Новости за 22.02.2019

Хадамоти амнияти давлатии Узбекистон занеро ҳамроҳи се фарзандаш аз Туркия баргардонд, ки шаш сол дар сафи террористон зистааст. Хабаргузориҳои Узбекистон 21 феврал навиштанд, бародарон Илҳом ва Эркин Тураевҳо гуфтаанд, замони муҳоҷират дар Русия дар соли 2011 зери таъсири таблиғоти Ҳаракати исломии Ӯзбекистон қарор гирифтаанд. Илҳом Тураев ҳамсараш Холбибӣ Кучироваро бо фарзандон ба Русия бурдааст. Аммо хонаводаи Илҳом дар соли 2013 ба Ӯзбекистон ихроҷ шуд. Бародари дувум - Эркин Тураев, ки тавассути Русия ба Туркия рафта буд... Читать дальше...

Расонаҳои давлатии Туркманистон дар пасманзари "шикор" ё маъракаҳои маҳви дастаҷамъии сагу гурбаҳои бесоҳиб дар ин кишвар аз оғози ҷамъоварии маблағ барои ҳайвонҳо хабар доданд. Бонки тиҷории Туркманистон 19 феврал эълом кард, ки барои ҳайвонҳои бесоҳиб пул ҷамъ мекунад. Бино ба хабари расонаҳои расмӣ, Бонки саҳҳомии тиҷории "Рисгал" ба хотири дастгирии молии беморхонаи тозатаъсиси ҳайвонҳо ҳисоби махсусеро боз кардааст. Ин беморхона бахшеро низ барои нигаҳдории ҳайвонҳои бесоҳиб хоҳад дошт. ... Читать дальше...

Александр Лукашенко, президенти Беларус гуфт, ки пас аз ихроҷи ИМА аз созишномаи маҳви мушакҳои кутоҳу дурпарвози низомӣ бо Русия зарурат ба посухи муштараки Минск ва Маскав пеш омадааст. Ба навиштаи оҷонсии хабарии Белта, Лукашенко ҳангоми суханрониаш дар Академияи ҳарбии Минск  чунин изҳорот додааст. Ба андешаи Лукашенко, қатъи шартнома барои Беларус ҳам оқибатҳои бад дар пай дорад. Ӯ гуфт, ҳангоми сар задани низоъ миёни абарқудратҳо  пеш аз ҳама «фалокат бар сари мост». Лукашенко мӯътақид аст... Читать дальше...

Мақомоти Хатлон дар як иқдоме барои ташвиқи табибон ба пажӯҳиш ва беҳтар кардани муолиҷаву дармони беморон, барои онҳо мукофоти молӣ таъйин кардаанд.

Бозгашти баҳсбарангези яке аз чеҳраҳои мухолифини Тоҷикистон Шарофиддин Гадоев ба Душанбе дар ҳафтае пеш то ҳол назар ба ҷавоб, саволҳои зиёде боқӣ гузоштааст.

Намояндаи вижаи Русия барои Афғонистон рӯзи 22-уми феврал дар Туркия бо Залмай Халилзод, намояндаи Вазорати хориҷии Амрико барои сулҳи Афғонистон мулоқот кард. Мақомоти Русия гуфтаанд, ки “дидори Замир Кобулов ва Залмай Халилзод имрӯз дар сафорати Русия дар Анкара сурат гирифт”. Хабаргузории “Анадолу” дар Туркия навиштааст, ки ин музокирот пушти дарҳои баста як соат давом кард. Ин ду дипломат дар ҳоле бо ҳам дидор мекунанд, ки Русия дар аввали моҳи феврал мизбони нишасти намояндагони Толибон... Читать дальше...

Даҳҳо нафар аз сокинони Душанбе ва ноҳияҳои атроф, ки бо умеди соҳиби хона шудан дар маркази Душанбе даҳҳо ҳазор долларӣ пардохт кардаанд, мегӯянд, фиреб хӯрдаанд.

Раҷабалӣ Ғафуров, сокини 25-солаи деҳаи Нилуи ноҳияи Ҳисор баъд аз ду рӯзи расман аз ҳамсараш ҷудо шудан, даст ба худкушӣ зад. Ҷасади овехтаи ӯро бародараш субҳи барвақти 7-уми феврал аз ошхонаи манзилашон пайдо кард.

Боздошти Шарофиддин Гадоев тасдиқ шуд, муштариёнро пули хонаро доданд, вале хонаҳоро то ҳол надидаанд, эътирози гғштфурӯшони Фархор, қиссаи харҳои бесоҳиби ноҳияи Данғара ва матолиби дигар.

Даҳҳо нафар аз сокинони Душанбе ва ноҳияҳои атроф, ки бо умеди соҳиби хона шудан дар маркази Душанбе даҳҳо ҳазор долларӣ пардохт кардаанд, мегӯянд, фиреб хӯрдаанд. Даъвову кашмакаши муштариён ва ширкати “Эъмор”, ки бояд дар хиёбони Рӯдакӣ барои онҳо хона месохт, ҳоло аз додгоҳ ба додгоҳ меравад.

