Новости за 05.11.2019

Ысык-Көл облусундагы «Хан-Теңири» лагеринде эки кишини өлтүрүп, бир адамды барымтага алды деп шек саналган Сергей Смирнов ушул күнгө чейин табыла элек. Аны издөө иштери жүрүп жатат. Бул тууралуу Ысык-Көл облустук башкармалыгынын басма сөз катчысы Сталбек Усубакунов билдирди. Смирновдун кайда экени белгисиз болуп жаткандыктан, ага октябрь айынын башында эл аралык издөө жарыяланган. Июль айында «Хан-Теңири» альплагеринде Сергей Смирнов аттуу киши эки адамды атып өлтүрүп, үчүнчүсүнө бычак сайып, аялды барымтага алып качып кеткен. Читать дальше...

52 жаштагы спортчу Константин Суриков Кыргызстандын Гольф федерациясынын өтмө кубогун утуп алды. Бул тууралуу аталган федерациянын басма сөз катчысы Андрей Мымрын билдирди.   Маалыматка ылайык, мелдеш Чүй облусунун Кара-Жыгач айылындагы гольф клубда өтүп, ага жети өлкөдөн 56 оюнчу катышты. Эркектер арасындагы оюнда баш байгени Константин Суриков алды. Экинчи орунду дагы бир кыргызстандык Рустам Курбаналиев, үчүнчү орунду түштүк кореялык Ким Сок Тё ээледи. Баш байгеден сырткары Суриковго “Спорт чеберине талапкер” наамы ыйгарылды. Читать дальше...

Ирандын президенти Хассан Роухани өзөктүк келишимден чыгуу боюнча Тегерандын кийинки кадамдарын жарыялады. Ал 5-ноябрдагы телекайрылуусунда 6-ноябрдан тарта Фордо уран байытуу комбинатындагы 1044 центрифугага газ бериле баштарын билдирди. Центрифуга - уран байытууда колдонулган негизги жабдуу болуп саналат. 2015-жылкы көп тараптуу келишимде Ирандын уранды байытуусу он жылга чектөө шарты болгон. Бул убакыт аралыгында уран байытуу үчүн колдоно турган центрифугалардын саны 5060тан ашпашы керектиги каралган. Читать дальше...

Парламенттеги “Кыргызстан” фракциясынын депутаты Азизбек Турсунбаев "Kloop" басылмасынын журналистине орой жооп бергени социалдык тармактарда талкууга түштү.  Журналист Айзирек Иманалиеванын “Сиз парктан (ред: Ататүрк) жерди мыйзамсыз алгансызбы? Бул боюнча эмне айта аласыз?” – деген суроосуна депутат Турсунбаев “барчы ары” деп жооп берген. Эл өкүлүнүн мындай мамилесин социалдык тармактын айрым колдонуучулары сындап жатышат. Депутаттын өзү менен байланышууга мүмкүнчүлүк болбоду. Бирок, жардамчысы... Читать дальше...

Кыргызстандын командасы ноябрь айында Япония жана Тажикстандын оюнчулары менен беттешет. Оюн Дөлөн Өмүрзаков атындагы стадиондо өтөт.

«Элит Хаус» курулуш компаниясы жана жеке ишкер Мирлан Исагалиев Ички иштер министрлигине (ИИМ) бирден автоунаа белекке берди. Министрликтин сайтындагы маалыматка караганда, курулуш ишканасы «Лада Гранта» машинесин, ал эми Исагалиев «Фольксваген» үлгүсүндөгү реанимобиль унаасын тапшырды. Автоуанааларды тапшыруу салтанатына ички иштер министринин орун басары Мирлан Каниметов катышты. Министрлик жеке ишкерлер автоунааларды милициядагы реформаны колдоо иретинде жана кыргыз милициясынын 95 жылдыгына карата беришкенин кабарлады. Читать дальше...

Кыргызстан элинин ассамблеясынын төрагасы Абдыганы Эркебаев Нарын шаарында жашап жаткан памирлик кыргыздардын үй-бүлөсү менен жолугуп келди. 3-ноябрда барган Абдыганы Эркебаев памирлик кыргыздардын жашоо-турмушу менен таанышып, иш табуудагы, балдардын окуусундагы маселелерин укту.  2017-жылдан бери Нарында жашап жаткан памирлик кыргыздардын айрымдары 2018-жылы Ооганстанга жөнөп кеткен. Ооганстандын Памир тоолорун байырлап калган кыргыздардын 33ү 2017-жылы Нарындын Куланак айылында жаңыча жашоого... Читать дальше...

