Новости за 07.03.2019

په کیف کې د امریکا د متحده ایالاتو سفیرې له اوکرایني چارواکو غوښتي دي چې د اداري فساد پر ضد ځانګړی څارنوال له کاره ګوښه کړي او په اوکراین کې د فساد مخه ونیسي. ماریا یووانویچ پرون په کیف کې وویل چې لا هم د حکومت هڅې د فساد پر ضد، د قانون د حاکمیت او اصلاحاتو لپاره چې څرنګه د اوکراین لپاره په‌کار دي، هغسې نتیجه نه‌ده ورکړې. ماریا یووانویچ زیاته کړه چې د فساد ضد مؤسسو د ښه‌والي لپاره باید څارنوال نظر خولودنیتسکي برطرفه شي. د اوکراین د فساد ضد ادارې څارنوال نظر خولودنیتسکي تورن شوی دی چې د هغو چارواکو د مجازات مخه نیسي چې په فساد کې ښکېل دي.

د ایران د بهرنیو چارو مرستیال وزیر وایي، د ایران د اټمي تړون د اکثرو لاسلیک کوونکو ملاتړ یې ترلاسه کړی دی. عباس عراقچي پرون په ویانا کې د امریکا له متحده ایالاتو پرته، د ۲۰۱۵ میلادي کال د اټمي تړون له لاسلیک کوونکو سره تر غونډې وروسته خبریالانو ته وویل: "موږ د ټولو برخه‌والو پیاوړی ملاتړ د تړون په برخه کې ترلاسه کړ. دوی دا ومنله چې دا توافق‌نامه یوازې هغه وخت پاتېدای شي چې ایران له هغې ګټه واخلي. دوی ژمنه وکړه چې پر هغه مېکانیزم به کار وکړي چې ایران د بندیزونو له لیرې کېدو ګټه ترلاسه کړي." ... Читать дальше...

د اسرائیل صدراعظم خبرداری ورکړ چې اسرائیلي جنګي بېړۍ به هغه کښتۍ پرې نه‌ږدي چې ایراني تېل قاچاقوي. بنیامین نتانیاهو پرون په حیفا کې د خپل هېواد سمندري ځواکونو ته د خبرو پر مهال تور پورې کړ چې ایران اوس هم په پټه غواړي چې تېل وپلوري او د ۲۰۱۵ میلادي کال تر اټمي تړون مخکې یې هم ورته هڅې کولې. د امریکا د متحده ایالاتو ولسمشر ډونالد ټرمپ تېر کال له ایران سره له شوي اټمي تړونه په‌دې نیت بهر شو چې د ایران د تېلو صادرات به صفر ته راښکته شي. تر اوسه دا څرګنده نه‌ده چې اسرائیل به د ایران د تېلو د قاچاق مخه څرنګه نیسي. Читать дальше...