Новости за 31.01.2019

د خیبر پښتونخوا د نوښار چراټ روډ باندې د جامعه عثمانيه په نوم يوه ديني مدرسه د بوټو د کر شينکي او د ماحول د صفايي په اړه غیر نصابي درسونه ورکوي.د يادې مدرسې انتظامیې د حديقه القران په نوم يوه داسې باغچه هم جوړه کړې ده چې پکې هغه ونې بوټې کرل شوي دي چې په قران کې ذکر شوی. نور د ځلاند یوسفزي په ویډیويي رپورټ کې.

خېشکی وايي، د پښتو د کلاسېک شاعرانو د کلامونه تر ويلو وروسته يې اوس د سيمې د ځوانو شاعرانو له شعرونو يو البم جوړ کړی دی.

د بلوچستان په بوري کې ټولو ګوندونو نن د زیارت/پنجشنبې پر ورځ په یوه لویه ولسي غونډه کې پر حکومت غږ وکړ چې د سیمې امنیت ساتلو زمه واري دې پوره کړي.

د پاکستان د بهرنیو چارو وزارت ویلي دي چې حکومت به د عیسوۍ ښځې اسیې بي بي په اړه د سپریم کورټ فیصله عملي کوي.

د پاکستان بهرنيو چارو وزارت د افغانستان لپاره د روسي ولسمشر ځانګړي استازي ضمير کابلوف اسلام اباد ته سفر ګټور وباله او وايي چې له هغه سره یې د سيمې او افغانستان پر حالاتو هراړخیزه خبرې وکړې.

د مومندو سرکاري انتظامیې په بازارونو کې د هغه دکاندارانو پرضد ګامونه اخیستي چې خوراکي او غیر خوراکي شیان ګران پلوري یا یې په تللو کې غلا کوي. د جنورۍ پر ۳۰مه د کوزه مومندو یکه غونډ تحصیلدار ګوهر خان د یکه غونډ بازار په دکانونو چاپې ووهلي. نور د شاهنواز ترکزي په ویدیو کې

د لوګر چارواکي وايي، چې په حکومتي پروژو کې به دا ډول مسلکي کسانو جذب ته لومړیتوب ورکړي او په نوې کال کې به یو شمیرولسوالیو کې همد حرفوي زده کړو دا ډول پروګرامونه جوړ کړي.

په بنو کې د بکاخېلو کډوالو پنډغالی چې په ۲۰۱۴م کال پکې د شمالي وزیرستان بې کوره کړل شوي کډوال مېشت شوي ول، ډېری ترې خپلو سیمو ته ستانه شوي دي خو د دته خېلو ګڼې کورنۍ لاهم دلته مېشتې دي چې د پاکستاینو پوځي چارواکیو په خبره سیمه یې له وسله والو پوره نه ده پاکه کړل شوې. په دغه پنډغالي کې ډېری کډوالو خپلو سیمو ته د تلو ارزو لرله. د مشال راډيو خبریال عمردراز وزیر دغه پنډغالي ته ورغلی او کډوالو سره یې د هغوی پر شته ستونزو خبرې کړې.

په قطر کې د وسله والو طالبانو ویاند سهیل شاهین د جنورۍ پر ۳۰مه بیان ښايي د افغان مشرانو اندېښنې د ارامه کولو په خاطر ورکړل شوی دی.