Новости за 27.11.2023

Баъди бештар аз ду соли ҳокимият дар Афғонистон, "Толибон ҳамоне боқӣ мондаанд, ки дар солҳои 1990 буданд". Ин нукта дар ҳамоиши "Гуфтугӯҳои амниятии Ҳирот" дар Душанбе садо дод.

Як пажӯҳиши барномаи рушди СММ (UNDP) муайян кардааст, ки  занҳо дар Тоҷикистон бо намудҳои гуногуни хушунат дучор мешаванд.   Дар хулосаи ин гузориш, ки рӯзи 27 ноябр дар саҳифаи Х (собиқ Твиттер)-и ин созмон нашр шуд, аз ҷумла, омадааст, бар пояи таҳқиқоте, ки соли 2019 дар Тоҷикистон барпо шуд, муайян гардид, ки "31% бо хушунати иқтисодӣ, 21% - бо хушунати равонӣ, 20% - бо хушунати ҷисмонӣ ва 6% занони дигар бо хушунати ҷинсӣ рӯбарӯ мешаванд. Вале омори воқеӣ, эҳтимол, метавонад аз ин бештар бошад". Читать дальше...

Дар Маскав намозгузорон аз тахриби масҷид пешгирӣ карданд, нишасти маҳфили "Муколамаи Ҳирот" дар Душанбе, табодули гаравгонҳову маҳбусон миёни Исроил ва ҲАМОС, истифодаи таксиҳои барқӣ дар Душанбе ва омодагиҳо ба муҳокимаи афроди муттаҳам бо қатли бонкдори тоҷик.

Маҳфили "Муколамаи Ҳирот" мегӯянд, Толибон тағйир наёфтаанд.

Оташбас ва табодули гаравгонҳову маҳбусон миёни Исроилу ҲАМОС идома дорад.

Дар Маскав намозгузорон аз тахриби масҷид пешгирӣ карданд, вале маълум нест то кай?

Намозгузорон нагузоштанд масҷидашон дар шаҳри Лобняи вилояти Маскав вайрон карда шавад. Навори видеоии ин саҳнаро корбарон ба телевизиони "Настоящее время" фиристоданд.

Полис дар минтақаи шимолии Иссиқкӯли Қирғизистон гуфт, ки се мардро бо иттиҳоми талоши арӯсдуздӣ боздошт кардааст. Масъалаи арӯсрабоӣ дар Қирғизистон як мушкили ҷиддӣ аст, ки бо вуҷуди ҷорӣ кадани ҷазои ҷиноӣ барои кор аз соли 2013  то ҳол решакан нашудааст. Дар давоми солҳои охир чандин ҳодисаи марги духтарон ва ба хушунати хонаводагӣ печидани ин қазияҳо ба қайд гирифта шудааст. СММ соли гузашта гуфт, бо вуҷуди талошҳои мақомоти Қирғизистон барои ташвиқи баробарии ҷинсӣ, ҳамоно дар бисёр ҳолатҳо... Читать дальше...

Дастаи «Истиқлол»-и Тоҷикистон бозии даври панҷуми марҳилаи гурӯҳии Лигаи қаҳрамонҳои AFC (Конфедератсияи футболи Осиё)-2023/24-ро бо тими «Ал-Дуҳайл»-и Қатар анҷом медиҳад.

Духтари чаҳорсолаи исроилӣ ва амрикоӣ, ки дар асорати Ҳамос буд, рӯзи якшанбе дар асоси созиши оташбас миёни ин гурӯҳ ва Исроил озод шуд. Ҷо Байден, президенти ИМА раҳоии кӯдакро истиқбол ва изҳори умедворӣ кард, ки оташбас давом хоҳад ёфт.

Як зан дар ноҳияи Шаҳрисабзи вилояти Қашқадарёи Узбекистон бо гумони истисмори шаҳвонии духтари 17-сола боздошт шудааст. Хадамоти матбуотии Ваколатдори ҳуқуқи инсон дар Узбекистон иттилоъ дода, ки сокини 17-солаи ноҳияи Китоб аз моҳи майи имсол то 15 ноябри соли 2023 дар хонаи гумонбар дар Шаҳрисабз мавриди истисмори шаҳвонӣ қарор гирифтааст. Духтар гуфтааст, давоми 7 моҳ ӯро бо таҳдиду фишор маҷбур карданд, ки бо мардон ҳамхобагӣ кунад. Додситонии кулли Узбекистон бо дархости ваколатдор ҳодисаро таҳқиқ ва гумонбарро дастгир кардааст. Читать дальше...

Баррасии вазъи кунунии Афғонистон, ки беш аз ду сол аст зери назари Толибон қарор дорад ва ҳеҷ як кишваре дар ҷаҳон онро ба расмият намешиносад, дар  нишасти 11-уми ҳамоиши “Гуфтугӯҳои амниятии Ҳирот” баррасӣ мешавад. Ҳамоиш субҳи 27-уми ноябр бо ширкати ҳудуди 150 таҳлилгару фаъоли ҷамъиятӣ, намояндагони доираҳои сиёсии Афғонистон шурӯъ шуд ва қарор аст то фардо  идома бикунад. Дар миёни ширкатдорони ин ҳамоиш инчунин намояндагони СММ, сафоратхонаҳои хориҷии муқими Тоҷикистон иштирок мекунанд. Читать дальше...

