Новости за 28.10.2019

Навозандагони амрикоӣ бо иҷрои ду барнома ба сокинони Душанбе асарҳои мусиқии классикии ғарбиро муаррифӣ карданд. Яке аз ин барномаҳо ройгон буд. Нахустин консерти пианинонавоз Ҷенифер Ҳимстра ва ғижжакнавоз Патрик Йим дар толори театри опера ва балети ба номи Садриддин Айнӣ баргузор шуд. Навозандагони амрикоӣ дар канори офаридаҳои бастакарони ғарбӣ ҳамчунин чанд намунае аз мусиқии эҷодкардаи бастакорони тоҷик, аз ҷумла “Ситораи ман”-и Зиёдулло Шаҳидиро иҷро карданд. Патрик Йим рӯзи 27-уми октябр дар сӯҳбат бо Радиои Озодӣ гуфт... Читать дальше...

Навозандагони амрикоӣ бо иҷрои ду барнома ба сокинони Душанбе асарҳои мусиқии классикии ғарбиро муаррифӣ карданд. Яке аз ин барномаҳо ройгон буд. Нахустин консерти пианинонавоз Ҷенифер Ҳимстра ва ғижжакнавоз Патрик Йим дар толори театри опера ва балети ба номи Садриддин Айнӣ баргузор шуд. Навозандагони амрикоӣ дар канори офаридаҳои бастакарони ғарбӣ ҳамчунин чанд намунае аз мусиқии эҷодкардаи бастакорони тоҷик, аз ҷумла “Ситораи ман”-и Зиёдулло Шаҳидиро иҷро карданд.

Сокинони баъзе аз минтақаҳои Тоҷикистон шикоят доранд, ки чанд рӯз боз бо маҳдудият нирӯи барқ мегиранд.  Онҳо аз он метарсанд, ки дар остонаи фасли зимистон "лимит"-и интиқоли нирӯи барқ шуруъ шудааст. Мақомот ҳамагуна маҳдудиятро рад карда, гуфтанд, "сабаби қатъи рӯшноӣ ба хонаҳои мардум таъмир дар хатҳои барқ аст".  Тоҷибой Рӯзибоев, сокини деҳаи Суғдиёни Истаравшан, рӯзи 28-уми октябр ба Радиои Озодӣ гуфт, ду ҳафта ба ин сӯ дар деҳаи онҳо нерӯи барқро бе огоҳӣ қатъ мекунанд. Вай мегӯяд, "ҳангоме... Читать дальше...

Абубакри Бағдодӣ раҳбари гуруҳи тундрави "Давлати исломӣ" ё ДОИШ, кушта шудааст. Доналд Трамп, раиси ҷумҳури Амрико, рӯзи 27-уми октябр дар як баёнияи телевизионӣ гуфт, Бағдодӣ ҳангоми фирор аз дасти сарбозони амрикоӣ дар шимоли ғарби Сурия худро тарконд.

Садҳо нафар дар Душанбе бо ашки чашм, гулдаста ва шириниҳо пайвандони аз маҳбас раҳошудаи худро пешвоз гирифтанд. Рӯзи 28-уми октябр аз зиндони низомаш шадиди рақами чаҳор дар пойтахт тақрибан 600 нафар бар асоси қонуни афв озод гардиданд. Мақомот гуфтанд, ки то кунун ҳудуди ду ҳазор нафар, аз ҷумла беш аз 160 занро аз зиндон раҳо кардаанд. Аксари ин афрод бо ҷурми ифротгароӣ ва дуздӣ маҳкум шуда буданд. Вале қонуни афв нисбат ба афроде, ки бо гуноҳи терроризм ва таҳқири намояндаи давлат маҳкум шудаанд, татбиқ нахоҳад шуд. Читать дальше...

Абдумалик Қодиров, коршиноси тоҷик мегӯяд, ки қатли Абубакр Ал-Бағдодӣ барои гурӯҳи "Давлати исломӣ" бетаъсир намемонад. Ба гуфтаи ин коршиноси тоҷик, бо куштани Ал-Бағдодӣ, гурӯҳи "Давлати исломӣ" маҳв намешавад , вале ин созмон камқудрат мешавад.

