Новости за 09.12.2019

Рӯзи 9-уми декабр дар пойтахти Фаронса раҳбарони РУсия ва Украина Владимр Путин ва Владимир Зеленский имкони сулҳ дар шарқи Украинаро баҳс карданд.

Беш аз як ҳафта боз дар "Корвон", бозори бузургтарини Душанбе, маъракаи гирифтани изи ангушт ва тафтиши санадҳои соҳибкоронро ба роҳ мондаанд. Дар Вазорати умури дохилии Тоҷикистон гуфтанд, "ин иқдом ба хотири чораҳои бештари амниятӣ гирифта шудааст", вале шарҳ надоданд, ки аз чӣ нигарон ҳастанд. Тоҷирон мегӯянд, далели рафтори мақомотро намедонанд.

Бюрои ҳуқуқи башар ва риояи қонун дар Тоҷикистон фаъоли ҷамъиятӣ Дилноза Муҳиддиноваро бо дипломи “Беҳтарин ҳомии ҳуқуқ” қадрдонӣ кард. Аъзои ҳакамон талошҳои ӯро барои роҳ надодан ба болоравии нархи Интернет дар баҳори соли 2018 ситоиш карданд. Дилноза Муҳиддинова дар маъракаи ҷамъоварии имзо ба зидди тасмими боло бурдани нархи Интернет иштирок кард. Дар ду рӯз ба ин мактуб беш аз 600 нафар имзо гузоштанд. То ин ки мактуб ба дастгоҳи президент расад, раиси ҷумҳур қарори боло бурдани қимати Интернетро муваққатан боздошт. Читать дальше...

Як таронаи шарҳиҳолии овозхони тоҷик Фирӯза Ҳафизова, ки ба гуфтаи худаш "посухе ба бадгӯён дар Интернет аст", баҳс барангехт. Мақомот ба ӯ барои истифода аз калимаи "фу" дар тарона огоҳӣ доданд ва гурӯҳе аз корбарони шабакаҳои иҷтимоӣ беэҳтиромӣ хонданд. "Фу" як навъ вокуниш ба чиз ё бӯйи бадест. Фирӯза Ҳафизова рӯзи 9-уми декабр дар суҳбат бо Радиои Озодӣ гуфт, бо ин тарона намехост касеро озурда кунад ва баъд аз баҳсҳои зиёд онро аз саҳифаҳояш дар шабакаҳои иҷтимоӣ бардошт. Клип ё намоҳанги... Читать дальше...

Як таронаи шарҳиҳолии овозхони тоҷик Фирӯза Ҳафизова, ки ба гуфтаи худаш "посухе ба бадгӯён дар Интернет аст", баҳс барангехт. Мақомот ба ӯ барои истифода аз калимаи "фу" дар тарона огоҳӣ доданд ва гурӯҳе аз корбарони шабакаҳои иҷтимоӣ беэҳтиромӣ хонданд. "Фу" як навъ вокуниш ба чиз ё бӯйи бадест. Фирӯза Ҳафизова рӯзи 9-уми декабр дар суҳбат бо Радиои Озодӣ гуфт, бо ин тарона намехост касеро озурда кунад ва баъд аз баҳсҳои зиёд онро аз саҳифаҳояш дар шабакаҳои иҷтимоӣ бардошт.

Мақомоти Тоҷикистон мегӯянд, мубориза бо фасод мушкили танҳо ниҳодҳоди давлатӣ нест ва бояд ҳамаи қишрҳои ҷомеа дар он нақш дошта бошанд. Бархе аз соҳибназарон гуфтанд, мардум аз вуҷуди фасоди молӣ борҳо шикоят кардаанд ва ин ба иродаи мақомот вобастааст, ки барои пурра решакан кардани он иқдоми ҷиддӣ кунанд, ё на. Радиои Озодӣ дар рӯзи ҷаҳонии мубориза бо фасод, ки ҳар сол 9-уми декабр таҷлил мешавад, ба ин масъала рӯй овард ва аз сокинону коршиносон пурсид, ки мубориза бо фасод дар Тоҷикистон то куҷо муассир будааст? Читать дальше...

Дабири кулли Федератсияи бокси Русия , Умар Кремлев ба қарори WADA дар бораи хориҷ кардани Русия аз Олимпиада тавзеҳ дод

Президентҳои Украина ва Русия рӯзи 9-уми декабр дар Париж барои гуфтугӯи деринтизор оид ба ҳалли муноқишаи низомӣ дар шарқи Украина вомехӯранд, ки дар он аз соли 2014 ба ин тараф зиёда аз 13 ҳазор нафар кушта шудаанд. Гуфтугӯи миёни президенти Украина Владимир Зеленский ва ҳамтои русаш Владимир Путин аз ҷониби президенти Фаронса Эммануэл Макрон ва садри аъзами Олмон Ангела Меркел дар форуми ба ном "Нормандия"  кумак  мекунад. Бори аввал аст, ки сарони Украина ва Русия аз соли 2016 ба ин тараф... Читать дальше...

