Новости за 16.12.2019

Дар саросари Қазоқистон даҳҳо нафар, аз ҷумла журналистон ва фаъолони сиёсиву маданиро ҳангоми намоишҳои эътирозӣ дастгир карданд. Намоишҳо бо талаби озодиҳои бештари сиёсӣ ва раҳоии зиндониёни сиёсӣ рӯзи 16-уми декабр баргузор гардид. Бахши қазоқии Радиои Озодӣ навишт, боздоштҳо пеш аз баргузории гирдиҳамоиҳо шуруъ шуд. Боздоштҳои субҳи душанбе дар рӯзи истиқлоли Қазоқистон ва ҳафтае баъд аз дастгир шудани дастикам 20 фаъоли ҷамъиятӣ дар шаҳри Нурсултон ва Алмато ҷараён гирифт. Ин нафаронро додгоҳҳои... Читать дальше...

Ронандагони муҳоҷир талаб доранд, ки ОМОН-и Хабаровск ба ҷавобгарӣ кашида шавад

Зани ҳиҷобпӯш шикоят дорад, ки ӯро даҳ соат дар идораи умури дохилӣ нигаҳ дошта, азият додаанд.

Чаро муҳоҷирон бозгашти "Золотая корона"-ро орзу мекунанд? Посухи ин суолро Абдулло Ашӯров ҷустуҷӯ кард.

Боздошти даҳҳо эътирозгар дар раҳпаймоии Рӯзи истиқлоли Қазоқистон.

Ширкати садову симои CCTV-и Чин намоиши бозии миёни дастаҳои футболи “Арсенал”-и Лондон ва Манчестер Ситиро дар таърихи 15 декабр қатъ кард. Сабаби ин тасмим дар интиқоди бозигари турктабори клуби Лондон Месут Озил аст, ки ҳукумати Пекинро барои саркӯби мусалмонҳои бумии туркзабони  Шинҷон интиқод кард. Клуби  футболи англисӣ бо Чин дар заминаи пахши телевизионии бозиҳояш доллар то соли 2022 созишномае бо арзиши 700 миллион имзо кардааст, ки барояш як бозори боимтиёз ба шумор меравад. Озил, ки решаҳои туркӣ дорад... Читать дальше...

Мақомоти вилояти Бухорои Узбекистон тасдиқ карданд, ки дар мактаби шумораи 9 дар Когон кӯдакон дар ҳоҷатхонаи мактаб дарс мехонанд. Рӯзи 14-уми декабр дар шабакаҳои иҷтимоӣ акси синфхонае дар дохили ҳоҷатхона нашр шуд. Корбарон гуфтанд, ки ин ҳолат дар ноҳияи Когони Бухоро рух додааст. Мактаби шумораи 9 дар Когон соли 1986 сохта ва барои таҳсили 1051 хонанда пешбинӣ шудааст. Аммо дар ҳоли ҳозир ин мактаб 1573 хонандаро фаро мегирад. Ба далели норасоии синфхонаҳо, мудирияти мактаб тасмим гирифтааст... Читать дальше...

Як таҳқиқи фишурда нишон дод, “Фароз” – ширкати пуровозае, ки қариб се моҳ пеш хабари қатъи ногаҳонии фаъолияти он расонаҳоро такон дод, ҳамчунон фаъол аст, ҳарчанд ин хабар ба андозаи зиёд номи онро аз сари забонҳо поин овард ва бардошта шудани лавҳаҳо ҳастияшро аз назарҳо канортар бурд.

Дар Покистон маъракаи панҷрӯзаи эмкунӣ бар зидди фалаҷи атфол шурӯъ шуд, дар ҳоле, ки соли ҷорӣ шумори гирифторон ба ин беморӣ аз марзи 100 нафар гузашт. Барномаи муқобила бо фалаҷи атфоли Покистон мегӯяд, қарор аст шурӯъ аз 16 декабр даҳҳо ҳазор корманди маъракаи эмкунӣ дар ба дари мардум гашта, 39 миллион тифли то панҷсоларо бо давои зидди ин беморӣ фаро бигиранд. Танҳо 19 миллион тифле, ки бар асоси ин барнома бояд эм карда шаванд, дар вилояти Панҷоб зиндагӣ мекунанд ва имсол қарор аст тамаркузи бештар дар ҳамин минтақа сурат мегирад. Читать дальше...

Додгоҳи шаҳри Душанбе чаҳор милисаи муттаҳам ба шиканҷаи боздоштшудаҳоро мутаносибан аз 7 то 17 сол равонаи зиндон кард. Дар ҷаласаи ниҳоии додгоҳ, ки имрӯз, душанбеи 16-уми декабр баргузор шуд, додрас барои Фарҳод Нурхонов, муовини пешини сардори Шӯъбаи кофтукоби ҷиноӣ дар Раёсати умури дохилии Душанбе 17 сол, барои Аваз Сабзаев ва Ирониддини Аҳлиддин 9-солӣ ва барои Умед Ваҳҳобов 7 сол зиндон эълон кард. Муҳокимаи Фарҳод Нурхонов, Аваз Сабзаев, Умед Ваҳҳобов ва Ирониддини Аҳлиддин аз севуним... Читать дальше...

