Новости за 05.06.2018

АКШда 2016-жылдагы президенттик шайлоо өнөктүгүнө Орусиянын кийлигишүүсү боюнча иликтөө жүргүзүп жаткан атайын прокурор Роберт Мюллер президент Дональд Трамптын шайлоо штабынын мурдагы башчысы Пол Манафортко жаңы айып койду. Мюллердин баамында, Манафорт күбөлөргө таасир этүүгө аракеттенген. Атайын прокурор сотко жөнөткөн кайрылуусунда камактан күрөө менен бошотулуп, учурда сот жараянын күтүп жаткан Пол Манафорт 2014-жылга чейин иштеген жана Украинанын мурдагы президенти Виктор Януковичтин кызыкчылыктарын... Читать дальше...

Улуттук коопсуздук комитети Айбек Калиев менен Осмонбек Артыкбаевди 6-июнда беттештирип суракка алат. Бул тууралуу бүгүн “Азаттык” радиосуна Артыкбаевдин адвокаты Айжан Орозакунова билдирди. “Материалды жайылтууда коомдук пикирге таасир тийгизүү жана чыныгы иштин абалын бурмалап берүү максаты көздөлгөн” деди жактоочу. Бишкек ЖЭБин модернизациялоо боюнча козголгон кылмыш ишинин алкагында "Улуттук энергохолдинг" компаниясынын мурдагы жетекчиси Айбек Калиев 18-апрелде шектүү катары кармалган жана УКМКнын убактылуу кармоочу жайына киргизилген. Читать дальше...

Кыргызстандын Мамлекеттик чек ара кызматы кыргыз-тажик чек арасынын Баткен облусунун Лейлек районундагы чатак чыккан тилкеде абал туруктуу экенин билдирди. Мекеменин коомчулук менен байланыш бөлүмү тараткан билдирүүдө айтылгандай, чырдан кийин дароо эле Кыргызстандын Лейлек районундагы жана Тажикстандын Жаббар-Расулов аймагындагы эки өлкөнүн чек ара кызматтарынын өкүлдөрү жолуккан. Сүйлөшүүлөрдөн кийин чатак учурунда кармалган тажик чек арачылары коңшу тарапка өткөрүлүп берилген. Чек ара өкүлдөрү... Читать дальше...

Кыргызстанда казакстандык активист Муратбек Тунгышбаевдин качкын макамын сураган арызы каралып жатат.

Москванын шаардык соту Роман Сущенко “тыңчылык кылганы үчүн”   күнөөлүү деп, 4-июнда оор тартиптеги абакка 12 жылга кесилген.  Украин президенти Петро Порошенко журналист ойдон чыгарылган айыптардын негизинде соттолгонуна көңүл буруп, “орус сотунун болуп көрбөгөн цинизми Кремл украиналыктардын духун сындыруу аракетин токтотпой турганын далилдеди” деп белгиледи. Ал эми ЕККУнун медиа эркиндиги боюнча өкүлү Арлем Дезир сот өкүмүн айыптап, Москваны орус журналистин бошотууга чакырды. Роман Сущенкону... Читать дальше...

4-июнда Кабулда имамдардын жана диний аалымдардын ири жыйыны өтүп жаткан жердеги жанкечтинин кол салуусунан 14 киши каза тапты.

Бишкек шаарынын мурдагы мэри жана Мамлекеттик бажы кызматынын мурдагы башчысы Кубанычбек Кулматов кайрадан Улуттук коопсуздук комитетине суракка чакырылды. Сурак саат 15:00дө башталганын «Азаттык» радиосуна КСДП партиясынын расмий өкүлү Кундуз Жолдубаева кабарлады. 18-майда Кулматовго Кылмыш-жаза кодексинин 303-беренесинин 1-бөлүгү ("Коррупция") боюнча айып тагылган, кийин үйү тинтүүгө алынып, мүлкү камакка алынган. Бир нече УКМКга сурак берип чыккан. Тергөө маалыматтарына караганда, ал 2014-жылы... Читать дальше...

Кыргызстандык спортчу кыздар эл аралык мелдештерде өлкө желегин желбиретип, намыска бек туруп келишет. Алар көрүүчүлөрдү спорттук жетишкендиктеринен сырткары сулуулугу менен да суктандырары талашсыз.

