Новости за 22.11.2021

د اروپایي ټولنې یوه لوړپوړي پلاوي د منځنۍ اسیا له پنځو هېوادونو سره د افغانستان پر وضعیت خبرې کړې دي.  د اروپایي ټولنې د پلاوي مشري د دغې ټولنې د بهرني سیاست مشر جوزف بورېل کوي او د دوی لیده کاته نن د تاجکستان پلازمېنه دوشنبه کې شوي دي.  بورېل د بندو دروازو تر شا له دې غونډې وروسته ویلي، افغانستان کې نوي شرایط دا ایجابوي چې په منځنۍ اسیا کې  امنیت لپاره نوې لارې چارې ولټول شي. د تاجکستان د بهرنیو چارو وزارت ویلي، نننۍ ناسته کې د افغانستان پر شرایطو سربېره پر سیاسي، تجاري او اقتصادي همکاریو هم خبرې شوې دي. Читать дальше...

په قرغزستان کې دوه پخواني صدراعظمان چې د فساد تورونه پرې پورې دي، له نسبي توقیف نه کورني نظربند ته ولېږدول شول.  په بشکېک کې یوې محکمې جومارت اوتوربایف او تیمیر سرییف وروسته تر دې کورني بند ته ولېږدول چې هغوی له هېواده د نه‌وتو ضمانت‌پاڼې لاسلیک کړې.  دا دوه کسان د قرغزستان د پخوانیو صدراعظمانو او چارواکو له ډلې وو چې د کومتور سرو زرو کان په پروژه کې د فساد په تور نیول شوي دي.  کومتور د سرو زرو هغه کان دی چې له کلونو راهیسې د قرغزستان په مالي او چاپېریالي بحثونو کې یادېږي.

د اټمي انرژۍ د څار نړیوال سازمان مشر نن تهران ته ورسېد.  رافایل ګروسي له ایراني چارواکو سره داسې مهال لیده کاته کوي چې ټاکل شوې یوه اوونۍ وروسته په ویانا کې د ایران د ۲۰۱۵ کال اټمي تړون د بیا ژوندي کېدو په اړه خبرې پیل شي. د ایران د بهرنیو چارو وزارت ویاند سعید خطیب‌زاده وویل، ایران هیله‌من دی چې د ښاغلي ګروسي لیده کاته به "ګټور" وي.  ټاکل شوې چې ګروسي به د ایران د بهرنیو چارو له وزیر حسین امیر عبداللهیان او د اټمي انرژۍ له مشر محمد اسلامي سره وګوري.  د اټمي انرژۍ د څار نړیوال سازمان مشر... Читать дальше...

پښتونخوا امن جرګې د ملاکنډ سخاکوټ کې د مدني فعال محمد زاده د وژنې خلاف د خيبر پښتونخوا اسمبلۍ مخې ته احتجاجي مظاهره وکړه او غوښتنه يې کوله چې په ملاکنډ ډیويژن کې دې د نشه یي توکیو خرڅوونکیو او د ځمکو قبضه ګرو خلاف دې پوځي عمليات وکړل شي. نور تفصيل په دې ویډيو راپور کې

په اروپا کې د کرونا د بندیزونو په دوام اتریش سر له نننه عمومي قرنطین یا ټولبند نافذ کړ. د اتریش ۸،۹ ملیونه وګړي له کار، سودا اخیستو او تمرین پرته له کوره د راوتو اجازه نه‌لري. دغه هېواد کې رستورانونه، بارونه، سلمانۍ، نندارې او هغه دکانونه بند شوي چې د اړتیا وړ توکي په‌کې نه‌پلورل کېږي. دا بندیزونه به د ډسمبر تر ۱۲مې نېټې دوام وکړي. په چک جمهوریت کې هم سر له نننه پر هغو کسانو د تګ راتګ بندیزونه لګول شوي چې واکسین‌یې نه‌دی کړی. دا په داسې حال کې ده چې په اروپا کې د کرونا د بندیزونو پر ضد د خلکو اعتراضونه هم پراخ شوي دي. Читать дальше...

