Новости за 16.11.2022

ملګرو ملتونو پرون سې شنبه په ایران کې د سوله ییزو اعتراضونو پر مهال د زرګونو نیول شویو کسانو د خوشې کېدو غوښتنه وکړه. د ایران رژیم په دغه هېواد کې پر روانو اعتراضونو فشارونه زیات کړي دي. په ایران کې ۸ اوونۍ مخکې دغه اعتراضونه وروسته له هغې پیل شول چې د مهسا امیني په نوم یوې ۲۲ کلنې ښځې د پولیسو په توقیف کې ساه ورکړه. هغه په بشپړ ډول د حجاب نه رعایت په تور نیول شوې وه. د ملګرو ملتونو د بشري حقونو دفتر ویلي، په ایران کې یو نیول شوی معترض له وړاندې په مرګ محکوم شوی دی. د دغه دفتر ویاند جرمي... Читать дальше...

ټاکل شوې د افغانستان د فوټبال تر ۱۴ کلونو کم عمره لوبغاړي نن چهارشنبه د ازبکستان په وړاندې مسابقه وکړي. د افغانستان د فوټبال فډراسیون په خپله رسمي فېسبوک پاڼه کې لیکلي، دغه مسابقه به د کابل پر وخت تر غرمې مخکې ۱۱ بجې پیل شي. د افغانستان تر ۱۴ کلونو کم عمره لوبډله توانېدلې د اسیا د مرکز د مسابقو په لړ کې ترکمنستان او ایران ته ماتې ورکړي. په تاجکستان کې دغه لوبې د نوامبر پر نهمه پیل شوي، چې تر را روانې شنبې ورځې دوام کوي.

په افغانستان کې د ملګرو ملتونو سیاسي دفتر یا یوناما، تفریحي پارکونو، حمامونو او ورزشي سالونونو ته د ښځو پر تګ بندیز ته په اشارې، په دې باب ژوره اندېښنه وښوده. پر ښځو د محدودیتونو په لړ کې د طالبانو سرپرست حکومت په تازه مورد کې نجونې او ښځې تفریحي پارکونو، حمامونو او ورزشي سالونونو ته له تګ رسماً منع کړې. یوناما پرون ناوخته په خپل ټویټر کې لیکلي، چې د افغانانو ټولو حقونو په ځانګړي ډول د ژوند ټولو برخو ته د ښځو د لاسرسي او د نجونو د تعلیم حق ته دې درناوی وشي. که څه هم د طالبانو حکومت ویلي چې... Читать дальше...

تمه کېږي، د افغانستان په اړه د «مسکو فارمټ» په نوم غونډه د طالبانو د سرپرست حکومت د استازو په نه موجودیت کې نن جوړه شي. د افغانستان لپاره د روسیې ځانګړي استازي ضمیر کابلوف د لړم/عقرب پر ۱۸مه د روسیې ټاس خبري اژانس ته ویلي وو، چې دغې غونډې ته د طالبانو استازي نه‌دي بلل شوي. هغه یې دلیل ونه وایه. د طالبانو حکومت ویلي، چې د طالبانو نه بلل له روسیې سره پر دوه اړخیز تعامل منفي اغېز کوي او دا غونډه به نامکمله وي. تېر کال د مسکو فارمټ په غونډه کې چې د روسیې په کوربه‌توب وشوه، طالبانو وروسته له هغې ګډون وکړ، چې د ګډون بلنه ورکړل شوه. Читать дальше...

په افغانستان کې د بې پولې ډاکټرانو ټولنه یا (MSF) وايي، له یوه کال راهیسې د دوی پر روغتیايي مرکزونو د مراجعانو شمېر څو برابره زیات شوی دی. په بېلابېلو ولایتونو کې خلک شکایت لري، چې په دولتي روغتونونو کې یې د ناروغانو سمه درملنه نه‌کېږي او شخصي روغتیايي مرکزونو ته د بې‌وسۍ له کبله مراجعه نه‌شي کولی. د ارزګان ولایت اوسېدونکی کریم الله وايي، په دې ولایت کې ګڼ کسان له وړ روغتیايي خدماتو بې برخې پاتې دي او په لیرو پرتو سیمو کې وضعیت لا خراب دی. هغه ازادۍ راډیو ته وویل، یو علت دا دی چې په خلکو کې بې‌وزلي زیاته شوې ده. Читать дальше...

د افغانستان د سوداګرۍ او پانګونې خونه وايي، د سپین بولدک - چمن دروازې د تړل کېدو له کبله نه یوازې افغان سوداګرو ته د ملیونونو افغانیو په ارزښت زیان اوړي، بلکې د افغانستان په بازارونو کې به د ځینو موادو د بیو لوړېدو سبب هم شي. د دغې خونې د مدیره هیئت غړي خان جان الکوزي، پرون ناوخته ازادۍ راډیو ته وویل، چې د دې دروازې تړل پاتې کېدل به د غذايي موادو د خوسا کېدو سبب شي. نوموړي وويل: "د موټرو لار تړلې ده. لا پرانیستل شوې نه‌ده. دا موږ ته لوی زیان دی. له بده مرغه په دواړو خواو کې زموږ په سلګونو موټر درېدلي دي. Читать дальше...