева жана “Гүлзар” мектеп-медресесинин окуучу кыздары катышты. Китепте бүткүл дүйнөдөгү аялзатынын жалпы билим алуусун көздөгөн Малала Юсуфзай аттуу пакистандык жигердүү кыз тууралуу баяндалат.

“Центерра Голд” компаниясы Кыргызстандан чыгып кетиши мүмкүн. Мындай билдирүүнү Акылбек Жапаров “Азаттыкка” билдирди. Бирок алар Кыргызстандын 26% акциясына кызыкдар. Швейцариянын Женева шаарындагы Кумтөр кени тууралуу “Центерра” компаниясы менен сүйлөшүүлөрдүн биринчи раунду аяктаганы менен анын мазмуну, корутундусу тууралуу толук маалымат айтылган эмес. Буга эки тараптын сүйлөшүүнүн жыйынтыгын купуя сактоо келишими себеп болгон. Бирок Министрлер кабинетинин 12-октябрда жаңы дайындалган төрагасы... Читать дальше...