ملګرو ملتونو د افغانستان د بانکي سیستم د ملاتړ لپاره د بېړني اقدام غوښتنه وکړه. دوی خبرداری ورکړی چې د نقدو پیسو کموالی، د هغو کسانو زیاتوالی چې د بانکونو پورونه نه‌شي ورکولای او بانکونو ته ساتنې په پار د پیسو کمه ورکړه به، په څو میاشتو کې مالي سیستم سقوط کړي. روېټرز خبري اژانس د ملګرو ملتونو د پراختیایي څانګې «UNDP» د تازه راپور په حواله ویلي، د افغانستان د بانکي سیستم احتمالي سقوط به ناوړه اقتصادي او ټولنیز اغېز پرې باسي. په افغانستان کې د «UNDP» مشر عبدالله الدرداري روېټرز ته ویلي، موږ... Читать дальше...

د طالبانو د کورنیو چارو وزارت وایي، هغه دوه انسان تښتوونکي یې نیولي چې کابل کې یې یوه مور او زوی تښتولي وو. د دغه وزارت ویاند سعید خوستي نن دوشنبه (د لېندۍ په ۱ نېټه) پر خپله ټویټرپاڼه هغه وېډیو هم خپره کړې چې دوه مشکوک انسان تښتوونکي په‌کې معلومېږي. د طالبانو د معلوماتو له مخې سړي تښتوونکو چې له دوه نیمو میاشتو راهیسې تر تعقیب لاندې وو، له دې کورنۍ نه ۳۵ زره ډالر اخیستي و او تښتول شوي مور او زوی یې خوشې کړي وو. طالبانو ویلي و چې کابل او نورو ولایتونو کې به د جنایي جرمونو مخه نیسي، خو له دې... Читать дальше...

د طالبانو حکومت د امر باالمعروف او نهي عن‌المنکر وزارت له‌خوا رسنیو ته د خپرونو لپاره د غوښتنو په توګه د ۸ماده‌ییز نوملړ سپارل کېدو، د رسنیو، له رسنیو د ملاتړو بنسټونو او خبریالانو پراخ غبرګون راپورته کړی. هغه وړاندیزونه که چېرې عملي شي، د رسنیو په ځانګړي ډول د ټلوېزیونونو خپرونې به له ډېر محدودیت سره مخ کړي او ان ډېر شمېر ټلوېزیونونو ته به چې د خپرونو لویه برخه‌یې فلمونه او سریالونه دي، د نشرانو لپاره نور څه ورپاتې نه‌شي. له رسنیو ملاتړي بنسټونه دا غوښتنې د رسنیو په ځانګړي ډول د ټلوېزیونونو... Читать дальше...

ځینې وتلي پاکستاني خبریالان وايي، په هغه هېواد کې رسنۍ ازادې نه دي او د بیان ازادي تر سختو بندیزونو لاندې ده. د نومبر پر ۲۰مه نېټه په لاهور کې د پاکستان وکيلانو اتحاديې د پخوانۍ مشرې او په هغه هېواد کې د انساني حقونو مبارزې عاصمه جهانګیر په نامه جوړ شوي نړيوال کنفرانس ته د خپلې وينا پر مهال د جيو ټېلیويژن د کېپیټل ټاک خپرونې پخواني کوربه او خبریال حامد میر وويل: "که تاسو دا مهال د پاکستان په یوه ښار ،کلي، څلور لاره یا سړک باندې له ولاړ وګړي وپوښتئ چې په پاکستان کې ميډیا ازاده ده که څنګه؟ نو هغه به پر تاسو باندې وخاندي او ځواب به درکړي چې ... Читать дальше...

په کابل کې د پاکستان سفارت په وړاندې د دغه هېواد بورسونو ته د بریالي شویو افغان محصلانو اعتراض. د دغو محصلانو شمېر ۲۰ تنه دی، خو دوی ادعا کوي چې د ۱۵۰ هغو محصلینو په استازیتوب د دغه سفارت مخ ته راټول شوي چې په دې وروستیو کې د پاکستان بېلابېلو پوهنتونونو ته د علامه اقبال د ماسترۍ او دکتورا بورسونو ته کامیاب شوي، خو ویزه نه‌ورکول کېږي. ۲۵ کلنې رابعه خان د دوشنبې په ورځ «۱۴۰۰ کال د لېندۍ ۰۱» ازادي راډیو ته وویل، شپه او ورځ‌یې هڅه وکړه چې په ازموینه کې ګډون وکړي او د نړیوالو اړیکو پوهنځي ته بریالۍ... Читать дальше...

