Новости за 27.03.2021

Президент Садыр Жапаров Кыргызстанда шайлоо мыйзамдарын өркүндөтүү боюнча жумушчу топ түздү. Жогорку Кеңеште да парламенттик шайлоонун эрежесин өзгөртүү тууралуу мыйзам долбоору сунушталып жатат. Ага ылайык, жарандар шайлоого катышып жаткан партияга, анын ичинен талапкерге да добуш берет.   Парламенттик шайлоодо партияга жана анын катарындагы талапкерге да добуш берүүгө багытталган мыйзам долбоору 2020-жылдын 6-майында эле коомдук талкууга чыгарылган. Бирок Жогорку Кеңеште быйыл 25-мартта гана каралып... Читать дальше...

Коронавируска каршы республикалык ыкчам штабдын бүгүнкү, 27-марттагы маалыматына караганда, кечээтен бери Кыргызстанда бул вирус 88 адамдан аныкталды, каза болгондор катталган жок. Оору жаңы аныкталгандардын эң көбү Бишкек шаарында (55) жана Чүй облусунда (24). Өлкөдө оору жуккандардын жалпы саны 87 946га жетти, каза болгондор - 1494 адам. Бир күндө 68 адам айыгып чыкты. Коронавирус жуккан медицина кызматкерлеринин жалпы саны 4233 адамга жетти, алардын 4196сы айыгып чыкты. Соңку күндө бул оору төрт дарыгерден табылды. Читать дальше...

Улуттук коопсуздук боюнча мамлекеттик комитет (УКМК) мамлекеттик мүлктү ижарага берүүдө жемкорлук болуп, өлкөнүн бюджети 100 миллион сомдон ашуун суммага зыян тартканын билдирди. Мекеменин басма сөз кызматы 27-мартта тараткан маалыматка караганда, айрым мамлекеттик органдардын жана Мамлекеттик мүлктү башкаруу боюнча фонддун кызмат адамдары мамлекетке тийиштүү мүлктү узак мөөнөткө ижарага берүү боюнча келишимди туура эмес түзгөндүктөн  бюджетке ири өлчөмдө акча түшпөй калган. Бул факт Кылмыштардын... Читать дальше...

Жогорку Кеңештин мурдагы депутаты Исхак Масалиев Улуттук коопсуздук боюнча мамлекеттик комитеттин (УКМК) тергөөчүсүнө барып, сурак берип чыкты. Бул тууралуу Масалиев 27-мартта “Фейсбуктагы” баракчасына жазып, “Бир кылмыш иши боюнча күбө катары суроолорго жооп берип чыктым. Ал кылмыш иши менин азыркы ишмердүүлүгүмө жана саясий көз карашыма тиешеси жок” деп билдирди. Саясатчы кайсы иш тууралуу сөз болгонун ачыктаган жок. Коммунисттер партиясынын лидери Искак Масалиев Жогорку Кеңештин экинчи, үчүнчү... Читать дальше...

Өзбекстандын борбору Ташкент шаарынан Ысык-Көлгө автобус каттамын ачуу пландалууда. Бул тууралуу 26-мартта кыргыз өкмөтүнүн басма сөз кызматы кабарлады. Мекеменин маалыматына караганда, премьер-министр Улукбек Мариповдун Ташкентке иш сапарынын алкагында өткөн расмий сүйлөшүүлөр учурунда өзбек жарандарына жай мезгилинде Ысык-Көлгө Ташкенттен автобус менен каттоого шарт түзүү маселесин карап чыгуу пландалды. Мындан тышкары, Ташкент менен Балыкчы шаарынын, Тамчы айылынын ортосундагы темир жол жана аба каттамдарын да улантуу маселеси каралды. Читать дальше...

Саламаттык сактоо жана социалдык өнүктүрүү министринин эки жаңы орун басары дайындалып, мекеменин жамаатына тааныштырылды. Министрликтин басма сөз кызматы 26-мартта кабарлагандай, Улук-Бек Бектурганов жетекчинин орун басары жана Кыргызстандын башкы санитардык дарыгери болду. Министрдин дагы бир орун басары болуп Жалалидин Рахматуллаев дайындалды. Улук-Бек Бектурганов 45 жашта. Ал 2007-жылдан бери Чүйдөгү ооруларды алдын алуу жана санитардык көзөмөл боюнча бир катар мекемелерди жетектеп келген. Жалалидин Рахматуллаев 60 жашта. Читать дальше...

Имарат эки кабаттуу. Жабык типтеги спорт комплексте мырзалар, айымдар жана балдар үчүн ден соолукту чыңдап жана эс алуу үчүн бардык шарттар түзүлгөн.

Ооган талиптери эгерде Ооганстандагы чет элдик аскерлер былтыркы макулдашууга ылайык 1-майга чейин чыгып кетпесе, анда өлкөдөгү согуш аракеттерин кайра баштайбыз деп коркутту. Талиптердин жоромолунда, белгиленген мөөнөттө Батыштагы ынтымакташтардын бири болгон АКШнын өз аскерлерин Ооганстандан чыгарып кете албай калышы  2020-жылы февралда Катарда кол коюлган келишимди бузуу катары бааланат. Мындай шартта талиптер кыймылы "өз өлкөсүн бошотуу үчүн чет элдик күчтөргө каршы куралдуу күрөштү" улантууга "мажбур болот"... Читать дальше...

Абакта жаткан орусиялык оппозициячыл саясатчы Алексей Навальный бели катуу ооруп жаткандыгын жана көйгөйдү чечүү үчүн түрмө жетекчилиги тарабынан “эч нерсе” жасалбагандыгын айткандан кийин, АКШ жана Европа Биримдиги Орусиянын бийликтеринен Алексей Навальныйды тез арада бошотууга үндөштү. 26-мартта “Instagram” баракчасына жарыялаган билдирүүсүндө Навальный ошондой эле мурда абакта жатып чыккан белгилүү саясатчылар орусиялык түрмөдө ооруп калуу өлүмгө алып келиши ыктымал деп ага эскерткенин да айткан. Читать дальше...