Новости за 11.10.2020

Абдуҳалим Ғаффорзода, раиси Ҳизби сотсиалистӣ ва номзад ба мансаби президенти Тоҷикистон, субҳи якшанбе дар нуқтаи интихоботии рақами 11 дар шаҳри Душанбе раъй дод. Вай гуфт, ба натиҷаҳои интихобот хушбин аст ва бовар дорад, «пирӯз мешавад». Аммо коршиносон Ғаффорзодаро номзади ҷиддӣ дар интихобот намешуморанд ва мегӯянд, номзадии ӯ барои рақобатӣ вонамуд кардани интихобот пешниҳод шудааст. Раҳбари 69-солаи Ҳизби сотсиалистӣ дар интихоботҳои президентии соли 2006 ва 2013 низ номзад буд ва раъйи хеле кам ба даст овард. Читать дальше...

Дар 29 соли истиқлоли Тоҷикистон панҷ бор интихоботи президентӣ сурат гирифтааст. Ба истиснои як интихоботи озод дар таърихи кишвар дар соли 1991, дар чаҳортои дигар, номзади асосӣ раиси ҷумҳур Эмомалӣ Раҳмон буд. Довталабони дигари курсии раиси ҷумҳур низ буданд.

Дар тӯли 29 соли истиқлоли Тоҷикистон панҷ бор интихоботи президентӣ сурат гирифтааст. Ба истиснои як интихоботи озод дар таърихи кишвар дар соли 1991, дар чаҳортои дигар, номзади асосӣ раиси ҷумҳур Эмомалӣ Раҳмон буд. Довталабони дигари курсии раиси ҷумҳур киҳо буданд?

Оташбаси заъифи  миёни нирӯҳои Озарбойҷон ва Арманистон дар Қаробоғи Кӯҳӣ як рӯз баъди имзои он таҳти хатари бекор шудан қарор дорад. Баъди имзои оташбас бо миёнҷигии Русия дар рӯзи 10-уми октябр, дубора даргирӣ сар зад ва ҳарду ҷониб ҳамдигарро гунаҳгор карданд. Шоми 10-уми октябр  ва субҳ ҳам Степанакерт, шаҳри калонтарини минтақаи баҳсии Қаробоғи Кӯҳиро чанд таркиш такон дод. Раҳбарияти амалкунандаи ин минтақаи ғолибан арманинишин ҳам Озарбойҷонро дар ҳамлаҳои мушакӣ ба шаҳрҳои Қаробоғи Кӯҳӣ гунаҳгор кард. Читать дальше...

Алишер Зарифӣ – хабарнигори Радиои Озодӣ дар Душанбе барои мушоҳидаи овоздиҳӣ ба як маркази раъйдиҳӣ дар пойтахт рафт ва аз мақомот пурсид, ки бо назардошти сурат гирифтани интихобот дар аҳди пандемия чӣ чораҳои беҳдоштиро андешидаанд, то монеи сирояти вирус дар байни аҳолӣ шаванд.

Хабарнигорони Радиои Озодӣ дар рӯзи интихобот аз чанд раҳгузар пурсиданд, ки оё ба интихобот мераванд, раъй доданд, ё надоданд. Номзадҳоро мешиносанд, бо барномаҳояшон ошно ҳастанд, ё не. Иддае гуфтанд, мераванд, иддае посух надоданд. Ҷавобҳои ҷолиби онҳоро худатон бубинед.

Овоздиҳӣ дар интихоботи президентӣ дар Тоҷикистон шуруъ шуд ва то соати ҳашти шом идома хоҳад кард. Ин интихоботи панҷуми раёсатҷумҳурӣ дар 29 соли соҳибистиқлолии Тоҷикистон аст ва як моҳ пештар аз вақти маъмулӣ баргузор мешавад.

Овоздиҳӣ дар интихоботи президентӣ дар Тоҷикистон шуруъ шуд ва то соати ҳашти шом идома хоҳад кард. Ин интихоботи панҷуми раёсатҷумҳурӣ дар 29 соли соҳибистиқлолии Тоҷикистон аст ва як моҳ пештар аз вақти маъмулӣ баргузор мешавад.