Кыргызстанда аңчылыкка тыюу салуу мыйзам долбоору колдоо тапкан жок. Экологдор ал арада аркар-кулжа менен кошо ак илбирс да азайып жатканын айтып келишет. Табияттагы тең салмактуулуктун бузулушу кандай кесепеттерге алып келиши мүмкүн? Сиз аңчылык жогорку даражалуу адамдардын бизнеси деп ойлойсузбу? Андай болбосо саны 20 миңге жетпеген кайберендерди кырганга кимдер кызыкдар?

Мамлекеттик салык кызматында мыйзамсыз ташылган товар жана күйүүчү май боюнча кабарлаган фактыларды кабыл алган түз номуру ишке кирди. Бул тууралуу мекеменин басма сөз кызматы маалымат таратты. Жарандар шектүү товарлар жөнүндө (0312) 61-31-89 жана (0779) 61-31-89 WhatsApp номуруна кабарласа болот. WhatsApp номуруна күнү-түнү маалымат жөнөтсө да кабыл алына берет. Ал эми  (0312) 61-31-89 номуру эртең мененки саат тогуздан 18:00гө чейин иштейт. Майрам жана эс алуу күндөрү телефон чалып маалымдаган кабарлар техниканын эс тутумунда жазылып турат.

Борбор Азия өлкөлөрүндө ВИЧ илдетине чалдыккан аялдар дарылануудан баштап, турмуш курууга чейин укуктары чектелип жатканын айтышат.

Европа Биримдиги кечээ, 4-ноябрда Израилдин Иордан дарыясынын Батыш жээгине жөөттөр үчүн жаңы 2000ден ашуун турак үй куруу боюнча кабыл алган чечимин айыптады.

Иранда АКШ элчилигине чабуул коюлган күндүн 40 жылдыгы белгиленди. Тегерандагы элчиликти студенттер 1979-жылдын 4-ноябрында басып алып, 52 америкалык 444 күн барымтада турушкан.

Мурдагы транспорт жана жолдор министри Жамшитбек Калилов жолдор экономиканын күрөө тамыры экенин, анын абалы өлкө турмушунун башкы көрсөткүчү экенин белгиледи. Ошондуктан ал мамлекетте канчалык кара жолдор көп салынып, темир жол каттамдары курулса жана жаңы авиа каттамдар ачылса, экономиканын өнүгүүсүнө чоң өбөгө түзөрүн белгиледи. Жамшитбек Калилов өзүнүн орун басары ири өлчөмдө пара менен кармалган жагдай аны ыңгайсыз абалга кептеп, моралдык жоопкерчиликтин айынан министрлик кызматынан кетүүгө мажбур болгонун айтты.

Жогорку Кеңештин депутаттары Ирина Карамушкина, Асел Кодуранова, Альфия Самигуллина камактагы мурдагы президент Алмазбек Атамбаев менен жолугуп чыгышты. Карамушкина Атамбаев менен 4-ноябрда жолугушканын Фейсбуктагы баракчасына жазды.   Эл өкүлү Атамбаев абакта китеп окуп, спорт залга барып жатканын жазган. Карамушкинанын жазганына караганда, Атамбаев №1 тергөө абагында жаткан тарапташтарына кабатыр болуп, "укук коргоо органдары эгерде өзүнүн күнөөсүн далилдей алса отурууга даяр экенин, бирок балдарды коё бериши зарылдыгын... Читать дальше...

Нарын шаарында курбу кыздар жаштар үчүн социалдык “Kultur Cafe” борборун ачышып, үч жылдан бери иштетип келет. Жакындан бери жаш ишкерлер кондитердик цех да түптөшкөн. Кафенин максаты - жаштардын маданий пикир алышуусуна шарт түзүү.

Ар бир өлкөнүн маданиятын жакшылап билүү үчүн, ал калктын негизги үрп-адатын, каада-салты менен да таанышып алуу зарыл.

Кытай-Кыргызстан-Өзбекстан темир жол долбоору боюнча сүйлөшүүлөр жанданып, аны ишке ашырууга Орусия да тартылып жатканы белгилүү болду.