Мындан улам борбор Тбилисинин метросу бүгүн дагы иштебей турат. “Эркин Европа/Азаттык” радиосунун грузин кызматы кабарлагандай, машинисттер эмгек акыны көтөрүү талабы менен иш таштаган. Алар менен Тбилисинин мэри Каха Каладзе жолугуп, эмгек акы азыр эмес, 2019-жылы гана жогорулай турганын айтканда, бул иш таштагандардын нааразылыгын жараткан.  Грузиянын борборунда 1,1 миллиондон ашуун адам жашайт. (UE)

Бул тууралуу Виктор Вексельбергдин “Ренове” компаниясындагы маалымат булактарына таянуу менен “Forbes” журналы кабарлады. “Эркин Европа/Азаттык” радиосунун орус кызматынын жазганына караганда, Швейцариянын банктары олигархтын жеке эсептериндеги бир миллиард доллардан ашуун каражатты АКШнын санкцияларына кабылбаш үчүн камакка алышкан. АКШ Вексельбергди "2016-жылдагы президенттик шайлоого кийлигишкен" деп шек санап, ага каршы санкция киргизген. Бул ишти иликтөөнүн алкагында быйыл май айында Вексельбергди... Читать дальше...

Ооганстандын президенти Ашраф Гани бул тууралуу өзүнүн видеокайрылуусунда билдирди. Анын айтымында, “өлкөнүн булуң-бурчунан чогулган динаятчылар менен уламалардын ири жыйынына кол салуу иш жүзүндө пайгамбарга жана исламдын баалуулуктарына каршы чабуул болду”. Ооган президенти ошондой эле жанкечтилерге каршы фатваны колдоп, “тилекке каршы, Ооганстанга таңууланган согуш күн сайын бейкүнөө балдардын өмүрүн алып кетип жатканын” кошумчалады. Соңку маалыматтарга караганда, Кабулдагы кечээги жардыруудан он төрт кишинин өмүрү кыйылды... Читать дальше...

Жогорку соттун имаратынын алдында ушу тапта камактагы саясатчы Садыр Жапаровдун тарапкерлери пикет өткөрүп жатышат. Алар колуна Жапаровдун бошотулушун талап кылган жазууларды кармап турушат жана үн күчөткүч аркылуу чыгып сүйлөп жатышат. Эркин байкоочулардын эсебинде, пикетке 500дөй адам чыккан.  Жогорку инстанцияда Жапаровдун доо арызын кароону 29-майда баштаган. Ал күнү судьялардын курамы толук келбегенине байланыштуу ишти кароо бүгүнкүгө калган. Жапаров 2013-жылы 7-октябрда Караколдогу "митингди уюштурган... Читать дальше...

Бишкек шаарындагы балдардын тез жардам ооруканасында баланы сүннөткө отургузган атайын күндүзгү бөлүм иштеп жатат. Бул тууралуу "Азаттыкка" оорукананын башкы дарыгеринин орун басары Данияр Шайбеков билдирди. Кийинки убакта жаңы төрөлгөн балдарды дароо сүннөткө отургузууну суранган ата-энелер да болуп жатканын айткан дарыгер, бул операция үй шартында эмес, адистердин жардамы менен стерилдүү таза жерде жасалышы керек экенин эскертет. "Буга кошумча кан анализдерин да тапшырып, баланын саламаттыгы... Читать дальше...

Ак үйдүн билдиргенине караганда, АКШнын президенти Дональд Трамп менен Түндүк Кореянын лидери Ким Чен Ындын жолугушуусу Сингапурда 12-июнь күнү жергиликтүү убакыт боюнча таңкы саат тогузга белгиленүүдө. Ал эми АКШ менен Түндүк Кореянын өкүлдөрү саммитке даярдык боюнча сүйлөшүүлөрдү Түштүк жана Түндүк Кореянын ортосундагы демлитаризациялык аймакта улантып жатышат. Азырынча саммиттин толук күн тартиби жарыялана элек. Ак үйдүн өкүлү Сара Сандерс Түндүк Кореянын лидеринин орун басары Ким Йоң Чол... Читать дальше...

ХХ кылымдын экинчи жарымында, ХХI кылымдын биринчи он жылдыгында кыргыз тарыхында генерал-лейтенант Жумабек Асанкулов деген ысым бар. Ал сейрек, жашыруун кесипти аркалаган, советтик чалгын кызматынын өкүлү болгон. Борбор Азиядагы түпкүлүктүү улуттун арасынан биринчи жолу 40 жашында генерал-майор даражасын алып, Кыргызстандын Мамлекеттик коопсуздук комитетин эки жолу башкарган.

Башталгыч мектепке даярдаш үчүн ачылган класстар баланы окууга эч кандай сынаксыз кабыл алышы керек. Бул тууралуу "Азаттыкка" билим берүү жана илим министринин орун басары Надира Жусупбекова билдирди: - Даярдоо класстарына балдар эч кандай сынак тапшырбай эле бара алышат. Биринчи кезекте ошол мектепке жакын жайгашкан микроучастоктогу балдарды биздин кызматкерлер каттоого алышат. Бул иш Бишкекте жыл сайын болот. Өзү жашаган аймактагы мектепке сынаксыз кирүүгө ар бир бала укуктуу, - дейт министрдин орун басары. Читать дальше...

Өзбекстандын Наманган облусунда мугалимдер маянасынын бир бөлүгүн “Абад кыштак” долбоорун ишке ашырууга которуу милдеттендирилип жатат. Бул тууралуу бир топ райондордун мугалимдери билдирип чыгышты.

