Бишкек: Мектептер жана бала бакчалар азырынча толук ачылбайт
Мекеменин маалыматына караганда, 1, 2, 3, 4, 5, 9, 11-класстар мектепке барып окушат, ал эми 6, 7, 8, 10-класстардын сабактары аралыктан жүргүзүлөт.
Бала бакчалар да азырынча толук ачылбайт. Мектепке даярдоо жана муктаж үй-бүлөлөрдүн балдары үчүн ачылган өзүнчө топтор гана иштей берет.
Кыргызстанда коронавируска каршы чаралардан улам мектептер жана бала бакчалар 2020-жылдын мартында жабылган. Кийин айрымдары толук ачылды, кээ бирлери эпидемиологиялык кырдаалга жараша жарым-жартылай ачылып иштеп жатышат. Жеке менчик билим берүү жайларынын көбү ишин кадимки тартипте улантууда.
22-мартта башталган жазгы каникул 31-мартта аяктап, төртүнчү чейрек 1-апрелде башталат. (RK)