Алмосбек Отамбоев, президенти собиқи Қирғизистон эътироф кард, ки замони раҳбариаш дар солҳои 2011-2017 ба иштибоҳ роҳ додааст. Ин изҳороти Отамбоев дар ҳоле садо медиҳад, ки ӯ бо Сооронбой Ҷеенбекав мушкил дорад. Дар гузашта онҳо дӯст буданд ва ҳарду узви як ҳизб ҳастанд. Алмосбек Отамбоев, ки ҳоло раҳбарии Ҳизби сотсиал-демократии Қирғизистон (ҲСДҚ)-ро бар дӯш дорад, рӯзи 22-уми феврал дар ҷаласаи ин ҳизб дар Бишкек гуфт, сафи ҳизбро аз “хиёнаткорон” тоза мекунад. Дар гузашта бархе аъзои ин ҳизб эътироз карданд ва гуфтанд... Читать дальше...

Муовини раиси Додгоҳи олии Ӯзбекистон Баҳодур Деҳқонов 21 феврал боздошт шудааст. Дар ин бора сомонаи daryo.uz бо истинод ба манобеи худ хабар медиҳад. Хабари боздошти Баҳодур Деҳқоновро манбаи муътамади сомонаи ​uzmetronom.com низ тасдиқ кард. Gazeta.uz бо истинод ба як манбааш дар мақомоти ҳифзи ҳуқуқи Ӯзбекистон хабар додааст, ки Деҳқонов субҳи 21 феврал дар коргоҳаш дастгир шудааст. Сомонаи Centre1.com 18 феврал ба нақл аз сарчашмаҳои худ хабар дод, ки Баҳодур Деҳқоновро 15 феврали соли равон... Читать дальше...

Нашрияи The Insider ва гуруҳи пажуҳишгари Bellingcat ҷузъиёти зиндагиномаи гумонбари севум дар қазияи заҳролудсозии афсари пешини Раёсати асосии иктишофии Русия Сергей Скрипал ва духтараш Юлияро нашр кард. Гумонбари севум эҳтимол меравад, корманди иктишофи низомии Русия Денис Сергеев (номи ҷосусиаш Сергей Федотов) аст. Рӯзноманигорон дарёфтаанд, ки Сергеев дар шаҳри Ушарали Қазоқистон ба воя расидааст. Соли 1990 вай пас аз хатми омӯзишгоҳи низомии Екатеринбургр корро дар артиш оғоз кардааст.... Читать дальше...

Ирода Ахмедова мегӯяд, вақте гурбачаи зардинапашмеро тахминан ним сол пеш дар як ҳолати ҳақир ҳамроҳ бо модараш дар канори кӯчае дар Душанбе дид, пояш шикоф буд.

Ҳуан Гуайдо, раҳбари мухолифон аз Анҷумани миллӣ, ки худро президенти Венесуэла эълон кардааст, нахустин фармони худро имзо кард. Нусхаи фармон, ки дар Твиттери Гуайдо низ нашр шуд, иҷозаи ворид шудани ёриҳои байналмилалӣ ба ин кишварро медиҳад. Раҳбари мухолифин Ҳуан Гуайдо рӯзи 23-юми январ дар пайи эътирозҳои оммавӣ худро президенти муваққат эълон кард. Николас Мадуро, ки аз соли 2013 президенти Венесуэла аст, амали Ҳуан Гуайдоро табаддулоти давлатӣ медонад. Ҳамчунин Гуайдо қарори Николас Мадуроро... Читать дальше...

Иёлоти Муттаҳидаи Амрико мегӯяд, ҳудуди 200 низомии «посдори сулҳ» пас аз хориҷ шудани нерӯҳои ин кишвар аз Сурия он ҷо боқӣ хоҳанд монд. Саро Сандерс, сухангӯи Кохи Сафед рӯзи 21-уми феврал гуфт, ки “200 узви нирӯҳои посдори сулҳи Амрико барои як давраи гузариш дар Сурия боқӣ хоҳанд монд”. Доналд Трамп, президенти Амрико моҳи декабр гуфт, ки ҷангиёни гурӯҳи тундрави ДИИШ дар Сурия саркӯб шудаанд ва дигар зарурати боқӣ мондани сарбозони амрикоӣ дар ин кишвар вуҷуд надорад. Ӯ гуфта буд, ки ду ҳазор нерӯҳои амрикоиро аз Сурия берун меоранд. Читать дальше...