Эътирозҳо аз қабули қонуни баҳсбарангези шаҳрвандӣ дар Ҳинд боиси эътирозҳои сартосарӣ ва бархӯрди мардум бо полис дар чандин шаҳру манотиқи ин кишвар шуд. Дар пойтахт, шаҳри Деҳлии Нав рӯзи 16 декабр полис бо истифода аз гази ашковар эътирозгаронро боздошт кард, дар ҳоле, ки эътирозгарон автобусҳоро оташ зада роҳҳоро масдуд карданд. Қонуни нави шаҳрвандиро парлумони Ҳинд рӯзи 11 декабр қабул кард  ва баъди ин дар  қисматҳои шарқ ва шимоли Ҳинд намоишҳои эътирозӣ шурӯъ шуд, дар чанд шаҳр хадамоти интернетиро масдуд карданд. Читать дальше...

Ҳимояти Масъуд Озил аз мусулмонони уйғуртабор боиси тӯфон дар Чин шуд.

Рӯзи 16 декабр даҳҳо мухолифин ва фаъолони ҷамъиятӣ дар майдони марказии шаҳрҳои калонтарин - Нурсултон  ва Алмаато ҷамъ омада, аз ҳукумат озодиҳои бештар ва раҳоии ҳамаи зиндониҳои сиёсиро тақозо карданд. Беш аз 100 нафар дар Алмаато ва даҳҳо нафар дар Нурсултон ба муносибати таҷлили рӯзи истиқлолияти Қазоқистон ҳамоиш карданд. Ин сана ҳамчунин бо 33-юмин солгарди намоишҳои эътирозии зиддишӯравӣ дар Алмаато – пойтахти собиқи Қазоқистон ва ҳам ҳаштсолагии саркӯбҳои хунини зидди кормандони ширкатҳои... Читать дальше...

Рудӣ Ҷулианӣ, вакили мудофеи президенти ИМА гуфт, дар ҷараёни сафари ахираш ба Будапешт, Вена ва Киев вай шавоҳид ва ҳуҷҷатҳоеро пайдо кардааст, ки бегуноҳии Трампро дар доираи парвандаи изҳори нобоварӣ собит мекунанд. Ҷулианӣ ҳамзамон гуфт, ҳуҷҷатҳои ёфтааш, "тамоми ҳақиқат"-ро дар бораи раванди изҳори нобоварӣ ошкор мекунанд. Ҳуқуқшиноси Трамп дар саҳифаи Твиттер навишт, ки "баъди пажуҳиши чандсадсоата ва кори чандинмоҳа" хулосагирӣ кардааст. Вай ҳамчунин ваъда кард, ки натиҷаи корашро дар "Твиттер" нашр мекунад. Читать дальше...

Президенти Қирғизистон Сооронбой Ҷеенбеков қонуни манъи фаъолиятҳои марбут ба ҷустуҷӯ, иктишоф, коркард ва истихроҷи конҳои урану торийро имзо кард. Ба иттилои хадамоти матбуотии президенти Қирғизистон, ин қонун ҳамчунин воридоти ашёи хомеро ба он кишвар манъ мекунад, ки дар таркиби худ уран ва маводи торий доранд. Дар Қирғизистон моҳи апрели соли равон пас аз нашри хабарҳо дар бораи тасмими истихроҷи уран дар кони Қизил-Омполи вилояти Иссиқкӯл сокинон дар Бишкек, Қоракӯл ва Балиқчӣ зидди коркарди конҳои уран даст ба тазоҳурот заданд. Читать дальше...

Аз ин ба баъд додситонҳо ва маъмурони Хадамоти амнияти давлатии Узбекистон бе розигии раҳбарият ба ҷавобгарии маъмурии кашида хоҳанд шуд. Бино ба хабарҳо, Сенати порлумони Узбекистон аз тағйиру иловаҳо ба як қатор қонунҳо дар бораи фаъолияти мақомоти додситонӣ, Хадамоти амнияти давлатӣ ва Горди миллии ин кишвар пуштибонӣ кардааст. Аз ҷумла, бар пояи банди 49 (дахлнопазирии кормандони мақомоти додситонӣ)-и қонуни Узбекистон дар бораи додситонӣ, кормандони додситонӣ бо розигии раҳбарияташон ба ҷавобгарии интизомӣ ё маъмурӣ кашида мешуданд. Читать дальше...

