Новости за 10.04.2020

Түштүк Кореяда 15-апрелге белгиленген парламенттик шайлоого добуш берүү башталды. Өкмөт шайлоо күнү элдин көп топтолушуна жол бербеш үчүн эрте добуш берүүгө мүмкүнчүлүк түздү. Коронавируска байланыштуу добушканалар катуу тартипте иштеп жатышат. Алгач беткапчан шайлоочулардын дене табы текшерилет. Андан соң добуш берүүчү колун дезинфекциялап, резина кол кап кийиши керек. «COVID-19дун айынан бетимди эки кабат жаптым. Анан алдын-ала добуш бериш үчүн мында келдим. Баарыбыз коронавирустан кутулуш үчүн күрөшүүдөбүз. Читать дальше...

Жалал-Абаддын Кара-Көл шаарында окуучу кыздан 5 миң сом пара алып жаткан учурда кармалган милициянын иши тергелип жатат.

Ташкенттеги №6 төрөт үйү ичиндеги кызматкерлери, энелер жана ымыркайлар менен кошо 14 күндүк карантинге алынды. Алар COVID-19 инфекциясын жугузуп алган аял менен контактта болгонун Өзбекстандын башкы санитардык дарыгери Нурмат Отабековдун 9-апрелде билдирди. «Эгер бул мөөнөт бүткөндө алардан симптомдор табылбаса карантин алынат», - дейт башкы санитардык дарыгер. Марттын ортосунда Ташкенттеги №1 шаардык клиникалык ооруканага да карантин жарыяланган. Буга пациенттердин бири Түркияга барып келгенин жашырганы... Читать дальше...

Европа Биримдигинин финанс министрлери 9-апрелде 500 млрд. еврого барабар антикризистик жардам чараларын макулдашты. Бул маселе бир нече жумадан бери талаштуу талкуу жаратып, биримдиктин ичиндеги пикир келишпестикти көрсөттү.  «Пандемия кризиси учурундагы колдоону эки жума ичинде камсыз кылууга аракет кылабыз. Бүгүн мен Европа Биримдигинин үч жаңы коопсуздук түйүнү жөнүндө айткым келет. Анын жалпы суммасы жарым триллион евро. Бул чукул план биз рецессияга кирген учурда экономикабызды жана социалдык тармакты коргойт»... Читать дальше...

Европанын башка мамлекеттерине салыштырмалуу коронавирустан өлгөндөр Германияда аз. Мунун себеби эмнеде? «Азаттыктын» ушул жана башка суроолоруна Хекстер шаарында реаниматолог болуп иштеген Аскат Түркбаев жооп берди.

Коронавирус пандемиясына байланыштуу Тажикстандын баш калаасы Дүйшөмбүдөгү үч кабат эстакаданын ачылышы кийинкиге жылдырылды. Долбоордун аткаруучу директору Аброр Музаффаров билдиргендей, январда эстакаданы куруп жаткан кытай жарандары жаңы жыл майрамын белгилеш үчүн мекенине кетип, коронавируска байланыштуу кайра келе албай калышкан. «Мындан тышкары айрым курулуш материалдары да Кытайдан келмек, бирок чек ара жабылганына байланыштуу жергиликтүү өндүрүштөгү материалдарды колдонууга туура келди», - деди Музаффаров. Читать дальше...

Британиянын премьер-министри Борис Жонсон бейшембинин кечинде реанимация бөлүмүнөн кадимки палатага которулду. Премьердин кеңсеси тараткан билдирүүдө Жонсон «айыгуунун алгачкы баскычында экени» жана дарыгерлер анын саламаттыгына көзөмөлдү улантып жатышканы жазылган. Жонсондун саламаттыгы тууралуу кабарды башкы оппозициядагы Лейбористтер партиясынын лидери Кир Стармер кубаттап, тез арада айыгып кетишин каалады: «Премьер-министр жана анын үй-бүлөсү үчүн абдан кубанычтамын. Алар жеңилдеп калышты. Читать дальше...

Парламенттин депутаттары өлкөдөгү өзгөчө абалдын шартында себепсиз иштен калышты.

Кыргызстандын түрмө жетекчилеринин Жаза аткаруу мамлекеттик кызматынын (ЖАМК) башчысы менен жыйындары онлайн өткөрүлө баштады. Бул тууралуу «Азаттыкка» мекеменин басма сөз кызматы кабарлады. Маалыматта «Эпидемиологиялык абалга байланыштуу ЖАМК эки күндө бир онлайн жыйын өткүрүп, түрмө жетекчилери иш бөлмөсүндө отуруп маалымат берүүдө» деп айтылат.  Мекеменин маалыматына караганда, бүгүнкү күндө бардык абактарда ЖАМКтын борбордук аппараты менен байланышкан видеокамералар бар. Алар аркылуу соттук процесстерди да өткөрсө болот. Читать дальше...