Дар шаҳри Кӯлоб бар асари заҳролудшавӣ аз сабзавоти консервашуда як нафар ҷон бохта, шаш каси дигар дар беморхона бистарӣ шудаанд. Абдукарим Шокиров, пизишки бемористони Кӯлоб, 9-уми декабр ба Радиои Озодӣ гуфт, ҳодиса як рӯз пеш иттифоқ афтод. "Назрулло Мардонов ва шаш каси дигарро дар ҳолати вазнин ба бемористон оварданд. Баъди ташхсис маълум шуд, ки онҳо аз сабзавоти консервашуда заҳролуд шудаанд. Назрулло Мардонов даргузашт, боқимондаҳо табобат мегиранд," -- афзуд ӯ.  Инҳо сокинони Чармгарони Поёни шаҳри Кӯлоб буда... Читать дальше...

Ҷасади табиби 73-сола Тетсу Накамура, як табиби ҷопонӣ, ки давоми даҳсолаҳо дар шарқи Афғонистон кору зиндагӣ мекард, барои хоксупорӣ ба ватанаш Ҷопон оварда шуд. Накамура рӯзи 4 декабр ҳамроҳ бо панҷ муҳофизи афғон ва дигар ҳамкоронаш аз тири туфанг кушта шуд. Мақомоти ҳукумати Ҷопон баробари ба  Токио расидани ҷасад барои арзи эҳтиром ба ҳамсар ва фарзандони табиб дар фурудгоҳ маросими ёдбуд барпо карданд. Накамура раҳбарии созмони ҷамъиятии “Хамоти тибби Ҷопон барои сулҳ”-ро ба ӯҳда дошт ва моҳи... Читать дальше...

Президенти Русия Владимир Путин рӯзи 9-уми декабр дар Париж ба таври расмӣ бо ҳамтои украиниаш Владимир Зеленский гуфтугӯ хоҳад кард. Пас аз буҳрон дар шарқи Украина дар соли 2014, бори аввал аст, ки президентҳои ду кишвар ба ҳам мулоқот мекунанд. Раҳбарони Фаронса ва Олмон заминаи ин мулоқотро фароҳам сохтаанд.  Ба навиштаи хабаргузории Франс-пресс, интизор намеравад, дар мулоқоти Путин ва Зеленский, ки бо миёнҷигарии Эммануэл Макрон ва Ангела Маркел сурат мегирад, тавофуқномаи сулҳ ба даст биояд... Читать дальше...

Бо тасмими Конфедератсияи футболи Осиё (AFC) теъдоди бошгоҳҳое, ки дар марҳилаи гурӯҳии Лигаи қаҳрамонҳо иштирок мекунанд, афзун гардид. Дар ин бора сомонаи расмии Федератсияи футболи Тоҷикистон (ФФТ) хабар додааст. Ба иттилои ин манбаъ, сар аз соли 2021 дар марҳилаи гурӯҳии Лигаи қаҳрамонҳои AFC на 32 бошгоҳ, чунонки пештар буд, балки 40 бошгоҳ ширкат меварзад. Қаҳрамони Тоҷикистон-2020 ҳуқуқ пайдо мекунад, ки дар марҳилаи гурӯҳии мусобиқаи аз ҳама пурнуфузи бошгоҳии Осиё иштирок намояд. Ба ғайр аз ин... Читать дальше...

Гузоришҳо ҳокист, ки нахустин бор баъди бо қарори президенти ИМА Доналд Трамп ногаҳон қатъ шудани музокираҳо бо Толибон, ки шароити хатми ҷанги 19-сола дар Афғонистонро мавриди баррасӣ қарор додаанд, ҳам ИМА ва ҳам Толибон расман дар бораи азсаргирии ин гуфтугӯҳо хабар доданд.  Ин гузоришҳо ҳокист, ки фиристодаи ИМА Залмай Халилзод рӯзи 7 декабр дар макони қаблӣ дар Қатар бо мақомоти Толибон мулоқот карда, инчунин рӯзи 8 декабр ҳам ин гуфтугӯҳоро идома додааст. Азсаргирии ногаҳонии музокираҳо баъди он имконпазир шуд... Читать дальше...

