Новости за 27.02.2019

Майкл Коэн, вакили пешини Доналд Трамп, дар Кумитаи назоратии Конгресс алайҳи раиси ҷумҳури Амрико шоҳидӣ дод. Коэн аз ин ки барои Доналд Трамп кор карда ва, ба гуфтаи худаш, виҷдонро зери по гузошт, ибрози шарму надомат кард.

Сардиву барфи зиёд боиси болоравии нархи сабзавот дар Тоҷикистон шудааст

Шӯрои Амнияти Созмони Милал ҳушдор додааст, ки гуруҳи ба ном “Давлати исломӣ” дар пайи васеъ кардани доманаи фаъолияташ дар Осиёи Марказӣ аст ва борҳо аз тарафдоронаш хостааст, ҷойҳои ҷамъомади мардумро ҳадаф бигиранд.

Бино ба хабари Вазорати корҳои хориҷии Тоҷикистон, Жан Асселборн - вазири умури хориҷии Люксембург - рӯзҳои 3-4-уми март ба Тоҷикистон меояд.

Президенти ИМА Доналд Трамп ва раҳбари Кореяи Шимолӣ Ким Чен Ун дар остонаи шурӯи ҳамоиши дурӯза дар пойтахти Ветнам ҳамдигарро шодбош гуфтанд. Дар ин ҳамоиш қарор аст масъалаи барномаи ҳастаӣ ва мушакии Пхенян мавриди баррасӣ қарор гирад. Дар лаҳзаи шодбош, ки дар меҳмонхонаи панҷситорадори  Sofitel Legend Metropole  дар шаҳри Ҳаной ҷараён гирифт, ду раҳбар дасти ҳамдигарро фишурда ба ҳам табассум карданд. Қарор аст ду раҳбар дар ҳузури мушовиронашон инчунин як ғизои шоме ҳам бихӯранд. Трамп дар сӯҳбат бо хабарнигорон гуфт... Читать дальше...

Қаноатшоҳ Лоиқзода рӯзи 26-уми феврал аз мақоми раиси ноҳияи Рашт барканор шуд. Дар шарҳи фармони президент дар ин бора сабаби аз мақомаш озод шудани Лоиқзода гуфта намешавад. Ҳоло Раҳимҷон Муқимӣ иҷрокунандаи вазифаи раиси ноҳияи Рашт аст. Маълум нест, Қаноатшоҳ Лоиқзода ба вазифаи наве дар сохторҳои ҳукуматӣ таъйин хоҳад шуд ё на. Лоиқзода рӯзи 27-уми феврал ва пас аз чанд лаҳзаи нашри фармони барканориаш гуфт, ба ӯ кор дар мақоми дигар пешниҳод нашудааст. “Мо сарбозем. Новобаста аз он ки мансаб медиҳанд ё не, хидмат мекунем”, - афзуд ӯ. Читать дальше...

Дар паи сӯхторе дар як хонаи истиқоматӣ дар шаҳри Душанбе ду нафар ба бемористони интиқол ёфтанд. Хабарнигорони Радиои Озодӣ мегӯянд, ҳодиса дар утоқи воқеъ дар ошёнаи сеюми як манзили сетабақа дар кӯчаи Садриддин Айнӣ рух дод, ки дар муқобили фурӯшгоҳи "Пайкар" ҷойгир аст. Фарзияи аввалия ин аст, ки дар паи ногаҳон таркидани телевизори хона сӯхтор рух дод. ​ Ҳангоми рӯй додани ҳодиса дар дохили хона модар ва духтари 9-солааш қарор доштанд. Ҳардуи онҳо ба бемористон интиқол ёфтанд ва ба гуфтаи шоҳидони айнӣ... Читать дальше...

Майкл Коэн, вакили пешини Доналд Трамп, рӯзи чоршанбе дар бораи робитаи эҳтимолии Трамп ба нашри маводи Wikileaks, ки ба рақиби ӯ аз Ҳизби демократ Ҳилларӣ Клинтон дар интихоботи соли 2016 халал расонд, дар Конгресс шоҳидӣ медиҳад. Ӯ ҳамчунин сарвари давлатро ба қаллобӣ ва нажодпарастӣ муттаҳам мекунад. Тарҳи 20-саҳифагии суханронии Коэнро нашрияи Politico рӯзи 27-уми феврал нашр ва онро хабаргузории Reuters бозгӯ кард. Трамп субҳи чоршанбе дар Твиттер навишт, ки Коэн дурӯғ мегӯяд ва ҳадафаш кам кардани ҳукмаш аст. Читать дальше...

