Новости за 18.03.2019

د افغان ولسمشر دوهم مرستيال په يوه ټولنه کې د بيان ازادي د نورو مدني ارزښتونو د ټينګېدو اصل وبلله. سرور دانش نن په کابل کې د خبريالانو د ملي ورځې په مناسبت جوړې شوې غونډې ته وويل: "که په يوه ټولنه کې د بيان ازادي حاکمه وي، دا د دې نښه ده چې په هغه هېواد کې بشري حقونه هم رعايت کېږي، سياسي، اقتصادي او فرهنګي ازادي هم په‌کې شته." د ازادو رسنيو د ملاتړ ادارې نى عمومي مشر مجيب خلوتګر پرون ازادي راډيو ته وويل، دا ورځ په داسې وخت کې لمانځل کېږي چې تر درېيو مياشتو په لنډه موده کې د رسنيو ٤ کارکوونکي وژل شوي دي. Читать дальше...

نامعلومو وسله والو د کونړ په مرکز اسعداباد کې د ملي امنیت یو مدیر په ډزو وواژه. د کونړ د والي ویاند عبدالغني مصمم نن دوشنبه سهار ازادي راډیو ته وویل چې مدیر شفیع الله نن سهار په اسعداباد کې له خپل کوره دفتر ته روان و چې ناپېژاندو وسله والو وواژه. تر اوسه د قاتلانو د هويت په اړه معلومات نه دي ورکړل شوي او د پېښې مسؤليت هم چا نه دى منلى. د دې پېښې په عکس العمل کې په اسعداباد کې ځينو کسانو لاریون پيل کړى دى.

افغانستان له ايرلنډ څخه د کرکټ پنځه ورځنۍ يا ټېسټ لوبه په ٧ وېکټو وګټله. د هند په دهرادون کې دغه پنځه ورځنۍ مسابقه ...

د هلمند د کرنې ریاست مسؤلان وايي، ګڼ داسې بوټي يې تجربه کړي چې په دودولو سره به يې د کوکنارو د کښت مخنيوى وشي. د کرنې رئيس زلمي الکو ازادي راډیو ته وویل، د اينجه او الو ویرا بوټو تجربې ښودلې چې د هلمند په ځمکو کې ښه وده کوي. ده زیاته کړه: "خپله الو ويرا د کوکنارو ښه بديل دى، هم غوره کورنى او نړيوال مارکېټ لري، الو ويرا او اينجه د کوکنارو بديلې لارې دي، دا مو سنجولې چې د کوکنارو مخنيوى وکړو." د کرنې رئيس وايي، کروندګرو ته د دغو بوټو په اړه عامه پوهاوى او دوى ته د دغو بوټو ورکول پيل شوي دي. Читать дальше...

د افغانستان لویه څارنوالۍ وايي، د شپږ کلنې مهسا د قتل د دوسیې د څېړنې لپاره پلاوی ټاکل شوی او د څېړنو تر بشپړېدو وروسته به ...

په کندهار کې مطالعې ته د ځوانانو د هڅونې او د مطالعې د رواج په هدف د ځوانانو يوې ډلې تازه د کتاب لوستنې حرکت پیل ...

هغه ۲۸ کلن اسټرالیايي چې په نیوزیلنډ کې پر دوو جوماتونو په بریدونو تورن دی، د محکمې له‌خوا ورکړل شوی وکیل نه‌دی منلی او غواړي چې په خپله خپل وکالت وکړي. مدافع وکیل ریچارډ پیټرز چې د محکمې په ابتدايي غونډه کې یې د تورن برینټون ټارنټ استازیتوب کاوه، نن د فرانسې خبري اژانس ته وویل: "دې سړي داسې ښودلې چې مدافع وکیل نه‌غواړي." پیټرز زیاته کړې: "نوموړی د داسې چا په څېر نه‌ښکاري چې رواني ستونزه دې ولري او هغه څه چې روان دي، نوموړی پرې پوهېږي." د تېرې جمعې په ورځ د نیوزیلنډ په کرایست چرچ ښار کې... Читать дальше...

ټاکل شوې ده چې کاناډا په اوکراین کې د خپل روزنیز مأموریت د تمدید اعلان وکړي. په‌دې اړه د روېټرز خبري اژانس د یوې باخبره سرچینې په حواله راپور ورکړی دی. دې سرچینې ویلي، د کاناډا د بهرنیو چارو او دفاع وزیران کریسټینا فریلنډ او هارګېت ساجان به نن له غرمې وروسته په‌دې اړه په یوه خبري غونډه کې خبرې وکړي.  په اوکراین کې د کاناډا روزنیز مأموریت ۲۰۰ غړي لري. روېټرز خبري اژانس د دې سرچینې له قوله زیاته کړې، د دې امکان نه‌شته چې کاناډا دې اوکراین ته اضافي روزونکي واستوي. د کاناډا د دفاع وزارت ویاند... Читать дальше...