Дар Тоҷикистон иҷрои "Қонуни афв" шурӯъ шуд ва мақомот садҳо маҳбусро озод карданд. Порлумон рӯзи 25-уми октябр қонунро қабул кард. Рӯзи якшанбе 27-уми октябр беш аз ҳазор ва рӯзи 28-уми октябр 600 нафар аз зиндонҳои Тоҷикистон раҳо шуданд.

Варзишгарони Тоҷикистон тайи 9 моҳи соли равон дар мусобиқаҳои байналмилалӣ 827 медал ба даст овардаанд, ки нисбат ба ҳамин давраи соли гузашта 360 медал зиёд мебошад

Эълони кушта шудани Абубакри Бағдодӣ, раҳбари гурӯҳи ба ном "Давлати исломӣ", аз сӯи кишварҳо ва гурӯҳҳои мухталиф дар ҷаҳон ба вокунишҳои гуногун рӯ ба рӯ шуд. Доналд Трамп, раиси ҷумҳури Амрико, рӯзи 27-уми октябр гуфт, Бағдодӣ дар охири нақб худ ва се баччаашро куштааст. Ӯ амалиёти зидди раҳбари ДОИШ-ро муваффақ хонд. Чанд дақиқа пас аз суханони раиси ҷумҳури Амрико, мушовири амнияти миллии ӯ ва ҳамчунин вазири дифои Иёлоти Муттаҳида ба ҷузъиёти дигаре дар бораи амалиёти ин кишвар алайҳи Бағдодӣ ишора карданд. Читать дальше...

Кумитаи амнияти миллии Қирғизистон мегӯяд, дар вилояти Ҷалолободи ин кишвар як сокини маҳаллиро боздошт кард, ки дар размоишгоҳи созмони террористии байналмилалӣ омодагии ҷангӣ дидааст. Ба иттилои кумита, гумонбарро гӯиё раҳбаронаш барои анҷоми амали харобкорона ба Қирғизистон фиристода буданд. Ин шаҳрванди Қирғизистон, ки соли таваллудаш 1994 аст, аз соли 2016 дар асоси банди "Зархаридӣ" ҳадафи пайгарди қонунӣ қарор дошт. Кумитаи амнияти Қирғизистон моҳи апрел низ гуфта буд, ҷангиеро боздошт кард, ки ба "ҷиҳод" омодагӣ медид. Читать дальше...

Вазорати дифои Русия ба комёбии амалиёте дар Сурия шубҳа дорад, ки ба гуфтаи президенти ИМА Доналд Трамп, дар натиҷаи он раҳбари гуруҳи террористии "Давлати исломӣ" (ДИ) Абубакр Бағдодӣ кушта шудааст. "Афзоиши шумори иштирокдорони бевосита ва кишварҳое, ки гӯиё дар амалиёт ширкат доштанду ҳар кадом ҷузъиёти зидду нақизи худро доранд, шубҳаеро ба миён оварда, воқеӣ будани амалиёт, аз ҷумла комёбии онро зери суол мебарад", – навиштааст хабаргузории "Интерфакс" бо истинод аз суханони намояндаи расмии Вазорати дифои Русия Игор Конашенков. Читать дальше...

Як марди зиндонӣ ҳангоми фирор аз маҳбаси рақами чаҳор дар Душанбе, маъруф бо номи "Якум Советский", кушта шудааст. Мақомот гуфтанд, воқеа шаби 21-уми октябри имсол рух дод ва дар ин ҳодиса нозири маҳбас Исмоил Комилзода сахт маҷруҳ шуда, феълан дар бемористон бистарист. Сабаби фирори маҳбус маълум нест. Мақомот номи марди зиндониро низ дар ихтиёри Радиои Озодӣ нагузошта, танҳо гуфтанд, ки ӯ панҷоҳ сол дошт ва бо ҷурми ифротгароӣ маҳкум шуда буд. Як манбаъ дар зиндони "Якум Советский" рӯзи 28-уми октябр ба Радиои Озодӣ гуфт... Читать дальше...