Толибони Афғонистон рӯзи 21-уми феврал гуфтанд, ки раҳбари нави сиёсии онҳо ҳафтаи оянда дар гуфтугӯ бо намояндаи Амрико дар Қатар ширкат нахоҳад кард. Намояндагони Амрико мехоҳанд, бо Мулло Абдул Ғанӣ Бародар, яке аз муассисон ва узви собиқадори  ин гурӯҳ роҳҳои расидан ба сулҳ дар Афғонистонро баҳс кунанд. Аммо як мақоми баландпояи Толибон гуфтааст, Мулло Бародар бинобар мушкили дастрасӣ ба сандаҳои шахсӣ, ки барои сафар лозиманд, ба Қатар сафар карда наметавонад. Мулло Бародар моҳи октябри соли гузашта аз зиндони Покистон озод шуд. Читать дальше...

Эмомалӣ Раҳмон, президенти Тоҷикистон рӯзи 21 феврал рамзи «Наврӯз-2019»  ва намуди халтачаҳои наврӯзиро тасдиқ кард. Рамзҳои нави тасдиқшуда  барои истифода  машварат дода мешаванд. Халтачаҳои наврӯзӣ, ки дар он низ  рамзу ангораи Наврӯз тасвир ёфтааст, барои тақдими тӯҳфаҳо пешбинӣ шудааст. “Ангораи мазкур намуди доирашакл дошта, дар мобайни он кураи замин, аз ду тарафи он Парчами миллӣ ва пайки баҳор - суманак, парасту, накшу нигори гулдӯзӣ ҳамчун рамзи ҳунарҳои мардумӣ ва рангинкамон бо навиштаҷоти... Читать дальше...

Як шаҳрванди 70-солаи Тоҷикистон зимни адои Ҳаҷи умра дар Арабистони Саудӣ даргузаштааст. Афшин Муқим, сухангӯи Кумитаи дин рӯзи 22-уми феврал ба Радиои Озодӣ гуфт, Саидшо Ғафуров, сокини шаҳри Ваҳдат, рӯзи 19-уми феврал бар асари сактаи қалб дар шаҳри Макка даргузаштааст ва наздиконаш хоҳиш кардаанд, ки ӯ дар ҳамонҷо дафн шавад. Афшин Муқим афзуд, пирамарди тоҷикро ҳамсару  фарзандаш ҳамроҳӣ доштаанд. Писари Саидшо Ғафуров, гуфтааст, ки падараш қабл аз адои маносики ҳаҷ фавтидааст. Чаҳор сол... Читать дальше...

Генерали баландрутбаи амрикоӣ мегӯяд,  ИМА қасди берун кардани сарбозонаш аз Афғонистонро надорад, балки ба гурӯҳи Толибон фишори низомӣ меорад, то раванди сулҳ дар ин кишвар фаъол шавад. Хабаргузории Интерфакс рӯзи 21-уми феврал аз қавли Ҷозеф Вотел, раҳбари Фармондеҳии марказии Иёлоти Муттаҳидаи Амрико, ки дар як нишасти минтақавӣ дар Тошканд иштирок мекунад, навишт, ки Амрико «гуфтугӯ барои оташбас дар Афғонистонро қадами муҳиме барои бунёди боварӣ медонад». «Бо ин вуҷуд, мо фишори низомӣ болои Толибонро идома медиҳем. Читать дальше...

Гӯштфурӯшони бозори марказии Фархор дар эътироз ба тасмими идораи андоз, дари дӯконҳои худро бастаанд. Мақомот аз онҳо хостаанд, ки бидуни мошинҳои хазинадорӣ ё "кассовий аппарат", дигар фаъолият накунанд.

Теъдоде аз сокинони Душанбе дар бораи истифода аз мошинҳои хазинадорӣ суҳбат карданд ва мегуянд, баъзе аз тоҷирон барои пинҳон доштани молиёт, онро истифода намебаранд. Тоҷирон мегуянд, молиёт ба ҳаддест, ки "миёни онҳоро мешиканад".

Гӯштфурӯшони бозори марказии Фархор дар эътироз ба тасмими идораи андоз, дари дӯконҳои худро бастаанд. Мақомот аз онҳо хостаанд, ки бидуни мошинҳои хазинадорӣ ё "кассовий аппарат", дигар фаъолият накунанд.

Қуръакашии мусобиқоти байналмилалӣ оид ба ҷудо “Grand Slam Duesseldorf 2019” (“Тоскӯлоҳи бузург”), ки рӯзҳои 22-24-уми феврал  дар шаҳри Дюсселдорфи Олмон баргузор мешавад, рақибони паҳлавонони тоҷикро маълум кард. Ба иттилои вебсайти Федератсиони байналмилалии ҷудо (IJF), дар мусобиқоти байналмилалии “Grand Slam Duesseldorf 2019” 606 варзишгар (362 мард ва 244 зан) аз 93 кишвар иштирок мекунад. Мусобиқот дар толори бузургтарини варзишӣ - ISS Dome, ки дорои 15 ҳазор ҷойгоҳ барои тамошогарон аст... Читать дальше...

Русия раванди осон кардани дарёфти шаҳрвандӣ ба хатмкунандагони муассисаҳои олии кишварашро баррасӣ дорад.