Новости за 13.11.2023

Ширкатҳои роҳи оҳани Узбекистон ва Афғонистон дар бораи таъмири қитъаи роҳи оҳани “Ҳайратон - Найобод - Мазори Шариф” ба созиш расиданд.

Бӯҳрон дар Ховари Миёнаро бисёр кишварҳои мусалмоннишин маҳкум карданд.

"Мавқеъгирии кишварҳои исломӣ дар ҷанги Ғазза чӣ таъсире хоҳад гузошт? Коршиноси минтақа мегӯяд таъсири мавқеъгирии кишварҳои исломӣ рамзист.

Дар ҷангҳои ахири Исроилу ҲАМОС 101 корманди СММ кушта шудааст, кишварҳои исломӣ ин ҷагро маҳкум карданд, як гурӯҳи яҳудиёни Амрико аз оташбас дар Ғазза пуштибонӣ мекунад ва Сумая Иброҳимова баъди ҷанҷоли хонаводагӣ шаш моҳ боз беному нишон аст.

Ҷанги Ғазза дар байни яҳудиёни Амрико ихтилоф ба вуҷуд овард.

"Духтарамро ёбед". Модаре дар Файзобод мегӯяд, духтари 39-солааш баъди ҷанҷоли хонаводагӣ шаш моҳ инҷониб беномунишон аст.

Кормандони дафтари Созмони Милали Муттаҳид дар Душанбе мисли дигар ҳамкоронашон дар саросари дунё ба ёди 101 корманди ин ниҳод ва дигар қурбониёни ҷанги миёни Исроил ва ҲАМОС лаҳзае сукут карданд.

Рӯзи 12 ноябр дар роҳпаймоии зидди яҳудиситезӣ дар шаҳри Пориси Фаронса ҳазорон кас иштирок карданд. Дар ин афроди расмӣ, амсоли сарвазири Фаронса Элизабет Борн, президентҳои пешин Николя Саркозӣ ва Франсуа Олланд ширкат карданд.

Амрико ба 13 созмони ҷамъиятӣ дар Тоҷикистон барои мубориза бо ифротгароиву терроризм, пешгирӣ аз хушунату зӯроварӣ дар хонавода ва омӯзиши хабаррасонӣ ба рӯзноманигорони ҷавон кумаки молӣ кардааст.

Амрико ба 13 созмони ҷамъиятӣ дар Тоҷикистон барои мубориза бо ифротгароиву терроризм, пешгирӣ аз хушунату зӯроварӣ дар хонавода ва омӯзиши хабаррасонӣ ба рӯзноманигорони ҷавон кумаки молӣ кардааст.

Аслам Додихудоев, сармуҳаррири пешини барномаи "Ахбор"-и Тоҷикистон ва собиқ сардори Маркази матбуоти Бонки миллии Тоҷикистон, рӯзи 13-уми ноябр дар синни 77-солагӣ дар шаҳри Душанбе даргузашт. Наздиконаш ба Радиои Озодӣ гуфтанд, ки ӯ чанд муддат аз бемории дил ранҷ мебурд. Маросими ҷанозаи ӯ фардо, 14 ноябр дар масҷиди "Яккачинор"-и пойтахт доир мешавад. Аслам Додихудоев, ки дар маҳофили журналисти бо номи "Раҳматшоҳ" ҳам шинохта мешуд, зиёда аз 50 сол дар соҳаи журналистика кор кардааст. ... Читать дальше...

Болат Назарбоев, бародари хурдии президенти пешини Қазоқистон Нурсултон Назарбоев дар синни 70 даргузаштааст.

ИМА мавзеи гуруҳҳои рӯ ба Эронро дар ҷанубу шарқи Сурия, дар наздикии марзи Ироқ ҳадафи зарбаи ҳавоӣ қарор додааст.

Мақомоти Тоҷикистон ва Русия пайваста аз вуҷуди хатари бесуботӣ аз Афғонистон ҳушдор медиҳанд, вале дар доираи коршиносӣ ба ин таҳдидҳо назарҳо яксон нестанд.

Дастаи мунтахаби футболи Тоҷикистон таҳти раҳбарии мутахассиси хорватӣ Петр Сегрт ба бозии интихобии Ҷоми ҷаҳон-2026 бо тими миллии Урдун омодагӣ мебинад.

Лимӯпарварони водии Вахш хушҳоланд, ки имсол на танҳо ҳосил зиёд аст, балки нархи лимӯ назар ба соли гузашта боло рафта, харидоронаш низ афзудааст.

"Эътилофи таҳқиқгарони Белорус" рӯзи 10 ноябр таҳқиқоти нави журналистиро бо номи "Чӣ гуна Лукашенко шиносномаҳои Белорусро мефурӯшад: Боқиев ду шиноснома дорад" нашр кард. Муаллифон мегӯянд, Қурмонбек Боқиев, президенти пешини Қирғизистон бо кӯмаки Александр Лукашенко на танҳо шаҳрвандии Белорус, балки ду шиносномаи белорусӣ ҳам соҳиб шудааст: яке бо номи худ ва дигарӣ бо ному насаби Закир Салиев. Дар таҳқиқот гуфта мешавад, ки аъзои хонаводаи Боқиев низ шиносномаҳои белорусӣ дарёфт кардаанд. Читать дальше...

Паҳлавонони тоҷик дар мусобиқоти қаҳрамонии самбои ҷаҳон, ки рӯзҳои 10-12-уми ноябр дар пойтахти Арманистон - шаҳри Ереван – баргузор шуд, се медали биринҷӣ гирифтанд.

Додгоҳе дар шаҳри Остона рӯзи 11 ноябр Куандик Бишимбоевро бо гумони қатли ҳамсараш барои ду моҳ ба ҳабси пешакӣ гирифт. Пулиси шаҳри Остонаи Қазоқистон бо моддаи "Куштор" парванда боз кардааст. Аз рӯи ин модда Бишимбоев мумкин аст, то 15 сол зиндон шавад. Бишимбоем дар куштори ҳамсараш Салтанат Нукеноваи 31-сола гумонбар мешавад. Бино ба хабарҳои ибтидоӣ, Нукенова дар натиҷаи латту кӯб фавтидааст. Куандик Бишимбоев моҳи марти соли 2018 бо ҷурми фасодкорӣ дар даврони роҳбари ширкати миллии "Байтерек" буданаш, 10 сол зиндонӣ шуда буд. Читать дальше...