د امریکا د ځانګړو ویزو یا «اېس ای وي» د ترلاسه کولو لپاره اوږد انتظار د متحده ایالاتو د دولت افغان همکاران له ناڅرګند برخلیک سره مخ کړي دي. یو شمېر هغه افغانان چې په پوځي اډو کې یې د امریکا له متحده ایالاتو سره کار کړی، دغه هېواد د خپل ځان او کورنیو د برخلیک په اړه په نه‌پاملرنې تورنوي. یو شمېر دوی چې تر اوسه په افغانستان کې پاتې دي ازادي راډیو ته وویل، لومړیو کې د «اېس ای وي» په بهیر کې شامل شول، خو ډېر وخت کېږي چې د دې پروسې په اړه هېڅ معلومات ورسره نه‌دي شریک شوي. دا ادعاوې داسې مهال مطرح... Читать дальше...

په افغانستان کې له بشري او اقتصادي بحران ورهاخوا، د دې هېواد ټولنیز او سیاسي وضعیت لا هم د سیمې هېوادونو او نړیوالې ټولنې لپاره د اندېښنې وړ دی. روسیه چې وروستیو کلونو کې یې له طالبانو سره نږدې اړیکې درلودې، د افغانستان حالات اندېښمنوونکي بولي. د روسیې د ملي امنیت شورا مرستیال الکساندر ګربنکین وايي، د افغانستان وضعیت داسې دی چې د خوښۍ هېڅ نښه په‌کې نه‌لیدل کېږي. تاس خبري اژانس د یوې روسي ورځپاڼې له قوله چې ښاغلي ګربنکین ورسره مرکه کړې لیکلي، د افغانستان حالات مخ په ځوړ روان دي او دا وضعیت د... Читать дальше...

د فېکټ فوکس په نوم ويبپاڼې د نومبر پر ۲۱مه نېټه د پیته شوي غږ (اډيو ريکارډینګ) پر اساس چې پکې دوه کسان خبرې کوي یو ځانګړی رپورټ خپور کړی دی.

د امریکا په وېسکانسين ایالت کې بېګا د کرسمس پر پرېډ یو ګاډی ورختلی، پینځه تنه یې وژلي او لږترلږه ۴۰ نور چې ماشومان هم پکې دي، ټپيان کړي دي. د وېسکانسین ایالت د واوکېشا سیمې پولیس وايي چې د مړینې شمېر زیاتېدلای شي. د سیمې د پولیسو یوه چارواکي وویل چې په دې پېښه کې یې یو مشکوک کس نیولی او موټر هم د پېښې له ځایه ایستل شوی دی. د واوکېشا د پولیسو قوماندانۍ پر خپله فېس‌بوکپاڼه په پېښه کې تر دې مهاله د پینځو کسانو مړینه او د ۴۰ نورو ټپي کېدل تایید کړي، خو زیاتوي چې اوس‌مهال د معلوماتو په راټولولو بوخت دي، او د مړینې شمېره اوښتلای شي. Читать дальше...

د بلوچستان صوبايي حکومت د پښتون ژغورنې غورځنګ (پي ټي اېم) د مشر منظور پښتین په ګډون د غورځنګ پر ځینو نورو پلویانو دغه صوبې ته پر ورتلو تر ۹۰ ورځو بندیز لګولی دی. منظور پښتین د دغه اعلاميې یوه کاپۍ پر خپل ټوېټر خپره کړې چې د بلوچستان کورنيو او قبايلي چارو محکمې د نومبر پر ۱۱مه نېټه جاري کړې ده. د پي ټي اېم مشر منظور پښتین په ټويټر دغه اعلاميې ته ويلي، "د بلوچستان حکومت راباندې يو ځل بيا صوبې ته پر ورتګ بندیز لګولی دی. د برېتانيا استعماري رياست به هم دغه شان کول. پي ټي اېم د امن غوښتنه کوي. هغه... Читать дальше...

