Новости за 25.02.2019

Духтари сухангӯи президенти Русия ба ҳайси таҷрибаомӯз ба Парлумони Аврупо дар Брюссел ба кор қабул шуда ҳамакнун ба санадҳои мухталифи Иттиҳодияи Аврупо дастрасӣ пайдо кардааст.

Ба гуфти мансабдорони ироқӣ, рӯзи якшанбеи гузашта нерӯҳои демократиии Сурия, ки аз тарафи Амрико дастгирӣ мешаванд, 280 ошӯбгари боздоштшудаи гурӯҳи даҳшатфакани "Давлати исломӣ"-ро ба Ироқ таслим намуданд.

Ҷасади беҷони як корманди  Раёсати андози вилояти Хатлон дар хонаи волидонаш ошкор шуд. Ҷасади  Сайвалӣ Абдуллоеви 56-сола субҳи рӯзи 25-уми феврал аз банди доре дар манзили падараш дар шаҳри Кӯлоб пайдо шуд. Ба қавли наздиконаш, ин мард ду рӯз қабл аз шаҳри Бохтар ба Кӯлоб  барои дидорбинии наздиконаш рафта буд. Аз рӯи ин ҳодиса додситони шаҳри Кӯлоб санҷиш шурӯъ кардааст. Як манбаъ аз мақомоти интизомии шаҳри Кӯлоб рӯзи 25-уми феврал ба  Радиои Озодӣ гуфт, ки фарзияи аввалияти тафтишот “даст ба худкушӣ” задани Сайвалӣ Абдуллоев аст. Читать дальше...

Як созмони байналмилалӣ мегӯяд, тайи тақрибан ду моҳи охир дастикам 15 узви “Шоҳидони Яҳво”, як ҷараёни мамнӯи насронӣ дар Тоҷикистон, ҳангоми ибодат боздошт ва бозпурсӣ шудаанд.

Ҳаёти сокинони деҳаи "Истиқлолият" баъди 5 соли зилзилаи даҳшатбор

Аз 23 то 25 феврал дар шаҳри Жанаозени Қазоқистон 16 сокин ба ҷавобгарии маъмурӣ ҷалб шудааст. Ҳар кадоми онҳо аз 5 то 7 рӯз ҳабси маъмурӣ шуданд. Дар ин бора додситонии маҳаллӣ хабар дод.

Мақомот дар шимоли Тоҷикистон амволи ширкати “Умед 88”, яке аз ширкатҳои дар гузашта пештози тиҷорати сӯзишвориро ба музояда гузоштаанд. Ин амвол аз чанд нуқтаи фурӯш ва анбори нигоҳдории сӯзишворӣ дар шаҳрҳои Хуҷанду Бӯстон ва ноҳияи Спитамени вилояти Суғд иборат аст ва аз якуним миллион то тақрибан 16 миллион сомонӣ (муодили 1 миллиону 600 ҳазор доллар) нархгузорӣ шудааст. Манобеи огоҳ ба Радиои Озодӣ гуфтанд, ки музояда рӯзи 25-уми феврал баргузор шуд, аммо тафсилот дар даст нест. Дар огоҳии музояда гуфта шудааст... Читать дальше...

Президенти Русия Владимир Путин таъқиби додгоҳиии сармоягузори амрикоӣ Майкл Калви ва мудирони аршади бунёди "Бэрин Восток"-ро тавҷеҳшуда унвон кард. Дар ин бора оҷонсии Bloomberg рӯзи 25-уми феврал бо такя ба се иштирокчии гуфтугӯи пушти дарҳои баста бо Путин хабар дод. Гуфта мешавад, ки ин мулоқот ҳафтаи гузашта доир шуд. Ба гуфти онҳо, аз Путин дар ин мулоқот дар бораи қазияи Калви ва таъсири эҳтимолии он ба фазои сармоягузории Русия суол шуд. Президенти Русия гуфтааст, "ба натиҷагирии тафтишот... Читать дальше...

Роҳбарони мактабҳои "Сапат" тасмим доранд, аризаҳои хушунат ва бадрафторӣ нисбати хонандагон дар ин муассисаро мавриди санҷиш қарор диҳанд. Хонандагони "Сапат" ахиран дар интернет бо хэштег ё барчаспи #metoosebat дар бораи бадрафториҳои дар паси девори мактабҳои мазкур хабар шикоят нашр карданд. Ба гуфтаи Нурлан Худойбердиев, роҳбари муассисаи мазкур, муносибат бо хонандагон ҳамеша зери назорат аст. "Зоҳиран дар бораи хушунатҳо хатмкардагони 10-15 сол пеш менависанд. Сарфи назар аз ин, мо тафтиш хоҳем кард. Читать дальше...

