د امریکا ولسمشر ډونالډ ټرمپ د خپلې لوړې له مراسمو وروسته څو اجرائیوي فرمانونه لاسلیک کړل. له دې فرمانونو څخه یو یې متحده ایالاتو ته د کډوالۍ پروسه ځنډوي. په سلګونو افغانان چې په متحده ایالاتو کې یې د پناه اخیستو غوښتنلیکونه منل شوي وو اوس په ناڅرګند حالت کې دي. ځینو یې ازادي راډیو ته وویل چې د متحده ایالاتو د ولسمشر اقدام دوی "د مرګ له خطر" سره مخامخ کړي دي.
کریپټو کرنسي څنګه اخیستل کیږي او په څه شي؟ چیري ساتل کیږي؟ څنګه ورباندي پېر او پلور کېدای شي؟ او داسي نورې پوښتنې چې نن به يې ځوابونه له څېړونکي او پوهنتون له پخواني استاد جانداد جهاني څخه واورو. کوربنه: ملالۍ بشیر
د اسراییلو او حماس ترمينځ د بندیانو د تبادلې او د اوربند تر موافقې وروسته دواړو خواوو د يو بل ځينې بنديان خوشې کړي دي. د جنورۍ پر ۲۰مه د هغو بنديانو تر خوشې کېدو وروسته په اسراييل او فلسطين کې خلکو د کورنيو د غړيو او خپلوانو په ليدو خوشالۍ وکړې. دا په داسې حال کې ده چې د امريکا او اروپا لخوا د ترهګرې ګرځول شوې حماس ډلې او اسراییلو ترمينځ اوربند هم عملي شوی دی. د رویټرز او فرانس پرېس اژانس له ویډیوګانو جوړ رپورټ
د خیببر پښتونخوا حکومت وايي له کورمې سره نېږدې په هنګو ضلع کې د بګن د هغو کډوالو لپاره کېمپ جوړوي چې له روانو پوځي عملياتو کډه کېږي. د هنګو انتظامي مشر (ډېپټي کمېشنر) نواب ګل د جنورۍ پر ۲۰مه مشال راډيو ته ويلي چې هغوی د ۱،۸۰۰ کورنيو د ورکډه کېدو لپاره تیاری نیسي. په دې اړه ممتاز بنګښ ويډيويي راپور جوړ کړی دی.
د جنورۍ پر ۲۰مه د خان عبدالغفارخان، چې په باچا خان هم مشهور وو، ۳۷م تلين ولمانځل شو. نوموړي د تعلیم او عدم تشدد له لارې د پښتنو په ټولنه کې د اصلاحاتو او پرمختګ لپاره مبارزه کړې وه. خو نن د عدم تشدد د غه نړیوال مبارز خپل وطن له تشدد سره مخامخ دی. دا چې د دې تر شا څه لاملونه دي او دا خاوره څه ډول پرامنه کېدای شي؟ د کرښې پر غاړه خپرونه کې نن پر همدې موضوع بحث شوی دی.
د پاکستان د بهرنيو چارو وزارت وايي له ۲۰۱۹ز کال څخه تر ۲۰۲۴ز کاله پورې د سعودي عرب له زندانونو څه باندې ۷،۲۰۰ پاکستاني بنديان خوشې کړل شوي دي. د پاکستان مرستيال وزيراعظم او د بهرنيو چارو وزير اسحاق ډار د جنورۍ پر ۲۰مه د هغه هېواد سېنېټ ته په ليکلې بڼه ويلي دي چې په ۲۰۱۹ز کال کې ۵۴۵، په ۲۰۲۰ز کال کې ۸۹۲، په ۲۰۲۱ز کال ۹۱۶، په ۲۰۲۲ز کال کې ۱،۳۳۱، په ۲۰۲۳ز کال کې ۱،۳۹۴ او په ۲۰۲۴ز کال کې ۲،۱۳۰ پاکستاني بنديان د سعودي له جېلونو خوشې کړل شوي دي. دا په داسې حال کې ده چې په ۲۰۱۹ز کال کې پاکستان ته د خپل... Читать дальше...
د ترکیې په شمال لویدیځ کې په یوه څو پوړیز هوټل کې یوې اور پېښې لږترلږه ۶۶ کسان وژلي دي. د ترکیې د کورنیوچارو وزیر علي یرلیکایا نن (د سلواغې په ۲مه) اعلان وکړ چې د بولو ولایت په کارتالکایا سیمه کې د سکي وهلو په یوه مرکز په بېګانۍ پېښه کې ۵۱ نور کسان هم ټپیان شوي دي. انادولو دولتي خبري آژانس خبر ورکړی چې د اورلګېدلو علت نه دی معلوم. په هغو ویډیوګانو کې چې د پېښې له سیمې څخه خپرې شوي، د دې هوټل په لوړو پوړونو کې د اور لمبې ښکاري. عیني شاهدان وايي دوو کسانو چې په اور کې ګیر پاتې وو، ځانونه راغورځولي او مړه شوي دي. Читать дальше...