Зани сатрпӯш донишгоҳи тиббиро ба додгоҳ кашид, муноқишаи Покистону Ҳиндустон бо сарнагунии ҳавопаймоҳо идома пайдо кард, солгарди бадарғаи мардуми чечен, манъи тарғиби Президенти Тоҷикистон дар клипҳои телевизионӣ ва болравии нархи сабзавот дар бозорҳои Душанбе.

Дар шаҳри Кӯлоб пули зиёди фарсуда дар гардиш аст, ки баъзан мояи баҳс ва ҷанҷоли фурӯшандаву харидор мешавад.

Дар шаҳри Кӯлоб пули зиёди фарсуда дар гардиш аст, ки баъзан мояи баҳс ва ҷанҷоли фурӯшандаву харидор мешавад.

Шуруъ аз Бозиҳои осиёӣ-2022 мусобиқот оид ба гуштии кураш аз рӯи 15 маҷмуи ҷоизаҳо (7 маҷмуъ миёни мардон, 8 маҷмуъ миёни занон) баргузор хоҳад шуд. Ба ғайр аз ин, мусобиқоти дастаӣ миёни занон ва мардон доир мегардад. Дар ин бора сомонаи расмии Кумитаи миллии олимпии Узбекистон хабар додааст. Ба иттилои ин манбаъ, тасмими зиёд намудани маҷмуи ҷоизаҳо дар мусобиқот оид ба гуштии кураш аз рӯи барномаи Бозиҳои осиёӣ дар ҷараёни мулоқоти президенти Кумитаи миллии олимпии Узбекистон Умед Аҳмадҷонов бо раиси Федератсиони байналмилалии кураш... Читать дальше...

Дар бораи фарҳанги меҳмондорӣ сокинони шаҳри Душанбе андешаҳояшонро гуфтанд.

Аз бадарғаи ним миллион қафқозӣ дар замони Сталин 75 сол гузашт. Мардуме, ки азоби он замонро кашидаанд, бе ашк онро ба ёд оварда наметавонанд.

Аз бадарғаи ним миллион қафқозӣ дар замони Сталин 75 сол гузашт. Мардуме ки азоби он замонро кашидаанд, бе ашк онро ба ёд оварда наметавонанд.

Пулиси вежаи Қазоқистон ду хабарнигори бахши қазоқии Радиои Озодӣ - гузоришгар Сония Тойкен ва наворбардор Санат Нурбекро, ки дар пайи омода кардани гузориш аз тазоҳуроти сокинони шаҳри Жанаозен буданд, боздошт кард. Дар бораи боздошти хабарнигорон як сокини маҳаллӣ хабар дод ва гуфт, чанд рӯзи ахир дар шаҳр вазъи фавқулода амал мекунад ва даҳҳо нафар боздошт шудаанд.  Тавре Сония Тойкен хабар медиҳад, дар вақти боздошт пулис алайҳи онҳо аз нерӯ истифода кард. Хабарнигоронро ба мошин ба департаменти пулиси шаҳри Актау интиқол доданд... Читать дальше...

Як корманди Донишгоҳи тиббии Тоҷикистон, ки моҳе пеш аз кор ронда шуд, мақомоти ин муассисаи таълимиро ба додгоҳ кашидааст.

Гузоришҳо аз Миср мегӯянд, ки дар пайи сӯхтор дар истгоҳи роҳи оҳани Қоҳира дастикам 10 нафар кушта ва беш аз 22 нафар захмӣ шуд. Ба гуфтаи манбаъҳои амниятӣ, оташ дар ҳоле аланга зад, ки қатор ба платформаи истгоҳи Рамзез бархӯрд. Бино ба хабарҳои таъйиднашуда, сӯхтор дар пайи таркиши танкери ҳомили сӯзишворӣ ба бор омад. Муҳаммад Саид, сарвари бемористони роҳи оҳани Қоҳира гуфт, ки эҳтимол теъдоди қурбониҳо афзоиш ёбад. Даҳҳо мошини ёрии таъҷилӣ ва оташнишон ба ҷойи ҳодиса, ки дуди ғализ аз он боло мешавад, ҷалб шуданд.

Як корманди Донишгоҳи тиббии Тоҷикистон, ки моҳе пеш аз кор ронда шуд, мақомоти ин муассисаи таълимиро ба додгоҳ кашидааст.

