Новости за 29.06.2023

Türkmen häkimiýetleri täze Arkadag şäherindäki kwartiralary satuwa çykaryp, olary alyjylara görkezip başlady. Bäş milliard dollarlyk şäherdäki gurluşyklaryň hili aşgabatlylaryň ençemesini lapykeç etdi. Kwartiralary baryp gören raýatlaryň ençemesi olary satyn almakdan ýüz öwürendigini Azatlyk Radiosynyň paýtagtdaky habarçysyna we çeşmelerine gürrüň berdi.

Türkmenistanda milliardlarça dollarlyk Arkadag şäheriniň açylyş dabarasy mejbury çäreler, raýatlaryň adaty durmuşynyň togtamagy bilen utgaşdy. Ozalky prezident Gurbanguly Berdimuhamedowyň 29-njy iýundaky doglan gününe gabat geçirilen bu mejbury dabaralara ýüzlerçe býujet işgäri, dynç alyşdaky studentler dagy çekildi. Emma dabarada şäheriň adyna lakamy dakylan uly Berdimuhamedow görünmedi.

Aşgabatda ilata ýeňillikli bahadan satylýan çöregi satyn almaga baran alyjy bilen döwlet dükanynyň satyjysynyň arasynda ýakalaşyk boldy. Muňa satyjynyň köp mukdardaky çöregi diňe bir alyja satmagy we çöregiň nobata duran ýaşaýjylara ýetmezligi sebäp boldy.

Gurban baýramynyň öňüsyrasynda, Türkmenbaşynyň şäher häkimliginiň tagallalary bilen ýerli döwlet dükanlarynda ilatyň ýeňillikli ýag paýlary paýlandy. Her hojalyga üç litrden paýlanan pagta ýagy nobata ýazylan adamlaryň hemmesine ýetmedi. Dükanlardan ýag almagy başaran adamlardan öňki prezident Gurbanguly Berdimuhamedowa jan-saglyk arzuw etmek tabşyryldy. Bu barada Azatlyk Radiosynyň ýerli habarçysy 26-njy iýunda sebitden habar berdi.

Balkan welaýatynyň Bereket etrabynyň galla kabul ediş kärhanasynda we daýhan birleşiklerinde Aşgabadyň tabşyrygy boýunça prokuratura derňewleri geçirilýär. Bu barada Azatlyk Radiosynyň habarçysy 27-nji iýunda sebitden maglumat berdi.

Sosial torlarda ýol polisiýa işgäriniň özüniň lybasyndaky pogonyny özi goparýan wideosy giňden ýaýrandan soň, sürüjä muny etmekde töhmet atan ofiseriň wezipesinden boşadylandygy barada maglumat gowuşýar. Bu barada Azatlygyň diňe bir çeşmesi habar berip, muny häzirlikçe resmi we näresmi ýagdaýda tassyklatmak başartmady.

Aşgabatda howanyň temperaturasy gündizlerine 40 gradusa çenli ýetýän şu günlerde, häkimiýetler köp gatly ýaşaýyş jaýlaryndaky split-ulgamlaryny ýene söküp aýyrýarlar. Şäher häkimiýetleri iki ýyl arakesmeden soň gaýtadan güýçlendirilen bu çäräniň sebäpleri barada resmi düşündiriş bermeýärler.

Balkan welaýatynda uçar, otly we awtobus biletleriniň ýiti gytçylygy emele geldi. Gytçylygyň ýitileşmegine, diňe onlaýn görnüşde satylýan biletleriň ikinji taraplar tarapyndan satyn alnyp, "gara bazarda" satylmagy we Awaza syýahatçylyk zolagynda dynç alyş möwsüminiň başlanmagy goşant goşdy.

Türkmenistanda Gurban baýramynyň birinji gününde okalan baýram namazyna gabat, gurpdan düşen adamlar hem haýyr-sahawat umydy bilen metjitlere geldiler. Emma häkimiýet başyndaky Berdimuhamedowlaryň jan-saglygyna doga-dileg etmegi hem ündeýän mollalar, dindarlardan sadakalaryny “el serýän adamlara” däl-de, metjidiň özünde dikilen sandyklara oklamagy soradylar.

Türkmenistanda milliardlarça dollarlyk Arkadag şäheriniň açylyş dabarasy mejbury çäreler, raýatlaryň adaty durmuşynyň togtamagy bilen utgaşdy. Ozalky prezident Gurbanguly Berdimuhamedowyň 29-njy iýundaky doglan gününe gabat geçirilen bu mejbury dabaralara ýüzlerçe býujet işgäri, dynç alyşdaky studentler dagy çekildi. Emma dabarada şäheriň adyna lakamy dakylan uly Berdimuhamedow görünmedi. Ahal welaýatynyň Gökdepe etrabynyň Babarap geňeşliginiň golaýynda ýerleşýän, ýurduň çägindäki ilkinji “akylly... Читать дальше...

Gazak parlamentiniň ýokarky palatasy, Senat 29-njy iýunda daşary ýurt banklaryna bikanun geçirilen maliýe emläklerini yzyna gaýtarmak baradaky kanun taslamasyny tassyklady. Bu taslama iýun aýynyň ortalarynda parlamentiň aşaky palatasynda tassyklandy. Indi oňa prezident Kasym-Žomart Tokaýewiň gol çekmegine garaşylýar. Bu kanun taslamasy 2022-nji ýylyň ýanwarynda hökümete garşy guralan halk protestleriniň ganly gozgalaňa ýazmagy bilen, Tokaýewiň öňki prezident Nursoltan Nazarbaýewiň klanyny syýasy... Читать дальше...

Setora Sultanowa 10 ýyldan gowrak wagt bäri Gyrgyzystanyň günortasyndaky Oş şäherinde futbol oýnaýar. "Bu ýerde şu mentalitet bar: Sen gyz, sen [futbol] oýnap bilmersiň" diýip, ol durmuşa çykanyndan we çagasy bolandan soňra-da futbol oýnamagy dowam etdirendigini aýdýar. Ol zenanlaryň futbol akademiýasyny döretmegi arzuw edýär.

Polisiýa 17 ýaşly bir oglany tüpeňläp öldüreninden soň gahar-gazaba münen protestçiler Parižiň eteklerinde awtoulaglary we jemgyýetçilik binalaryny otladylar. Howpsuzlyk tagallalarynyň ýokarlanmagyna, prezidentiň halky asuda bolmaga çagyrmagyna garamazdan, gozgalaň Fransiýanyň beýleki birnäçe şäherine hem ýaýrady. 17 ýaşly Naeliň 27-nji iýunda geçirilen ulag barlagy wagtynda öndürilişi wideo ýazgysyna düşürildi we ýurdy haýran galdyrdy. Bu waka Fransiýanyň o diýen amatly bolmadyk ýerlerindäki... Читать дальше...

Türkmenistanda 29-njy iýunda ilkinji “akylly” şäheriň, Arkadagyň açylyşy mynasybetli gurnalan giň möçberli dabaralarabadalga berildi. Türkmenistanyň öňki prezidenti Gurbanguly Berdimuhamedowyň hormatyna "Arkadag" diýlip atlandyrylan şäher Halk maslahatynyň başlygynyň doglan gününde açylýar. “Akhan” binasynyň ýanyndaky meýdançada döredijilik toparlarynyň ýerine ýetirmeginde aýdym-sazly kompozisiýa ýaýbaňlandyryldy. Prezident Serdar Berdimuhamedow belent mertebeli myhmanlar bilen Akhan binasynyň ýanyna bardy we ony açdy diýip... Читать дальше...