Ҳайатҳои Тоҷикистон ва Узбекистон дар Душанбе мулоқот намуда, роҷеъ ба масоили қонунии аломатгузории марзӣ миёни ду кишвар гуфтугӯ намуданд. Дар ин бора хабаргузориҳо бо такя ба Вазорати умури хориҷии Узбекистон хабар додаанд. Тайи музокирот, тарафҳо роҷеъ ба пешнависи санадҳои назоратӣ ва фаннӣ дар мавриди мушаххас кардани марзи давлатии Тоҷикистон ва Узбекистон ба созиш расиданд. Ҳамчунин мувофиқатнома барои муаррифии санадҳои зикршуда барои тасвиби Комиссияи муштараки тақсимбандӣ, ҳосил шуд. Читать дальше...

Мақомоти расмӣ дар Тоҷикистон мегӯянд, талош доранд, ки барои соҳибкорон ва беҳбуди фазои сармоягузорӣ дар кишвар шароити мусоид фароҳам оранд, вале омори расмӣ аз ногувор шудани шароити кор дар ҷумҳурӣ қисса мекунад. Коршиносон дар ин таҳдидҳо ба иқтисоди миллиро мебинанд, вале намояндаҳои тиҷорати хурду миёна вазъи худро дар бозор гуногун арзёбӣ мекунанд. Санҷишҳои  озордиҳанда Раҳимбой Қодиров, намояндаи муқаррарии тиҷорати хурду миёнаи шаҳри Исфараи вилояти Суғд аст. Ӯ беш аз  15 сол боз... Читать дальше...

Ҷунайдулло Худоёров, яке аз фаъолони шабакаҳои иҷтимоӣ, ки бо ҷурми ифротгароӣ ба панҷ соли зиндон маҳкум шуда буд, рӯзи 28-уми октябр озод гардид. Мавҷигул Ғарибова, модари Ҷунайдулло Худоёров, ба Радиои Озодӣ гуфт, "ҳоло дар роҳ ба сӯи ноҳия аст ва бояд ба зудтарин фурсат бирасад. Ҳамроҳаш телефонӣ гап задам." Ду бародари Ҷунайдулло низ дар суҳбат бо Радиои Озодӣ раҳоии ӯро тасдиқ карданд. Фарҳод Худоёров, яке аз онҳо, гуфт, "Ҷунайдулло, ки 22 моҳ боз дар зиндон бидуни ҷурме ба сар мебурд,... Читать дальше...

Ҳукумати Тоҷикистон дар ноҳияи Риштони вилояти Фарғонаи Узбекистон барои 200 кӯдак боғча месозад. Дар ин бора расонаҳои Узбекистон бо истинод ба як масъули дастгоҳи ҳукумати Фарғона Дилшодҷон Ҳоҷиматов иттилоъ доданд. Ба гуфтаи ӯ, боғча, ки бо харҷи 4 миллиард сӯм (420 ҳазор доллар) бунёд мешавад, моҳи сентябри соли 2020 мавриди истифода қарор мегирад. Миёни Тошканду Душанбе дар ҷараёни сафари давлатии президент Шавкат Мирзиёев ба Тоҷикистон созишномае ба имзо расид, ки бар асоси он, Узбекистон... Читать дальше...

