Новости за 18.11.2023

Хадамоти алоқа, ки чун монополисти  интернети Тоҷикистон шинохта шудааст, дар як изҳороташ гуфт, ҳамакнун ду ширкати дигари ватанӣ ҳам ҳақи ба кишвар ворид кардани шабакаи ҷаҳониро хоҳанд дошт.

Баъди  якуним моҳи истирдод аз Русия, бедаракӣ ва ҷустуҷӯҳои зиёд ниҳоят наздикони Аслиддин Шарипови 36-сола, бародари Шавкати Муҳаммад - мудири телевизиони дар Тоҷикистон мамнӯи "Паём" - дараки ӯро дар боздоштгоҳи мувақатии шаҳри Хуҷанд пайдо кунанд.

Зуҳури як мақоми баландпояи Толибони Афғонистон дар масҷиди шаҳри Кёлни Олмон боиси хашми ҳукумат ва мақомоти маҳаллӣ шудааст. Вазорати умури хориҷаи Олмон дар саҳифаи расмии худ дар саҳифаи X, ки қаблан бо номи Твиттер маъруф буд, навиштааст, "мо зоҳир шудани Абдул Барӣ Умар, як намояндаи Толибонро дар Кёлн шадидан маҳкум мекунем." Дар изҳорот омадааст: "Ба мо дар бораи ин сафар хабаре нарасидааст. Мо Толибонро эътироф намекунем. То замоне, ки Толибон дар Афғонистон ҳуқуқи башар, бахусус ҳуқуқи занону духтаронро поймол мекунанд... Читать дальше...

Пизишкон гуфтанд, ки рӯзи 17 ноябр дар ҳамлаҳои ҳавоии Исроил ба манотиқи истиқоматӣ дар навори Ғазза дасти кам 32 фаластинӣ кушта шуданд, пас аз он ки Исроил бори дигар ба мардуми осоишта ба далели ҳамла ба Ҳамос, ки ИМА ва Иттиҳодияи Аврупо онро як созмони террористӣ медонанд, ҳушдор дод, ки берун шаванд. Ба гуфтаи мақомоти беҳдоштӣ, шаби 18 ноябр дар як ҳамлаи ҳавоӣ ба як маҳаллаи истиқоматии Хон Юнус 26 фаластинӣ кушта ва 23 нафар захмӣ шуданд. Чанд километр дуртар дар шимол, шаш фаластинӣ бар асари ҳамлаи бомбаи ҳавоӣ кушта шуданд.

Мақомоти беҳдошти Навори Ғазза мегӯянд, рӯзи 18 ноябр бисёр беморон,  кормандони тиб ва ҳам беҷошудагон беморхонаи “Шифо”-ро, ки ҳафтаи ҷорӣ аз ҷониби нирӯҳои исроилӣ ишғол шуд, тарк карданд. Мақомоти фаластинӣ ва ҳам низомиёни исроилӣ дар бораи сабабҳои  беморхонаро тарк кардани мардуми зиёдро яксон шарҳ надоданд. Мақомоти беҳдоштӣ субҳи 18 ноябр амр гирифтанд, ки бояд аз беморхона ба ҷои амн бикӯчанд, дар ҳоле, ки низомиён гуфтанд, барои онҳое, ки ин ҷоро тарк карданӣ аст, долони амни берунравӣ фароҳам кардаанд. Читать дальше...

Варзишгарони тоҷик дар мусобиқоти қаҳрамонии ҷудои Осиё миёни  наврасон, ки рӯзҳои 16-17-уми ноябр дар шаҳри Тошканди Узбекистон баргузор шуд, се медали тилло ба даст оварданд. Ба иттилои Федератсияи байнулмилалии ҷудо (IJF), дар ин мусобиқот миёни нарасон беш аз 180 варзишгар аз 15 кишвари Осиё ширкат дошт. Тоҷикистонро дар мусобиқоти наврасон 10 нафар миёни писарон ва 1 нафар миёни духтарон намояндагӣ карданд: Лоиқ Қутбуддинов (-55 кг). Икром Шамсов (-55 кг). Ёсин Бобокалонов (-60 кг). Читать дальше...

Варзишгарони тоҷик дар мусобиқаи байнулмилалии ҷудо "Ҷоми Рауф Оруҷов" миёни ҷавонони то 21-сола, ки рӯзҳои 16-17-уми ноябр дар шаҳри Бокуи Озарбойҷон баргузор шуд, се медал (1 тилло, 1 нуқра ва 1 биринҷӣ) гирифтанд. Мусобиқаи байнулмилалии ҷудо ба хотираи подполковник Рауф Оруҷов ва тамоми шаҳидони озарбойҷонӣ, ки дар набардҳои моҳи апрели соли 2016 барои озодии сарзамини худ ҷон бохтанд, дар Қасри варзиши Боку доир гардид. Мусобиқа бо ибтикори Федератсияи ҷудои Озарбойҷон ва Иттиҳодияи ҷамъиятии... Читать дальше...

Дар Қирғизистон даври навбатии музокироти марзии миёни Тоҷикистону Қирғизистон ба анҷом расид. Ба навиштаи вебсайти девони вазирони  Қирғизистон, мулоқоти навбатӣ рӯзҳои 11 то 17-уми ноябр дар шаҳри Ботканди Қирғизистон барпо шуд. Ҳанӯз мақомот дар Тоҷикистон дар ин бора ҳеҷ хабар ё шарҳе нашр накардаанд. Вале бино ба хабари ҳукумати Қирғизистон, ҷаласа бо иштироки гурӯҳҳои маконнигорӣ оид ба аломатгузории марзи давлатии Тоҷикистону Қирғизистон баргузор шуд. Дар хабари расмӣ омадааст, ки гурӯҳҳои... Читать дальше...

Зане, ки бе никоҳи расмӣ оила бунёд карда, баъди муддате бо чанд фарзанд талоқ мегирад, ба чӣ ҳақ дорад? Ё аслан ҳақ дорад даъвои молу мулк ё хона кунад?