Новости за 26.12.2019

Мақомот дар баъзе аз минтақаҳои Тоҷикистон ба мушаххас кардани ҷойи истиқомати муҳоҷирони тоҷик дар хориҷа ва сабти рақами телефони онҳо оғоз кардаанд. Муҳоҷирон мегӯянд, пурсуҷӯи ногаҳонӣ онҳо ва наздиконашонро ба ташвиш овард. Мақомот тафтиши хона ба хонаро "ҳифзи амнияти шаҳрвандон" донистанд. Ҳуқуқдонҳо аз поймол шудани ҳаққи конситутсионии шаҳрвандон суҳбат мекунанд. Ҳасан Ҳамроқулов, сокини ноҳияи Бобоҷон Ғафурови вилояти Суғд, ҳафтаи пеш ба чанд суоли гуруҳи иборат аз кормандони идораҳои давлатӣ посух додааст... Читать дальше...

Собиқ қаҳрамони UFC дар вазни сабук Конор Макгрегор тасмим гирифтааст, ки ба бенавоён кумак кунад. Макгрегор ба камбизоатон 25 ҳазор доллар хайр намудаст

Эмомалӣ Раҳмон, раиси ҷумҳури Тоҷикистон, рӯзи 26-уми декабр дар паёми солона ба порлумон аз низоми бонкӣ дар кишвар интиқод кард, ба вазъи маорифу тандурустӣ дахл намуд ва аз коҳиш ёфтани муҳоҷирати тоҷикон ба Русия гуфт.

Амалиёти мақомот дар қароргоҳи мубориза бо фасоди Навалний

Раиси ҷумҳури Тоҷикистон рӯзи 26-уми декабр ба порлумон ва мардум паём дод. Хабарнигори Радиои Озодӣ аз чанд нафар пурсид, ки паёми имсоларо чӣ гуна дарёфттанд? Ҷавобҳоро дар видео бинед.

Таҷлили ифтитоҳи хатсайри Маскав-Симферопол тавассути пули Қрим

Корманди собиқи додгоҳе дар вилояти Суғд дар номае ба президенти Тоҷикистон Эмомалӣ Раҳмон навишта, ки ба хотири "тан надодан ба суистифодаи ҷинсӣ аз сӯи раиси додгоҳ" шуғли худро аз даст додааст. Ин зани 33-сола, ки то як сол пеш котиби суд дар яке аз додгоҳҳои вилояти Суғд буд, иддао мекунад, раиси додгоҳ аз ӯ тақозои "муносибати маҳрамона" кардааст, вале пас аз шунидани ҷавоби рад ӯро аз кор рондааст. Ин гуна шикоятҳо хеле зиёданд, аммо духтарон аксар вақт онро рӯйпӯш мекунанд. Ин зан... Читать дальше...

Сиёсатмадори мухолифи ҳукумати Русия Алексей Навалний гуфт,  афсарони полис, ки барои таҳқиқи идораи Бунёди зидди коррупсияи дар шаҳри Маскав омада буданд, ӯро аз дохили дифтар "кашола карда берун бурданд".  Ӯ баъдан дар саҳифаи худ дар Твиттер навишт: "Охирин хабар: ҳеҷ кас боздошт нашуд. Онҳо маро аз дохили дафтар кашола карда берун бурданд". Изҳороти Навалний баъди он нашр шуд, ки сухангӯи Бунёди зидди коррупсия дар як изҳороташ Кремлинро ​дар он гунаҳгор кард, ки ин мухолифин ҳукуматро "бо зӯр боздошт карда берун мебаранд". Читать дальше...

Киштие, ки субҳи 26 декабр муҳоҷирон – шаҳрвандони Афғонистон, Покистон ва Бангладешро интиқол медод, дар дарёе дар қисмати шарқии Туркия чаппа шуд ва дар натиҷа, ҳафт нафар дар об ғарқ шуд. Волии минтақаи Битлис бо нашри изҳороте гуфт, ки дасти кам 64 нафари наҷотёфтаро ба беморхонаву паноҳгоҳҳои атроф интиқол доданд.   Дар ин изҳорот омадааст, ки киштие бо беш аз 70 муҳоҷир дар обҳои дарёи Ван лаҳзаҳое, ки ба шаҳраки Одилҷувози вилояти Битлис наздик мешуд, ғарқ шуд. Панҷ нафарро аз дохили об мурда... Читать дальше...