د امریکا د دفاع وزارت د یوې امریکايي ورځپاڼې هغه راپور رد کړی چې وايي، متحده ایالات پلان لري په سوریه کې خپل زر تنه سرتېري وساتي. د امریکا د ټولو ځواکونو لوی درستیز جنرال جوزف ډانفورد تېره ورځ ناوخته وویل، هغه ادعاوې چې په سوریه کې د زر تنو امریکايي سرتېرو د پاتې کېدو په اړه په یوه ورځپاڼه کې راپورته شوې، حقیقت نه‌لري. نوموړي زیاته کړې، له سوریې د امریکايي ځواکونو د وتلو په هغه پلان کې چې د فبرورۍ په میاشت کې اعلان شو کوم بدلون نه‌دی راغلی او له سوریې د امریکايي سرتېرو د ایستلو په برخه کې د ولسمشر ټرمپ د امر عملي کېدو ته دوام ورکوي. Читать дальше...

راپورونه وايي، د امریکايي ځواکونو یوه بې‌پیلوټه الوتکه د پروان ولایت په باګرام ولسوالۍ کې لوېدلې ده. د باګرام ولسوال عبدالشکور قدوسي نن ازادي راډیو ته وویل، دا بې‌پیلوټه الوتکه د یکشنبې په ورځ ناوخته د باریک اب په دښته کې د تخنیکي ستونزو له کبله نسکوره شوې ده. د ښاغلي قدوسي په وینا دا الوتکه د باګرام هوايي ډګر په پنځه کېلو مترۍ کې لوېدلې او د لوېدو په پېښه کې چاته زیان نه‌دی اوښتی. په افغانستان کې مېشتو امریکايي ځواکونو د دې بې‌پیلوټه الوتکې د لوېدو خبر تأیید کړی او ویلي یې دي چې د پېښې په اړه تحقیقات کوي.

د افغانستان په شمال کې د ملي اردو چارواکي وايي، د شنبې د ورځې راهیسې یې د فاریاب، بلخ او کندز په ولایتونو کې ۳۶ وسله‌والو ته مرګ ژوبله اړولې ده. د ۲۰۹ شاهین قل اردو مطبوعاتي دفتر نن دوشنبه سهار په یوې خپره کړې خبرپاڼه کې ویلي چې د فاریاب په قیصار ولسوالۍ کې یې په څو کلیو کې د عملیاتو پر مهال ۱۱ وسله‌وال وژلي دي. په خبرپاڼه کې زیاته شوې د بلخ ولایت دولت‌اباد ولسوالۍ کې یې دوه تنه وسله‌وال وژلي او د همدې ولایت په بلخ ولسوالۍ کې یې څو کلي له وسله‌والو تصفیه کړي دي. د شاهین قول اردو خبرپاڼه همدارنګه... Читать дальше...

چارواکي وايي، په بادغيس ولايت کې د يوې اوونۍ جګړې په نتيجه کې د دولت تر ٤٠ زيات مخالف وسله‌وال وژل شوي دي. د والي وياند جمشېد شهابي پرون ناوخته ازادي راډيو ته وويل، په‌دې جګړه کې افغان پوځيانو ته هم مرګ ژوبله اوښتې ده: "په تېره يوه اوونۍ کې ١٥ شهيدان او د ٢٠ په شاو خوا کې ټپيان لرو. د وسله‌والو مخالفانو ٤٠ تنه وژل شوي دي. تيت و پرک جګړې اوس هم شته. خو ولس ته ډاډ ورکوو چې ډېر ژر به په بالامرغاب کې امنيتي ستونزه له‌منځه لاړه شي." د ولايتي شورا ځينې غړي بيا وايي، په بالامرغاب کې له ١٢ ورځو راهيسې جګړه روانه ده. Читать дальше...

نن دوشنبه په افغانستان کې د «خبريالانو ملي ورځ» لمانځل کېږي. په‌دې اړه به په کابل او ولايتونو کې د غونډو پر مهال د خبريالانو او رسنيو د فعاليت پر اهميت خبرې وشي. د ازادو رسنيو د ملاتړ ادارې يا «نى» عمومي مشر مجيب خلوتګر پرون ناوخته ازادي راډيو ته وويل: "دا ورځ په‌داسې وخت کې لمانځو چې د ځينو هم مسلکانو وينې مو وچې شوي نه‌دي. تر درېيو مياشتو مو په لنډه موده کې د رسنيو ٤ کارکوونکي له لاسه ورکړي دي." د حکومت کابينې روان کال د کب یا حوت پر ١٤مه په خپله غونډ کې د کب ٢٧مه د خبريالانو د ورځې په نوم ونوموله. Читать дальше...

