Новости за 06.11.2023

Паймони Миллии Тоҷикистон (ПМТ), ки аз ҷониби мақомоти Тоҷикистон як  ташаккули оппозитсионии мамнӯъ дониста мешавад, дар даъват аз президенти Эрон хост, дар мулоқоташ бо президент Эмомалӣ Раҳмон мавзӯи озодии маҳбусони сиёсиро дар миён гузорад. Дар номаи саркушодае, ки 6-уми ноябр дар саҳифаи фейсбукии ПМТ нашр шуд, дар муроҷиат ба президенти Эрон Иброҳим Раисӣ, аз ҷумла, ёдоварӣ шудааст, ки Ҷумҳурии Исломӣ ҳамчун яке аз кафилони иҷрои Созишномаи сулҳи соли 1997 масъулият дорад, то ба поймол шудани он расидагӣ кунад. Читать дальше...

6-уми ноябр дар Тоҷикистон Рӯзи Конститутсия таҷлил мегардад. Дар Қонуни асосӣ  пешбинӣ шудааст, ки Тоҷикистон давлати иҷтимоӣ буда, барои ҳар як инсон шароити зиндагии арзанда фароҳам меорад ва ҳама дар назди қонун баробаранд.

Як ҳафта баъди сар задани баҳси тахриби ду макони кори тоҷирон дар бозори “Саховат”-и шаҳри Кӯлоб, рӯзи 6-уми ноябр  савдогарони норозӣ аз ин тасмим пароканда шуданд.

Русия мехоҳад аз ҳисоби муҳоҷирон, муфлисон, қарздорон ва бекорон артишашро такмил кунад.

Пурсиши Радиои Озодӣ дар Рӯзи Конститутсия дар кӯчаҳои Душанбе барпо шудааст

Маъмури бозори Кӯлоб мегӯяд, баҳс тамом шуд. Тоҷирон исбот мехоҳанд.

Шаби 5 ба 6-уми ноябр дар ҳамлаҳои Исроил ба Навори Ғазза беш аз 200 нафар кушта шудаанд. Дар ин бора Вазорати тандурустии Ғазза хабар дод, ки зери назорати гуруҳи “Ҳамос” аст.   Интизор меравад, ки бо омори ахири Вазорати тандурустии Ғазза, шумораи талафот дар ин борика аз 10 ҳазор нафар зиёд шавад.   Артиши Исроил дар посух ба ҳамлаи 7-уми октябри неруҳои “Ҳамос” ба ин кишвар, қариб як моҳ аст Ғаззаро бомбборон мекунад. Дар ҳамлаи “Ҳамос” ба Исроил беш аз 1400 кас ва асосан сокинони мулкӣ кушта шуда, зиёда аз 240 нафар ба асорат афтоданд.

Владимир Путин қарор кард, ки дар моҳи марти соли 2024 дар интихоботи президентии Русия иштирок кунад ва дар ин сурат, ҳузури ӯ дар қудрат то соли 2030 таъмин хоҳад шуд. Шаш манбаи мухталиф ба хабаргузории Рейтерс гуфтанд, ки қарори дар интихобот иштирок кардани Путин ба он рабт дорад, ки ӯ бовар дорад бояд Русияро дар  хатарноктарин марҳилаи  таърихии ин кишвар раҳбарӣ кунад. Путин қудратро дар поёни соли 1999 аз дасти президенти собиқ Борис Елтсин ба даст овард ва баъди диктатори шӯравӣ Иосиф... Читать дальше...

Ходими давлатии Тоҷикистони шӯравӣ Низорамоҳ Зарипова дар сӯҳбати ихтисосӣ бо Радиои Озодӣ дар бораи бачагиҳои сахту сангинаш дар давраи ташаккулёбии Тоҷикистони советӣ, фирори Амир Олимхон аз Тоҷикистон, мулоқоташ бо Сталин, таҷрибаи корӣ зери раҳбарии Бобоҷон Ғафурову Турсун Ӯлҷабоев ёдовар шуд.

