Фирӯза Ҳафизова: "Ман касеро таҳқир накардаам"
Як таронаи шарҳиҳолии овозхони тоҷик Фирӯза Ҳафизова, ки ба гуфтаи худаш "посухе ба бадгӯён дар Интернет аст", баҳс барангехт. Мақомот ба ӯ барои истифода аз калимаи "фу" дар тарона огоҳӣ доданд ва гурӯҳе аз корбарони шабакаҳои иҷтимоӣ беэҳтиромӣ хонданд. "Фу" як навъ вокуниш ба чиз ё бӯйи бадест. Фирӯза Ҳафизова рӯзи 9-уми декабр дар суҳбат бо Радиои Озодӣ гуфт, бо ин тарона намехост касеро озурда кунад ва баъд аз баҳсҳои зиёд онро аз саҳифаҳояш дар шабакаҳои иҷтимоӣ бардошт.