Ош шаарында коронавирус жуккан кош бойлуу келин толгоосу башталса перинаталдык борборго которулат. Бул тууралуу 10-апрелде саламаттыкты сактоо министринин орун басары Мадамин Каратаев билдирди. Анын айтымында, бүгүнкү күндө Бишкектеги №2 Төрөт үйүндө жана Оштогу Перинаталдык борбордо коронавируска байланыштуу атайын обсервация бөлүмдөрү ачылып, даяр турат. Ошто 30 орун даяр. Эгер вирус жукканы аныкталган кош бойлуу келиндер болсо, баары ошол жакка жаткырылат. Медицина кызматкерлери ооруну өзүнө жуктуруп албашы үчүн атайын даярдыктан өттү. Читать дальше...

Улуттук банктын кеңешмеси 9-апрелде кабыл алган токтомго ылайык, пенсионерлер жана жөлөк пул алуучулар «Элкарт» улуттук карточкасы аркылуу акчасын алган учурда комиссия алынбашы керек. Токтом менен киргизилген өзгөртүүлөргө ылайык, мамлекеттен пенсия, жөлөк пул алгандар кайсы банктан эсеп ачканына карабастан комиссия төлөөдөн бошотулат. Бардык коммерциялык банктар «Элкарт» улуттук карточкасы аркылуу пенсия менен жөлөк пулун чыгаруу учурунда комиссия албоого тийиш. «Бул бардык банктардын POS-терминалдарына... Читать дальше...

Бишкек милициясы коменданттык саат учурунда акча салынуучу терминалды уурдап кеткендердин изине түштү. Бул тууралуу 10-апрелде баш калаанын коменданты Алмазбек Орозалиев билдирди. Анын сөзү боюнча, окуя 6-апрелде болгонун айтып Свердлов райондук ички иштер башкармалыгына терминалдын ээси кайрылган. Ал терминалдын баасы 1,5 миң доллар турарын, ичинде 61 миң 500 сом бар экенин айткан. Орозалиев: «Биз аларды «Коопсуз шаардын» жана шаардык милициянын командалык борборунун камераларына тартылып калган видео боюнча аныктадык. Читать дальше...

Түрк тилдүү мамлекеттердин кызматташтык кеңешинин (ТМКК) кезексиз жыйыны бүгүн, 10-апрелде видеоконференция форматында өтөт. Азербайжан Республикасынын төрагалыгы менен өтө турган кезексиз жыйында коронавирус инфекциясына каршы туруу маселеси каралат. Илдеттин жайылышы жана анын кесепеттери менен күрөшүүдө түрк тилдүү өлкөлөр биргеликте аракеттенүү маселеси талкууланат. Видеоконференция форматындагы жыйынга Азербайжан президенти Ильхам Алиев, Казакстандын мамлекет башчысы Касым-Жомарт Токаев... Читать дальше...

Өзгөчө абал учуруна түзүлгөн комендатуралар адам укугуна жана эркиндигине тийиштү буйруктарынын текстин толугу бойдон Жалпыга маалымдоо каражаттарына жарыялашы керек. Мындай сунуш “Адилет” укуктук клиникасы 9-апрелде президент Сооронбай Жээнбековго жолдогон ачык кайрылуусунда айтылат. Клиниканын юристтери жеке менчик жана экономикалык ишмердүүлүк маселелерине байланыштуу буйруктар да элге ачык жарыяланышы зарыл деп эсептейт. Кыргызстанда социалдык-экономикалык абал чыңалып турганы айтылган кайрылууда... Читать дальше...

Дүйнөнүн үшүн алган коронавирус менен күрөштө дарыгерлер алдыңкы катарда турушат. Пандемияда медицина кызматкерлери өздөрү эң аярлуу катмар экени айкын көрүндү. Кыргызстанда 280 адамга COVID-19 жукту. Анын ичинен 39у медицина кызматкерлери. Бүгүнкү күндүн эки каарманы тууралуу бул видеодон көрүңүз.

Шаар башчысы Таалайбек Сарыбашов 10-апрелде Ошто коронавирус жуктуруп алган медицина кызматкерлери менен онлайн сүйлөшүп, абалдарын сурады. Дарыгерлерди тезирээк айыгып кетүүсүн каалады. Мэр ошондой эле Оштогу балдардын инфекциялык ооруканасында иштеген дарыгерлердин вирусту жуктурганы тууралуу окуя атайын комиссиянын иликтөөсүндө экенин билдирди. Мындан тышкары вируска кабылган дарыгерлерди карап жаткан медицина кызматкерлери менен да сүйлөшүп, кандай жардам керек болсо түз кайрылышса болорун айтты. Читать дальше...

Кыргызстандын 73 жаштагы жараны коронавирустан Пакистанда көз жумганын 10 - апрелде Тышкы иштер министрлиги тастыктады. Министрликтин басма сөз катчысы Улан Дыйканбаевдин “Азаттыкка” кыскача билдиргени боюнча, маркум Райвинд шаарынан 60 чакырым алыс Кала провинциясында карантинде турган. Пакистанда дааватта жүргөн кыргызстандык жаран коронавирустан өлгөнүн жергиликтүү The News басылмасы 9-апрелде жазган. Анда маркум Таблиги жамааттын мүчөсү болгондугу белгиленген. Басылма ошондой эле кыргызстандык... Читать дальше...

