Новости за 03.11.2023

Иёлоти Муттаҳида аз Исроил хост, барои вуруди ёриҳои башардӯстона ба Ғазза имкон фароҳам оварда, барои ҳифзи аҳолии ғайринизомӣ талоши бештар кунад.

Гаронии нархи мева дар бозорҳои Тоҷикистон баъзе аз сокинонро нигарон кардааст.

Нигаронии "Гурӯҳи 24" аз сарнавишти фаъоли боздоштшудаи ин созмони сиёсӣ дар Олмон.

Боздошти ду афсари милиса ба иттиҳоми таҳияи билети ҳарбии қалбакӣ; болоравии нархи мева дар Тоҷикистон; нигаронии "Гурӯҳи 24" аз эҳтимоли ихроҷи фаъоли ин созмони сиёсӣ аз Олмон ва таъсири ихроҷи паноҳандагони афғонистонӣ ба вазъи бозорҳои Покистон.

Ихроҷи муҳоҷирони афғонистонӣ ба тиҷорат дар Покистон таъсири манфӣ гузоштааст.

Кишоварзони тоҷик мегӯянд, онҳо маҳсули кишту корашонро аксаран бо нархҳои пештара мефурӯшанд. Пас чаро нарх дар бозор боло рафтааст?

Паҳлавонони тоҷик дар мусобиқоти қаҳрамонии собиқадорон ҷудои ҷаҳон, ки рӯзҳои 31 октябр – 3-юми ноябр дар шаҳри Абузабии Имороти Муттаҳидаи Араб баргузор шуд, 5 медал (як тилло, як нуқра ва се биринҷӣ) ба даст оварданд.

Муассиси пешини ширкати "Operator ROP" Шнар Мухторова 920 миллион танга (тақрибан ду миллион доллар) ба давлат ҷуброн додааст.

Намояндаи артиши Исроил Даниел Ҳагарӣ хабар дод, ки низомиёни ин кишвар шаҳри Ғаззаро пурра муҳосира кардаанд.

Узбекистон, Қирғизистон ва Русия барои сохтани як долони нақлиётӣ тавассути Каспий ба созиш расидаанд.

Ду маъмури милисаро ба гумони гирифтани 24 ҳазор сомонӣ ва таҳияи билети қалбакии ҳарбӣ дастгир кардаанд.

Мусобиқоти қаҳрамонии футболи Тоҷикистон-2023 миёни дастаҳои гурӯҳи «Б» бо ду бозии даври панҷум, ки 2-юми ноябр баргузор шуд, ба анҷом расид.

Баъд аз ҳафт моҳ даргузашти Ҳумоюн, писари шоирон Озарахшу Фарзона, гурӯҳе аз эҷодкорони ҷавон ба номаш маҳфилу ҷоиза таъсис додаанд. Маҳфили нахустин рӯзи 27-уми октябр дар Хуҷанд гузашт.

Раиси Девони вазирони Қирғизистон масоили вобаста ба сарҳади ин кишварро бо Тоҷикистон шарҳ дод.

Салимҷон Насриддинови 52-сола аз шаҳри Панҷакенти Тоҷикистон рӯзи 31-уми октябр дар минтақаи Бруклини шаҳри Ню-Йорк боздошт шуд.

Варзишгарони тоҷик дар мусобиқоти қаҳрамонии бокси Осиё миёни наврасону ҷавонон дар шаҳри Остонаи Қазоқистон 9 медал (як нуқра ва ҳашт биринҷӣ) ба даст оварданд. Ба иттилои Созмони бокси Осиё, дар мусобиқот миёни наврасон 220 варзишгар (147 писар, 73 духтар) ва байни ҷавонон 215 варзишгар (137 писар, 78 духтар) аз 23 кишвари қора ширкат карданд. Ба ҳайати мунтахаби Тоҷикистон дар ин мусобиқоти қитъавӣ 24 варзишгар (13 наврас ва 11 ҷавон) дохил буд. Медали нуқраро миёни наврасон Ҷаҳонгир Камолов дар вазни то 46 кило соҳиб шуд. Читать дальше...

Гузаргоҳи "Қулма-Қаросу", масири асосии вуруди молу коло аз Чин ба Тоҷикистон, бозсозӣ мешавад. Ин нукта дар вохӯрии президенти Тоҷикистон Эмомалӣ Раҳмон бо Ма Синжуй, котиби якуми Ҳизби коммунисти Чин дар ноҳияи Синзян-Уйғур, садо додааст. Дидор 2-юми ноябр дар Душанбе анҷом шудааст. Ба навиштаи Дафтари матбуоти президенти Тоҷикистон, Эмомалӣ Раҳмон ба алоқамандии кишвараш барои рушди ҳамкорӣ бо ноҳияи мухтори Синзян-Уйғур баён кардааст. Пекин солҳои ахир ба яке аз сармоягузорони умда ва қарздиҳандаи аслии Тоҷикистон табдил шудааст. Читать дальше...

Арабистони Саудӣ омода аст барои бунёди неругоҳи "Роғун" ба Тоҷикистон 100 миллион доллар қарзи имтиёзнок диҳад. Дар ин бора сафири Арабистони Саудӣ дар Тоҷикистон Валид ибни Абдураҳмон Ар-Решайдон зимни нишасти матбуотӣ дар Душанбе хабар додааст. Ба навиштаи расонаҳои давлатии Тоҷикистон, ин маблағ аз сӯи Фонди саудии рушд ба неругоҳи "Роғун" дода мешавад. "Бо ин тартиб, Фонди саудии рушд дар сархати аваллин фондҳои ҷаҳонӣ оид ба тақдими чунин маблағҳо барои НБО “Роғун” қарор гирифт,”-гуфтааст Сафорати Арабистон. Читать дальше...

Иброҳим Раисӣ, президенти Ҷумҳурии исломии Эрон ҳафтаи оянда ба Душанбе меояд. Дар ин бора дафтари матбуоти президенти Тоҷикистон хабар додааст. Ба гуфтаи манбаъ, сафари оқои Раисӣ ба Тоҷикистон 7-8 ноябр дар назар аст. Дар назар аст, ки Иброҳим Раисӣ дар ин сафараш бо президенти Тоҷикистон Эмомалӣ Раҳмон ва дигар мақомдорони баландпоя дидору гуфтугӯ кунад. Ширкат дар нишасти Палатаи савдои Тоҷикистон ва Эрон аз барномаҳои дигари раиси ҷумҳури Эрон ба Тоҷикистон аст.  Равобити Душанбе ва Теҳрон дар солҳои ахир пуршебу фароз будааст. Читать дальше...