Варзишгари тоҷик Хуршед Назаров дар мусобиқаи муҳорибаҳои омехта Gorilla Fighting Championship 23 бар Абилай Толеш аз Қазоқистон пирӯз шуд

Сооронбой Ҷеенбеков – раиси ҷумҳури Қирғизистон – гуфт, барои суръат бахшидан ба ҳалли баҳсҳои марзӣ бо Тоҷикистон омодаанд, ки "баъзе аз қаламравҳоро табодул кунанд". Ҷеенбеков дар ин бора рӯзи 25-уми декабр дар нишасти солонаи матбуотӣ дар Бишкек ибрози назар кард. Пештар баъзе аз коршиносон низ табодули заминро яке аз роҳҳои ҳалли баҳсҳои марзӣ миёни Тоҷикистону Қирғизистон гуфта буданд. Президент Эмомалӣ Раҳмон моҳи июли имсол ҳангоми мулоқот дар сарҳади Воруху Оқсой ишора кард, ки "гоҳо ба гузашт ҳам роҳ додан лозим аст"... Читать дальше...

Субҳи 26 декабр дар паи як таркиши пурқудрати мошини бомбгузоришуда дар як муассисаи низомии вилояти Балхи Афғонистон дасти кам шаш сарбози артиши ин кишвар кушта шуда. Вазорати дифои Афғонистон бо пахши изҳороте гуфт, ки баъди таркиши мошин гурӯҳи ҷангҷӯён ба сохтмон ҳуҷум карданд. Ин ҳодисаро вазорат “ҳамлаи террористӣ” унвон кардааст. Дар ин ҳодиса инчунин се сарбоз маҷрӯҳ шудааст. Ҳанӯз ҳеҷ гурӯҳ масъулияти ин ҳамларо ба дӯш нагирифтааст, вале вазорат ва ҳам мақомоти маҳаллӣ гуфтанд, ки ин кори Толибон аст. Читать дальше...

Ширкатҳои давлатии гази Русия ва Украина қарор аст рӯзи 26 декабр дар Вена барои натиҷагирии кори долони транзитии газ дар созишномаи нав ҷаласа барпо кунанд. Мақомоти ширкатҳои русии “Газпром” ва украинии “Нафтогаз” дар фикри нав кардани созиши 10 сол пеш имзошуда ҳастанд. Мӯҳлати ин созиш 1 январ ба анҷом мерасад ва ҷои онро созишномаи панҷсолаи дигаре мегирад, ки таъмини гази табиии русӣ дар мавсими зимистон ба Аврупо тавассути Украинаро дар назар мегирад. Юрий Витренко, раиси иҷроияи ширкати “Нафтогаз” дар саҳифаи худ дар Фейсбук навишт... Читать дальше...

Кумитаи тафтишотии Беларус гуфт, ки  қазияи нопадидшавии собиқ вазири умури дохилӣ Юрий Захаренкоро ба анҷом мерасонад. Анҷоми таҳқиқи ҷиноӣ баъди он имконпазир шуд, ки як собиқ узви полиси махфӣ гуфт, дар қазияи рабоиш ва куштори 20 соли пеш иштирок кардааст. Олег Вовчак, як фаъоли ҳуқуқи башари беларус дар сӯҳбат бо бахши Беларусии Радиои Озодӣ гуфт, ки Кумитаи тафтишотӣ ду рӯз баъди нашри гузориши оҷонсии Deutsche Welle парвандаи “шахшуда”-ро аз нав боз кард. Ин матлаб бар асоси мусоҳиба бо  Юрий Гарауски таҳия шудааст... Читать дальше...

Игор Лякин-Фролов, сафири Русия дар Тоҷикистон гуфт,  ҳаҷми маблағҳои интиқолии муҳоҷирони тоҷик аз Русия ба ватан дар соли 2019 ҳудуди 3 миллиард долларро ташкил хоҳад дод. Дипломати баландпояи Русия рӯзи 25 декабр дар мулоқот бо журналистони тоҷик дар Душанбе гуфт, ки  бар асоси ҳисобҳои гуногун тақрибан як миллион муҳоҷири тоҷик, ки барои кор ба Русия рафтаанд, ба таври ҳамешагӣ дар ин кишвар қарор доранд ва ин муҳоҷирон дар як соли ахир ба маблағи 3 миллиард доллар барои наздиконашон ба ватан интиқол медиҳанд. Читать дальше...