Amnesty International ё созмони Афви байнулмилал гуфт, ки баъди эътирозҳои сартосарии моҳи гузашта, ки дар ҷараёни он 304 кас кушта шуд, мақомоти эронӣ «маъракаи бераҳмонаи саркӯб»-ро идома медиҳанд. Дар изҳороте, ки 16 декабр нашр шуд, созмони воқеъ дар Лондон гуфт, мақомот даст ба саркӯбҳои шадид зада, ҳазорҳо ширкатдорони намоишҳои эътирозӣ, хабарнигорон, ҳомиёни ҳуқуқ ва донишҷӯёнро боздошт мекунанд, то ки «дар бораи саркӯбҳои бераҳмона ҳарфе назананд». Филипп Лютер, раиси барномаҳои таҳқиқотӣ дар Ховари Миёна ва Африқои Шимолӣ мегӯяд... Читать дальше...

Сафорати Тоҷикистон дар Русия тасдиқ кард, ки дар миёни муҳоҷироне, ки аз ҷониби пулиси Хабаровск латтукӯб шудаанд, шаҳрвандони Тоҷикистон низ ҳастанд. Қирғизистон аллакай дар бораи латтукӯби шаҳрвандонаш аз сӯи пулиси вижа ё ОМОН, ба Русия нота фиристодааст. Вале мақомоти тоҷик то ҳанӯз қазияро пайгирӣ доранд ва мегӯянд, ки дар сурати пурра исбот шудани латтукӯби шаҳрванди Тоҷикистон, ба ҷониби Русия нота мефиристанд. Ҳодисаи боздошт ва латтукӯби як гурӯҳ муҳоҷирон дар шаҳри Хабаровск рӯзи 12-уми декабр рух додааст. Читать дальше...

Украина блогнависи озарбойҷонии мухолифи ҳукумати ин кишвар Элвин Исоевро ба Боку истирдод кард. Номбурда дар рӯйхати афроди мавриди ҷустуҷӯи Додситонии кулли Озарбойҷон қарор дошта, бо ҷиноятҳои сангин муттаҳам будааст. Хадамоти муҳоҷирати Украина, рӯзи 14-уми декабр гуфт, Исоев қонунҳои муҳоҷиратро поймол карда буд ва аз ин рӯ, 12-уми декабр ба Озарбойҷон истирдод шуд. Аснои вуруд ба Озарбойҷон, Элвин Исоев боздошт гардид. Ҳукумати Озарбойҷон нагуфтааст, ки сабаби ҳабс чист ва Исоев ба чӣ муттаҳам мешавад. Читать дальше...

Бар асари сӯхтор дар як бинои баландошёна дар маркази Душанбе як шаҳрванди Қазоқистон ба ҳалокат расидааст. Вазорати умури дохилии Тоҷикистон иттилоъ дод, ки ҳодиса баъд аз зӯҳри якшанбеи 15-уми декабр дар як бинои 11-ошёна воқеъ дар хиёбони Рӯдакӣ иттифоқ афтодааст. Ба иттилои манбаъ, Натела Гугиневаи 39-сола, миллаташ гурҷӣ ва шаҳрванди Қазоқистон, ки дар яке аз манзилҳои ин бино иҷоранишин будааст, қабл аз расидани оташнишонҳо, "аз таъсири дуди ғализ" ҷон бохтааст. Мақомоти ВКД сабаби ин сӯхторро... Читать дальше...

Раҳматилло Зоиров, раиси Ҳизби сотсиал-демократи Тоҷикистон (ҲСДТ) ​мегӯяд, дар интихоботи гузашта 35 000 доллараш сӯхтааст. Ва ҳам мегӯяд, давоми 15 моҳ хомӯш буд, аммо ҳизб корашро давом медод ва акнун бояд дар интихоботи нав ширкат кунад. Ин дар ҳолест, ки ба ақидаи яке аз сиёсатшиносон, Ҳизби сотсиал-демократи Тоҷикистон солҳои охир тақрибан фаъолияте надошт, аз ёди мардум рафтааст ва ширкати он дар интихобот дигаргунии ҷиддие ба бор оварда наметавонад. Зоиров ҳафтаи гузашта ба бекор шудани... Читать дальше...

Бакитҷон Сагинтаев, ҳокими шаҳри Алматои Қазоқистон гуфт, ки сокинони бинои садамавӣ аз манзилҳояшон кӯчонида мешаванд. "Мо тасмим гирифтем, шуморо кӯчонем. Маблағ ҷудо шудааст",-гуфт Сагинтаев дар ҷамъомади рӯзи 14 декабр дар ҳузури сокинон. Ҳафти гузашта сокинони бинои № 179 минтақаи Зерделии шаҳри Алмато гуфтанд, ки бинояшон каҷ шудааст. Ин сокинон дар ҷаласаи рӯзи 14 декабр аз мақомот хостанд, ки бинои онҳоро садамавӣ эътироф ва ба онҳо манзилҳои нав диҳанд. Сокинон ҳамчунин талаб карданд... Читать дальше...