Санна Марини 34-сола аз Финландия сарвазири ҷавонтарин дар ҷаҳон хоҳад шуд. Номзадии ӯро ҳизби пештози эътилофи раҳбарикунандаи сотсиал-демократи Финландия тасдиқ кардааст. Ин зани ҷавон ҳамчунин раҳбари ҷавонтарини ҳукумат дар таърихи Финландия хоҳад буд. Қаблан Марин дар мақоми вазири нақлиёти Финландия кор кардааст. Ӯ аз Алексей Гончарук, сарвазири Украина ва раҳбари Куриёи Шимолӣ Ким Чин Ун ҳам ҷавонтар аст. Ҳафтаи гузашта Антти Ринне бо сабаби ихтилофҳо дар ҳукумати Финландия, ки дар масъалаи коршикании кормандони почта пеш омад... Читать дальше...

Ба гуфтаи мақомоти пулис, дар натиҷаи таркиши вулқон дар Ҷазираи шимолии Зеландияи Нав  ба камияш 5 кас кушта ва 20 каси дигар захмӣ шуданд. Шумори бедаракшудагон беш аз даҳ нафар будааст. Мақомот мегӯянд, 23 нафар аз мавзеи White Island (Ҷазираи сафед) наҷот дода шуданд. Ба гуфтаи онҳо, дар атроф ҳудуди 100 нафар қарор доштанд. Дар изҳороти пулис гуфта мешавад, ҳадди ақал яке аз нафароне, ки ба соҳил оварда шуд, сахт захмӣ аст. Пулис меафзояд, дар минтақа ҳама гуна паровзҳо манъ карда шуд. ... Читать дальше...

WADA ё Оҷонсии ҷаҳонии зиддидопингӣ дар ҷаласаи рӯзи 9 декабри худ қарор кард, ки Русия ба мӯҳлати чор сол аз ширкат дар бозиҳои олимпӣ ва ҳам мусобиқаҳои ҷаҳонии варзишӣ маҳрум мешавад. Ҳанӯз вокуниши Русия ба ин тасмим маълум нест. Моҳи гузашта аъзои ин оҷонсӣ пешниҳод карданд, ки Русия барои чор соли дигар аз ҳақи ширкат дар мусобиқаҳои ҷаҳонии варзишӣ, аз ҷумла, олимпиадаи соли 2020-и Токио маҳрум шавад. Мутахассисони  WADA гуфтанд, ки дар иттилои аз ҷониби озмоишгоҳ ба унвонии оҷонсӣ пешниҳодшуда  бархе “номувофиқатҳо” ошкор шуд. Читать дальше...

Беш аз як ҳафта боз дар "Корвон", бозори бузургтарини Душанбе, маъракаи гирифтани изи ангушт ва тафтиши санадҳои соҳибкоронро ба роҳ мондаанд. Дар Вазорати умури дохилии Тоҷикистон гуфтанд, "ин иқдом ба хотири чораҳои бештари амниятӣ гирифта шудааст", вале шарҳ надоданд, ки аз чӣ нигарон ҳастанд. Тоҷирон мегӯянд, далели рафтори мақомотро намедонанд. Гирифтани изи ангушти тоҷирон ва санҷиши ҳуҷҷати соҳибкории онҳо баъд аз як моҳи ҳамлаи маргбор ба дидбонгоҳи "Ишқобод" дар ноҳияи Рӯдакӣ сурат мегирад. Читать дальше...

Раҳматилло Зоиров, раиси Ҳизби сотсиал-демократ ва мушовири пешини раиси ҷумҳури Тоҷикистон аз президент Эмомалӣ Раҳмон хостааст, ки гаравпулии номзадҳо барои интихоботи порлумониро бекор кунад. Ин гаравпулӣ барои ҳар номзад 5 ҳазору 800 сомонӣ (баробар ба тақрибан 600 доллар) муқаррар шудааст. Зоиров рӯзи 9-уми декабр дар изҳороте гуфт, "барои 10 номзади ҳизб 58 ҳазор сомонӣ ва барои 22 нафар беш аз 127 ҳазор сомонӣ зарур аст. Ин ғорат дар рӯзи равшан аст." Мақомоти Тоҷикистон гаравпулиро... Читать дальше...