Дуруд, ҳаммеҳани азиз! Шояд таваҷҷуҳи туро низ матолибе, ки чанд рӯзи ахир дар бораи Нилуфар Раҷабова мунташир мешаванд, ҷалб карда бошанд. Ин бонуи тоҷик ба хотири  тарзи либоспӯшӣ ба Шуъбаи корҳои дохилии ноҳияи Синои шаҳри Душанбе бурда шуд. Вале чун аз амали ғайриқонунии кормандони милиса бо расонаҳо суҳбат кард, ба ҷойи милисаҳо ӯро муҷозот карданд ва аз тарафи додгоҳ ба иттиҳоми “майдаавбошӣ” ҷарима шуд. Ман зиёд рӯи ин масъала тамаркуз карданӣ нестам. Аммо маҳз иттифоқоте, ки бо ин бону рух дод... Читать дальше...

Мавсими варзишии имсола ба поён расид. Бархе аз варзишгарони тоҷик дар соли 2019 дар мусобиқоти ҷаҳониву қитъавӣ ва байналмилалӣ ба як силсила дастовардҳо мушарраф шуданд. Дар ин гузориш нигоҳе дорем ба бурду бохти варзиши тоҷик дар соле, ки сипарӣ мешавад.

Сар аз 1-уми сентябри соли оянда музди меҳнати кормандони будҷавӣ, нафақа ва идрорпулӣ дар Тоҷикистон 15 дарсад афзоиш меёбад. Дар ин бора рӯзи 26-уми декабр Эмомалӣ Раҳмон дар паёмаш ба порлумон хабар дод. Ба гуфтаи Эмомалӣ Раҳмон, маоши кормандони мақомоти интизомӣ низ 10 дарсад боло бурда мешавад. Раиси ҷумҳури Тоҷикистон гуфт,  кӯмакпулии маъюбони синашон аз 18-сола поин, ки ба нигоҳубини дигарон эҳтиёҷ доранд, то 50 дарсад боло хоҳад рафт.  Бори ахир ҳаҷми маош дар Тоҷикистон соли 2018 зиёд шуда буд. Читать дальше...

Хуршед Назаров, варзишгари тоҷик, дар мусобиқаи муҳорибаҳои омехта Gorilla Fighting Championship 23 бар Абилай Толеш аз Қазоқистон пирӯз шуд. Ин мусобиқа бо ширкати 30 варзишгар аз Бразилия, Қазоқистон, Қирғизистон, Русия, Тоҷикистон, Узбекистон ва Украина 25-уми декабр дар толори «Алмати Арена» доир гардид. Дар ин бора сомонаи Sports.kz хабар додааст. Дар рақобати Хуршед Назаров муқобили Абилай Толеш доварон бо раъйи бештар варзишгари тоҷикро ғолиб донистанд. Дар рақобати асосии ин мусобиқа Даурен Ермекови қазоқ... Читать дальше...

Минбаъд ҳар сармоягузоре, ки ба иқтисоди Тоҷикистон беш аз як миллион доллар сармоягузорӣ мекунад, соҳиби раводид ё визаи панҷсола хоҳад шуд. Дар ин бора рӯзи 26-уми декабр Эмомалӣ Раҳмон дар паёми солонааш хабар дод. Оқои Раҳмон зимни ирсоли паёми солонааш ба Вазорати умури хориҷӣ дастур дод, ки ба соҳибкороне, ки ба иқтисоди кишвар беш аз як миллион доллар сармоягузорӣ мекунанд, "раводиди бисёркаратаи панҷсола дода шавад". Ҳамчунин ба гуфтаи раиси ҷумҳур, ба сайёҳон раводиди 60-рӯза дода мешавад. Читать дальше...

Рӯзи 25-уми декабр, як рӯз пеш аз эътирозҳои эҳтимолӣ дар Эрон, мақомоти ин кишвар имкони кушода шудани сайтҳои хориҷиро дар интернети мобилӣ қатъ кардааст. Хабаргузориҳои он кишвар бо ишора ба изҳороти Вазорати мухобирот ва иттилооти фаннӣ навиштааст, ки қатъи интернети мобилӣ бо дастури мақомоти амниятӣ сурат гирифтааст. Ҳамин манбаъ афзудааст, ки қатъи интерент дар вилоятҳои Албурз, Курдистон ва Занҷон ҷорӣ шудааст. Ба навиштаи ин хабаргузорӣ, эҳтимол дар вилоятҳои дигар ҳам, пайвасти интернети мобилӣ бо сайтҳои хориҷӣ қатъ шавад. Читать дальше...