Варзишгарони тоҷик дар мусобиқаи байналмилалӣ оид ба бокс ба хотираи Қаҳрамони Иттиҳоди Шӯравӣ Дуйшенқул Шопоков, ки аз 19-ум то 24-уми феврал дар пойтахти Қирғизистон - Бишкек  баргузор шуд, чор медал (ду тилло, як нуқра ва як биринҷӣ) ба даст оварданд. Дар ин мусобиқаи байналмилалӣ, ки дар Қасри варзиши ба номи Кожомқули Бишкек барои бори 42-юм сурат гирифт, ҳудуди 200 варзишгар (занону мардон) аз Беларус, Қазоқистон, Қирғизистон, Муғулистон, Русия, Тайланд, Тоҷикистон ва Узбекистон ширкат варзиданд. Читать дальше...

Ҳашт сохтмончӣ субҳи 25-уми феврал ҳини кор дар Масҷиди бузургтарин дар Душанбе аз баландии 33 метр ба замин афтода, бо захмҳои мухталиф дар бемористони Қарияи Боло бистарӣ шудаанд. Афроди маҷрӯҳшуда сокинони ноҳияҳои Дарвоз ва Данғара мебошанд. Вазъи бархе аз онҳо сангин гуфта мешавад.

Сарозершавии гурӯҳи бинокорон дар сохтмони масҷиде дар шаҳри Душанбе, Аскар Мамин-сарвазири нави Қазоқистон, раҳоии зани узбек аз ғуломии ҷинсӣ дар Чин, ҳаёти душвори қурбониҳои заминларзаи ноҳияи Ваҳдат ва матолиби дигар.

“Ҳукумати Тоҷикистон барои ҷалби сармояҳои бузург аз Амрико ҳавасманд аст, аммо барои ҷалби сармоягузорон ислоҳоти заруриро роҳандозӣ намекунад.” Департаменти давлатии Амрико дар гузориши нави “Фазои сармоягузорӣ дар соли 2018” дар мавриди Тоҷикистон чунин хулоса кардааст.

Бархе аз сокинони Душанбе мегӯянд, аз аввали имсол нархи нерӯи барқ ва об афзуда, ба будҷаи бе ин ҳам холии хонаводаҳо даст дароз кардааст. Ҳоло як киловат соат нархи нерӯи барқ тақрибан бист дирам аст.

Дар паи ҳисоби натиҷаҳои аввалияи интихоботи парлумонии Молдова, ҳеҷ ҳизби сиёсӣ натавонист аксари раъйҳоро ба худ ихтисос диҳад.

Дар фосилаи кӯтоҳ аз вуруди раҳбари Кореяи Шимолӣ Ким Чен Ун ба Ҳаной, мақомоти Ветнам ҳунарманди шабеҳи ӯро аз кишвар хориҷ карданд. Музокироти Ким Чен Ун бо президенти Амрико Доналд Трамп дар ин кишвар баргузор мешавад.  Ҳунарманди мазҳака, ки худро Ҳовард Икс меномад, рӯзи ҷумъа ҳамроҳ бо рафиқаш, ки Доналд Трампро тақлид мекунад, ба Ветнам омад. Онҳо дар кӯчаҳои пойтахти Ветнам зоҳир шуданд ва таваҷҷуҳи раҳгузарон ва журналистонро ҷалб карданд. Рӯзи 25-уми феврал кормандони пулис ба меҳмонхонае... Читать дальше...

Коргардони шинохтаи синамои Иттиҳоди Шӯравӣ Георгий Данелия бо бемории илтиҳоби шуш (пневмания) ба бемористон интиқол ёфт ва дар Маскав дар вазъияти комаи иҷборӣ қарор дорад.  Галина Юркова-Данелия, ҳамсари коргардони 88-сола гуфт, ки ӯро рӯзи 23-юми феврал оҷилан ба бемористон бурданд.  Данелияи гурҷитабор силсилаи филмҳоро таҳия кард, ки дар замони Иттиҳоди Шӯравӣ маҳбубият пайдо карданд. Филмҳои машҳури Данелия бо шумули "Я шагаю по Москве", "Афоня", "Мимино", "Осенний марафон" ва "Джентелмен удачи" то ҳол тамошобин доранд. Читать дальше...

Бархе аз сокинони Душанбе мегӯянд, аз аввали имсол нархи нерӯи барқ ва об афзуда, ба будҷаи бе ин ҳам холии хонаводаҳо даст дароз кардааст. Ҳоло як киловат соат нархи нерӯи барқ тақрибан бист дирам ва як метри мукааб об беш аз як сомонист.

