Бұл өте ауыр тәжірибе – Суданнан эвакуацияланған қазақстандық БҰҰ қызметкері
АСТАНА. ҚазАқпарат – Суданда қарулы қақтығыстың жалғасуына байланысты бірқатар мемлекет, оның ішінде Қазақстан, сондай-ақ халықаралық ұйымдар өз азаматтары мен қызметкерлерін қауіпсіз жерге шығарып жатыр. ҚазАқпарат тілшісі Африка мемлекетіндегі жанжалдың қалай басталғанына куә болған отандасымыз – БҰҰ қызметкері Айгүл Нұрғабыловамен әңгімелесуге мүмкіндік тапты. Ол әскери бортпен Иорданияға қалай эвакуацияланғаны және әріптестерінің қазасына қатысты қайғылы жайттар жайында айтып берді.