Аҳтам Абдуллозода ва Шамсулло Соҳибов, ноибони Эмомалӣ Раҳмон, президенти Кумитаи миллии олимпии Тоҷикистон бо ҷаҳонпаҳлавони тоҷик Сомон Маҳмадбеков мулоқот карданд

Таҳқиқоти Конгресси Амрико дар бораи эҳтимоли раъйи адами эътимод ба раиси ҷумҳур Доналд Трамп ин ҳафта ба дохили Кохи Сафед тамаркуз мекунад. Се кумитаи Маҷлиси Намояндагони Амрико саъй доранд, се мақоми феълӣ ва собиқи Шӯрои Амнияти Миллӣ дар ҳузури онҳо ва бо додани савганд дар бораи амалкардҳои раиси ҷумҳур, баёнот бидиҳанд. Яке аз муҳимтарин мақомҳо Тим Моррисон, мушовири аршади Доналд Трамп дар умури Русия ва Аврупо аст. Қарор аст, ӯ рӯзи 31-уми октябр дар паси дарҳои баста дар ҳузури вакилони мардумӣ сӯҳбат кунад. Читать дальше...

Як маркази таҳқиқотии Австралия мегӯяд, ҳайате аз гурӯҳи Толибон барои ширкат дар музокироти байнулафғонӣ дар рӯзи 28-уми октябр, ба Чин сафар кардааст. Созмони Форин Бриф, гуфт, ки созиши оташбас ва имкони поён додан ба ҷанги 18-сола дар Афғонистон дар ин музокирот баррасӣ мешавад. Дар музокирот чеҳраҳо ва сиёсатмадорони шинохтаи афғон ширкат мекардаанд. Айни музокироти Амрико бо Толибон, ки як сол идома кард, моҳи гузашта қатъ шуд, чун Доналд Трамп гуфт, ки ин музокирот "мурдааст". Суҳайл Шоҳин... Читать дальше...

Сафар Исҳоқов, сарвазири пешини Қирғизистон, ки айни ҳол дар боздоштгоҳ қарор дорад, дар сурати иштирок накардан дар додгоҳ, иҷборан ба ҷаласаи додгоҳӣ бурда мешавад. Дар ин бора додгоҳи ноҳияи Свердлови шаҳри Бишкек қарор қабул кард. Ин додгоҳ парвандаи марбут ба фасодкорӣ дар ҷараёни бозсозии маркази гармидиҳии шаҳри Бишкекро баррасӣ мекунад. Сафар Исҳоқов 25 октябр нахост утоқи боздоштгоҳро тарк ва дар ҷаласаи додоҳӣ ширкат кунад. Вай гуфт, бархе аз шоҳидони парвандаи фасодкории маркази гармидиҳӣ... Читать дальше...

Занҳо ва духтарони ҳиҷобпӯшро дар фурудгоҳҳои Узбекистон аз тафтиши сахт мегузаронанд. На кормандони фурудгоҳ ва на занҳои ҳиҷобдор натавонистанд, шарҳ диҳанд, ки ин тафтишҳо дар кадом асос сурат мегиранд. Як зани ҳиҷобпӯш, ки субҳи 24 октябр аз Истамбул ба Тошканд баргашт, гуфт, дар фурудгоҳ занҳои ҳиҷобпӯшро нисбат ба занҳои беҳиҷоб бештар тафтиш карданд. "Ман дар навбат меистодам. Пеш аз ман як зани ҳиҷобпӯш меистод. Аз вай хостанд, ки ҳангоми аз тафтиши гумрукӣ гузаштан рӯймоли сарашро гирад. Читать дальше...

Вазорати умури дохилии Қазоқистон мегӯяд, дар шаҳрҳои Нурсултон ва Алмато 26 нафарро боздошт кард. Ин афрод зидди тавсеаталабии Пекин тазоҳурот карда, озодии маҳбусони сиёсӣ дар Қазоқистон ва ҳимояти ҳуқуқи қазоқтаборонеро ҳам талаб намуданд, ки дар Чин таъқиб мешаванд. Дар шаҳрҳои Чимкент ва Оқтеппаи Қазоқистон низ чандин нафарро дастгир кардаанд. Кормандони пулиси шаҳри Нурсултон дар назди кохи "Остона" чандин касро боздошт карда, бо автобус ба самти номаълум бурданд. Чандин боздоштшудаи дигар низ ба воситаи мошини пулис интиқол ёфтанд. Читать дальше...