Ҳавопаймоҳои қудрат. Раҳбарони ҷаҳон бо чӣ парвоз мекунанд?

Нигоҳе ба ҳавопаймоҳои шуморе аз раҳбарони ҷаҳон.

1. Амрико 

Ҳавопаймоҳои 30-сола қодир ба сӯхт гирифтан ҳангоми парвоз дар ҳаво ҳастанд ва ба шуълаҳои дифои мушакӣ муҷаҳҳаз мебошанд. 

Ҳавопаймо ба ранги осмонӣ аслан аз сӯи як тарроҳи фаронсавӣ-амрикоӣ сохта шудааст.

Яке аз эъломияҳои баҳсбарангези раиси ҷумҳури Амрико Доналд Трамп дар заминаи ҷойгузинии ҳавопаймоҳои Air Force One буд.

2. Русия 

Ин ҳавопаймо пурра дар Русия сохта шудааст ва дар сохти ҷиҳози он аз чӯби дарахти тӯс истифода шудааст.​

Дар соли 2007 аксҳое мунташир шуд, ки нишон медод гӯиё васоили ҳамоми тилоӣ дар яке аз ҳавопаймоҳои раёсати ҷумҳури Русия вуҷуд дорад. Ин амр ҷанҷолбарангез шуд.​

3. Эрон

Дар соли 2018 Амрико нисбат ба Dena Airlines – оператори Airbus-и Рӯҳонӣ таҳримҳое ҷорӣ кард. Ин таҳрим барои сафарҳои байналмилалии президенти Эрон мушкил пеш овард.

4. Чин

Дар охири солҳои 90-ум Чин аз ширкати Boeing барои раҳбари ин кишвар ҳавопаймои махсус супориш дод. Аммо пас аз таслими ҳавопаймо, кормандони амниятии Чин шабакае аз дастгоҳҳои шунавоии пешрафтаро дар деворҳои дохилии он пайдо карданд. 

Пас аз он, Чин тасмим гирифт, ки аз ҳавопаймоҳои мусофирбари маъмулии China Air истифода кунад.

5. Қазоқистон

Ин ҳавопаймои сохти аврупоӣ дар муқоиса бо ҳавопаймое, ки Нурсултон Назарбоев истифода мекард, миёна мебошад. Назарбоев бештар ҳавопаймои Airbus A330-200-ро истифода мекард.

То ба ҳол маълум нест, ки раиси ҷумҳури нави Қазоқистон то чӣ андоза ба ҳавопаймоҳо ва чархболҳои хусусие, ки Назарбоев истифода мекард, дастрасӣ дорад.  

6.Кореяи Шимолӣ

Ин ҳавопаймо дар солҳои 60-ум мавриди истифода қарор гирифт. Модели ҳавопаймое, ки Ким Чен Ун истифода мекунад, 39 сол умр дорад. Дар соли 2002 ҳавопаймои ИЛ-62 аз парвоз дар фазои Иттиҳоди Аврупо бинобар ғурриши баланди муҳаррикаш манъ шуд.

7. Олмон

Нерӯҳои ҳавоии Олмон ҳавопаймоҳои мухталифро барои истифодаи давлат идора мекунанд.

Дар пайи мушкилоти фаровони фаннӣ, парвозҳо боис ба нигаронии олмониҳо шуд. Дар соли 2018 Ангела Меркел пас аз дучори мушкили фаннӣ шудани ҳавопаймояш ба саммити G20 дар Аргентина дертар расид. 

Дар соли 2019 вазири дифои Олмон эълон кард, ки ӯ се ҳавопаймои мушкилзои давлатиро иваз хоҳад кард.

8. Украина

Алорағми он ки раиси ҷумҳури Украина ба дигар ҳавопаймоҳо, ба шумули Airbus-ҳои қобили эътимод дастрасӣ дорад, аммо тарҷеҳ медиҳад бо ҳавопаймоҳои Антонови муштаракан сохташудаи русӣ-украинӣ парвоз кунад.

Дар соли 2011 яке аз ҳавопаймоҳо ҳангоми парвози озмоишӣ ба мушкил дучор шуд. Дар натиҷа шаш нафар ҷон бохтанд.

9. Тоҷикистон 

Эмомалӣ Раҳмон, раиси ҷумҳури Тоҷикистон, ҳангоми сафарҳои хориҷӣ аз ҳавопаймоҳои "Боинг"-и ширкати "Сомон Эйр" истифода мекунад. Борҳо ин суол матраҳ шудааст, ки чаро раиси ҷумҳур на аз ҳавопаймоҳои ширкати давлатии "Тоҷик Эйр", балки аз ширкати мустақили "Сомон Эйр" истифода мебарад. Панҷ сол пеш як мақоми ширкати "Тоҷик Эйр" гуфта буд, раиси ҷумҳур ба далоили амниятӣ ҳавопаймоҳои "Сомон Эйр"-ро интихоб кардааст.

Ҳарчанд "Сомон Эйр" ширкати хусусӣ гуфта мешавад, баъзеҳо онро ба афроди наздик ба раиси ҷумҳур марбут медиҳанд.