Ходими собиқадори Тоҷикистони шӯравӣ Низорамоҳ Зарипова рӯзи 6-уми ноябр 100-сола шуд. Ходими давлатии Тоҷикистони шӯравӣ Низорамоҳ Зарипова дар сӯҳбати ихтисосӣ бо Радиои Озодӣ дар бораи зиндагиву кораш дар як қарни гузашта ёдовар шуд.

Бобир Исломов, вазири саноати куҳӣ ва геологияи Узбекистон гуфт, ширкати фаронсавии "Orano" барои истихроҷ ва коркарди уран дар Узбекистон то 500 миллион доллар сармоягузорӣ мекунад. Ба иттилои вазир, ширкати фаронсавӣ дар ду қитъа дар вилояти Навоии Узбекистон корҳои иктишофиро ба роҳ мондааст. То охири соли 2023 тарҳи ибтидоии асосноксозии иқтисодиву техникӣ таҳия хоҳад шуд. Рӯзи 2 ноябр дар шаҳри Самарқанд президенти Фаронса Эммануэл Макрон бо президенти Узбекистон Шавкат Мирзиёев мулоқот кард. Читать дальше...

Тоҷири қазоқистонӣ Кайрат Боронбоев, ки соли ҷорӣ маҳкум ба зиндон шуда буд, ба озодӣ баромад. "Маҳкумшуда Боронбоев, ки муҳлати боқимондаи ҳабсаш ба маҳдудсозии озодӣ иваз шуда буд, рӯзи 6 ноябр аз маҳбас озод шуд", - хабар доданд аз мақомоти иҷрои ҷазои ҷиноии Қазоқистон ба расонаҳо. Боронбоев - қудои пешини Дариға Назарбоева, духтари президенти собиқи он кишвар Нурсултон Назарбоевро шартан аз зиндон озод кардаанд. Дар иттилоияи додгоҳи Қазоқистон гуфта шуда, ки ҳангоми тағйири ҳукми Боронбоев чандин омил... Читать дальше...

Бино ба иттилои дастрасшуда, Рустам Мадумаров - шавҳари пешини Гулнора Каримова, духтари Ислом Каримов - президенти пешини Узбекистонро моҳе пеш дар Ҳонконг боздошт кардаанд. Радиои Озодлик дар ин замина таҳқиқоти худро нашр кардааст.  Рустам Мадумарови 46-сола дар гузашта овозхон ва шарики тиҷориву шавҳари Гулнора Каримова буд. Вай ҳамчунин дар таҳқиқи байналмилалии зидди Гулнора Каримова шахси муҳим ба ҳисоб меравад. Ин дар ҳолест, ки Мадумаровро ибтидои соли 2014 дар Узбекистон боздошту ҳабс карда буданд. Читать дальше...

Маркази назарсанҷии "Геллап" (Gallup) Тоҷикистонро дар садри кишварҳои амни ҷаҳон ҷой додааст, ки "сокинонаш ба пулис эътимод доранд ва ҳангоми гаштугузори шабона эҳсоси хатар намекунанд".

Русия мехоҳад назорати вуруди муҳоҷиронро сахттар кунад. Бо ин мақсад қарор аст ба зудӣ  дар фурудгоҳҳои Маскав гирифтани изи ангушт ва аксбардории муҳоҷирон роҳандозӣ  шавад. Валентина Казакова, сардори Сарраёсати Вазорати корҳои дохилии Русия оид ба масъалаҳои муҳоҷират охири ҳафтаи гузашта гуфт, чунин навоварӣ  аз вуруди онҳое, ки ному насабашонро иваз  карда ба Русия меоянд, ҷилавгирӣ  мекунад.  Тартиби гирифтани изи ангушт ва аксбардории ҳатмӣ барои  муҳоҷирони меҳнатӣ аз моҳи декабри соли 2021 ҷорӣ шудааст. Читать дальше...

Президенти Тоҷикистон гуфт,  дар пасманзари таҳдиду хатарҳои нави ҷаҳонӣ «истиқлолу озодӣ ва суботу оромии кишварҳои гуногуни дунё» осебпазир шудааст.

