Новости за 18.02.2019

Ҳавошиносон мегӯянд, захираҳои барф дар кӯҳҳои Тоҷикистон имсол ба ҳадде зиёд шуд, ки дар 14 соли ахир дида нашудааст.

Додгоҳе дар Алмаато рӯзи 18 феврал модареро, ки дар давоми шаш соли ахир духтарашро латукӯб мекард, ба шаш соли зиндон маҳкум намуд. Додгоҳ қарор кард, ки Анна Иванова духтараш Дианаро шадидан латукӯб мекард, масъулиятҳои модарии худро иҷро намекард ва ба ҳамин хотир барои ҳар як соли азият кардани духтараш яксолӣ дар зиндон мемонад. Бори аввал дар Қазоқистон азиятҳои Диана соли 2011 расонаӣ шуд. Он замон модаркалонаш духтари хурдсолро бо асои бағалаш шадидан латукӯб кард ва кӯдакро  ба бахши эҳёгарии бемористон интиқол доданд. Читать дальше...

Сухангӯи президенти Русия Дмитрий Песков гуфт, ки Кремлин парвандаи марбут ба мудири ширкати сармоягузори амрикоиро, ки дар фасоди молӣ дар ҳаҷми калон муттаҳам шудааст,  аз наздик пайгирӣ мекунад. Зимни суханрониаш бо матбуот дар Маскав рӯзи 18 феврал, Песков гуфт, ки ҳабси Майкл Калви, раиси ширкат сармоягузори  Baring Vostok ҳеҷ рабте ба бад шудани муносибатҳои Русияву Амрико надорад.  “Равобити Русия бо кишварҳои дигар ба фаъолиятҳои тиҷоратии сармоягузорон дар ин кишвар таъсире надорад”, гуфт Песков ва афзуд... Читать дальше...

Ҳизби Халқии Демократии Тоҷикистон, ҳизби раиси ҷумҳур Эмомалӣ Раҳмон рӯзи 7-уми феврал эълон кард, ки теъдоди аъзояш ба ним миллион нафар наздик шудааст.

Дар додгоҳ кӯдак нақл кард, ки модараш ӯро чигуна азият мекард: гӯшашро бо амбӯр бурида, дандонашро бо болға шикаста буд. Мутахассисон маълум кардаанд, ки Иванова аз бераҳмии шадид духтарашро ҳамеша ба як ҷояш мезад, ва ҷои дард сиҳҳат нашуда, боз ҷароҳат мебардошт.

Сангрез мактаби ноҳияи Дарвозро вайрон кард, афсари умури дохилӣ ба хотири шиканҷаи боздоштшуда ба ҳабс гирифта шуд, амалиёт барои ишғоли охирин истеҳкоми ДОИШ дар Сурия ва мушкили дарёфти қарзи хона дар Тоҷикистон.

Покистон гуфт, ки рӯзи 18 феврал шоҳзодаи Саудӣ ҷоизаи баландтарини мадании худро тақдим мекунад ва ин тасмим баъди он гирифта шуд, ки рӯзи 17 феврал Муҳаммад бин Салмон зери созишномаи ихтисоси 20 миллиард доллар сармоя ба Покистон имзо гузошт. Қарор аст ҷоизаи “Нишони Покистон”-ро ба шоҳзодаи Саудӣ президент Ориф Алвӣ тақдим кунад. Дар идомаи сафари худ ба минтақа шоҳзодаи Саудӣ аз Ҳинд, рақиби деринаи Исломобод дидан мекунад. Покистон, ки мушкилоти ҷиддии иқтисодиро пушти сар мекунад, умедвор аст... Читать дальше...

Маркази исломшиносии Тоҷикистон мегӯяд, аксари маводҳое, ки аз ҷониби мақомотҳои судию тафтишотӣ бо гумони тарғиботи андешаҳои террористию экстремистӣ барои ташхис ба онҳо ирсол мегардад, тасдиқи худро намеёбанд.

Вазорати рушди иқтисод ва тиҷорати Тоҷикистон аз коҳиши тавлид ва содироти алюминиюм дар соли гузашта дар кишвар хабар дод.

Бонки марказии Узбекистон (БМУ) тавассути саҳифаи худ дар Telegram хабар дод, ки сар аз 25 феврал дар ин кишвар пули нави 100-ҳазорсӯмӣ ба муомилот мебарояд. Ба огаҳии бонк, пули 100-ҳазорсӯмӣ ба донишманди маъруфи ӯзбек Мирзо Улуғбек ва дастовардҳои ӯ дар бахши ситорашиносӣ бахшида шудааст. Дар канори чапи пул расми муҷассамаи Мирзо Улуғбек тасвир гаштааст. Ҳамчунин дар он бо ранги сабз унсурҳое наққошӣ шудаанд, ки шахсони нобино метавонанд ба воситаи онҳо ҳаҷми пулро муайян кунанд. Ёдрас мешавем... Читать дальше...

