Новости за 26.06.2023

Türkmenistan çagalaryň hukuklaryny üpjün etmek babatynda halkara şertnamalarynda göz öňünde tutulan borçnamalary berjaý edýändigini kanun taýdan görkezýän çäre görýär.

“Ýaşaýan köne jaýymyzyň üçegi islendik wagty üç çagamyň, adamymyň we meniň üstümize çöküp biler. Häkimiýetler jaý sorap ýazýan arzalarymyza oňyn jogap bermeýärler” diýip, maryly ene aýtdy.

Aşgabatda howanyň temperaturasy gündizlerine 40 gradusa çenli ýetýän şu günlerde, häkimiýetler köp gatly ýaşaýyş jaýlaryndaky split-ulgamlaryny ýene söküp aýyrýarlar. Şäher häkimiýetleri iki ýyl arakesmeden soň gaýtadan güýçlendirilen bu çäräniň sebäpleri barada resmi düşündiriş bermeýärler. “Soňky iki hepde bäri Jemagat hojalygy müdirligine degişli edaralaryň işgärleri Ankara (Ýubileýnaýa) köçesiniň ugrundaky jaýlaryň köçe tarapyndan oturdylan splitleri söküp aýyrýarlar. Birnäçe jaýyň bolsa, köçäniň... Читать дальше...

Gurban baýramynyň öňüsyrasynda, Mary welaýatynyň Baýramaly şäheriniň bazarlarynda azyk önümleriniň bahalary gymmatlaýar. Bu barada Azatlyk Radiosynyň habarçysy 26-njy iýunda sebitden habar berdi. “Bazar satyjylaryndan näme sebäpden bahalar göterilýär diýip, soranymda olara maňa Gurban baýramy sebäpli bahalaryň göterilýändigini, baýramçylyk geçenden soň, nyrhlaryň ýene-de peselmegine garaşylýandygyny aýtdy” diýip, gök-bakja bazaryna aýlanan bir baýramaly ýaşaýjysy Azatlyk Radiosynyň habarçysyna gürrüň berdi. Читать дальше...

Rus häkimiýetleri täjigistanly aktiwist Junaýdullo Hudoýorowy Duşenbäniň talaby esasynda tussag etdi diýip, onuň dogany 25-nji iýunda Azatlyk Radiosynyň Täjik gullugyna aýtdy we, eger-de Duşenbä ekstradisiýa edilse, aktiwistiň bikanun tussag edilip, esassyz jogapkärçilige çekiljekdigini sözüne goşdy. Täjigistanda huligançylyk aýyplamasy esasynda gözlenýän Hudoýorow özüniň hiç hiç hili bozgaklyk etmändigini aýdýar. Hudaýorow mundan öň, 2017-nji ýylda Salafi yslam hereketi bilen arabaglanyşygy üçin bäş ýyl azatlykdan mahrum edilipdi. Читать дальше...

Türkiýäniň media serişdelerinde türkmenistanlylar barada habarlaryň peýda bolmagy dowam edýär. Türk türmesiniň gaçgagy Türkmenistanyň raýaty Maksat Bahramow Stambulyň aeroportunda tussag edildi. Stambulda öý arassalamaga baran türkmen raýaty bolsa, jaý eýesiniň 14 müň dollara golaý serişdesini ogurlady. Şeýle-de, Izmirde öldürilen dört türkmenistanlynyň jesetleriniň kime degişlidigini anyklamak boýunça DNK barlagy tamamlandy. Bahramow COVID-19 pandemiýasy sebäpli ýapyk görnüşli türmeden çykarylýar... Читать дальше...

Türkmenistanyň bäş welaýatyndan saýlanan “il ýaşulylary” we býujet işgärleri Arkadag şäheriniň 29-njy iýunda geçiriljek açylyş dabarasyna iberilýär. Azatlyk Radiosynyň habarçysy bu çäräniň töwereginde Lebap welaýatynda alnyp barylýan taýýarlyklar barada habar berýär. Çärelere çekilýän adamlar iki topara bölünýär. Birinji topar – uly ýaşly adamlar, aksakgallar. Olaryň ýol harajatlary welaýat häkimlikleriniň üstüne ýüklendi. Ikinji topar – döwlet edara-kärhanalarynyň saýlantgy býujet işgärleri, olar... Читать дальше...

Türkmen häkimiýetleri geçen ýylyň aýagynda geçirilen ilat ýazuwynyň netijeleri barada hasabat berdi, emma munuň bilen bagly anyk sanlary äşgär etmedi. Türkmenistan eýýäm 16 ýyl töweregi bäri ilatynyň sany barada resmi görkezijileri çap etmeýär. 2006-njy ýylda ýurtda 6,7 milliondan gowrak adamyň ýaşaýandygyny öňe sürüldi. Azatlygyň ygtybarly çeşmeleri soňky ýyllarda, Türkmenistandaky agyr ykdysady krizisiň arasynda ýurduň daşyna millionlarça adamyň çykandygyny belläp, ýurduň demografiki krizisiň bosagasynda durandygyny nygtapdylar. Читать дальше...

Russiýanyň goranmak ministri Sergeý Şoýgu, ministrligiň çap eden täze wideoýazgyda görkezilmegine görä, häkimiýetler onuň wezipesinden boşadylmagy üçin “Wagner” topary tarapyndan gurnalan ýaragly pitnäni özara ylalaşyk esasynda ýatyranyndan soň, ilkinji gezek jemgyýetçilige görkezildi. Goranmak ministrligi tarapyndan 26-njy iýunda ýaýradylan wideoýazgyda Şoýgu kärdeşi bilen uçarda uçup, Russiýanyň “Zapad” harby topary tarapyndan dolandyrylýan serkerdeligiň beren hasabatyny diňledi. Wideoda gürleşýänleriň... Читать дальше...

Wise-premýer Hojamyrat Geldimyradow hepde aýagyndaky hökümet mejlisinde geçen ýylyň dekabrynda geçirilen ilat ýazuwynyň netijeleri barada hasabat berdi diýip, TDH habar berýär. Habarda aýdylmagyna görä, Türkmenistanyň ilatynyň we ýaşaýyş jaý gorunyň uçdantutma ýazuwy sanly tehnologiýalary ulanmak arkaly geçirildi. Uçdantutma ýazuwda toplanan maglumatlar umumylaşdyryldy we degişli görkezijiler boýunça ulgamlaşdyryldy diýip, hasabatda aýdyldy. Emma bu görkezijiler metbugatda çap edilmedi. Serdar Berdimuhamedow hasabaty diňläp... Читать дальше...

Türkmenistandan bolan Alişer Sahatow indi köp ýyl bäri Türkiýede motokurýer bolup işleýär. Ol bu işi örän howply hasaplaýar. Ýurtda ýol hadysalarynyň derejesi ýokary we motokurýerleriň gatnaşýan ýol hadysalary köplenç habarlara-da çykýar. Alişeriň gürrüň bermegine görä, türkmenistanlylar resminamasyz işlemäge mejbur bolýarlar. Olar saglyk ätiýaçlandyrmalaryny hem alyp bilmeýärler.