د افغانستان نابینا لوبغاړی ولي محمد نوري د نابینایانو په سیالیو کې اتل شو.  د بدني روزنې او سپورټ ریاست په یوې خبرپاڼه کې ویلي چې د ځغاستې دې لوبغاړي د نورو هېوادونو د سلګونو لوبغاړو په منځ کې له ټولو مخکې ټاکلې کرښې ته ورسېد او لومړی مقام‌یې وګاټه.   دا سيالۍ د نږدې ٥٠٠ لوبغاړو ترمنځ د ۱۰۰ مترو په واټن کې د انګلستان په لندن ښار کې ترسره شوې چې ولي محمد نوري په کې لومړى مقام خپل کړ.

بېګا یوه موټر د امریکا په وېسکانسن ایالت کې د کرسمس په مناسبت د پرېډ په مراسمو کې خلک لاندې کړل چې په پایله کې یې ۵ کسان مړه او لږترلږه ۴۰ نور چې ماشومان هم په‌کې دي، ټپيان شول. د وېسکانسن ایالت د واوکېشا «Waukesha» سیمې پولیس وايي چې د تلفاتو په شمېر کې زیاتوالی ښايي راشي. د سیمې د پولیسو یوه چارواکي وویل چې په دې قضیه کې مشکوک کس نیول شوی او موټر هم د پېښې له ځایه ایستل شوی. د واوکېشا د پولیسو قوماندانۍ پر خپله فېس‌بوکپاڼه په پېښه کې تر دې مهاله د پنځو کسانو مړینه او د ۴۰ نورو ټپي کېدل تأیید... Читать дальше...

د پاکستان اطلاعاتو وفاقي وزیر فواد چودري په کنفرانس کې د نواز شريف وینا ته په اشاره وویل چې دا لکه پر ملک او آیین ملنډې وهل دي

په افغانستان کې د مخ پر زیاتېدونکي فقر او بې‌وزلۍ له امله د انساني ناورین د رامنځته کېدو د اندېښنو له زیاتېدو وروسته د کابل د ژوبڼ مسؤلین وايي چې په دې ژوبڼ کې د حیواناتو، الوتونکو او خزنده‌ګانو وضعیت ښه او د قناعت وړ دی. د کابل ژوبڼ مسؤل عزیز ګل ثاقب وايي په اوس وخت کې په دې ژوبڼ کې ۱۰۰ بېلابېل ډوله الوتونکي، ماهیان او خزنده‌ګان ساتل کېږي چې د وروستیو بدلونونو له امله‌يې په ژوند او خوړو کې کوم بدلون نه‌دی راغلی. دی وايي چې په دې اړه د نړیوالو همکارانو اندېښنې هم لیرې شوې دي. ثاقب وایي: "حیونات... Читать дальше...

د امریکا متحده ایالاتو د وېسکانسن ایالت د کرسمس په یوه پرېډ کې د خلکو پر ګڼه ګوڼه د یوه موټر د ور برابرېدو په پېښه کې تر ۲۰ زیات کسان ټپیان شوي دي. د چارواکو په باور، په دې پېښه کې چې په واکیشا (Waukesha) سیمه کې شوې، ممکن ځیني کسان مړه شوي هم وي. د واکیشا د پولیسو مشر ډان ټامپسن پرون وویل، مشکوک موټر ترلاسه شوی او چارواکو مطلوب شخص تثبیت کړی دی. د ده په وینا، دا لا معلومه نه‌ده چې دا پېښه له ترورېزم سره څه تړاو لري که نه.

