د بېلاروس-پولنډ پولو کې ایسار عراقیان خپل هېواد ته استول کېږي
دا خبره د عراق او کردستان کورواکې سیمې چارواکو تایید کړې.
د عراق د بهرنیو چارو وزارت ویاند احمد الصحاف ویلي، نن به ۶۱۷ عراقیان په دوو پروازونو کې اربېل هوايي ډګر کې کوز شي.
تېره اوونۍ هم له بېلاروسه سلګونه کسان چې اکثر د کردستان وو په لومړني پرواز کې عراق ته ولېږل شول.
دوی او نورو زرګونو کسانو اروپا ته د تلو په هیله د پولند پولې ته نږدې د بېلاروس په سرحدي سیمو او ځنګلونو کې اړولي دي.
مېنسک تورن دی چې د منځني ختیځ او افغانستان زرګونه پناه غوښتونکو ته یې لار ورکړې چې د اروپا خاورې ته دننه شي.
د بېلاروس دا کار د اروپا د بندیزونو غچ اخېستنه بلل کېږي هغه تور چې بېلاروسي چارواکو رد کړی.