Дар шаҳри Уралски Қазоқистон фаъоли боздоштшуда Албек Ергазиев аз ошёнаи севуми идораи пулис фирор кард ва бо ҷароҳатҳои зиёд дар бемористон бистарӣ шуд. Ба навиштаи бахши Қазоқии Радиои Озодӣ, ин ҳодиса 17 феврал рух додааст. Табибон ташхис карданд, ки чанд ҷои бадани вай шикаста ва сараш осеб дидааст. Дар ин бора хабарнигор Луқмон Ахмедёров дар саҳифаи Фейсбук хабар дод. Ба гуфтаи вай, Албек Ергазиевро кормандони пулис ахиран дар назди манзилаш боздошт карданд. Вай мехост, ба мулоқоти ҳокими вилояти Қазоқистони Ғарбӣ равад. Читать дальше...

Ширкати миллии ҳавопаймоии Туркманистон (Туркменховаёлларӣ) барои бартараф кардани мушкилиҳо ва мутобиқсозии худ ба меъёрҳои байналмилалии амнияти ҳавоӣ аз ширкати "Lufthansa Consulting" кумак хостааст. "Чанде пеш "Туркменховаёлларӣ" дар робита ба иҷрои талаботи Оҷонси амнияти ҳавонавардии Аврупо (EASA) бо мушкил рӯбарӯ шуд. Ширкат камбудиҳои худро эътироф мекунад ва ҳоло тасмим гирифтааст, дар ҳамкорӣ бо коршиносони ҳавоии олмонӣ онҳоро бартараф кунад", - омадааст дар изҳороти муштараки "Туркменховаёлларӣ"... Читать дальше...

Мақомоти вилояти Намангони Узбекистон пешниҳод карданд, ки тавассути Кодекси оила шартномаи никоҳ ҳатмӣ карда шавад. Дар ин бора вазорати адлияи Узбекистон хабар дод. Дар ин пешниҳод гуфта шудааст, онҳое, ки шартномаи никоҳ надоранд, мақомоти САҲШ никоҳи онҳоро сабт накунанд. Пештар аз ин роҳбари шуъбаи такмили санадҳои меъёриву ҳуқуқӣ дар бахши тақвияти институти оила Гулнора Ишанханова гуфта буд, ки замони бозбинии меъёрҳои Кодекси оилаи Узбекистон фаро расидааст. Вай пешниҳод карда буд, ки созишномаи никоҳ ҳатмӣ шавад. Читать дальше...

Мақомоти ҳолатҳои изтирории Қазоқистон мегӯяд, дар маҳаллаи Курсайи Чимкент як навраси 13-сола ду кӯдакро аз сӯхтор наҷот дод. Ба огаҳии департамент, шаби шанбеи 16 феврал дар яке аз манзилҳои зисти кӯчаи Жанакурилиси Курсай сӯхтор ба амал омад, ки дар дохилаш се кӯдак ҳузур доштанд. Кӯдаки калонӣ аз ҳамсояҳо кумак хостааст. Дар натиҷа навраси 13-солаи ҳамсоя то омадани кормандони оташнишонӣ ду кӯдаки 5 ва 3-соларо наҷот додааст. Манзили зист ба масоҳати 60 метри мураббаъ пурра ба коми оташ фурӯ рафтааст. Читать дальше...

Раёсати марзбонии Қирғизистон дар вилояти Ҷалолободи ин кишвар ҳамроҳ бо кормандони милиса гумонбарони дуздии маснуоти заргариро боздошт карданд. Дар ин бора рӯзи 17 феврал Хадамоти марзбонии Қирғизистон иттилоъ додааст. Ба иттилои ин ниҳод, дуздӣ аз Фурушгоҳи марказии Ҷалолобод сурат гирифтааст. Панҷ гумонбар ҳангоми убури гузаргоҳи марзии "Маданият" дар сарҳади Қирғизистон бо Узбекистон боздошт шуданд. "Ҳангоми тафтиш аз онҳо маснуоти заргарӣ - зару зевари тило пайдо шуд. Баъди тартиб додани... Читать дальше...