ټاکل شوې چې امریکا ته د سلګونو افغان کډوالو الوتنې لغوه شي. سپینې ماڼۍ د امریکا د نوي ولسمشر ډونالډ ټرمپ هغه فرمان خپور کړی چې له مخې یې د نوي ورځو لپاره دغه هېواد ته د کډوالو ورتلل منع کوي.
ډیرې کسان د کال په بېلابېلو موسمونو په ځانګړي ډول د مني او ژمي په موسمونو کې له ژورخفګان او زړه تنګۍ شکایت کوي. دوی له ازدي راډيو سره په خبرو کې وویل چې د نورو وختونو په پرتله د مني په لومړیو او د ژمي په موسم کې د زړه تنګۍ احساس کوي او خوب ډیر ورځي .
د نورستان اوسیدونکو لاهم له پیړیو ورپاتې پخواني دودونه پالې. دوي د پخوا په څېر اوس هم په ودونو کې ګڼ واړه او غټ څاروې حلالوې،پخوې يي او هر څاروی په ۲۴ برخو وېشې. په دې ۲۴ برخو کې د قومي مشرانو،مخورو ،میلمنو او دنورو غوښه معلومه ده او هر چاته د هغه د مقام او حیثیت سره سمه ورکوې.
تمه ده چې د امریکا د نوي ولسمشر د امر په اساس دې هېواد ته د ۱۶۶۰ افغان کډوالو الوتنې کنسل شي. ډونالډ ټرمپ پرون له لوړې وروسته په یوه فرمان کې د امریکا د مهاجرت پروګرام وځنډاوه. دا فرمان د جنوري په ۲۷مه نافذېږي. رویټرز خبري اژانس پرون د یوه امریکايي چارواکي، چې نه غواړي هویت یې افشا شي او د افغان ایواک په نوم بهر ته د زیانګالو افغانانو د لېږد ټولنې د غړي شان ون دایور له قوله دا خبر ورکړ. د دې چارواکو په وینا دا حکم به پخواني افغان پوځیان، هغه ماشومان چې له خپلو کورنیو لیرې پاتې دي او د... Читать дальше...
ولسمشر ټرمپ د صدارتي فرمانونو په لاسليکولو سره د امريکا او مېکسيکو پر سرحد بیړنی حالت اعلان کړ او زیاته یې کړه چې هلته به د غیرقانوني کډوالو د مخنيوي لپاره پوځيان استوي.
د نړۍ ډېری رهبرانو او سیاستوالو د امریکا د ولسمشر په توګه د ډونالډټرمپ د بلې کاري دورې د پیل په مناسبت نوموړي ته د مبارکۍ پیغامونه استولي دي.
روسیې د اوکراین ختیځو ښارونو پوکروفسک او لیمان ته په نژدې سیمو کې حملو ته زور ورکړی.
بيان زياتوي چې خان محمد د امريکايي ځواکونو لخوا نېږدې دوه لسیزې وړاندې په ننګرهار کې نیول شوی وو او وروسته د امريکا د کېلېفورنيا ايالت يو عدالت ورته د عمري بند سزا اورولې وه.
ډانلډ ټرمپ د جنورۍ پر ۲۰مه د امریکا د ولسمشر په توګه د دندې لوړه کړې. هغه تر دې يوه ورځ مخکې خبرداری ورکړی وو چې یا دې په افغانستان کې د طالبانو حکومت د امريکې پاتې پوځي تجهیزات ورکړي او يا دې د امریکا مالي مرستو بندیدو ته تیار شي. د کابل ښار یوشمېر اوسېدونکي هیله من دي چې ټرمپ ښايي په خپله واکمنۍ کې په افغانستان کې د نجونو پر زده کړو د طالبانو د بندیز په ختمولو کې مثبت رول ولوبوي. د مشال راډیو د خبرونو مرکزي څانګې او اې اېف پي له ویډیوګانو جوړ رپورټ.
د افغانستان پخواني جمهور رییس حامد کرزي په خپله ایکس پاڼه په یوه بیان کې ویلي چې ډونالډ ټرمپ ته د امریکا د ۴۷م ولسمشر په توګه د لوړې مبارکي ورکوي او هیله لري چې د هغه دا دوره امریکایانو ته نیکمرغي او سوکالي ور په برخه کړي.
د امریکا نوي ولسمشر ډونالډ ټرمپ نږدې ۱۶۰۰ هغه خلک وبښل چې د ۲۰۲۱ کال د جنوري شپږمې پر کانګرس د یرغل په جرم محکوم او بندیان وو.
