Новости за 15.03.2022

د روغتیا نړیوال سازمان وايي چې د شري ناروغۍ تر اوسه پورې په افغانستان کې ۱۴۲ ماشومان مړه کړي دي. د دې ادارې پر اساس په ټول افغانستان کې نږدې ۱۸ زره ماشومان په شري اخته شوي دي. د روغتیا نړیوال سازمان له دې جلا په یو بل خبر کې ویلي چې په افغانستان کې یې د ماشومانو د شري پر ضد واکسیناسیون په داسې حال کې پیل کړی چې دا ناروغي په شدت خپرېږي او د ماشومانو ژوند اخلي. د واکسیناسیون په دې کمپاین کې چې د شنبې په ورځ پیل شو او د پنجشنبې تر ورځې دوام کوي، یو ملیون او ۲ لکه ماشومان د شري پر ضد واکسین کېږي. Читать дальше...

د یونان په یو کیمپ کې افغان کډواله رویا رسولي نجونو ته انځورګري ورښیي. هغې زیاتره انځورونه د افغانستان د ښځو وضعیت په اړه جوړ کړي دي او وايي چې هغه هېواد کې ښځې د خپلو حقونو لپاره غږ نه شې پورته کولای. د رویټرز اژانس ویډیويي رپورټ.

پاکستان ویلي چې نور به خپلې خاورې ته افغانان بې‌ويزې پرېنږدي.  پاکستان له ډېره وخته د افغانانو لپاره د رسمي ویزې شرط ایښی، خو یوازې یې د سرحدي ولایتونو اوسېدونکي پرېښودل چې بې‌ویزې له کرښې واوړي.   د راپورونو له مخې د پاکستان حکومت د افغانانو لپاره د ویزې نوي مقررات جوړ کړي چې تر مخکېنیو سخت دي.  په همدې حال کې پاکستان ویلي چې تر سبا دوشنبې پورې هغو افغانان ته چې ویزه نه‌لري اجازه ورکوي چې د تورخم او سپین بولدک له لارې د تذکرې په ښودلو افغانستان ته واوړي.

د ملګرو ملتونو سرمنشي انتونیو ګوترش وايي، پر اوکراین د روسیې حمله د خوراکي موادو د ناامنۍ یا د ده په وینا د خوړو د توپان سبب کېدای شي.  ده وویل، ډېری افریقايي او بې‌وزلي هېوادونه له روسیې او اوکراین څخه غله واردوي چې اوس له دغو هېوادونو د غلو واردات له خنډ سره مخامخ شوي دي.   د سرمنشي په وینا د بورکینافاسو، یمن او سومالیا په شان هېوادونه اوس د خپلو خلکو د مړولو لپاره له سخت کړاو سره مخامخ دي.

د امریکا متحده ایالاتو پرون (دوشنبې) په ناټو او اسیايي هېوادونو کې خپلو متحدانو ته خبر ورکړ چې چین غواړي په اوکراین کې د روسیې د جګړې د ملاتړ لپاره دغه هېواد ته پوځي او اقتصادي مرستې ولېږي. د روېټرز خبري اژانس د راپور له مخې، یوه امریکايي چارواکي ویلي چې دا پیغام د ډیپلوماتیکو کانالونو له لارې استول شوی او استخباراتي چارواکو په خپله سپارلی دی. دغه چارواکي چې نوم‌یې نه‌دی څرګند شوی، دا هم ویلي چې چین ممکن دا خبره رد کړي.

د امریکا په سنا جرګه کې د جمهوري‌پال ګوند له ۵۰ سناتورانو څخه ۴۹ یې پرون (دوشنبې) وویل چې د ایران د ۲۰۱۵ کال د اټمي موافقې د احیا کېدو په اړه د ایران او نړیوالو قدرتونو د نوې موافقې ملاتړ نه‌کوي. د جمهوري‌پال ګوند سناتورانو د روسیې د نویو شرطونو په باب د رسنیو د راپورونو په استناد چې ممکن دا شرطونه د خبرو د ناکامۍ سبب شي، په یوه اعلامیه کې ادعا کړې چې د جو بایډن حکومت ښايي په داسې شرایطو کې موافقه ومني چې د ایران د اټمي فعالیتونو د کنټرول لپاره ډېره کمزورې وي.

چین له طالب چارواکو سره د عینک د مسو کان او دغه‌راز د امو دریا د تېلو او ګازو د حوزې په اړه په خبرو بوخت دی. وال سټريټ ژورنال ورځپاڼې د امریکايي چارواکو په قول ویلي چې چین به هغه تشه ډکه کړي چې له افغانستانه د امریکا له وتلو وروسته رامنځته شوې ده. ورځپاڼې همداراز لیکلي، چین د خپلو کمپنيو لپاره چې ځینې یې په کابل کې دفترونه لري، د لا زیاتو امتیازونو د ترلاسه کولو هڅه کوي. د طالبانو حکومت او چینايي چارواکو تأیید کړه چې چینايي کمپنۍ په کابل کې له نویو واکمنانو سره د کانونو، تېلو او ګازو پر پروژو خبرې کوي. Читать дальше...

د ملګرو ملتونو د کډوالو لوی کمېشنر فيلیپو ګراندي پرون کابل ته ورسېد چې په افغانستان کې د کډوالو، کورنیو بې‌ځایه شویو او د افغانستان د بشري وضعیت په اړه له طالب چارواکو سره خبرې وکړي. د طالبانو حکومت کابل ته د ښاغلي ګراندي سفر ښه ګام وباله او هیله‌يې څرګنده کړه چې خپلو مېنو ته د کورنیو بې‌ځایه شویو او بهر ته د تللیو کډوالو په بېرته ستنولو کې به مرسته وکړي. ګراندي پرون کابل ته له رسېدو وروسته پر خپله ټویټرپاڼه کښلي چې شپږ میاشتې وروسته بیا افغانستان ته تللی چې په دغه هېواد کې د بشري وضعیت په اړه... Читать дальше...

د طالبانو د بیا واک ته رسېدو اووه میاشتې پوره شوې. که څه هم تر اوسه پورې هېڅ هېواد د طالبانو حکومت په رسمیت نه‌دی پېژندلی، خو د ترکیې د بهرنیو چارو وزیر مولود چاووش اوغلو وايي، تر هغو چې د افغانستان حکومت په رسمیت نه‌وي پېژندل شوی، د دغه هېواد ډېرې ستونزې نه‌شي حل کېدای. مولود چاووش اوغلو وايي، د طالبانو حکومت چارواکو ته‌یې هغه سپارښتنې کړي چې که دوی یې عملي کړي، نو نړیوال به د دوی حکومت په رسمیت وپېژني. د ترکي رسنیو د راپور له مخې، اوغلو په یوه خبري غونډه کې وویل، طالبانو ته‌یې د دوستۍ له مخې... Читать дальше...