Жаза аткаруу мамлекеттик кызматынынын №3 түзөтүү мекемесинде кызмат өтөп жаткан жоокер электр тогуна урунуп каза болду. Бул тууралуу мекеменин басма сөз кызматы билдирди. «Окуя 4-ноябрь күнү болгон. Токко урунган аскерге медициналык жардам көрсөтүлгөнүнө карабай каза болуп калды» - деп айтылат маалыматта. 2018-жылы Жаза аткаруу мамлекеттик кызматында кызматын өтөп жүргөн жоокер өз жанын кыйган үч факты катталган.   2018-жылы №30295 аскер бөлүгүндө кызмат кылган Руслан Сапарбаев 8-августта кезмет учурунда токко урунган. Читать дальше...

Орусиянын президенти Владимир Путин бул өлкөнүн 10 генералын иштен алуу буйругун чыгарды.

Финансы министрлигинде коррупциялык зыяндын ордун толтуруш үчүн ачылган бирдиктүү депозиттик эсепке 25-октябрга карата 1 млрд. 668 млн. сом топтолду. Бул тууралуу Финансы министрлигинин басма сөз кызматы кабарлады. Мекеменин маалыматы боюнча, аталган эсепке Экономикалык кылмыштарга каршы күрөш боюнча мамлекеттик кызмат (Финансы полициясы) 769 млн. 92 миң сом, Улуттук коопсуздук боюнча мамлекеттик комитет (УКМК) 313 млн. 291 миң сом, Башкы прокуратура 597 млн. 44 миң сом, Ички иштер министрлиги (ИИМ) 7 млн. Читать дальше...

Жалал-Абад облусунун 24 жаштагы тургуну терроризмге шектелип кармалды. Бул тууралуу Улуттук коопсуздук боюнча мамлекеттик комитетинен маалымдашты. Ал жаран буга чейин “Жалданмачылык” беренеси боюнча издөөдө жүргөн. Маалыматка ылайык, шектүү 2015-жылы Сирияга кетип ал жактан атайын даярдыктан өтүп, террористтик уюмдарга мүчө болуп, Сирия өкмөтүнө каршы согушка катышкан. Атайын кызмат ал КМШ мамлекеттеринин биринде эмгек мигранты катары жашырынып жүргөн деп маалымдайт. Учурда кармалган жаран Жалал-Абад... Читать дальше...

«Кыргыз темир жолу» мамлекеттик ишканасынын темир жолду долбоорлоо жана куруу дирекциясынын башчысы Жамшитбек Калилов «Кытай-Кыргызстан-Өзбекстан темир жолу» долбоору боюнча Орусия менен техникалык-экономикалык негиздемесин иштелип чыкканын «Азаттыкка» билдирди:

Малайзия менен Камбоджанын жаштар курама командасынын беттеши укмуштуудай гол менен эсте калды. Футболчунун талаанын ортосунан тепкен тобу дарбазага кирип кеткен.

Тбилисиде жана Батумиде "Кийин биз бийледик" деп аталган ЛГБТ-фильмди грузин тилинде көрсөтүүгө даярдык жүрүүдө. Аны тек-жайы грузиялык швед режиссёру тарткан. Грузиянын элдик бий ансамблиндеги эки артисттин махабаты жөнүндөгү тасманын премьерасы 8-ноябрга белгиленген.  "Грузин жүрүшү" консервативдик уюмунун лидери Сандро Брегвадзе, "Православ ата-энелердин союзу" уюмунун өкүлдөрү жана бир канча чиркөө кызматкерлери буга каршы чыгып, фильмди көрсөтүүгө тоскоолдук кылышарын билдиришти. Ошол эле... Читать дальше...

"Human Rights Watch" эл аралык укук коргоо уюму Казакстандын бийлигин тынч жыйын өткөрүүгө киргизилген чектөөлөрдү алууга жана куугунтуктоолорду токтотууга чакырды. Казакстан 7-ноябрда Женевада БУУнун адам укуктары боюнча кеңешинин жыйынында баяндама жасайт. "Human Rights Watch" укук коргоо уюму Касым-Жомарт Токаев президент болгондон кийин Казакстанды БУУнун адам укуктары боюнча нормаларына жакындата алган жок деп эсептейт. HRW Токаев сентябрдын башында адам укуктарын коргоону күчөтүүгө... Читать дальше...