Кыргызстанда коронавирус жуккан дагы беш медицина кызматкери аныкталды. Бул тууралуу 10-апрелде саламаттык сактоо министринин орун басары Мадамин Каратаев билдирди. Анын айтымында, жаңы катталгандардын төртөө Бишкекте, бирөө Чүй облусунда. Жалпысынан бүгүнкү күндө COVID-19 жуккан дарыгерлердин жана башка медицина кызматкерлеринин саны 39 адам: • Бишкекте - 8 • Чүй облусунда - 1 • Ош облусунда - 21 • Жалал-Абад облусунда - 8 • Баткен облусунда - 1 киши.  Алар - дарыгерлер, медайымдар, инфекционисттер... Читать дальше...

Өкмөттүн буга чейин кабыл алынган биринчи кезектеги чаралар планында өзгөчө абал маалында бизнести сактап калууга жана ишканалардын банкрот болушуна жол бербөөгө багытталган финансылык жана салыктык мүнөздөгү кечиктирилгис чаралар каралган. Мындан тышкары социалдык жактан аялуу элге жардам көрсөтүү боюнча иш-аракеттер киргизилген. Кеңешмеде өкмөт жергиликтүү өз алдынча башкаруу органдары, донор уюмдар жана ыктыярчылар менен бирге аткарып жаткан иштер тууралуу маалымат берилди. «Бизнеске салык,... Читать дальше...

Кыргызстанда доллар бир күндө сегиз пайыздан ашуун көрсөткүчкө арзандады. Улуттук банктын расмий сайтындагы маалыматка караганда, 9-апрелде бир доллар 84,87 сом болсо, 10-мартта 77,80 сом болду. Ошентип, доллар сомго карата 8,33% арзандады.  Кыргызстанда акыркы үч жылдан бери 69 сомдун тегерегинде туруктуу кармалып келген доллар март айында кымбаттай баштаган. Алгач 10-мартта үч сомго кымбаттаса, 20-мартта 85 сомго жетип, кайра арзандай баштады. Мындай көрүнүштү Улуттук банк дүйнөдө жана өнөктөш... Читать дальше...

Орусиянын Екатеринбург шаарынан чартердик рейс менен алынып келген кыргызстандыктардын биринен да коронавирус табылган жок. Бул тууралуу 10-апрелде саламаттык сактоо министринин орун басары Мадамин Каратаев билдирди: «Биз алардын баарынан ПЦР анализ алганбыз. Баарыныкы таза чыкты». 6-апрелде Екатеринбургдан 17 кыргызстандыкты алып келген «Урал авиа жолдору» компаниясынын учагы менен кайра 35 орусиялык учуп кеткен. 17 адамды алгач текшергенде төртөөндө коронавирус инфекциясы бар болуп, акыркы... Читать дальше...

Карантинде китеп окугандардын катары калыңдады. Электрондук китепканаларга киргендер да көбөйүп, өлкөдө китеп окуу таймаштары жана ар кандай эстафеталар өтүп жатат.

10-апрелге карата Кыргызстанда коронавирус дагы 18 адамдан табылды. Ноокаттагы аймактык ооруканада бир адам каза болду. Ал 87 жашта болчу. Бул тууралуу 10-апрелде саламаттык сактоо министринин орун басары Мадамин Каратаев билдирди. Жаңы катталган 18 адамдын алтоо Бишкекте. Чүй облусунда сегиз (Кемин району – 6, Токмок шаары – 1, Аламүдүн району – 1), Жалал-Абад облусунда үч (Сузак району – 2, Жалал-Абад шаары – 1), Ысык-Көл облусунда 1 (Ак-Суу району). Булардын ичинде аялдар - 7 аял, эркектер - 11. Читать дальше...

Алардын ичинен: Бишкек шаарында - 37, Ош шаарында - 2, Жалал-Абад шаарында - 4, Сузак районунда – 3, Кара Суу районунда -3, Ноокат районунда - 1 киши кармалган. 7 машине айып токтотмосуна коюлду.  Жалпысынан алганда 25-марттан бери 2242 жаран коменданттык сааттын талаптарын бузгандыгы үчүн кармалган. Алардын бардыгына түшүндүрүү иштери жүргүзүлүп, коменданттык сааттын аякташы менен коё берилди.  Коронавирустун жайылышына жол бербөө максатында 22-марттан тартып өзгөчө кырдаал киргизилген. 25-марттан бери оору көп катталган Бишкек... Читать дальше...

Нарында кар көчкү баскан автожолду тазалоо иштери уланып жатат. Өзгөчө кырдаалдар министрлигинин маалыматына караганда, 9-апрелге караган түнү Нарын - Өрүк-Там  жолунун 65-чакырымында көлөмү 20 000 м3 кар көчкү түшүп, жолду жаап калган. Эч ким жабыркаган жок. Бул жол райондун акиминин буйругу менен 2019-жылдын 25-ноябрынан тартып убактылуу жабылган. Тазалоо иштерине бир жүктөгүч жана үч кызматкер тартылды.