Дастаи «Панҷшер»-и ноҳияи Ҷалолиддини Балхӣ пеш аз анҷоми бозиҳои даври охирин ғолиби мусобиқоти лигаи аввали футболи Тоҷикистон гардид.

Тибқи пешбинии обуҳавшиносон, ин ҳафта ҳарорати ҳаво дар кишвар то 8-10 дараҷа паст мешавад ва ба дунболи он сардиҳо оғоз хоҳад шуд. Мардуми Тоҷикистон барои зимистони имсола чӣ омодагӣ доранд? Нархи сӯзишворӣ бахусус ангишт то куҷо барои аҳолӣ дастрас аст.

Раисони 11 ниҳоди зертобеи Созмони Милали Муттаҳид ва 6 созмони башардӯстона бо нашри баёнияи муштарак, хостори оташбаси фаврӣ дар Ғазза, муҳофизат аз ҷони ғайринизомиён ва иҷозаи интиқоли ҳарчи зудтари об, дору ва маводи сӯхт ба Ғазза шуданд.

Пулиси Туркия зидди эътирозгароне, ки талош карданд, ба пойгоҳи ҳавоии Инҷирлики Амрико дар канори шаҳри Адана ворид шаванд, гази ашковар истифода кардааст. Телевизиони "NTV" иттилоъ додаааст, ки гуруҳе аз мардум зидди Исроил ва Амрико эътироз карда, талаб намуданд, ки пойгоҳ баста шавад. Ба иттилои телевизион, бархе аз иштирокдорон аз Истамбул ба Адана рафтаанд ва ба онҳо сокинони маҳаллӣ пайвастаанд. Кормандони пулис роҳ ба сӯи пойгоҳро бастанд.   Рӯзи 7-уми октябр "Ҳамос", ки Ғаззаро зери назорат дошт, ба хоки Исроил ҳамла кард. Читать дальше...

Доналд Лу, ёвари Котиби давлатӣ ё вазири умури хориҷии Амрико дар умури Осиёи Ҷанубӣ ва Марказӣ рӯзҳои 4-11 ноябр аз Қазоқистон, Узбекистон ва Ҳиндустон боздид мекунад. Дар иттилоияи Вазорати умури хориҷии ИМА омадааст, Лу ҳайати амрикоиеро раҳбарӣ мекунад, ки ба хотири тақвияти комёбиҳои нахустини саммити "C5+1" дар моҳи сентябри имсол, ба кишварҳои мазкур сафар хоҳад кард. Интизор меравад, ёвари вазири умури хориҷии Амрико дар шаҳри Остона бо мақомоти баландпояи ҳукумати Қазоқистон мулоқот... Читать дальше...

Мақомоти Амрико рӯзи 2 ноябр барои 12 ширкат аз Русия ва як ширкати узбекистонӣ маҳдудият ҷорӣ карданд. Дар иттилоияи Вазорати молияи Амрико омадааст, ки ин ширкатҳо ба хариду фурӯш ва истеҳсоли ҳавопаймоҳои бесарнишин машғуланд. Онҳо дар таъмин кардани Русия бо ҳавопаймоҳои бесарнишин гумонбар ҳастанд. Ба рӯйхати таҳримшудаҳои ИМА ширкати узбекистонии "Mvizion" шомил шудааст. Ин ширкат моҳи июни соли 2022 дар ноҳияи Чилонзори шаҳри Тошканд таъсис ёфтааст. Ҳаҷми сармояи оиномавии он 1 миллион сӯм гуфта шудааст. Читать дальше...

Оё Фитрат ва Айнӣ рақиб буданд? Ҳарду порсизабон буда, барои ислоҳи ду забони адабии минтақа - тоҷикӣ ва узбекӣ талошҳои бузург кардаанд. Миёни онҳо дар соли 1917 маҳз барои он ихтилофи назар ба вуҷуд омад, ки чӣ гуна бояд дар Бухоро ислоҳот гузаронд.