Мақомоти Кумитаи ҳолатҳои фавқулодаи Тоҷикистон гуфтанд, рӯзи 8-уми декабр аз дохили “Кӯли ҷавонон” дар Душанбе ҷасади марди 41-соларо пайдо кардаанд. Умеда Юсуфӣ, сухангӯи Кумитаи ҳолатҳои фавқулода, гуфт, ин мард 17-уми ноябр дар пайи баҳси оилавӣ аз хона баромада, “бедарак шуда буд”. “Ҷасади ӯро рӯзи якшанбе аз об берун оварданд ва таҳқиқ идома дорад,” – афзуд ӯ. Вале ҳоли ҳозир аз марди ҳалокшуда ном бурда намешавад. Мақомот мегӯянд, марди ҳалокшуда сокини ноҳияи Синои пойтахт буда, соҳиби ду маълумоти олӣ: тиббӣ ва ҳуқуқшиносӣ будааст.

Шавкат Мирзиёев, президенти Узбекистон дар робита ба таҷлили 27-солагии қабули Қонуни асосии он кишвар қонуни авф қабул кард. Дар асоси ин қонун 92 шаҳрванди он кишвар, аз ҷумла 79 касе, ки бо айбҳои марбут ба иштирок дар фаъолияти гуруҳҳои мамнуъ зиндонӣ шуда буданд, авф мешаванд. Аз маҷмуи авфшудаҳо 20 тан комилан озод ва 37 тани дигар шартан пеш аз муҳлат аз зиндон мебароянд. Ҳукми 16 тани дигар сабук мешавад. Ба илова, муҳлати ҷазои 19 каси дигар кам мешавад. Миёни авфшудаҳо 3 марди аз 60-сола боло ҳаст. Читать дальше...

Дар Додгоҳи ноҳияи Ленини шаҳри Бишкек баррасии парвандае идома дорад, ки дар доираи он 13 нафар, аз ҷумла ду шаҳрдори пешини пойтахти Қирғизистон Кубаничбек Қулматов ва Албек Ибраимов ба ҳайси гумонбар иштирок доранд. Айбдоркунандаи давлатӣ 9 декабр дар мурофиа хост, Кубаничбек Қулматов 15 сол ва Албек Ибраимов 20 сол зиндонӣ шаванд. Кубаничбек Қулматов дар фасодкорӣ ҳангоми сохтани мактабе айбдор мешавад. Албек Ибраимов якбора дар доираи чанд парванда айбдор мешавад - фурӯши истироҳатгоҳи "Соҳили офтобӣ" бо арзиши ниҳоят паст... Читать дальше...

Президенти Узбекистон Шавкат Мирзиёев 19 майи соли 2018 дар як ҷаласа додситони кулли пешини ин кишвар Рашид Қодировро пеш аз содир шудани қарори додгоҳ "дузди воқеӣ" номида, гуфт, дар давоми ду се моҳи оянда ба воситаи телевизион тавба хоҳад кард. Бо вуҷуди 1,5 сол гузаштан аз ин "ваъда"-и президенти Узбекистон филм дар бораи додситони кулли пешини ин кишвар ҳанӯз ҳам намоиш дода нашудааст. Ба гуфтаи як ҳамсуҳбати мо, ки филми 70-дақиқагӣ дар бораи додситони кулли пешинро тамошо кардааст, "Гирдоб"... Читать дальше...

Мунтахаби миллии футзали Тоҷикистон дар қаҳрамонии Осиё-2020, ки аз 26-уми феврал то 8-уми март дар Ишқобод баргузор мешавад, дар гурӯҳи “А” бо дастаҳои Туркманистон, Ветнам ва Умон рақобат хоҳад кард. Қуръакашии марҳилаи ниҳоии қаҳрамонии Осиё-2020 оид ба футзал 6-уми декабр дар меҳмонхонаи «Олимпия»-и Ишқобод доир гардид. Бар асоси қуръакашӣ 16 даста ба чаҳор гурӯҳи чаҳордастаӣ тақсим шуд. Мунтахаби миллии футзали Тоҷикистон ҳамроҳи дастаҳои Туркманистон, Ветнам ва Умон ба гурӯҳи  “А” дохил аст. Читать дальше...

Мавсими имсолаи лигаи касбии футзали Тоҷикистон бо пирӯзии дастаи «Соро компания»-и Душанбе ба поён расид. Ин даста, ки таҳти раҳбарии сармураббӣ Пайрав Воҳидов барои дувумин бор қаҳрамони Тоҷикистон шуд, ба ҳаққи ширкат дар мусобиқаи  қаҳрамонии бошгоҳии Осиё-2020 мушарраф гардид. “Соро компания” дар бозии чаҳоруми силсилаи ниҳоии қаҳрамонии Тоҷикистон, ки 8-уми декабр доир шуд, бар дастаи «Сипар»-и Хуҷанд бо ҳисоби 5:2 ғолиб омад. Ҳисоби умумӣ 3:1 ба нафъи душанбегиҳо шуд. “Соро компания” бо... Читать дальше...