Толибон даври навбатии музокироти сулҳ дар Покистонро боздоштанд ва гуфтанд, ки аксари аъзои ҳайати музокиротӣ, ки таҳти таҳрими ИМА ва СММ мебошанд, сафар карда наметавонанд. Изҳороти мазкур рӯзи 17 феврал - як рӯз пеш аз сафари барномарезишудаи гурӯҳ ба Исломобод нашр шуд. Қарор буд ҳайати Толибон дар пойтахти Покистон бо нахуствазир Имрон Хон ва мақомоти амрикоӣ дидору гуфтугӯ мекарданд. Ҷузъиёти бештари ин мавзӯъ дар даст нест. Ин ҳам дар ҳолест, ки ҳукумати Афғонистон ба Шӯрои амнияти СММ... Читать дальше...

Ҳаракати мошинҳо дар роҳи мошингарди Душанбе-Хуҷанд муваққатан қатъ шудааст. Дар ин бора 18-уми феврал Далери Абдуллоҳ, сухангӯи намояндагии ширкати IRS дар Тоҷикистон хабар дод. Ба гуфтаи вай, "бинобар зиёд гардидани тармафароӣ ва давомдор будани боришоти барф айни замон ҳаракати воситаҳои нақлиёт муваққатан боздошта шуд". Аз аввали соли ҷорӣ ин бори севум аст, ки ҳаракат дар ин ҷодаи мошингард, ки марказ ва шимоли Тоҷикистонро ба ҳам мепайвандад, барои муддате қатъ мешавад.  Ба иттилои Далери Абдуллоҳ... Читать дальше...

Ҳукумати ноҳияи Восеъ гуфт, ягона осоишгоҳи нимавайрони кӯдакони гирифтори cил дар ноҳияро таъмир карда, ба кӯдакистон табдил медиҳад.

Дар паи афзоиши таниш дар миёни ду ҳамсояи ҳастаӣ, Покистон сафири худро аз  Ҳинд бозхонд. Дар ин бора рӯзи 18 феврал вазорати хориҷаи Покистон хабар дод. Ин таҳаввулот баъди он рух дод, ки даҳҳо ниманизомии ҳиндӣ ва ду сарбози артиш дар ҳамлаҳои ҷудогонаи ахир кушта шуданд. Дар ҳодисаи ахир, дар минтақаи таҳти контроли Ҳинди Кашмир дар бархӯрд бо шӯришиён дасти кам чор сарбози ҳиндӣ, аз ҷумла як афсари калон ва як фарди мулкӣ кушта шуданд. Ин ҳодиса чанд рӯз баъди як ҳамлаи интиҳорӣ  рух дод, ки... Читать дальше...

Ҳукумати Покистон барои истиқболи ҳавопаймои валиаҳди Шоҳи Арабистони Саудӣ, Шоҳзода Муҳаммад Бин Салмон, шаш ҳавопаймои ҷангӣ фиристод. Муҳаммад бин Салмон рӯзи 17-уми феврал вориди Покистон шуд ва ду тараф бо арзиши 20 миллиард доллар созишнома ва қарордод имзо карданд.

Мақомоти интизомии Тоҷикистон як афсари баландрутбаи вазорати умури дохилиро, ки ба шиканҷа ва сӯистифода аз мақом муттаҳам мешуд, дастгир кардаанд. Дар Додситонии кулли Тоҷикистон рӯзи 18-уми феврал ба Радиои Озодӣ гуфтанд, ки подполковник Фарҳод Нурхонов, афсари Раёсати умури дохилии шаҳри Душанбе  рӯзи 16-уми феврал дар Душанбе боздошт шуд. Фарҳод Нурхонов, муовини сардори Шӯъбаи кофтукови ҷиноӣ дар раёсати умури дохилии Душанбе ва Аваз Сабзаеву Икромиддини Аҳлиддин - кормандони идораи мазкур ба он гумонбар мешаванд... Читать дальше...

Баъди бозгашт аз вохӯрии муқаддамотии интихобии Лигаи чемпионати Осиё бо АГМК-и Узбакистон “Истиқлол” ширкати худро дар мусобиқаи анъанавии Ҷоми ФФТ идома медиҳад

Нависандагони адабиёти муосири тоҷик, ки ҳаққи комил доранд худро идомадиҳандаи адабиёти форсӣ бидонанд, имрӯз дур аз эътиборе ҳастанд, ки ниёгонашон доштанд. Ва чунон, ки маълум шуд мавзӯъ танҳо марбути эҷодиёти онҳо нест.

Варзишгарони тоҷик аз Ҷоми Аврупо оид ба ҷудо миёни навҷавонони то 21-сола, ки рӯзҳои 16-17-уми феврал дар шаҳри Санкт-Петербурги Русия баргузор шуд, бо як медали биринҷӣ бармегарданд.