Пулиси Испания осори ҷиноятро дар марги Игор Малашенко -  бунёдгузори шабакаи телевизионии НТВ пайдо накард. Биноба маълумоти ибтидоӣ, сиёсатшинос ва мудири расона дар шаҳри Сотогранди Испания худкушӣ кард.  Натиҷаи ниҳоии колбадшикофӣ ҳудудан баъди як моҳ мушаххас мешавад. Дар ин бора хабаргузории РИА Новости рӯзи 26 феврал бо такя ба Додгоҳи олии Аналузия хабар дод.  Хабари марги Малашенкои 64-сола рӯзи 25 феврал пахш шуд.  Пулиси Испания аз рӯи ҳодиса парвандаи ҷиноӣ боз кард ва бо ҳамсари сиёсатшинос... Читать дальше...

Бо гузашти 4 сол аз ошӯби нофарҷоми зиддиҳукуматӣ дар Тоҷикистон, додгоҳе дар Душанбе як нафарро бо гуноҳи пинҳон доштани ҷиноят ба зиндон маҳкум кард. Додгоҳи низомии Душанбе рӯзи 25-уми феврал хабар дод, ки Аминҷон Мирҷонов, сокини ноҳияи Абдураҳмони Ҷомӣ, аз тарҳи ошӯб хабар дошт, аммо ба мақомоти  интизомӣ хабар надод. Ӯ ба якуним сол зиндон маҳкум шуд.   Дар ҳукми Додгоҳи низомии Душанбе гуфта шудааст, ки Аминҷон Мирҷонов қабл аз ошӯби рӯзҳои 3 ва 4-уми сентябри соли 2015 дар масҷиди деҳаи... Читать дальше...

Кормандони пулис эътирози назди идораи ҳизби "Нур Отан" дар шаҳри Алматои Қазоқистонро пароканда карданд. Ҳамзамон чанде аз эътирозгарон боздошт шуданд. Пулис замоне ба боздошти эътирозгарон шуруъ кард, ки дар гирдиҳамоӣ талаби истеъфои президенти Қазоқистон Нурсултон Назарбоев садо дод. Намояндагони додситонӣ ба маҳалли таҷаммуи мардум ҳозир ва талаб карданд гирдиҳамоӣ пароканда шавад. Ба гуфтаи мақомот, гирдиҳамоии сокинон дар назди идораи ҳизби ҳокими Қазоқистон "ғайриқонунӣ" аст. Рӯзи 27... Читать дальше...

Палатаи намояндагони Конгресси ИМА рӯзи сешанбе бо қабули як қатънома фармони Трамп дар робита ба эъломн вазъи фавқулодда дар марз бо Мексикаро рад кард. Фармони эълони вазъи фавқулода аз сӯи Трамп рӯзи 15 феврал бо ҳадафи дарёфти харҷи сохтмони девор дар марз ва бе назардошти мавқеи назари Конгресс имзо шуда буд. Бисёре аз қонунгузорон, аз ҷумла бархе аз ҷумҳурихоҳон бар инанд, ки Трамп аз ҳуқуқи худ барои эълони вазъи фавқулода сӯистифода мекунад. Бар асоси Конститутсияи ИМА назорати харҷҳои давлатӣ дар ихтиёри Конгресс аст. Читать дальше...

Яке аз бинокороне, ки бар асари сарозер шудан аз гунбази Масҷиди калонтарин дар бемористон бистарӣ шуда буд, ҷон бохтааст. Хабаргузории "Азия плюс" ба нақл аз масъулон дар бемористони Қаряи Боло навишт, ки Давлатшоҳ Юсупови 60-сола, сокини ноҳияи Рӯдакӣ аз замони ҳодиса дар рӯзи душанбеи 25-уми феврал дар ҳолати беҳушӣ ба сар мебурд ва шаби гузашта ҷон бохт. Табибон вазъи саломатии яке дигар аз бинокоронро вахим мегӯянд. Ҳашт бинокор субҳи 25-уми феврал аз баландии 33 метр ба замин афтода, бо захмҳои... Читать дальше...

Тибқи тозатарин гузоришҳо, ду ҳавопаймои ҷангии Ҳинд аз сӯи нерӯҳои Покистон дар минтақаи Кашмири сарнагун карда шудаанд. Сухангӯи артиши Покистон гуфтааст, ки се халабонҳои ҳиндиро ба асорат гирифтаанд.