د کندهار والي وايي، د دغه ولایت په ارغنداب ولسوالۍ کې د وروستۍ حملې تحقیقات پیل شوي دي. د شنبې په ماښام د ارغنداب ولسوالۍ په ګل کلاچې سيمه کې په يوه بمي چاودنه کې د کندهار د عامه نظم د پوليسو قوماندان زمرى خان ووژل شو. په پېښه کې د هغه درې ساتونکي او يو قومي مشر هم وژل شوى دى. د کندهار والي حیات الله حیات پرون يکشنبه خبریالانو ته وویل چې د دغې پېښې تحقیقات پیل شوي دي: "د پېښې د تحقيق لپاره پلاوى ټاکل شوى دى. امنيتي او دفاعي ارګانونو ته سپارښتنه شوې چې د دغسې پېښو د مخنيوي لپاره لازم تدابير... Читать дальше...

د سولې ولسي حرکت وايي، نن دوشنبه د ننګرهار د مرکز جلال‌اباد په ځينو جوماتونو او تعليمي ادارو کې د سولې او اوربند پر اهميت خبرې کوي. د دغه حرکت وياند بسم‌الله وطندوست پرون ناوخته ازادي راډيو ته وويل: "په پوهنتونونو، انستيتيوتونو او مسجدونو کې پلانونه لرو، هلته له خلکو سره غونډې لرو، خبرې ورسره وکوو. وروسته ښايي ځينو ولسواليو ته هم لاړ شو." د ولسي ولسي حرکت غړي وايي، تر اوسه يې د ننګرهار ولايت په ١٣ ولسواليو کې د سولې په ملاتړ ولسي غونډې جوړې کړي دي.

د صربيا ولسمشر ژمنه وکړه چې په خپل ټول هېواد کې به د قانون او عامه نظم دفاع وکړي. وړمه ورځ د اپوزيسيون ملاتړو د دولتي ټلوېزيون پر ودانۍ يرغل ور وړ او د لنډې شېبې لپاره يې ونيوله. دوى د هغه څه له کبله مظاهره وکړه چې دوى استبدادي واکمني او د دولتي رسنيو له‌خوا د دوى د مظاهرو په اړه مغرضانه نشرات وبلل. خو ولسمشر الکساندر ووچيچ پرون يکشنبه په بلګراد کې د جمهوري رياست په ودانۍ کې وويل: "صربيا به هېڅ‌کله د چا په وړاندې تاوتريخجنو ګواښونو ته اجازه ورنه‌کړي. هغه کسان چې فکر کوي کولاى شي د زور زياتي،... Читать дальше...

ټاکل شوې د روسيې ولسمشر ولادیمير پوتين نن دوشنبه کريميا سيمې ته سفر وکړي. دى به د هغه څه په پنځمه کليزه کې برخه واخلي چې مسکو يې له روسيې سره د تور سمندرګي د دې ټاپو وزمې يوځاى کېدل ګڼي. کریملين پرون يکشنبه وويل: "پوتين به کريميا ټاپو وزمې او بيا د هغې بندري ښار سواستوپول ته ورشي چې له روسيې سره د کريميا د «يوځاى کېدو» د پنځمې کليزې په مراسمو کې برخه واخلي." خو کيف او غربي قدرتونو له روسيې سره د کريميا يوځاى کېدل «غيرقانوني» بللي دي. دا مسئله د دې سبب شوه چې پر ځينو روسي اشخاصو او شرکتونو بنديزونه ولګول شي.

کابل چاپ ورځپاڼو په خپلو نننیو ګڼو کې د افغانستان د سیاسي حالاتو په اړه ګنې لیکنې چاپ کړي دي.

امریکا له طالبانو سره پر اوربند او خبرو برسېره نورې غوښتنې هم باید ولري، واشنګټن پوسټ ورځپاڼه تر دې سرلیک لاندې...

د بادغيس چارواکي هغه راپورونه نه تأييدوي چې په‌کې ويل شوي، وسله‌والو طالبانو په بالامرغاب ولسوالۍ کې شاو خوا ١٥٠ سرتېري اسيران کړي دي.

په نيوزيلنډ کې د تېرې جمعې تر حملو وروسته يو افغان په ډېرو رسنيو کې د اتل په توګه ياد شوى دى.

د پاکستان د کورني شل اووریز کرکټ لیګ پاکستان سوپر لیګ «PSL» د څلورم پړاو اتلولي کوټه ګلیډیټرز لوبډلې وګټله.

اروپايي ټولنې د اذربايجان د ولسمشر د هغې پرېکړې هرکلى وکړ چې د بشري حقونو زنداني شويو بشري فعالانو او سياسي مخالفانو ته عفوه کېږي. دا د الهام علي‌اف د عفوې د پراخ پلان برخه بلل شوې او تمه ښوول شوې دغه ډول نور اقدامات به هم وشي. د اروپايي ټولنې د بهرنۍ پاليسۍ د مشرې فدريکا موګريني دفتر پرون په يوه اعلاميه کې وويل: "په هغو څه باندې ٤٠٠ کسانو کې چې عفوه ورته شوې، د سياسي ګوندونو او غيرحکومتي سازمانونو استازي، بلاګ ليکونکي او خبريالان هم شامل دي." په اعلاميه کې دا د هرکلي وړ اقدام بلل شوى دى. Читать дальше...