Новости за 17.01.2019

د پښتون ژغورنې غورځنګ د بېلجییم د کمېټۍ مشر عابد جان د جنورۍ ۱۷مې پر ماښام مشال راډیو ته وویل د برسلز په لاریون کې یې د پاکستان له حکومته د نقیب مسود د قضیې

یاد ولسي لاریون چې د سولې د ولسي حرکت په بلنه جوړ شوی وو، ویناوالو په کې له وسله والو طالبانو وغوښتل چې د پردیو پر ځای له خپلو افغانانو سره خبرو اترو ته تیار شي.

د بلوچستان د کوټې ښار په لویدیځ کې د چلتن د غره په لمن کې د جبل نورالقران په نوم د لرغونو نسخو زیرمتون دی چې نه یوازې د بلوجستان بلکې له ټول پاکستانه د قران په زرګونه زړې او زیانمنې شوې نسخې وروړل کېږي. په دې اړه د امریکا غږ ډیوه راډیو دا ویډیويي رپورټ وګورئ.

فلک ناز مروت وايي، هڅه کوي د خپل پلار دمساز مروت په څېر خوږې سندرې ووايي او د خلکو په زړونو کې ځانته ځای جوړ کړي.

د ملګرو ملتونو کډوالو اداره (یو اېن اېچ سي ار) وايي، په پاکستان کې ۱۴ لاکه افغان کډوال اوسي چې پکې له اټکل سره سم، ۷۴ فیصده هم هلته زېږېدلي. د پاکستان له اساسي قانون (ایین) سره سم، تر ۱۹۵۱ز کال وروسته په هغه هېواد کې زېږېدلي خلک د پاکستان تابعیت یا وګړیتوب تر لاسه کولای شي. خو دا قانون پر افغان کډوالو نه عملي کېږي. په اړه یې د فرانسې خبري اژانس ویډیويي رپورټ وګورئ.

اشرف غني او عمران خان دا خبرې پر داسې مهال کړې دي چې د افغانستان د سولې او پخلاینې لپاره د امریکا د بهرنیو چارو وزارت ځانګړی استازی زلمی خلیلزاد د جنورۍ پر ۱۷مه اسلام اباد ته ورسېد.

کوسه تر ابتدايي زده کړو وروسته په ۱۹۷۵ز کال کې د قانون زده کړې بشپړې کړې او د نور تعلیم لپاره برتانیا ته ولاړ.

د شام د بشري حقونو څار برتانیا مېشته ډله وايي، په بريد کې د امريکا ملاتړ لرونکو پېنځو جنګياليو په ګډون ۱۶ کسان وژل شوي دي.

ماما قدیر بلوڅ وايي، اعلا وزیر ورسره ژمنه وکړه خو دوی خبر تر لاسه کړ چې د جنورۍ پر ۱۶مه هم امنیتي سرتېرو د تربت له دازن کلي څخه ۱۰ کسان له ځانه سره وړي دي.

د جنورۍ پر ۱۶مه، د خیبر پښتونخوا په پېښور کې د فوټبال اتلولي (ټورنامېنټ) پیل شوې چې پکې د قبایلي او نورو سیمو ۱۳ لوبډلي یو بل ته مخامخېږي. په دې سیالیو کې د خیبر په یوه لوبډله کې د افغانستان اووه لوبغاړي هم شامل دي. دا سیالۍ به د جنورۍ تر ۲۷مې دوام کوي. په اړه یې ویډیويي رپورټ وګورئ.