Доналд Трамп, президенти Амрико, қарори боло бурдани таърифаҳо ба маҳсулоти истеҳсоли Чинро, ки бояд рӯзи 1-уми март ба иҷро медаромад, мутавақиф кард. Дар ин бора Трамп дар "Твиттер" хабар дод ва тасмимашро ба "музокироти сермаҳсул" бо Чин вобаста донист.  Ба гуфтаи президенти ИМА, "дар сурати идомаи пешрафти бештар" дар гуфтушунидҳо, мулоқоти ӯ бо раҳбари Чин Сӣ Ҷинпин барои бастани шартномаи тиҷоратӣ барномарезӣ хоҳад шуд. Аммо ӯ дар бораи замони мушаххаси мулоқот бо раҳбари Чин маълумот надод. Читать дальше...

Мансур Наврӯзов, сарбози нерӯҳои марзбонии Тоҷикистон, барои қатли лейтенант Муносиб Олимбеков даҳ сол зиндонӣ шуд. Ҳукмро Додгоҳи ҳарбии вилояти Бадахшон рӯзи 25-уми феврал содир кард.

Аз се ду ҳиссаи русиягиҳо ришваситонии мақомот ва боздошти онҳоро аломати фасодзадагӣ ва пӯсидагии ҳукумат медонанд. 22 дар сад инро мавридҳои алоҳида ва ғайри маъмул барои кишвар хонаданд. Дар ин бора бунгоҳи омӯзиши афкори умум - "Левада-центр" дар як пажуҳиш хабар дод, ки ҳафтаи гузашта анҷом шуд. Боздошти узви Шӯрои Федератсия аз Карачево- Черкесия Рауф Арашуков ва падари ӯ дар охири моҳи январро чаҳоряки пурсидашудаҳо аломати муборизаи ҷиддӣ бо фасодкорӣ ва қариб сеяк мубориза барои тақсими... Читать дальше...

Фармондеҳии артиши Венесуэла "ба хотири ҳифзи сулҳу амнияти мардум тариқи бастани сарҳад" нерӯҳоро дар марз бо Колумбия ҷойгир кард. Дар ин бора артиши Венесуэла дар Твиттер хабар дод. Қарор буд, 23 феврал амалиёти интиқоли кумаки башардӯстона ба Венесуэла сурат бигирад. Муовини президенти Венесуэла Делсӣ Родригес низ тасдиқ кард, ки марзҳо бо Колумбия баста шуданд. "Ҳукумат ба таваҷҷуҳи сокинон мерасонад, ки пулҳои ба номи Симон Боливар, Сантандер ва Унион ба далели таҳдидҳои ҷиддӣ ва ғайриқонунии... Читать дальше...

Ҳазви матни русӣ аз пули миллии Қазоқистон бо фармони президент Нурсултон Назарбоев кори дохилии он кишвар аст. Ин нуктаро сухангӯи Вазорати умури хориҷӣ (ВУХ)-и Русия Мария Захарова рӯзи ҷумъа дар як нишасти хабарӣ баён дошт. "Ба назари мо, кори дохилии он кишвар аст. Аз сӯи дигар, мо ҷонибдори ҳамкорӣ бо ҳамтоён ва шарикони қазоқи худ дар робита ба ҳуқуқи сокини Қазоқистон ҳастем, ки барояшон забони русӣ ҷойгоҳи махсус дорад", - изҳор дошт Захарова. Ба гуфтаи ӯ, раҳбарияти Қазоқистон барои ҳифзи ҷойгоҳи забони русӣ талош мекунад. Читать дальше...

Шаби якшанбе ба душанбе дар толори "Dolby Theatre”-и шаҳри Лос-Анҷелес барандагони ҷоизаи "Оскар"-ро эълон карданд. Маросими ҷоизасупорӣ бори нахуст дар 30 соли ахир бидуни баранда баргузор шуда, мукофотро меҳмонони маъруф тақдим карданд. Унвони беҳтарин филмро "Китоби сабз"-и Питер Фареллӣ соҳиб шуд, ки ба давраи табъизи нажодӣ дар ИМА бахшида шудааст. Ҷоизаи "Оскар"-ро дар бахши беҳтарин коргардон Алфонсо Куарон аз Мексика барои филми "Рома"-аш ба даст овард. "Рома" беҳтарин филми хориҷӣ дониста шуда буд. Читать дальше...

Дар Маскав, Санкт-Петербург, Воронеж, Ярослав ва як қатор шаҳрҳои дигари Русия рӯзи 24-уми феврал ҳазорон нафар ба кӯча баромада, хотираи Борис Немтсов, мухолифи кушташудаи русро гиромӣ доштанд. Сокинони Маскав дар "Булварное колтсо" роҳпаймоӣ карда, бино ба иттилои созмони "Ҳисоби сафед", дар он беш аз 10 ҳазор одам иштирок карданд. Пулис гуфт, дар ин роҳпаймои Маскав шаш ҳазор иштирок кардааст. Роҳпаймоиро ҳаракати "Ҳамраъйӣ", ҳизбҳои ПАРНАС ва "Яблоко", Бунёди мубориза бо коррупсия ва созмонҳои дигари мухолифи Русия ташкил карданд. Читать дальше...