تېره شپه د هالنډ په ګڼو ښارونو کې د درېیمې پرله‌پسې شپې لپاره بلوا وشوه. په زرګونو کسان د کرونا ویروس په تړاو د لګول شویو تازه محدودیتونو پر خلاف لارو سړکونو ته په اعتراض راووتل. دغه بلواګانې د جمعې ناوخته په روتردام کې هغه وخت پیل شوې چې پولیسو هغه وخت هوايي ډزې وکړې او پر اعتراض کوونکو یې اوبه وشیندلې چې دوی پر پولیسو شیان وغورځول، د پولیسو موټرو ته‌یې اور واچاوه او ملکیتونو ته‌یې زیان واړاوه. څلور کسان چې ګومان کېږي د پولیسو په مرمیو ټپیان شوي، لا هم په روغتون کې دي. تېره شنبه تاوتریخوالي... Читать дальше...

د روسیې ولسمشر ولادیمیر پوتین پرون وویل چې د کرونا ویروس درېیم تقویتي ډوز یا ستن‌یې ولګوله. ولسمشر پوتین له دولتي ټلوېزیون سره په خبرو کې وویل، د کرونا ضد واکسین تقویتي ډوز مې لګولی او په عادي حالت کې یم. د روسیې ولسمشر په روسیه کې د جوړ شوي واکسین سپوتنیک وي لومړی ډوز په مارچ میاشت کې لګولی و چې په اپرېل میاشت کې یې دوهم ډوز ولګاوه. په وروستیو اوونیو کې په روسیه کې په کرونا ویروس د ډېر کسانو مړینه او په دې ناروغۍ د ډېرو کسانو د اخته کېدو پېښې ثبتېږي. په روسیه کې چې د وګړو شمېر یې نږدې ۱۴۶... Читать дальше...

پاکستاني چارواکي وايي په بلوچستان ایالت کې د درېیو کان کېندونکو د وژل کېدو پېښه څېړي. د بلوچستان هرنايي ضلعې په غرنۍ سیمه ښاهرګه کې نامعلومه وسله‌والو پرون درې کان کېندونکي وژلي دي. د هرنايي یوه دولتي چارواکي سهیل انور هاشمي ازادي راډیو ته تأيید کړه چې دا درې کان کېندونکي هغه وخت په ډزو ووژل شول چې د سکرو کان ته کوزېدل. د دې پېښې مسؤلیت کومې ډلې لا په غاړه نه‌دی اخیستی. تر دې وړاندې د داسې پېښو مسؤلیت بلوڅ وسله‌والو منلی دی. د بلوچستان د خزانې ایالتي وزیر نور محمد دومړ وايي، داسې پېښې د... Читать дальше...

کرملېن د امریکا د بهرنیو چارو د وزیر انتوني بلېنکن د هغو څرګندونو ځواب ورکړی چې ویلي یې و واشنګټن او اروپا د اوکراین پولې ته نږدې د روسیې د پوځي خوځښتونو په اړه "واقعي اندېښمن" دي. د کرملېن ویاند دمیتري پېسکوف پرون په یوه مرکه کې چې د روسیې په دولتي ټلوېزیون کې خپره شوه، د بلېنکن د څرګندونو په غبرګون کې وویل چې لوېديځ په "مصنوعي ډول" په اوکراین د مسکو د احتمالي برید په وړاندیز سره تاوتریخوالی زیاتوي. پېسکوف زیاته کړه چې لوېديځ له اوکراین سره پولې ته نږدې د روسي ځواکونو د خوځښتونو په اړه مبالغه کوي. Читать дальше...

د المپيک د نړیوالې کمېټې چارواکو له هغو افغان لوبغاړو سره کتلي چې په قطر کې دېره شوي. دا خبره د قطر د بهرنیو چارو وزارت مرستیالې لولوه خاطر په خپل ټویټر کړې ده. هغې زیاته کړې د یکشنبې په ورځ د قطر د المپيک په ملتیا د المپیک نړیوالې کمېټې چارواکو په دوحه کې د افغانستان د باسکټبال د نجونو او هلکانو له ټيمونو سره وکتل او له هغوی سره‌يې د همکاریو ډاډ ورکړ. اغلې خاطر د المپیک له چارواکو مننه کړې چې د افغان لوبغاړو حال‌یې اخیستی دی. د افغانستان د ملي ټيمونو اکثر لوبغاړي په تېره بیا نجونې یو شمېر... Читать дальше...