Экс-президент Алмазбек Атамбаевдин кол тийгистигин (адегенде “экс-“ макамын) алып салуу керек деп демилге көтөргөндөр чыгууда. Деги кол тийгистик эмне үчүн зарыл? Ал кимдерди, эмнеден калкалашы керек?

Башкы прокуратура Улуттук коопсуздук боюнча мамлекеттик комитеттин (УКМК) Баткен облусу боюнча башкармалыгынын тергөө бөлүмүнүн башчысына карата Кылмыш-жаза кодексинин “Кызматтык ыйгарым укуктардан аша чабуу” беренесинин негизинде иш козгоду. Бул тууралуу бүгүн мекеменин басма сөз кызматы кабарлады. Ал кызматкер адвокатты мыйзамсыз кармаган деп айыпталууда. Көзөмөл мекемесинин маалыматына караганда, жергиликтүү тургун Кызыл-Кыя шаардык милициясынын тергөөчүсү адвокат аркылуу 30 миң сом талап кылып жатканын айтып атайын кызматка арызданган. Читать дальше...

Каракол шаарынын борбордук скверине бугу уруусунун арык тукумунан чыккан Арык Мырза аттуу инсандын айкелинин орнотулушу нааразылык жаратты.

“Манас” эл аралык аэропортунун жанында 489 гектар жер бошотулду. Бул тууралуу парламенттин комитет жыйынында өкмөттүн Чүй облусундагы өкүлүнүн орун басары Эркинбек Ашырбаев билдирди. Анын айтымында, буга чейин ал жердеги тилкелер 2008-жылы менчикке бөлүнүп кеткен. Бирок акыркы жылдары аэропортту кеңейтүү зарылдыгынан улам бул жер тилкелеринин ээлерине Сокулук районунун Атбашы айыл өкмөтүнүн аймагынан жер бөлүнүп, аэропортко жакын жер бошотулду. Ашырбаевдин маалыматы боюнча, бул жер тилкелерине... Читать дальше...

Кыргызстанга 3-июнда Германиядан комбустиолог-дарыгерлердин тобу келди. Алар Бишкектеги Травматология жана илим изилдөө институтундагы күйүк бөлүмүндөгү бейтаптарды дарылоого көмөктөшөрүн Саламаттык сактоо министрлиги билдирди. Берлиндеги Күйүк борборунан келген тогуз адис жергиликтүү дарыгерлерге заманбап дарылоо жаатында мастер-класстарды өтүп жатышат. Немис дарыгерлери бейтаптарды текшерип, бир күндө эле ондон ашык операция жасоодо. Чет элдик адистер ооруканада 17-июнга чейин болушат. (BCh)

Кыргызстанда санариптик трансформациялоо маселелери боюнча эксперттик кеңеш түзүлдү. Кеңеш мамлекет башчыга караштуу орган катары иштейт. Аны президенттин коомдук башталыштагы кеңешчиси Дастан Догоев жетектемей болду. Кеңешти түзүү тууралуу жарлыкка мамлекет башчы Сооронбай Жээнбеков кол койду. Жарлыкта максат “санариптик трансформациялоо үчүн жагымдуу шарт түзүү, маалыматтык-коммуникациялык технологияларды өнүктүрүү, мамлекеттик башкарууда жана киберкоопсуздукту камсыз кылууда инновациялык ыкманы... Читать дальше...

Баткендин Кулунду айылында ушу тапта кыргыз-тажик сүйлөшүүлөрү өтүп жатат. Бул тууралуу “Азаттык” радиосунун Баткендеги кабарчысы билдирди. Жолугушууга мамлекеттик каттоо, прокуратура органдарынын райондук деңгээлдеги жетекчилери катышып, чек арадагы 4-июндагы окуяны талкуулоодо. Кыргызстандын Мамлекеттик чек ара кызматы жаңжалга тажикстандык чек арачылардын мыйзамсыз аракеттери себеп болгонун билдирди. Мекеменин коомчулук менен байланыш бөлүмү тараткан билдирүүдө 4-июнда кечке жуук Лейлек районунун... Читать дальше...

Дача СУ кыштагындагы авиакырсыкка "учактын экипажынын катасы себеп болгон" деп табылды. Бул тууралуу Жогорку Кенештин транспорт боюнча комитетинин жыйынында "Манас" аэропортунун директору Эмир Чукуев билдирди. Ал эми транспорт министри Жамшитбек Калилов кырсыктан жабыркагандарга кенемтелер толук төлөнгөнүн, анын өлчөмү жарандардын каалоосу менен ачык айтылбаганын кошумчалады. Былтыр 16-январда эртең менен Дача СУ кыштагына Түркиянын "АСТ Airlines" компаниясына таандык "Боинг" үлгүсүндөгү жүк ташыган учак кулаган. Читать дальше...