په روغتیا او درملنه خپرونه کې نن پر محرکه یا سترې تبې غږېدلي یو. روغتیاپالان وايي چې ټایفایډ یوه بیکټېریايي ناروغي ده چې د ککړو یا الوده اوبو او خوړو د استعمال له وجې پیدا کېږي. دوی وايي، د دې ناروغۍ سم او کره ټېسټ اړین دی او علاج یې له دوو څخه تر څلور اونۍ پورې وخت نیسي. بشپړه خپرونه واورئ.
په کابل کې د چین سفیر پرون (د دوشنبې ورځ د دلوې لومړۍ) د دواړو هېوادونو د اویا کلنو اړیکو د لمانځلو په مناسبت وویل چې پېکینګ به له افغانستان سره د دوستۍ سیاست ته دوام ورکړي. د طالبانو حکومت د بهرنیو چارو وزارت مرستیال ویاند، حافظ ضیاء احمد تکل، په دې اړه په یوه بیان کې، چې په خپله ایکسپاڼه/پخواني ټویټر کې یې خپور کړی، ویلي چې په دې مناسبت په بهرنیو چارو وزارت کې غونډه جوړه شوه. په دې غونډه کې د طالبانو د باندنیو چارو وزارت سیاسي مرستیال شېرمحمد عباس ستانکزي، د چین سفیر ژاو شینګ او د دې هېواد دیپلوماتانو برخه اخیستې وه. Читать дальше...
د یوې مخکښې مرستندویې ادارې مشر خبرداری ورکړ چې افغانستان ته د مرستو کمېدا د دغه هېواد د ښځو لپاره تر ټولو لوی ګواښ دی. د ناروې د کډوالو د نړیواله شورا عمومي منشي یان ایګلینډ وویل، د افغانستان لپاره د حکومتي ادارو او بشري مرستو د مالي ملاتړ کمېدا تر ټولو زیات ښځې او نجونې اغېزمنوي. د ناروې د کډوالو نړیوالې شورا تېر کال له څه باندې ۲۱۶ زره افغانانو سره مرسته کړې، چې نیمایي یې ښځې وې. د ۲۰۲۱ په اګست کې د طالبانو له بیا واک ته رسېدو وروسته میلیونونه افغانان بېوزله شوي او له لوږې سره مخامخ شوي ځکه چې بهرنۍ مرستې په یو وار بندې شوې.
ډونالډ ټرمپ د امریکا د اووه څلوېښتم ولسمشر په توګه د امریکا د کانګرس په ودانۍ کې پرون (دوشنبې) لوړه وکړه او د خپلې ولسمشرۍ دوهمه دوره یې رسماً پیل کړه.
جنرال مارک میلي له افغانستانه د امریکايي پوځیانو د وتلو په مهال د متحدوایالتونو لوی درستیز و. ده ژمنې کړې وې چې له افغانستانه به د امریکا وتل هغسي نه وی چې له ویتنام څخه و.
ډونالډ ټرمپ د امریکا د اووه څلوېښتم ولسمشر په توګه د امریکا د کانګرس په ودانۍ کې پرون (دوشنبې) لوړه وکړه او د خپلې ولسمشرۍ دوهمه دوره یې رسماً پیل کړه. ښاغلي ټرمپ وروسته له هغه چې سپینه ماڼۍ یې له جو بایډن څخه تسلیم کړه، د لوړې د مراسمو لپاره کانګرس ته لاړ. دا مراسم د واشنګټن د شدیدې یخنۍ له امله په بند ځای کې ترسره شول، چې پکې د امریکا د پخوانیو ولسمشرانو او د هغوی د مېرمنو ترڅنګ د ایلن مسک په شان څو سترو میلیاردارنو هم برخه اخیستې وه. د ښاغلي ټرمپ مرستیال، جيډي ونس، هم لوړه وکړه.
د ایران د بهرنیو چارو وزارت د کونسلګریو مسوولې افسانې ابراهیمي پرون وویل، دا هیواد دې ته چمتووالی لري چې د جنوبي خراسان ولایت په بیرجند ښار کې د افغانستان کونسلګري پرانیستل شي. د مهر خبري اژانس د راپور له مخې، دغه ایراني چارواکي همداراز وویل، په جنوبي خراسان کې د افغانستان د کونسلګرۍ جوړېدا د ایران د بهرنیو چارو وزارت غوښتنه هم ده. د اغلې ابراهیمي په وینا افغانستان په ایران کې دوې نورې کونسلګرۍ لرلی شي او دا موضوع د دواړو خواوو ترمنځ مطرح شوې ده. ایران تر دې وړاندې په مشهد کې د افغانستان... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости