د افغانستان ملي ټلوېزیون د طالبانو د رئیس الوزرا وینا خپروي
د افغانستان ملي ټلوېزیون اعلان کړی چې نن ماخوستن اته نیمې بجې د طالبانو د رئیس الوزرا ملا محمد حسن اخوند وینا خپروي.
ملا حسن اخوند د سنبلې/ وږي میاشتې په ۱۶مه د طالبانو د کابینې د رییس الوزرا په توګه وټاکل شو.
دا د نوموړي لومړنۍ وینا ده چې له ملي راډيو-ټلوېزیون نه به خپره شي.
له دې وړاندې تل د کابینې له غونډو او نورو لیدو کتو څخه د هغه چوپ انځورونه خپاره شوي دي.
تراوسه معلومه نه ده چې د نوموړي وینا به په کومو مسالو ورټوله وي.