Додгоҳи олии Тоҷикистон тасдиқ кард, ки парвандаи гумонбарон дар қатли Шуҳрат Исматуллоев, муовини пешини раиси “Ориёнбонк”-ро дастрас кардааст. Дар курсии айбдорӣ 14 нафар нишастаанд. Як масъули Додгоҳи олӣ 27-уми ноябр ба Радиои Озодӣ гуфт, аз рӯи тартибот, додгоҳ ду ҳафта парвандаро меомӯзад ва баъд санаи мурофиаро таъин мекунад. “Аввали моҳи декабр санаи шурӯи мурофиаҳои додгоҳӣ аниқ мешавад,”-гуфт ҳамсуҳбати мо. Ҳанӯз маълум нест, ки мурофиа ошкоро баргузор мешавад ё паси дарҳои баста. ... Читать дальше...

Дар паи бориши зиёди барф дар Руминияву Молдова садҳо шаҳру деҳот аз дастрасӣ ба барқ маҳрум шудаанд. Дар ин бора рӯзи 27-уми ноябр мақомоти ин ду кишвари воқеъ дар Аврупои ҷанубушарқӣ хабар доданд. Роҳҳои зиёде баставу масдуд шуда, дар чандин шаҳр таҳсили мактабҳо боздошта шудааст. Мақомот аз сокинон хостаанд, бесабаб аз хона берун нараванд. Дар Руминия аз 41 шаҳру 170 деҳот - дар 22 макон, аз ҷумла дар пойтахт, Бухарест аз барфбории зиёд осеб дидаанд. Дар Молдова 123 ҳазор сокини 200 минтақаи зист бебарқ мондаанд. Читать дальше...

Пулиси Байналмилалӣ ё Интерпол номи Иброҳим Дониёрзодаи 27-сола,  як ҷавони тоҷик, ки дар Маҷористон (Венгрия) ним сол бо гумони ширкат дар ҷангҳои Сурия дар боздошт буд,  аз руйхати пайгардаш ихроҷ кардааст.

Рафтани рӯзноманигор Илёс Сафаров аз хабаргузории "Kun.uz", яке аз бузургтарин нашрияҳои интернетии Узбекистон нигарониҳо аз вазъи озодии баён ва матбуот дар он кишварро дубора ба бор овардааст. Хабари аз кор рафтани Сафаров дар шабакаҳои иҷтимоӣ дар ҳоле нашр шуд, ки дар Узбекистон мурофиаҳои додгоҳӣ ва тафтиши парвандаҳо алайҳии як қатор блогеру рӯзноманигорони маҳаллӣ идома дорад. Илёс Сафаров чаҳорумин рӯзноманигор аст, ки давоми чанд моҳи ахир аз "Kun.uz" меравад. Қаблан чанд рӯзноманигор низ гуфтанд... Читать дальше...

Дар пайи дархости раиси ҷумҳури Амрико аз нахуствазири Исроил дар бораи тамдиди оташбас бо гурӯҳи "Ҳамос", Бенямин Нетаняҳу гуфтааст, "омодаи анҷоми ин кор аст". Кобинаи Исроил ҳам шаби гузашта дар ин робита ҷаласа доир кардааст. Гурӯҳи фаластинии "Ҳамос" низ хостори тамдиди ин оташбаси муваққат шудааст.

Душанбе ба истифодаи таксиҳои барқӣ мегузарад.

Дар шаҳри Тошканди Узбекистон дар деворҳои як канисаи яҳудиён шиорҳои фаластинӣ пайдо шудааст. Мақомоти Узбекистон ҳанӯз ин қазияро шарҳ надодаанд. Охири моҳи октябр телеграмканали AZfront навишта буд, ки дар шаҳри Тошканд ба ду намояндаи ҳаракати мазҳабии яҳудии "Хабад" ҳамла сурат гирифтааст. Мақомоти Узбекистон он хабарро низ шарҳ надода буданд. Ҷониби Исроил баъди он ҳамла аз афзоиши яҳудиситезӣ дар Узбекистон ҳушдор дода буд. Мақомоти Узбекистон он замон гуфтанд, ки каниса ва дигар иншооти... Читать дальше...

Дастаи футзали “Истиқлол”-и Душанбе барандаи Суперлигаи Тоҷикистон-2023 гардид.

Мақомоти ҳифзи ҳуқуқи Қазоқистон мегӯянд, роҳбари ширкати сайёҳии "Zam Zam Qazaqstan" ҳангоми "ташкили ҳаҷҷи ғайриқонунӣ" даст ба қаллобӣ задааст. "Ҳангоми тафтишот муайян шуд, ки роҳбарияти ширкати "Zam Zam Qazaqstan" даст ба қаллобӣ задааст. Муайян шуд, ки сомонаи шабеҳ ба сомонаи расмии мақомоти давлатии Шоҳигарии Арабистони Саудӣ таъсис дода шудааст, ки гӯё қонунӣ будани визаҳои зоирони Хонаи Худоро тасдиқ мекунад", - хабар медиҳад Вазорати корҳои дохилии Қазоқистон. Гумонбарро рӯзи 23 ноябр боздошт ва ба ҳасб гирифтаанд. Читать дальше...